កម្ពុជាដំណឹង

អង្គការ​​​អន្តរជាតិ ៣៣ ធ្វើ​លិខិត​ទៅ​ប្រទេស​១៣ ដើម្បី​ឲ្យកម្ពុជា​​ស្រប​តាម EU

អង្គការអន្តរជាតិ និងសមាគមតំណាងអ្នកបញ្ជាទិញ ចំនួន៣៣ នៅជុំវិញពិភពលោក បានធ្វើលិខិតចំហររួមមួយ នៅថ្ងៃអង្គារនេះ ទៅកាន់រដ្ឋាភិបាល នៃបណ្តាប្រទេស​ធំៗ​ចំនួន​១៣ ដើម្បីស្នើឲ្យពួកគេ ជំរុញទៅរដ្ឋាភិបាលកម្ពុជា ឲ្យសម្របតាមលក្ខខណ្ឌ​របស់​សហភាពអឺរ៉ុប (EU) ក្នុងជំហានទៅរក្សាប្រព័ន្ធអនុគ្រោះពន្ធ «គ្រប់មុខទំនិញ​លើកលែង​តែសព្វាវុធ» ហៅកាត់ថា «EBA»។

សហភាពអ៊ឺរ៉ុប នឹងអនុវត្តការព្យួរផ្នែកខ្លះ នៃប្រព័ន្ធអនុគ្រោះពន្ធ «EBA» នេះ ដោយ​ចាប់​ផ្ដើមយកពន្ធ​ដូចធម្មតាឡើងវិញ នៅចំពោះមុខទំនិញ ចំនួនប្រមាណជា២០% ដែលនាំ​ចេញពី​កម្ពុជា ចូលទៅក្នុងទីផ្សារអ៊ឺរ៉ុប ចាប់ពីថ្ងៃទី១២ ខែសីហាខាងមុខ។

ចំណាត់ការនៃការព្យួរប្រព័ន្ធ «EBA» ធ្វើឡើងបន្ទាប់ពីសហភាពអ៊ឺរ៉ុប បានរកឃើញថា រដ្ឋាភិបាលកម្ពុជា ក្រោមការដឹកនាំរបស់លោកនាយករដ្ឋមន្ត្រី ហ៊ុន សែន បាន​រំលោភ​សិទ្ធិមនុស្ស យ៉ាងធ្ងន់ធ្ងរ និងមាន​លក្ខណៈ​ជាប្រព័ន្ធ។

ប្រតិភូស្វែងរកការពិត របស់អ៊ឺរ៉ុប បានចុះមកអង្កេតផ្ទាល់ នៅកម្ពុជាជាបន្តបន្ទាប់ និង​បានរកឃើញថា របប​ក្រុងភ្នំពេញ បានបង្ក្រាបមិនប្រណីដៃ ទៅលើគណបក្សប្រឆាំង អង្គការ​​ក្រៅ​រដ្ឋាភិបាល និងប្រព័ន្ធផ្សព្វផ្សាយ​ឯករាជ្យ រាប់ចាប់តាំង​ពីឆ្នាំ២០១៧មក។

លិខិតចំហររួម ចេញ​ផ្សាយ​នៅ​ថ្ងៃ​អង្គារ ទី​២១ ​ខែ​កក្កដា​ ដោយបណ្ដា​«អង្គការ​​​អន្តរជាតិ និង​សមាគម​អ្នក​បញ្ជាទិញ» ចំនួនទាំង៣៣ ដែលមានទីតាំង នៅច្រើន​ប្រទេស ក្នុងទ្វីប​ទាំង៥ បាន​សរសេរ​ថា៖​

«យើង​ខ្ញុំ​សូមអំពាវនាវ ទៅ​រដ្ឋាភិបាល​ប្រទេស​ទាំង១៣ ដែលកាន់លទ្ធិ​ប្រជា​ធិបតេយ្យ​ ​សូមជំរុញទៅ​រដ្ឋាភិបាល​កម្ពុជា ​ឲ្យ​គោរព​តាម​កាតព្វកិច្ច​របស់​ខ្លួន​ ក្រោម​ច្បាប់​សិទ្ធិ​មនុស្ស​អន្តរជាតិ និង​ដើម្បី​គាំទ្រ​ដល់​កិច្ច​ប្រឹងប្រែង ​របស់​សហភាព​អឺរ៉ុប​ ក្នុង​ការ​នាំ​មក​ នូវ​ការ​គោរព​សិទ្ធិ​មនុស្ស​ នីតិរដ្ឋ ​និង​លទ្ធិ​ប្រជា​ធិបតេយ្យ​ ជូន​ប្រជា​ពលរដ្ឋ​ខ្មែរ​ទាំង​អស់។»។

ប្រទេសទាំង១៣ ដែលលិខិតចំហរ បានផ្ញើរទៅជូន ដើម្បីឲ្យចូលរួមធ្វើអន្តរាគមន៍ ទៅ​រដ្ឋាភិបាលកម្ពុជានោះ រួមមានប្រទេសអូស្ត្រាលី កាណាដា ហ្វាំងឡង់ បារាំង អាល្លឺម៉ង់ ឥណ្ឌា ជប៉ុន ណូវែលហ្សេឡង់ ស៊ុយអែត ហូឡង់ កូរ៉េខាងត្បូង ចក្រភពអង់គ្លេស និង​សហរដ្ឋអាមេរិក។

លិខិតចំហរ បានបន្តលើកឡើង អំពីការទទូចទាមទារ ចំនួន១២ចំណុច ដើម្បីអនុញ្ញាត​ឲ្យស្ដារ​ឡើងវិញ នូវ​ការគោរព​សិទ្ធិមនុស្ស និងលទ្ធិប្រជាធិបតេយ្យ ពេញលេញនៅកម្ពុជា មាន​ជាអាទិ៍ដូចជា៖

  • ស្នើឲ្យដោះលែងអ្នកទោសនយោបាយ និងសកម្មជនសិទ្ធិមនុស្ស ដ៏ដូចជា​អ្នក​សារព័ត៌មាន
  • បញ្ឈប់ការធ្វើទុក្ខបុកម្នេញ និងការចាប់ចងតាមអំពើចិត្ត ទៅលើក្រុមអ្នកជំទាស់ ឬអ្នកតវ៉ា
  • បោះបង់រាល់ការចោទប្រកាន់ ទៅលើមេដឹកនាំប្រឆាំង លោក កឹម សុខា និង​ដោះលែង​រូបលោក ឲ្យមាន​សេរីភាព
  • បើកការស៊ើបអង្កេត ដោយឯករាជ្យ ទៅលើឃាតកម្ម​លើលោកបណ្ឌិត កែម ឡី
  • ធ្វើមោឃភាពនូវច្បាប់ ស្ដីពីការគ្រប់គ្រប់ប្រទេស ក្នុងគ្រាមានអាសន្ន
  • លប់ចោលច្បាប់ធ្វើវិសោធនកម្ម ទៅលើច្បាប់ស្ដីពីគណបក្សនយោបាយ ដែលបាន​អនុញ្ញាត ឲ្យរំលាយ​គណបក្ស​នយោបាយ តាមតែទំនើងចិត្ត និងហាមឃាត់​សិទ្ធិធ្វើ​នយោបាយ សម្រាប់​មន្ត្រី​គណបក្សនោះ​ជាដើម៕


លំអិតបន្ថែមទៀត

របាយការណ៍

«មនុស្ស​ជាង​៣០០​នាក់ ត្រូវ​បាន​សម្លាប់ ក្នុងរយៈពេល​២០ឆ្នាំ»

នៅតែប៉ុន្មានថ្ងៃមុនដំណើរមកដល់ នៃប្រធានាធិបតីអាមេរិក លោក បារ៉ាក់ អូបាម៉ា អង្គការឃ្លាំមើលសិទ្ធិមនុស្ស បានចេញ​របាយការណ៍មួយ ដែលលើកពីការសម្លាប់ និងការរំលោភធ្ងន់ធ្ងរ ក្នុងរយៈពេល​២០ឆ្នាំ ឬពីរទសវត្សរ៍ ក្រោមការកាន់អំណាច​ដោយ​ហឹង្សា របស់លោកនាយករដ្ឋមន្ត្រីហ៊ុន ...
ឧត្ដមសេនីយ៍ទាំង១២រូប ដែលត្រូវបានអង្គការឃ្លាំមើលសិទ្ធិមនុស្ស ចាត់ទុកថា មាន«បាតដៃកខ្វក់» ក្រោមការដឹកនាំរបស់លោកនាយករដ្ឋមន្ត្រី ហ៊ុន សែន។ (រូបថតដោយ HRW)
កម្ពុជា

ឧត្ដមសេនីយ៍​បាតដៃកខ្វក់១២រូប៖ HRW បង្ហាញរបាយការណ៍​ជា​ខេមរភាសា

អង្គការឃ្លាំមើលសិទ្ធិមនុស្ស «Human Rights Watch – HRW» បានចេញផ្សាយ​ជាថ្មីទៀត ក្នុងសប្ដាហ៍នេះ នូវរបាយការណ៍មួយ ដែលអង្គការនេះធ្លាប់បានផ្សាយ រួចមកហើយ កាលពីឆ្នាំ២០១៨។ របាយការណ៍ថ្មីនេះ ...
កម្ពុជា

ហ៊ុន សែន ចង់ឃើញ​មុខ​«អ្នកដែលសប្បាយ»​ពេលអ៊ឺរ៉ុប​ធ្វើបាបលោក

នាយករដ្ឋមន្ត្រីកម្ពុជា លោក ហ៊ុន សែន បានប្រតិកម្មនៅថ្ងៃនេះ ថារដ្ឋាភិបាលរបស់លោក នឹងមិនខ្វល់ពីការដកប្រព័ន្ធអនុគ្រោះ របស់សហភាពអ៊ឺរ៉ុប ហៅថា «គ្រប់មុខទំនិញទាំងអស់ លើកលែងតែសព្វាវុធ – EBA» ...

Comments are closed.

យល់ស៊ីជម្រៅផ្នែក កម្ពុជា

កម្ពុជា

សម រង្ស៊ី ៖ ស្ដេចនឹងដាក់រាជ្យ ប្រសិនច្បាប់​«សញ្ជាតិ១»​ត្រូវបានអនុម័ត

កម្ពុជា

កឹម សុខា បដិសេធ​ការយកឈ្មោះ និង​រូបភាពលោក ទៅប្រើខុសឆន្ទៈ

ប្រធានគណបក្សសង្គ្រោះជាតិ លោក កឹម សុខា បានបដិសេធការយកឈ្មោះ និងរូបភាពលោក យកទៅប្រើដោយ«បុគ្គល ក្រុម គណបក្ស ឬ ចលនានយោបាយខ្លះ» ដែលលោកហៅថា ជាការភ្ជាប់ពាក់ព័ន្ធ«នឹងសកម្មភាព ...
កម្ពុជា

សម រង្ស៊ី ថា ស ខេង អាចចូលក្នុង​«រដ្ឋាភិបាល​បង្រួបបង្រួមជាតិ»

ប្រធានស្ដីទីគណបក្សសង្គ្រោះជាតិ លោក សម រង្ស៊ី បានហៅការបង្កើត​«រដ្ឋាភិបាល​បង្រួបបង្រួមជាតិ» ដែលមាន​ការចូលរួម ពីលោក ស ខេង ថា«ជាគំនិតមួយ ដ៏ត្រឹមត្រូវ»។ ការអះអាងរបស់មេដឹកនាំប្រឆាំង ធ្វើឡើងក្នុង​ខណៈ​លោក ...