ដំណឹងពិភពលោក

EU ផ្ដល់​ជម្រើសពីរ​ឲ្យ​អង់គ្លេសសម្រាប់​ការលើកថ្ងៃ​ Brexit

រដ្ឋសមាជិកទាំង២៧ នៃសហភាពអ៊ឺរ៉ុប បានយល់ព្រមនៅល្ងាចថ្ងៃព្រហស្បត្តិ៍ម្សិលម៉ិញ ផ្ដល់ឲ្យចក្រភពអង់គ្លេស នូវជម្រើសចំនួនពីរ សម្រាប់ការលើកថ្ងៃចាកចេញ ពីសហភាពអ៊ឺរ៉ុប (EU) ឬហៅថា «Brexit» ដែលបើតាមគម្រោង នឹងឈានមកដល់ ក្នុង៧ថ្ងៃខាងមុខនេះ។ ជម្រើសទាំងពីរនោះ ក៏ត្រូវបានអ្នកស្រី ថេរេសា ម៉េ (Theresa May) នាយករដ្ឋមន្ត្រីអង់គ្លេស ទទួលយល់ព្រមដែរ។

ជម្រើសទីមួយ គឺការលើកថ្ងៃ «Brexit» ពីថ្ងៃទី២៩ខែមិនានេះ ទៅកាន់ថ្ងៃទី២២ ខែឧសភាខាងមុខ ប៉ុន្តែត្រូវរង់ចាំរដ្ឋសភាអង់គ្លេសទទួលយល់ព្រម ជម្រើសនេះសិន នៅសប្ដាហ៍ក្រោយ។

រីឯជម្រើសទីពីរ ដែលក្នុងករណីជម្រើសទី១ ត្រូវបានបដិសេធដោយរដ្ឋសភាអង់គ្លេស ឬមិនត្រូវបានយកមកពិភាក្សា ទាន់ពេលទេនោះ គឺ EU យល់ព្រម ឲ្យពន្យាពេលថ្ងៃ «Brexit» ពីថ្ងៃទី២៩ ខែមិនានេះ ទៅកាន់ថ្ងៃទី១២ ខែមេសាខាងមុខ។ ការពន្យាពេលនេះ ត្រូវនឹងរយៈពេល ដែលចក្រភពអង់គ្លេស ត្រូវបង្ហាញទៅទីប្រឹក្សាអ៊ឺរ៉ុប អំពីជំហរដែលខ្លួនត្រូវដើរឲ្យពិតប្រាកដ ជាពិសេសថាតើអង់គ្លេស ត្រូវរៀបចំការបោះឆ្នោត ជ្រើសតាំងសមាជិកសភាអ៊ឺរ៉ុប ឬយ៉ាងណា។

ប្រធានសភាអ៊ឺរ៉ុប លោក «Antonio Tajani» បានប្រកាសទៅមេដឹកនាំអ៊ឺរ៉ុបទាំងអស់ថា ថ្ងៃទី១២ ខែមេសានេះ ជាថ្ងៃផុតកំណត់ ដើម្បីអាចអនុញ្ញាតឲ្យចក្រភពអង់គ្លេស ត្រូវរៀបចំការបោះឆ្នោតថ្នាក់អ៊ឺរ៉ុប។

ប៉ុន្តែជម្រើសទីពីរ អាចធ្វើឲ្យការចាកចេញរបស់អង់គ្លេស រងហនិភ័យអំពី «No-Deal» ដែលមានន័យ ស្មើនឹងជាការចាកចេញ«ឆៅ» និងគ្មានអត្ថប្រយោជន៍ តាមរយៈការចរចាណាមួយ ជាមួយសហភាពអ៊ឺរ៉ុប។

នៅក្នុងសេចក្ដីសន្និដ្ឋានចុងក្រោយ ចេញផ្សាយកាលពីល្ងាចម្សិលម៉ិញ បានឲ្យដឹងថា រដ្ឋសមាជិកទាំង២៧ បានបដិសេធការចរចាឡើងវិញ អំពីកិច្ចព្រមព្រៀង «Brexit» ដែល EU បានធ្វើជាមួយចក្រភពអង់គ្លេស កាលពីខែវិច្ឆិកាកន្លងទៅ។ ក្រុមប្រទេសទាំងនោះ បានព្រមានបន្ថែមថា៖

«រាល់ការប្ដេជ្ញាចិត្ត ជាឯកតោភាគីណាក៏ដោយ ការធ្វើសេចក្ដីប្រកាស ឬទង្វើអ្វីផ្សេងទៀត ចាំបាច់ត្រូវស្របតាមកិច្ចព្រមព្រៀង និងស្មារតីនៃកិច្ចព្រមព្រៀងនោះ។» 

សម្រាប់ការទាមទារ របស់អ្នកស្រី ថេរេសា ម៉េ ឲ្យមានការលើកថ្ងៃ «Brexit» ពីថ្ងៃទី២៩ ខែមិនា ទៅកាន់ថ្ងៃ៣០ ខែមិថុនានោះ បានបង្កឲ្យមានការជំទាស់យ៉ាងច្រើន ពីសំណាក់រដ្ឋជាសមាជិក។

មានការជំទាស់ច្រើន ដោយហេតុថា ការលើកថ្ងៃ «Brexit» រហូតដល់ថ្ងៃទី៣០ ខែមិថុនានោះ បង្កភាពប្រទាំងប្រទើសផ្នែកផ្លូវច្បាប់ សម្រាប់សភាអ៊ឺរ៉ុប ដែលនឹងត្រូវបើកនីតិកាលថ្មី បន្ទាប់ពីការបោះឆ្នោត ជ្រើសតាំងសមាជិកសភាអ៊ឺរ៉ុប ដែលនឹងប្រព្រឹត្តិទៅ ចាប់ពីថ្ងៃទី២៣ ដល់ថ្ងៃទី ២៦ ខែឧសភា។ ដោយហេតុនេះហើយ ទើបជម្រើសទីមួយ អនុញ្ញាតឲ្យមានការលើកថ្ងៃ «Brexit» នៅត្រឹមថ្ងៃទី២២ ខែឧសភា។

នៅក្នុងសន្និសីទសារព័ត៌មាន កាលពីយប់ម៉ិញ អ្នកស្រី ថេរេសា ម៉េ បានអះអាងពីការយល់ព្រមរបស់អ្នកស្រី នៅចំពោះអ្នកសារព័ត៌មាន ដោយគូសបញ្ជាក់ អំពី«ដំណាក់កាលនៃការពិត» ដែលពេលនេះត្រូវស្ថិតក្នុងកណ្ដាប់ដៃ នៃអ្នកតំណាងរាស្ត្រអង់គ្លេស។ អ្នកស្រីថា ពួកគេ (សមាជិកសភាអង់គ្លេស) ត្រូវតែយល់ព្រមក្នុងសប្ដាហ៍ខាងមុខ អំពី​«ជម្រើសទីមួយ»។

អ្នកស្រីបន្តថា៖

«ខ្ញុំគិតឃើញថា វាមិនត្រឹមត្រូវទេ ដែលយើងត្រូវរៀបចំការបោះឆ្នោតថ្នាក់អ៊ឺរ៉ុប នៅបីឆ្នាំក្រោយពីពលរដ្ឋអង់គ្លេស បានសម្រេច (តាមរយៈប្រជាមតិ) ឲ្យចាកចេញពីអ៊ឺរ៉ុបនោះ។»

នាយករដ្ឋមន្ត្រីអង់គ្លេសរូបនេះ ក៏បានអះអាងដែរថា អ្នកស្រីគ្មានគម្រោងដកថយ ចេញពីការអនុវត្តន៍មាត្រា៥០ នៃសន្ធិសញ្ញាស្ដីពីសហភាពអ៊ឺរ៉ុបនោះទេ។ ការដកថយដែលមានន័យស្មើនឹងការលុបចោល នូវការចាកចេញពីសហភាពអ៊ឺរ៉ុបវិញ។ អ្នកស្រីថា៖

«យើងបានផ្ដល់ជម្រើស សម្រាប់ពលរដ្ឋរបស់យើង ហើយពួកគាត់បានបោះឆ្នោត សម្រេចឲ្យចាកចេញ​ ពីសហភាពអ៊ឺរ៉ុប។ អញ្ចឹងយើងមានតែគោរព តាមការសម្រេចរបស់ពលរដ្ឋយើងប៉ុណ្ណោះ៕»



លំអិតបន្ថែមទៀត

លោក ហ៊ុន សែន នាយករដ្ឋមន្ត្រីតាំងពីឆ្នាំ១៩៨៤ នៅប្រទេសកម្ពុជា។ (រូបថតឆ្នាំ២០២០ បង្ហោះលើទំព័រហ្វេសប៊ុក)
កម្ពុជា

ខ្លីៗពីបារាំង៖ ក្រុង​ប៉ារីស ថាការព្យួរ​«EBA»​នឹងចូល​​ជា​ធរមាន​ថ្ងៃ​១២សីហា

សម្រាប់រដ្ឋាភិបាល«ក្រុង​ប៉ារីស» ការផ្ដល់ជំនួយ​ពីសំណាក់ក្រុមអ៊ឺរ៉ុប (Team Europe) ក្នុង​ទំហំ​ទឹកប្រាក់ ៤៤៣លានអ៊ឺរ៉ូ ជារឿងមួយដោយឡែក ពីការសម្រេច​របស់​សហភាព​អ៊ឺរ៉ុប (EU) ក្នុង​ការព្យួរ​​​ប្រព័ន្ធអនុគ្រោះពន្ធ «EBA» ពីប្រទេសកម្ពុជា ដែលនឹងចូលជាធរមាន ...
កម្ពុជា

ផៃ ស៊ីផាន ថារដ្ឋាភិបាល​មិនធ្វើ​ច្បាប់ ដើម្បី​«បំពេញចិត្ត​អង្គការ​ណា»ទេ

រដ្ឋាភិបាលក្រុងភ្នំពេញ បានប្រកាសថា ខ្លួនមិន«បំពេញចិត្ត​អង្គការ​ណា»ទេ នៅចំពោះ​ការអនុម័ត​យ៉ាងតក់ក្រហល់ នូវសេចក្ដីព្រាងច្បាប់​មួយទៀត ស្ដីពីការប្រឆាំង​ការសម្អាត​ប្រាក់ និងហិរញ្ញប្បទានភេរវកម្ម។ នេះ បើតាមការអះអាង របស់លោក ផៃ ស៊ីផាន អ្នកនាំ​ពាក្យ​រដ្ឋាភិបាល។ ...
កម្ពុជា

EU បើក​នីតិវិធីផ្លូវការ​ដក EBA ពីកម្ពុជា ទោះបី ហ៊ុន សែន គម្រាម

សហភាពអ៊ឺរ៉ុប (EU) បានសម្រេចជាផ្លូវការ​នៅថ្ងៃចន្ទទី១១ ខែកុម្ភ ឆ្នាំ២០១៩នេះ បើកនីតិវិធីដើម្បីឈានទៅព្យួរប្រទេសកម្ពុជា ចេញពីកម្មវិធីអនុគ្រោះពន្ធរបស់ខ្លួន ហៅថា «អ្វីៗទាំងអស់លើកលែងតែអាវុធ (Everything but Arms – ...

Comments are closed.

យល់ស៊ីជម្រៅផ្នែក ដំណឹង

ដំណឹង

EU បរិហារសំដី ពូទីន ដែល​បង្ហាញពី​«ក្ដី​អស់សង្ឃឹម​របស់គាត់»

ដំណឹង

មហាក្សត្រីយានី អេលីហ្សាប៊ែត សោយ​ទិវង្គត ក្នុងជន្មាយុ​៩៦ព្រះវស្សា

ព្រះមហាក្សត្រីយានី របស់ចក្រភពអង់គ្លេស ព្រះនាង អេលីហ្សាប៊ែត ទី២ (Elizabeth 2) បានសោយទិវង្គត ក្នុងជន្មាយុ​៩៦ព្រះវស្សា នៅរសៀលថ្ងៃព្រហស្បត្តិ៍ ទី៨ ខែកញ្ញា ឆ្នាំ២០២២។ ...
កម្រមាន

អ៊ីតាលី៖ ជីករូងដី​គ្រោងចូលលួច​ធនាគារ ស្រាប់តែ… ដីធ្លាក់សង្កត់

នៅរដ្ឋធានីរ៉ូម នៃប្រទេសអ៊ីតាលី បុរសម្នាក់បានជាប់ខ្លួននៅក្រោមដី អស់រយៈពេលជាង៨ម៉ោង ដោយហេតុ«ដីធ្លាក់សង្កត់»។ នគរបាលបានសង្ស័យថា បុរសម្នាក់នេះរួមនឹងជនផ្សំគំនិត៣នាក់ទៀត ទំនងជាបានជីករូងក្រោមដី ចេញពីហាងមួយ ដើម្បីគ្រោងចូលលួចធនាគារនៅក្បែរនោះ។ ហេតុការណ៍បានកើតឡើង កាលពីព្រឹក​ថ្ងៃព្រហស្បត្តិ៍ ទី១១ ...