កម្ពុជាដំណឹង

Covid-19៖ សមាគម​ថៅកែ រោងចក្រ ស្នើអ្នកបញ្ជាទិញ​ឲ្យ​ទូទាត់​ប្រាក់

ទំនងជាការប្រកាសអាសន្ន ពីសំណាក់​បណ្ដា«រោងចក្រ»នៅកម្ពុជា ដែលឈានទៅទម្លាក់កំហុស ទៅលើក្រុមអ្នកបញ្ជាទិញ នៅខណៈជំងឺ «Covid-19» កំពុងរាតត្បាតពិភពលោក។ នេះ បើតាមអ្វី ដែលគេបានអាន នៅក្នុងលិខិតចំហរមួយ របស់សមាគមរោងចក្រកាត់ដេរ​នៅកម្ពុជា (GMAC) ដែលចេញផ្សាយ ក្នុងថ្ងៃព្រហស្បត្តិ៍ ទី២ ខែមេសា ឆ្នាំ​២០២០នេះ។

លិខិតដែលបានប្រើពាក្យ ជាបឋមថា ជំងឺ«Covid-19»បានបង្ក«ចលាចល»ដល់អាជីវកម្ម នៃវិស័យនេះទាំងមូល បានសរសេរថា ក្រុមហ៊ុនរោងចក្រទាំងឡាយ មានសមត្ថភាព«តិចតួច»ខ្លាំងណាស់ បើធៀបនឹងអ្នកបញ្ជាទិញ ដោយហេតុថា រោងចក្រត្រូវប្រឈមមុខដោយផ្ទាល់ ចំពោះកម្មករកម្ពុជា ទាំងជាង៧សែននាក់ រួមនឹងក្រុមគ្រួសារ របស់ពួកគេផង។

លិខិតចំហរ របស់«GMAC» បានអំពាវនាវ ឲ្យក្រុមអ្នកបញ្ជាទិញ គោរពតាមកិច្ចសន្យារបស់ផងខ្លួន ដោយទទួលយកការដឹកទំនិញ និងទូទាត់ប្រាក់ សម្រាប់ទំនិញ ដែលផលិតរួច ក៏ដូចជាទំនិញ ដែលកំពុងផលិត។ លិខិតបានឲ្យដឹងទៀតថា៖

«នេះ នឹងធ្វើឲ្យយើង អាចបន្តផ្ដល់ការងារ ដល់កម្មករ ៧៥០ ០០០នាក់ របស់យើង និងធ្វើឲ្យយើង មានសមត្ថភាព បើកប្រាក់ឈ្នួល ជូនកម្មករ និងធានាដល់ជីវភាពប្រជាពលរដ្ឋកម្ពុជា រាប់លាននាក់។»

«សមាគមសូមអំពាវនាវ ដល់អ្នកបញ្ជាទិញទាំងអស់ មេត្តារក្សាការទទួលខុសត្រូវ ចំពោះអ្នកផ្គត់ផ្គង់ (ក្រុមហ៊ុនរោងចក្រ) និងកម្មករ ដែលបម្រើការងារ ក្នុងវិស័យរបស់យើង។»

រោងចក្រ គ្មានប្រាក់៤០%បើកឲ្យកម្មករទេ!

លោក ខេន លូ អគ្គលេខាធិការ «GMAC» បានថ្លែងប្រាប់ប្រព័ន្ធផ្សព្វផ្សាយ ក្នុងស្រុកថា ចាប់តាំងពីផ្ទុះជំងឺ «Covid-19» នោះមកទល់បច្ចុប្បន្ន អ្នកបញ្ជាទិញមួយចំនួន បានផ្អាកទទួលទំនិញ​ពីរោងចក្រ ដោយផ្អាកមិនឲ្យនាំទំនិញ ទៅឲ្យខ្លួន។ លោកបន្តថា ការផ្អាកនេះ នឹងធ្វើឲ្យរោងចក្រគ្មានលទ្ធភាព ក្នុងការបើកប្រាក់ ៤០ភាគរយដល់កម្មករ នៅអំឡុងពេលព្យួរការងារឡើយ បើទោះជារដ្ឋាភិបាលលោក ហ៊ុន សែន តម្រូវឲ្យរោងចក្រធ្វើដូច្នេះក្ដី។

លោក ខេន លូ ថ្លែងថា៖

«អីវ៉ាន់ដែលធ្វើហើយ អត់ឱ្យយកនាំចេញ ​អីវ៉ាន់ដែលផលិត គេឱ្យយើងឈប់ភ្លាម​។ អ៊ីចឹង ពេលដែលមិនបានប្រគល់អីវ៉ាន់ ​ឱ្យអ្នកបញ្ជាទិញ គឺអ្នកបញ្ជា​ទិញ​ អត់​ឱ្យ​លុយ​យើងទេ។ អ៊ីចឹង រយៈពេល ១ទៅ២ខែទៅមុខ ​​រោងចក្រភាគច្រើន នឹងអត់​មាន​លុយ​ហូរចូលទេ៕»

លោកនាយករដ្ឋមន្ត្រី ហ៊ុន សែន បានប្រកាស កាលពីថ្ងៃទី២៤ ខែកុម្ភៈថា នៅពេលរោងចក្រព្យួរការងារ​កម្មករនោះ កម្មករនឹងទទួលបានប្រាក់ឈ្នួល ៦០ភាគរយ នៃប្រាក់ខែគោលរបស់ពួកគេ​ ក្នុង​នោះ​ ថៅកែរោងចក្រ​ត្រូវទទួល​បន្ទុក ​បើក​ឱ្យកម្មករ ៤០ភាគរយ និងរដ្ឋាភិបាល ចូល​រួម​ចំណែក ២០ភាគរយ។

បើតាមលោក ខេន លូ ដដែល ឲ្យដឹងបន្ថែមថា បើគិតមកដល់ ចុងខែមីនា​កន្លងទៅ រោងចក្រប្រមាណជាង ៧០ បានស្នើសុំព្យួរការងារ ដែលធ្វើឲ្យប៉ះពាល់កម្មករ ប្រហែលជា ៣ម៉ឺននាក់៕



លំអិតបន្ថែមទៀត

កម្ពុជា

រដ្ឋាភិបាល​នឹង​ចាត់​វិធានការ​ប្រឆាំង​«អ្នកប្រតិដ្ឋ»​ស្ថានភាព​ជំងឺ ហ៊ុន សែន

អ្នកប្រតិដ្ឋ ឬបង្កើតស្ថានភាពអាក្រក់ ពីសុខភាពរបស់លោកនាយករដ្ឋ ហ៊ុន សែន នឹងត្រូវជាប់ចោទ ពីការប្រព្រឹត្តិ​​បទល្មើសព្រហ្មទណ្ឌ ហើយនឹងរងវិធានការ​យ៉ាងម៉ឺងម៉ាត់ ពីរបបក្រុងភ្នំពេញ។ នេះ បើតាមលោក ផៃ ស៊ីផាន ...
លោក សម រង្ស៊ី ឈរថតរូប នៅកណ្ដាលសង្កាត់ទី៦ នៃរដ្ឋធានីប៉ារីស ក្នុងថ្ងៃទី៣០ ខែតុលា ឆ្នាំ២០២០។ (រូបថតលើហ្វេសប៊ុក)
កម្ពុជា

សម រង្ស៊ី អះអាង​មិនងាយឈឺ នឹងជំងឺ​កូវីដ-១៩ ព្រោះលោក​ជាខ្មែរ

មេដឹកនាំប្រឆាំង ដែលកំពុងរស់នៅនិរទេសខ្លួន ក្នុងប្រទេសបារាំង បានអះអាងថា លោកមិនងាយធ្លាក់ខ្លួនឈឺ នឹងជំងឺ​កូវីដ-១៩ (Covid-19) នោះឡើយ ដោយសារលោក​មានឈាមជ័រ ជាជនជាតិខ្មែរ។ លោក សម រង្ស៊ី ...
ដំណឹង

នៅរុស្ស៊ី ទារកម្នាក់​កើតមក មានផ្ទុក​មេរោគ «Covid-19»

ទារកមួយរូប ត្រូវបានរកឃើញថា មានផ្ទុក​មេរោគ «Covid-19» បន្ទាប់ពីទារករូបនោះ បានចាប់កំណើត ពីផ្ទៃផ្ដាយ ដែលបានឈឺ​ជំងឺនេះ​រួចហើយ។ នេះ បើការអះអាង​របស់​អាជ្ញាធរ​សុខាភិបាល​តំបន់ នៃប្រទេសរុស្ស៊ី កាលពីថ្ងៃអាទិត្យ។ ករណីឆ្លងពីម្ដាយ ...

Comments are closed.

យល់ស៊ីជម្រៅផ្នែក កម្ពុជា

កម្ពុជា

ហ៊ុន សែន ដាក់កម្ពុជា​ឲ្យកាន់ទុក្ខ​មួយថ្ងៃ ចំពោះសព ស៊ីនហ្សូ អាបេ

កម្ពុជា

អ៊ុក ទូច ប្រកាសរហស្សនាមជា​«ជួបគប់ក្បាល ហ៊ុន សែន នឹងស្បែកជើង»

បងប្អូនត្រកូល«ជួប» ៖ បន្ទាប់ពីបានបង្ហោះទ្រនាប់ជើងមួយចំហៀង សំដៅលោកនាយករដ្ឋមន្ត្រី ហ៊ុន សែន រួច បុរសម្ចាស់ទ្រនាប់ជើង ដែលមានឈ្មោះ អ៊ុក ទូច បានចេញមុខនៅថ្ងៃព្រហស្បត្តិ៍នេះ ប្រកាសរហស្សនាមខ្លួនថា ...
កម្ពុជា

[វីដេអូ] ៖ «ស្បែកជើងហោះ»​ស្វាគមន៍ ហ៊ុន សែន នៅវ៉ាស៊ីនតោន

នៅខណៈលោក ហ៊ុន សែន កំពុងចាប់ដៃថតរូប ជាមួយបណ្ដាជន​ដែលមកទទួលស្វាគមន៍​លោក ស្រាប់តែ​«ស្បែកជើងហោះ»​មួយ បានហោះ​កាត់ក្បែរនោះ។ ជាទិដ្ឋភាពដែលបង្ក​ភាពរអាក់រអួលមួយភ្លែត ទៅដល់កម្មវិធី ក៏ដូចជាស្នាមញញឹម​​របស់នាយករដ្ឋមន្ត្រី​ចាស់វស្សាកម្ពុជា ដែលធ្វើដំណើរ​ទៅកាន់រដ្ឋធានី នៃសហរដ្ឋអាមេរិក ដើម្បីចូលរួមជំនួបកំពូល ...