កម្ពុជាដំណឹង

កម្ពុជា ៖ អ្នកនាំពាក្យថា អ្នកឆ្លង​«Covid-19»អាចមាន​ជាង១០០នាក់

តួលេខផ្លូវការ ដែលបញ្ចេញឲ្យដឹង បានបង្ហាញថា ប្រទេស«កម្ពុជា»មានអ្នកឆ្លងមេរោគ «Covid-19» ចំនួន៣៥នាក់ បើរាប់មកទល់នឹងម៉ោងនេះ។ ចំនួនអ្នកឆ្លងមេរោគ ទាំង៣៥នាក់ ត្រូវបានរកឃើញ បន្ទាប់ពីការធ្វើតេស្ដិ៍ ទៅលើករណីសង្ស័យចំនួន ១១១២នាក់។

តែអ្នកស្រី ឱ វណ្ណឌីន អ្នកនាំពាក្យក្រសួងសុខាភិបាល បានសំដែងក្ដីបារម្ភថា ចំនួនអ្នកឆ្លងមេរោគខាងលើ អាចមានចំនួនលើសនេះ ៣ដង បើគ្រាន់តែគណនាថា គ្រួសារមួយ​នៃអ្នកជំងឺម្នាក់ មានសមាជិកយ៉ាងហោច ៣នាក់ ដែលប៉ះពាល់ផ្ទាល់ ជាមួយអ្នកជំងឺ។

ការថ្លែងរបស់អ្នកស្រី ឱ វណ្ណឌីន ធ្វើឡើងក្នុងព្រឹកថ្ងៃពុធ ទី១៨ ខែមីនានេះ ដើម្បីឆ្លើយតប នឹងសំណួររបស់អ្នកសារព័ត៌មាន ដែលចង់ដឹងថា តើក្រសួងសុខាភិបាលបានធ្វើការប៉ាន់ប្រមាណឬទេថា តើអ្នកឆ្លងមេរោគ«កូរូណា»ថ្មី ឬ«Covid-19» អាចនឹងកើនដល់ចំនួនប៉ុន្មាន។

អ្នកស្រីអ្នកនាំពាក្យ និងមានឋានៈជារដ្ឋលេខាធិការ ក្រសួងសុខាភិបាលរូបនេះ បានពន្យល់ថា នៅប្រទេសកម្ពុជា តាមការប៉ាន់ប្រមាណជំហានដំបូង អ្នកជំងឺរលាកផ្លូវដង្ហើម​ប្រភេទថ្មី ឬ«Covid-19» អាចនឹងឆ្លង ទៅដល់ក្រុមគ្រួសាររបស់អ្នកជំងឺ។

អ្នកនាំពាក្យបានបញ្ជាក់ថា ចំនួនអ្នកឆ្លងអាចគណនាបាន ដោយគិតជាមធ្យម ក្នុងមួយគ្រួសារមានសមាជិក៣នាក់។ ដូច្នេះគេអាចគុណ នឹងចំនួនអ្នកជំងឺ ចំនួន៣៥នាក់ នោះអ្នកឆ្លងមេរោគនេះ អាចមានចំនួនលើសពី១០០នាក់។

អ្នកស្រីបន្តថា យ៉ាងណា ក្រសួងសុខាភិបាល កំពុងខិតខំទប់ស្កាត់ កុំឲ្យមានការចម្លងបន្ដទៅទៀត។ គិតមកដល់វេលានេះ មិនទាន់មានការចម្លងណាមួយ ចូលទៅសហគមន៍នៅឡើយទេ ខណៈអ្នកជំងឺទាំងអស់ខាងលើ នេះគឺជាអ្នកជំងឺនាំចូល ពីក្រៅប្រទេស ហើយបច្ចុប្បន្នអ្នកទាំងអស់នោះ ត្រូវបានដាក់ ឲ្យនៅដាច់ដោយឡែក ដើម្បីតាមដានព្យាបាល៕

រហូតម៉ោង​ ១២​ថ្ងៃ​ត្រង់ ថ្ងៃទី​ ១៨​ មីនា​ ២០២០​ យេីងរកឃេីញអ្នកជំងឺ​ COVID19-19 សរុបទាំងអស់ចំនួន​ ៣៥ករណី​,​…

Posted by នាយកដ្ឋានប្រយុទ្ធនឹងជំងឺឆ្លង CDC on Tuesday, March 17, 2020


លំអិតបន្ថែមទៀត

កីឡា និងបច្ចេកវិទ្យា

ណីម៉ា ចំអកឲ្យព័ត៌មាន ដែលថា​ខ្លួនជប់លៀង​សម្រាប់ភ្ញៀវ​៥០០នាក់

កំពូលតារាបាល់ទាត់ជាតិប្រេស៊ីល របស់ក្រុម ប៉ារីស (Paris Saint-Garmain – បារាំង) កីឡាករ ណីម៉ា (Neymar Jr) បានចំអក​ឲ្យព័ត៌មានចចាមអារាម ដែលថា​ខ្លួនជប់លៀង​សម្រាប់ភ្ញៀវ​៥០០នាក់ ...
កម្ពុជា

Covid-19៖ កម្ពុជា​មាន​តួលេខ​ឆ្លង​សរុបថ្មី កើនឡើង​ជិត​២០០​នាក់

អ្នកឆ្លងជំងឺ «Covid-19» នៅក្នុងប្រទេសកម្ពុជា មានចំនួនសរុប កើនឡើងជិត២០០នាក់ បន្ទាប់ពីបានរកឃើញករណីថ្មី ចំនួន២៦នាក់បន្ថែមទៀត នៅថ្ងៃទី២១ ខែកក្កដានេះ ដែលសុទ្ធសឹងជាករណីនាំចូល។ សេចក្តីប្រកាសព័ត៌មាន របស់ក្រសួងសុខាភិបាល ដែលចេញផ្សាយ ...
ដំណឹង

ចិន​ដាក់​បម្រាម​ជាថ្មី លើ​ប្រជាជន​​១០៨លាន​នាក់ ក្នុង​ភាគ​ឦសាន​ប្រទេស

តំបន់ជាច្រើន ក្នុងភាគឦសានប្រទេស ដែលមានចំនួនប្រជាជនរស់នៅ ១០៨លាននាក់ ត្រូវបានអាជ្ញាធរចិន ប្រកាសដាក់បម្រាម សារជាថ្មី បន្ទាប់ពីបានរកឃើញករណីឆ្លង ជំងឺ«Covid-19» ចំនួន៣៤នាក់ នៅក្នុងក្រុង «Shulan» តែប៉ុន្មានថ្ងៃចុងក្រោយប៉ុណ្ណោះ។ ...

យល់ស៊ីជម្រៅផ្នែក កម្ពុជា

កម្ពុជា

ក្រុមការងារ អ.ស.ប អំពាវនាវ​ឲ្យកម្ពុជា​ដោះលែង​«ស្ត្រីសេរីភាព»​ជាបន្ទាន់

កម្ពុជា

សភាអ៊ឺរ៉ុបទាមទារ​ឲ្យបន្ថែម​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា

នៅមុននេះបន្តិច សភាអ៊ឺរ៉ុបទើបនឹងអនុម័តដំណោះស្រាយមួយ ជុំវិញស្ថានភាពនយោបាយ ការគោរព​លទ្ធិ​ប្រជាធិបតេយ្យ និងសិទ្ធិមនុស្ស នៅក្នុងប្រទេសកម្ពុជា ដោយទាមទារឲ្យគណៈកម្មអ៊ឺរ៉ុប គ្រោងដាក់​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា បន្ថែមទៀត។ ដំណោះស្រាយ៧ចំណុច ដែលមានលេខ «P9_TA(2023)0085» ...

Comments are closed.