មេដឹកនាំដ៏ចាស់វស្សា​នៅកម្ពុជា លោក ហ៊ុន សែន បានលើកឡើង នៅថ្ងៃនេះ ថាលោក បាន«ពាក់ម៉ាស់»​ នៅពេលលោកមកលេង ចៅទី២២ម្នាក់ ដែលទើបកើត​កាលពីសប្ដាហ៍មុន ដើម្បីការពារ​សុខភាព ចៅៗទាំងឡាយរបស់លោក។

លោកនាយករដ្ឋមន្ត្រី បានសរសេរដូច្នេះ នៅលើបណ្ដាញសង្គម ដោយអះអាងថា ជំងឺកូវីដ-១៩ បាន«បំផ្លាញនូវទំនៀមទម្លាប់» ដែល​បន្សល់ទុក ពីដូនតាអស់។ លោក ហ៊ុន សែន បានរៀបរាប់ថា៖

«កូវីដ១៩វាបានបំផ្លាញ នូវទំនៀមទម្លាប់ ដែលបន្សល់ទុក ពីដូនតាអស់ហើយ ដែលសូម្បីតែជួបចៅ ក៍ត្រូវពាក់ម៉ាស់ផងដែរ ដើម្បីការពារ​សុខភាពចៅ។ យើងត្រូវរៀនរស់នៅ ជាមួយនឹងរបៀបរបបថ្មី ដើម្បីសេចក្តីសុខទាំងអស់គ្នា។»

នាយករដ្ឋមន្ត្រី វ័យ៦៨ឆ្នាំ ដែលធ្លាប់ថ្លែងអួតអាងថា «ខ្លាមិនខ្លាច ទៅខ្លាចអាចម៍ខ្លា» មិនបានបញ្ជាក់ទេថា បើរូបលោកមិនឈឺជំងឺ ឬមាន​ផ្ទុក​មេរោគ «Covid-19» ទេនោះ តើលោកមានភាពចាំបាច់ ក្នុងការពាក់ម៉ាស់នេះ​ឬទេ។ ប៉ុន្តែនៅក្នុងរូបថត​ច្រើនសន្លឹក ដែល​លោកបង្ហោះ​មកជាមួយ បង្ហាញថា លោក ហ៊ុន សែន និងភរិយាលោក មិនបាន«ពាក់ម៉ាស់»​ក្នុងការជួបជាមួយចៅៗ របស់លោកទេ។

ឯកសារស្រាវជ្រាវ របស់អង្គការសុខភាព​ពិភពលោក (WHO /OMS) បានអះអាងថា មនុស្សដែលមានវ័យក្មេង ជាពិសេសកុមារ មានហនិភ័យតិចបំផុត ក្នុងការឆ្លងយក​មេរោគរាតត្បាតថ្មី។ ផ្ទុយទៅវិញ កុមារតូចៗទាំងនោះ អាចក្លាយជាភ្នាក់ងារចម្លងយ៉ាងងាយ ដើម្បីចម្លងមេរោគដ៏ចង្រៃ ពីគ្រួសារមួយ ទៅគ្រួសារមួយទៀត។

គិតមកដល់ថ្ងៃទី១០ ខែមករា ឆ្នាំ២០២១នេះ កម្ពុជាបានប្រកាសរកឃើញ អ្នកឆ្លងជំងឺកូវីដ១៩ ក្នុងប្រទេស សរុបចំនួន៣៩១នាក់ ក្នុងនោះអ្នកព្យាបាលជាសះស្បើយ ចំនួន៣៧១នាក់ និងអ្នកជំងឺកំពុងសម្រាកព្យាបាល នៅមន្ទីរពេទ្យ ចំនួន២០នាក់៕

ពេញមួយសប្តាហ៍ទើបជីតាបានមកលេងជាមួយចៅស្រីទី២២។ចៅស្រីទី២១ក៍ដូចគ្នាដែរមិនបានបីចៅចេញពីបន្ទប់សម្រាល…

Posted by Samdech Hun Sen, Cambodian Prime Minister on Sunday, January 10, 2021


លំអិតបន្ថែមទៀត

កម្ពុជា

ហ៊ុន សែន ថា​ទទួលទាន​នំបញ្ចុក​ មាន​ប្រយោជន៍​ខ្លាំង​ដល់​សុខភាព

ក្រៅពីពង្រឹងសាមគ្គីភាព និងលើកតម្កើងអត្តសញ្ញាណជាតិ ការទទួលទាននំបញ្ចុក ក៏ផ្តល់គុណប្រយោជន៍ សម្រាប់សុខភាពអ្នកទទួលទានដែរ។ នេះ បើតាមការលើកឡើង របស់លោកនាយករដ្ឋមន្ត្រី ហ៊ុន សែន នៅលើបណ្តាញសង្គម កាលពីប៉ុន្មាននាទីមុន។ ទំព័រហ្វេសប៊ុកលោក ...
កម្ពុជា

ទ្រង់ ធម្មិកោ ស្នើ ហ៊ុន សែន ឲ្យ​ដូរឈ្មោះ​ក្រុង​ព្រះសីហនុ

នៅចំពោះការប្ដូរមុខមាត់ នៃខេត្តមួយនៅជាប់សមុទ្រកម្ពុជា អតីតព្រះរាជលេខាផ្ទាល់ របស់អង្គមហាវីរៈក្សត្រ គឺព្រះអង្គម្ចាស់ ស៊ីសុវត្ថ ធម្មិកោ បានស្នើសុំនាយករដ្ឋមន្ត្រីកម្ពុជា លោក ហ៊ុន សែន នៅថ្ងៃនេះ ឲ្យប្ដូរឈ្មោះក្រុងព្រះសីហនុចេញ ...
កម្ពុជា

សន្និសីទ​អ្នក​គាំទ្រCNRP៖ គ្មាន​ការ​បែកបាក់​គ្នា​ទេ!

គ្មាន​ការ​បែកបាក់​គ្នា​ទេ! ក្រុមអ្នកគាំទ្រគណបក្សសង្គ្រោះជាតិ ដែលមកពីច្រើនតំបន់ នៅជុំវិញពិភពលោក បានជួបប្រជុំគ្នា នៅក្រុង អាត្លង់តា (ភាគខាងកើតសហរដ្ឋអាមេរិក) និងបានប្រកាសរួមគ្នាថា ការកោះឲ្យមានជាសន្និសីទពិភពលោកនេះ មិនមែនជាសញ្ញាណនៃការបែកបាក់ រវាងក្រុមអ្នកស្និតនឹងលោក សម ...

Comments are closed.

យល់ស៊ីជម្រៅផ្នែក កម្ពុជា

កម្ពុជា

ហ៊ុន សែន ដាក់កម្ពុជា​ឲ្យកាន់ទុក្ខ​មួយថ្ងៃ ចំពោះសព ស៊ីនហ្សូ អាបេ

កម្ពុជា

អ៊ុក ទូច ប្រកាសរហស្សនាមជា​«ជួបគប់ក្បាល ហ៊ុន សែន នឹងស្បែកជើង»

បងប្អូនត្រកូល«ជួប» ៖ បន្ទាប់ពីបានបង្ហោះទ្រនាប់ជើងមួយចំហៀង សំដៅលោកនាយករដ្ឋមន្ត្រី ហ៊ុន សែន រួច បុរសម្ចាស់ទ្រនាប់ជើង ដែលមានឈ្មោះ អ៊ុក ទូច បានចេញមុខនៅថ្ងៃព្រហស្បត្តិ៍នេះ ប្រកាសរហស្សនាមខ្លួនថា ...
កម្ពុជា

[វីដេអូ] ៖ «ស្បែកជើងហោះ»​ស្វាគមន៍ ហ៊ុន សែន នៅវ៉ាស៊ីនតោន

នៅខណៈលោក ហ៊ុន សែន កំពុងចាប់ដៃថតរូប ជាមួយបណ្ដាជន​ដែលមកទទួលស្វាគមន៍​លោក ស្រាប់តែ​«ស្បែកជើងហោះ»​មួយ បានហោះ​កាត់ក្បែរនោះ។ ជាទិដ្ឋភាពដែលបង្ក​ភាពរអាក់រអួលមួយភ្លែត ទៅដល់កម្មវិធី ក៏ដូចជាស្នាមញញឹម​​របស់នាយករដ្ឋមន្ត្រី​ចាស់វស្សាកម្ពុជា ដែលធ្វើដំណើរ​ទៅកាន់រដ្ឋធានី នៃសហរដ្ឋអាមេរិក ដើម្បីចូលរួមជំនួបកំពូល ...