លោក ចូ បៃដិន (Joe Biden) ប្រធានាធិបតីជាប់ឆ្នោត នៃសហរដ្ឋអាមេរិក បានត្រៀមចុះហត្ថលេខា ទៅលើក្រឹត្យមួយចំនួន ភ្លាមៗ​បន្ទាប់ពី​ចូលកាន់តំណែង ជាពិសេសក្រឹត្យ ក្នុងការភ្ជាប់សហរដ្ឋអាមេរិកឡើងវិញ ចូលមកក្នុងកិច្ចព្រមព្រៀងក្រុងប៉ារីស ស្ដីពីអាកាសធាតុ។ នេះ បើតាមការលើកឡើង របស់លោក «Ron Klain» នាយខុទ្ទកាល័យរបស់លោក បៃដិន ក្នុងចុងសប្ដាហ៍​កន្លងមក។

វិធានការរបស់លោក បៃដិន ក្នុងការចេញក្រឹត្យដ៏ច្រើននេះ គឺដើម្បីបញ្ចៀសរាល់នីតិវិធីផ្លូវច្បាប់ ដែលត្រូវឆ្លងកាត់តាមរដ្ឋសភា និងព្រឹទ្ធសភា ដែលពេលនេះ​កំពុងជាប់រវល់ នៅក្នុងការចំណាត់ការ ដកប្រធានាធិបតីចប់អាណត្តិ លោក ដូណាល់ ត្រាំ (Donald Trump) ឲ្យចេញពីតំណែង។

វិធានការមួយ ពីក្នុងចំណោមនោះ មានការលើកចេញ នូវការហាមឃាត់ជាន់ទឹកដីអាមេរិក នូវបណ្ដាជនបរទេសទាំងឡាយ ដែលធ្វើដំណើរចេញពីប្រទេសជាច្រើន ក្នុងនោះមួយភាគធំ ជាបណ្ដាប្រទេស​ដែលកាន់សាសនាអ៊ីស្លាម។ ការហាមឃាត់នេះ ត្រូវបានធ្វើឡើង ដោយលោក ដូណាល់ ត្រាំ នៅប៉ុន្មានថ្ងៃ​ក្រោយលោក​ចូលកាន់តំណែង កាលពីខែមករា ឆ្នាំ២០១៧។

យ៉ាងណា លោក«Ron Klain» មិនបានលំអិតបន្ថែម អំពីរាល់ក្រឹត្យទាំងអស់នោះទេ ដោយគ្រាន់តែនិយាយថា ជាវិធានការ​ដែល​ទាក់ទង​នឹងចំណាត់ការ​ជាអាទិភាពចំនួន៤ របស់ប្រធានាធិបតី បៃដិន ក្នុងនោះមាន (១)​ការប្រយុទ្ធប្រឆាំងជំងឺកូវីដ១៩ (Covid-19) (២)​ការប្រយុទ្ធនឹងការផ្លាស់ប្ដូរអាកាសធាតុ (៣)​ការផ្ដល់សន្ទុះឡើងវិញសម្រាប់សេដ្ឋកិច្ច និង(៤)ការប្រយុទ្ធដើម្បីយុត្តិធម៌សង្គម និងយុត្តិធម៌​ពូជសាសន៍​ពណ៌សម្បុរ៕



You may also like

ដំណឹង

ត្រាំ ក្លាយជា​មេដឹកនាំ​បរទេស​ទី១ ដែល​​ចូលគាល់​ព្រះចៅ​អធិរាជ​ជប៉ុន​​​ថ្មី

នៅព្រឹកថ្ងៃចន្ទទី២៧ ខែឧសភា ឆ្នាំ២០១៩នេះ លោក ដូណាល់ ត្រាំ (Donald Trump) ប្រធានាធិបតីអាមេរិក បាន​ក្លាយជាមេដឹកនាំបរទេសដំបូងគេ ដែលបានចូលគាល់អធិរាជជប៉ុន ព្រះចៅ ណារូហ៊ីតូ ...
ដំណឹង

បីនាក់ស្លាប់ ក្នុងការផ្ទុះអាវុធមួយ នាមណ្ឌលបោះប៊ូលីង ក្បែរក្រុង ឡូសអេនជឺឡេស

ជាថ្មីម្ដងទៀត ការបាញ់ប្រហារគ្នាមួយ បានផ្ទុះឡើង នៅក្នុងមណ្ឌលកំសាន្ដបោះប៊ូលីង ឈ្មោះ «Gable House Bowl» ស្ថិតក្នុងក្រុង «Torrance» នៅចំងាយប្រមាណជា ៣០គីឡូម៉ែត្រ ពីក្រុងឡូសអេនជឺឡេស ...
កំសាន្ដ

មុន​រថភ្លើង​មក​ដល់… បុរសពិកាភ្នែកម្នាក់ ​បានដើរ​ធ្លាក់ចូល​ផ្លូវដែក

បុរសពិកាភ្នែកម្នាក់ បានដើរធ្លាក់ចូលផ្លូវរថភ្លើងក្រោមដី ក្នុងស្ថានីយ «Red Line Medical Center» នៃក្រុង «Bethesda» ដែលស្ថិតនៅតំបន់​ជាយក្រុង របស់រដ្ឋធានីវ៉ាស៊ីនតោន កាលពីថ្ងៃទី៩ ខែមេសា ...

Comments are closed.

ដំណឹង

សង្គ្រាមនៅអ៊ុយក្រែន ៖ អាមេរិកផ្ដល់ភ្លើងខៀវបញ្ជូនយន្តហោះ«F-16»

កម្ពុជា

ក្រុមការងារ អ.ស.ប អំពាវនាវ​ឲ្យកម្ពុជា​ដោះលែង​«ស្ត្រីសេរីភាព»​ជាបន្ទាន់

អ្នកជំនាញមួយក្រុមរបស់អង្គការសហប្រជាជាតិ បានអំពាវនាវទៅ​របបដឹកនាំរបស់លោក ហ៊ុន សែន ឲ្យដោះលែងអ្នកស្រី សេង ធារី មេធាវីខ្មែរអាមេរិកាំង ដែលគេស្គាល់ក្នុងពេលកន្លងមក ថាជា«ស្ត្រីសេរីភាព» តាមរយៈសម្លៀកបំពាក់តែងខ្លួនសម្ដែងមតិរបស់អ្នកស្រី នៅខាងមុខសាលាដំបូងរាជធានីភ្នំពេញ។ ក្រុមអ្នកជំនាញប្រឆាំងការឃុំឃាំងតាមទំនើងចិត្ត ...
កម្ពុជា

សភាអ៊ឺរ៉ុបទាមទារ​ឲ្យបន្ថែម​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា

នៅមុននេះបន្តិច សភាអ៊ឺរ៉ុបទើបនឹងអនុម័តដំណោះស្រាយមួយ ជុំវិញស្ថានភាពនយោបាយ ការគោរព​លទ្ធិ​ប្រជាធិបតេយ្យ និងសិទ្ធិមនុស្ស នៅក្នុងប្រទេសកម្ពុជា ដោយទាមទារឲ្យគណៈកម្មអ៊ឺរ៉ុប គ្រោងដាក់​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា បន្ថែមទៀត។ ដំណោះស្រាយ៧ចំណុច ដែលមានលេខ «P9_TA(2023)0085» ...