កម្ពុជាដំណឹង

អាមេរិក​ស្នើកម្ពុជា​បោះបង់​«កិច្ច​ព្រមព្រៀង​សម្ងាត់ ឲ្យ​ចិន​តាំង​មូលដ្ឋាន​ទ័ព»

ភ្លាមៗ ក្រោយការចេញផ្សាយ នូវព័ត៌មានស្ដីពី​«កិច្ច​ព្រមព្រៀង​សម្ងាត់» ដែលចេញផ្សាយ ដោយសារព័ត៌មានដ៏ធំ ឈ្មោះ «The Wall Street Journal» សហរដ្ឋអាមេរិកបានប្រតិកម្ម ស្នើប្រទេសកម្ពុជា ឲ្យបោះបង់ចោលគម្រោងខាងលើ ដែលផ្ទុយគ្នាទាំងស្រុង ពីរដ្ឋធម្មនុញ្ញរបស់ខ្លួន។

សេចក្ដីថ្លែងការណ៍មួយ របស់ក្រសួងការបរទេសអាមេរិក ដែលត្រូវបានទីភ្នាក់ងារព័ត៌មាន រ៉យទ័រ (Reuters) ដកស្រង់យកមកផ្សាយ បានឲ្យដឹងថា ប្រទេសកម្ពុជាមានការប្ដេជ្ញាចិត្ត តាមរយៈរដ្ឋធម្មនុញ្ញ ចំពោះប្រជាជនរបស់ខ្លួន ក្នុងការប្រកាន់យកនយោបាយការបរទេសឯករាជ្យ និងអព្យាក្រឹត្យ។

ប្រទេសមហាអំណាច តាមរយៈសេចក្ដីថ្លែងការណ៍ បានបន្តទៀតថា៖

«យើងមានការព្រួយបារម្ភថា អំពីវិធានការ​ណាក៏ដោយ របស់រដ្ឋាភិបាលកម្ពុជា ដែលអនុញ្ញាតឲ្យមានវត្តមានយោធាបរទេស នៅលើទឹកដីកម្ពុជា នឹងគម្រាមកំហែង ដល់ការប្រាស្រ័យទាក់ទងគ្នា និងការផ្ដោតអារម្មណ៍ របស់អាស៊ាន ក្នុងការសម្របសម្រួល ដល់ការអភិវឌ្ឍក្នុងតំបន់ ក៏ដូចជារំខានដល់សន្តិភាព និងស្ថិរភាព នៅអាស៊ីអាគ្នេយ៍។»

កាលពីយប់ថ្ងៃអាទិត្យ (ត្រូវជាព្រឹកថ្ងៃចន្ទ ម៉ោងនៅកម្ពុជា) សារព័ត៌មានអាមេរិក «The Wall Street Journal» បានលើកយកប្រភពមន្ត្រីអាមេរិក មកសរសេរចេញផ្សាយថា ប្រទេសចិនបានចុះហត្ថលេខា លើ​«កិច្ច​ព្រមព្រៀង​សម្ងាត់»មួយ ជាមួយរបបក្រុងភ្នំពេញ ដើម្បីអនុញាតឲ្យកងទ័ពរបស់ខ្លួន ប្រើប្រាស់មូលដ្ឋានទ័ពជើងទឹកកម្ពុជា នៅ«រាម» ក្នុងរយៈពេល៣០ឆ្នាំ។

ការចុះផ្សាយនោះ បានបង្ហាញពីរូបថតជាច្រើនសន្លឹក ដែលទើបនឹងថតបានថ្មីៗ ពីប្រព័ន្ធផ្កាយរណប និងធ្វើឲ្យគេយល់ថា ព្រលានយន្ដហោះមួយ កំពុងត្រូវបានក្រុមហ៊ុនចិនឈ្មោះ យ៉ូញៀន ឌឹវិឡុបមិន គ្រុប (Union Development Group) រូតរះសាងសង់ ឲ្យឆាប់ចប់រួចរាល់ នៅក្នុងខេត្តកោះកុង ។

មន្ត្រី​ដែលធ្វើការក្នុងករណីនេះ តែសុំមិនបញ្ចេញឈ្មោះ បានអះអាងប្រាប់ «The Wall Street Journal» ថាកិច្ច​ព្រមព្រៀង​សម្ងាត់​នោះ ​ត្រូវវបាន​ចុះហត្ថ​លេខា​ កាលពី​និទាឃរដូវ​កន្លង​ទៅ តែមិនត្រូវបានទម្លាយ ឲ្យដឹង​ជា​សាធារណៈ​ឡើយ។​

កិច្ចព្រមព្រៀងនោះ គឺកម្ពុជាផ្តល់សិទ្ធិផ្ដាច់មុខ នូវដែនទឹកមួយផ្នែក នៃឈូងសមុទ្រកម្ពុជា ដើម្បីឲ្យចិនធ្វើជាមូលដ្ឋានយោធាជើងទឹក របស់ខ្លួន នៅចម្ងាយប៉ុន្មានគីឡូម៉ែត្រ ពីព្រលានយន្តហោះ ដ៏ធំខាងលើ។

យ៉ាងណា ការចេញផ្សាយនោះ ត្រូវបានលោកនាយករដ្ឋមន្ត្រី ហ៊ុន សែន ចេញមុខ​ធ្វើប្រតិកម្មតបវិញខ្លាំងៗ ដោយហៅព័ត៌មាននោះ ថាជាការប្រឌិត​ដ៏អាក្រក់​បំផុត ប្រឆាំងកម្ពុជា។ ផ្ទុយទៅវិញ រដ្ឋាភិបាលក្រុងប៉េកាំងឯណោះ បានបដិសេធ មិនឆ្លើយនឹងសំនួរ ដែលចង់ដឹងថា តើចិនច្រានចោលព័ត៌មាននេះ ដូចកម្ពុជាដែរ ឬយ៉ាងណា។

គួរបញ្ជាក់ដែរថា រដ្ឋ​ធម្ម​នុញ្ញ​កម្ពុជា ត្រង់មាត្រា៥៣ បាន​ហាម​ឃាត់ ​នូវ​ការ​ចង​សម្ព័ន្ធ​យោធា ឬ​កិច្ច​ព្រៀម​ព្រៀង​យោធា​ណា​មួយ ហើយ​ហាម​ឃាត់​ដាច់​ខាត​ នូវមូលដ្ឋាន​យោធា​បរទេស​ នៅ​លើ​ទឹក​ដី​កម្ពុជា លើក​លែង​តែ​ស្ថិត​​នៅ​ក្រោម​ក្រប​ខណ្ឌ ​នៃ​សំណូម​ពរ​​របស់​​អង្គការ​​សហ​ប្រជាជាតិ៕



លំអិតបន្ថែមទៀត

លោក ហ៊ុន សែន ចាប់ឱបលោក ប្រយុទ្ធ ចន្ទអស្ចារ្យ នៅក្នុងវិមានរដ្ឋាភិបាល រាជធានីភ្នំពេញ កាលពីថ្ងៃទី៧ ខែកញ្ញា ឆ្នាំ២០១៧។ (រូបថតរដ្ឋាភិបាលថៃ)
កម្ពុជា

សម រង្ស៊ី អះអាងថា ហ៊ុន សែន ចាប់ពង្រត់ វ៉ាន់ឆាឡឺម ដើម្បី​សងគុណ ប្រយុទ្ធ

មេដឹកនាំប្រឆាំង លោក សម រង្ស៊ី បានអះអាងថា ការចាប់ពង្រត់​សកម្មជន​នយោបាយ​ថៃ លោក វ៉ាន់ឆាឡឺម សាតស័ក្តិសិទ្ធ (Wanchalearm Satsaksit) កាលពីថ្ងៃទី៤ ខែមិថុនា ...
កម្ពុជា

សម រង្ស៊ី ថា ហ៊ុន សែន ប្រើច្បាប់​ប្រកាស«ភាពអាសន្ន»ដើម្បីបន្តអំណាច

ប្រធានស្ដីទី គណបក្សសង្គ្រោះជាតិ លោក សម រង្ស៊ី បានលើកឡើងថា ច្បាប់ថ្មី ស្ដីពីដំណើរការគ្រប់គ្រងប្រទេស ក្នុង«ភាពអាសន្ន» ដែលលោក ហ៊ុន សែន ស្នើឡើងក្នុងពេលនេះ ...
កម្ពុជា

EU បន្ត​ឲ្យ​ក្រុង​ភ្នំពេញ​បើក​លំហ​ដល់​បក្ស​ប្រឆាំង សង្គមស៊ីវិល​និង​សារព័ត៌មាន

សហភាពអ៊ឺរ៉ុប «EU» អះអាងថា ខ្លួនបន្តឃ្លាំមើលស្ថានភាពនយោបាយ នៅក្នុងប្រទេសកម្ពុជាយ៉ាងដិតដល់ និងបន្តទាមទារឲ្យរបបក្រុងភ្នំពេញ ត្រូវចាត់វិធានការចាំបាច់ទាំងអស់ ដើម្បីអនុញ្ញាតឲ្យគណបក្សប្រឆាំង សង្គមស៊ីវិល​និង​សារព័ត៌មាន បើកដំណើរការបានដោយសេរី។ នេះ បើគេបានអានលិខិតមួយ របស់លោក ...

Comments are closed.

យល់ស៊ីជម្រៅផ្នែក កម្ពុជា

កម្ពុជា

ហ៊ុន សែន ឲ្យ សម រង្ស៊ី «សុំទោស»ដើម្បីបញ្ចប់យុទ្ធនាការកម្ចាត់លោក

កម្ពុជា

សម រង្ស៊ី ថា«លោក»​នៅកណ្ដាល ខូចជាងគេ

ការប្រើពាក្យ «អាមឹង» ដើម្បីហៅអ្នកនយោបាយខ្មែរ ទទួលបានការស្វាគមន៍ ពីបណ្ដាជនទូទៅឬទេ? នៅចំពោះការរិះគន់ លោក សម រង្ស៊ី បានប្ដូរឥរិយាបថបន្តិច ដោយហៅលោក ហ៊ុន សែន ...
កម្ពុជា

តុលាការបារាំង​សម្រេចឲ្យ សម រង្ស៊ី ឈ្នះក្ដី​លើ ហ៊ុន សែន និង ឌី វិជ្ជា

មេដឹកនាំប្រឆាំងនៅកម្ពុជា លោក សម រង្ស៊ី ត្រូវបានតុលាការបារាំង សម្រេចក្ដីក្នុងថ្ងៃចន្ទនេះ ឲ្យរួចផុត​ពីការចោទប្រកាន់​ទាំងឡាយ ដែលមាននៅក្នុងបណ្ដឹង​របស់​លោក ហ៊ុន សែន បុរសខ្លាំងនៅកម្ពុជា និងលោក ឌី ...