កម្ពុជាដំណឹង

រ៉ូណា ស្មីត នឹងធ្វើ​ទស្សនកិច្ច​នៅ​កម្ពុជា ពីចុងខែ​នេះ​រហូត​ដើម​ខែក្រោយ

អ្នករាយការណ៍ពិសេស អង្គការសហប្រជាជាតិ (អ.ស.ប) ទទួលបន្ទុកសិទ្ធិមនុស្ស ប្រចាំកម្ពុជា អ្នកស្រី រ៉ូណា ស្មីត (Rhona Smith) នឹងធ្វើទស្សនកិច្ច១១ថ្ងៃ នៅប្រទេសកម្ពុជា ចាប់ពីថ្ងៃទី ២៩ ខែមេសា ដល់ថ្ងៃទី ០៩ ខែឧសភា ឆ្នាំ២០១៩ខាងមុខ។ នេះ បើតាមសេចក្ដីប្រកាសព័ត៌មាន ចេញផ្សាយពីក្រុង ហ្សឺណែវ ប្រទេសស្វីស នៅមុននេះបន្តិច។

ក្នុងអំឡុងពេលដំណើរទស្សនកិច្ច រយៈពេល ១១ថ្ងៃនោះ អ្នកស្រី ស្មីត គ្រោងជួបប្រជុំ ជាមួយមន្រ្តីជាន់ខ្ពស់​ របស់រដ្ឋាភិបាលកម្ពុជា ជួបមន្ត្រីតំណាងសង្គមស៊ីវិល និងសមាជិក​សហគមន៍ ក៏ដូចជាមន្ត្រីការទូតនានា។ អ្នកស្រី នឹងធ្វើដំណើរទៅតាមតំបន់ ផ្សេងៗមួយចំនួន ដើម្បីប្រមូលព័ត៌មានដោយផ្ទាល់។

អ្នករាយការណ៍ពិសេសរូបនេះ ត្រូវបានស្រង់សំដី មកផ្សាយនៅក្នុងសេចក្ដីប្រកាសព័ត៌មាននោះ ដូច្នេះថា៖

«ខ្ញុំនឹងផ្តោតបេសកកម្មរបស់ខ្ញុំ ទៅលើស្ថានភាពសិទ្ធិមនុស្ស នាពេលបច្ចុប្បន្ន និងតាមដាន ពីដំណើរវិវត្តន៍នានា ចាប់តាំងពីបេសកកម្មរបស់ខ្ញុំ កាលពីខែវិច្ឆិកាកន្លងមក។»

អ្នកស្រី ស្មីត បន្តថា៖

«ខ្ញុំមានបំណងបន្តការពិនិត្យផងដែរ ទៅលើវិស័យសិទិ្ធមនុស្ស ទាក់ទងនឹងគោលដៅអភិវឌ្ឍន៍ ប្រកបដោយចីរភាព ដោយពិនិត្យជាពិសេស ទៅលើការមិនរើសអើង និងសមភាព ព្រមទាំងការចូលរួម និងគណនេយ្យភាព។»

ដាក់របាយការណ៍ប្រចាំឆ្នាំទៅ អ.ស.ប នៅខែកញ្ញា

អ្នកជំនាញរបស់ អ.ស.ប រូបនេះ ដែលត្រូវបានតែងតាំង ឲ្យទទួលបន្ទុករាយការណ៍ ពីវិស័យសិទ្ធិមនុស្ស ក្នុងប្រទេសកម្ពុជា តាំងពីខែមីនា ឆ្នាំ២០១៥ នឹងធ្វើរបាយការណ៍ជាបន្ទាប់របស់ខ្លួន ដាកឡើងទៅ​ក្រុមប្រឹក្សាសិទ្ធិមនុស្ស អ.ស.ប ក្នុងខែកញ្ញា ឆ្នាំ២០១៩​ខាងមុខ។

របាយការណ៍មុនៗរបស់អ្នកស្រី បានរិះគន់ធ្ងន់ៗ ចំពោះការរំលោភសិទ្ធិមនុស្ស ការបំពានច្បាប់ និងការប្រើប្រាស់ប្រព័ន្ធតុលាការ ដោយក្រុមអ្នកមានអំណាច នៅកម្ពុជា។ របាយការណ៍ទាំងនោះ តែងត្រូវបានយកទៅពិភាក្សាយ៉ាងផុលផុស នៅក្នុងកិច្ចប្រជុំប្រចាំឆ្នាំ របស់ក្រុមប្រឹក្សាសិទ្ធិមនុស្ស អ.ស.ប ក៏ដូចជានៅក្នុងសភាអ៊ឺរ៉ុប។

នៅចុងបញ្ចប់ នៃដំណើរទស្សនកិច្ចនោះ អ្នកស្រី រ៉ូណា ស្មីត នឹងធ្វើសន្និសីទសារព័ត៌មានមួយ ដើម្បីពិភាក្សា អំពីលទ្ធផលស្រាវជ្រាវបឋម នៃដំណើរទស្សនកិច្ចរបស់អ្នកស្រី។ សន្និសីទសារព័ត៌មាន នឹងងប្រព្រឹត្តទៅនៅថ្ងៃព្រហស្បតិ៍ ទី០៩ ខែឧសភា នៅវេលាម៉ោង ០៣ រសៀល ម៉ោងក្នុងស្រុក នៅការិយាល័យឧត្តមស្នងការ អង្គការសហប្រជាជាតិ ទទួលបន្ទុកសិទ្ធិមនុស្ស ប្រចាំកម្ពុជា ក្នុងរាជធានីភ្នំពេញ៕



លំអិតបន្ថែមទៀត

កម្ពុជា

អង្គការសារព័ត៌មានក្នុងស្រុក ចំនួន២ ស្នើឲ្យដោះលែង សុវណ្ណ រិទ្ធី

«ការស្រង់សម្ដី របស់លោកនាយករដ្ឋមន្ត្រី [យកមកចុះផ្សាយបន្ត] មិនគួរត្រូវបានចាត់ទុក ថាជាបទឧក្រិដ្ឋទេ» នេះជាការអះអាងឡើង របស់ អង្គការសារព័ត៌មានក្នុងស្រុក ចំនួន២ ដែលបានស្នើ ឲ្យដោះលែង លោក សុវណ្ណ ...
កម្ពុជា

ខ្លីៗ​ពីបារាំង៖ ច្បាប់«ប្រកាស​ភាពអាសន្ន»​របស់​កម្ពុជា រង​ការរិះគន់

បើសិនជារដ្ឋាភិបាលបារាំង មិនបង្ហាញជំហរជាផ្លូវការ នៅចំពោះការបង្កើតច្បាប់«ប្រកាសភាពអាសន្ន»ថ្មី យ៉ាងតក់ក្រហក់ ពីសំណាក់រដ្ឋាភិបាលកម្ពុជានោះ តែមិនមានន័យថា ប្រទេសបារាំងមិនបានដឹង អ្វីសោះនោះឡើយ។ នេះ បើតាមរបាយការណ៍ខ្លីៗ ប្រចាំសប្ដាហ៍ទី១៩ របស់ក្រសួងសេដ្ឋកិច្ច និងហិរញ្ញវត្ថុបារាំង ...
ដំណឹង

អ.ស.ប ប្រាប់​បណ្ដារដ្ឋាភិបាល កុំប្រើ​«Covid-19»​ដើម្បី​រំលោភ​សិទ្ធិមនុស្ស

នៅពេលដែលរដ្ឋាភិបាលទាំងឡាយ ជួបប្រទះនឹងបញ្ហា គួរឱ្យភ័យខ្លាច ក្នុងការការពារប្រជាជន ពីជំងឺកូវីដ-១៩ (Covid-19) ឧត្តមស្នងការ អ.ស.ប ទទួលបន្ទុកសិទ្ធិមនុស្ស អ្នកស្រី មីស្សែល ​បាស្សេឡែត (Michelle ...

Comments are closed.

យល់ស៊ីជម្រៅផ្នែក កម្ពុជា

កម្ពុជា

អ៊ុក ទូច ប្រកាសរហស្សនាមជា​«ជួបគប់ក្បាល ហ៊ុន សែន នឹងស្បែកជើង»

កម្ពុជា

[វីដេអូ] ៖ «ស្បែកជើងហោះ»​ស្វាគមន៍ ហ៊ុន សែន នៅវ៉ាស៊ីនតោន

នៅខណៈលោក ហ៊ុន សែន កំពុងចាប់ដៃថតរូប ជាមួយបណ្ដាជន​ដែលមកទទួលស្វាគមន៍​លោក ស្រាប់តែ​«ស្បែកជើងហោះ»​មួយ បានហោះ​កាត់ក្បែរនោះ។ ជាទិដ្ឋភាពដែលបង្ក​ភាពរអាក់រអួលមួយភ្លែត ទៅដល់កម្មវិធី ក៏ដូចជាស្នាមញញឹម​​របស់នាយករដ្ឋមន្ត្រី​ចាស់វស្សាកម្ពុជា ដែលធ្វើដំណើរ​ទៅកាន់រដ្ឋធានី នៃសហរដ្ឋអាមេរិក ដើម្បីចូលរួមជំនួបកំពូល ...
កម្ពុជា

ហ៊ុន ណេង បងប្រុស ហ៊ុន សែន ទទួលមរណភាព​ដោយ​«គាំងបេះដូង»

បងប្រុសបង្កើត របស់លោកនាយករដ្ឋមន្ត្រី ហ៊ុន សែន គឺលោក ហ៊ុន ណេង បានទទួលមរណភាពហើយ កាលពីល្ងាច​ថ្ងៃព្រហស្បតិ៍ ទី៥ ខែឧសភា ឆ្នាំ២០២២នេះ ដោយអាការៈ«គាំងបេះដូង»។ ...