ដំណឹងពិភពលោក

Covid-19៖ នៅអ៊ីតាលី គ្រូពេទ្យ​១៥១នាក់ បាន​ទទួល​មរណភាព

នៅប្រទេសអ៊ីតាលី គ្រូពេទ្យ​១៥១នាក់ បាន​ទទួល​មរណភាព ដោយសារពួកគេបានឆ្លងជំងឺ ព្រោះស្ថិតនៅជួរមុខ នៅផ្ទាល់ជាមួយអ្នកជំងឺ«Covid-19»។ នេះ បើតាមរបាយការណ៍ចេញផ្សាយ កាលពីដើមសប្ដាហ៍ ដោយសហព័ន្ធជាតិ នៃគណៈគ្រូពេទ្យ (FNOMCEO) របស់ប្រទេសអ៊ីតាលី។

មកដល់ម៉ោងនេះ បើទោះតុល្យភាព បានថយចុះយ៉ាងច្រើននោះក្ដី ក៏ប្រទេសអ៊ីតាលី មានករណីឆ្លងកើនឡើង រហូតដល់ ២០៥ ៤៦៣នាក់ និងអ្នកជំងឺស្លាប់សរុប ២៧ ៩៦៧នាក់ ខណៈអ្នកជំងឺស្លាប់ សម្រាប់រយៈពេល២៤ម៉ោងចុងក្រោយ មានចំនួន ២៨៥នាក់។ 

នៅក្នុងចំនួនអ្នកស្លាប់សរុប ទាំងជាង២៧ម៉ឺននាក់ ក៏មានក្រុមគ្រូពេទ្យ ១៥១នាក់ ដែរ ដែលបានស្លាប់ ដោយសាររោគរាតត្បាត «Covid-19»។ សហព័ន្ធជាតិ នៃគណៈគ្រូពេទ្យ របស់ប្រទេសអ៊ីតាលី បានអះអាងថា តួលេខដែលបានបង្ហាញខាងលើ បានរាប់ពីថ្ងៃទី១១ ខែមីនា មកទល់នឹងថ្ងៃទី២៦ ខែមេសា ពោលគឺក្នុងរយៈពេល ៦សប្ដាហ៍ចុងក្រោយ។

យ៉ាងណា នៅចំពោះការថយចុះ នៃចំនួនអ្នកឆ្លង និងអ្នកជំងឺស្លាប់ តាំងពីច្រើនថ្ងៃមកនោះ ប្រទេសអ៊ីតាលីគ្រោងនឹងបើកប្រទេស បន្តិចម្ដងៗឡើងវិញ ចាប់ពីថ្ងៃទី៤ ខែឧសភានេះតទៅ។

សាលារៀនក្នុងប្រទេសអ៊ីតាលី នៅតែបន្តបិទទ្វា រហូតដល់ខែកញ្ញា ពោលគឺរហូតដល់បវេសនកាល សម្រាប់ឆ្នាំសិក្សា ២០២០-២០២១។ ការពាក់ម៉ាស់ ត្រូវកំណត់ឲ្យធ្វើជាកំហិត នៅតាមមធ្យោបាយដឹកជញ្ជូន ជាសាធារណៈ និងនៅក្នុងការងារ។ ភោជនីយដ្ឋាន ឬហាងជួបជុំផឹកស៊ី នឹងអាចបើកទ្វា ទទួលអតិថិជនឡើងវិញ ចាប់ពីថ្ងៃទី១ ខែមិថុនាតទៅ។

រីឯព្រលានយន្ដហោះវិញ នឹងអាចបើកឲ្យយន្ដហោះ ហោះចុះឡើងបាន ក្នុងពេលខាងមុខ ដែលត្រូវប្រកាស ពីពេលវេលាជាក់លាក់​ណាមួយនោះ ដោយនាយករដ្ឋមន្ត្រី អ៊ីតាលី លោក ហ្សូហ្សេប៉េ កុងតេ (Giuseppe Conte)៕



You may also like

វប្បធម៌ និងជីវិត

Covid-19៖ អាការៈ​ចំនួន៦​ថ្មីទៀត ដែលឲ្យ​រោគសញ្ញា​ថា​មានជំងឺ

មជ្ឈមណ្ឌលពិនិត្យនិងបង្ការជំងឺឆ្លង (CDC) របស់សហរដ្ឋអាមេរិក បានបន្ថែម អាការៈ​ចំនួន៦​ថ្មីទៀត ដែលឲ្យរោគសញ្ញាដឹងថា មនុស្សម្នាក់បានឈឺជំងឺ «Covid-19»។ «អាការៈ​ចំនួន៦​ថ្មីទៀត»នេះ បន្ថែមពីអាការៈលើកមុន ដែលផ្ដោតសំខាន់ តែទៅលើ«គ្រុន ក្អកស្ងួត ...
កម្ពុជា

Covid-19៖ បុរសវ័យចំណាស់​ម្នាក់ទៀត ស្លាប់​នៅព្រៃវែង

កម្ពុជាបានប្រកាសឲ្យដឹង ពីមរណភាពរបស់ បុរសវ័យចំណាស់​ម្នាក់ទៀត ដែលវិជ្ជមានកូវីដ-១៩ (Covid-19) នៅថ្ងៃទី១៤ ខែមីនា ឆ្នាំ២០២១នេះ។ នេះបើតាម​សេចក្តីប្រកាស​ព័ត៌មានរបស់ក្រសួងសុខាភិបាល ដែលបញ្ជាក់ថា បុរសវ័យ៦៩ឆ្នាំ រស់នៅភូមិជ័យឧត្តម ឃុំព្រែកខ្សាយ«ខ» ...
ដំណឹង

Covid-19៖ ម៉ាក្រុង ត្រៀម​ឲ្យ​ប្រទេស​«ងើប​ឡើងវិញ»​ក្រោយថ្ងៃ​១១ឧសភា

វិធានការជាច្រើន នឹងត្រូវរដ្ឋាភិបាលបារាំង សម្រេចឲ្យអនុវត្ត ដើម្បីត្រៀមឲ្យប្រទេស​«ងើប​ឡើងវិញ» នៅក្រោយថ្ងៃទី១១ ខែឧសភា។ នេះ បើតាមប្រធានាធិបតីបារាំង លោក អេម៉ានុយអែល ម៉ាក្រុង (Emmanuel Macron) ...

Comments are closed.

ដំណឹង

សង្គ្រាមនៅអ៊ុយក្រែន ៖ អាមេរិកផ្ដល់ភ្លើងខៀវបញ្ជូនយន្តហោះ«F-16»

កម្ពុជា

ក្រុមការងារ អ.ស.ប អំពាវនាវ​ឲ្យកម្ពុជា​ដោះលែង​«ស្ត្រីសេរីភាព»​ជាបន្ទាន់

អ្នកជំនាញមួយក្រុមរបស់អង្គការសហប្រជាជាតិ បានអំពាវនាវទៅ​របបដឹកនាំរបស់លោក ហ៊ុន សែន ឲ្យដោះលែងអ្នកស្រី សេង ធារី មេធាវីខ្មែរអាមេរិកាំង ដែលគេស្គាល់ក្នុងពេលកន្លងមក ថាជា«ស្ត្រីសេរីភាព» តាមរយៈសម្លៀកបំពាក់តែងខ្លួនសម្ដែងមតិរបស់អ្នកស្រី នៅខាងមុខសាលាដំបូងរាជធានីភ្នំពេញ។ ក្រុមអ្នកជំនាញប្រឆាំងការឃុំឃាំងតាមទំនើងចិត្ត ...
កម្ពុជា

សភាអ៊ឺរ៉ុបទាមទារ​ឲ្យបន្ថែម​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា

នៅមុននេះបន្តិច សភាអ៊ឺរ៉ុបទើបនឹងអនុម័តដំណោះស្រាយមួយ ជុំវិញស្ថានភាពនយោបាយ ការគោរព​លទ្ធិ​ប្រជាធិបតេយ្យ និងសិទ្ធិមនុស្ស នៅក្នុងប្រទេសកម្ពុជា ដោយទាមទារឲ្យគណៈកម្មអ៊ឺរ៉ុប គ្រោងដាក់​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា បន្ថែមទៀត។ ដំណោះស្រាយ៧ចំណុច ដែលមានលេខ «P9_TA(2023)0085» ...