កម្ពុជាដំណឹង

ហ៊ុន សែន ថាពលរដ្ឋ«គ្មានជម្រើស»​ទេ ចំពោះ​វិស័យ​សុខាភិបាល​កម្ពុជា

នៅចំពោះវិបត្តិជងឺ «កូរូណា» ឬ «Covid-19» ដែលកំពុងបន្តរាតត្បាត លើផ្ទៃប្រទេស លោកនាយករដ្ឋមន្ត្រី ហ៊ុន សែន បានថ្លែងដាក់កំហិតឡើងថា ពលរដ្ឋកម្ពុជា«គ្មានជម្រើស»អ្វីផ្សេង ក្រៅពីស៊ូទ្រាំ ទទួលយកការព្យាបាល ពីគ្រូពេទ្យកម្ពុជា ឬសេវាកម្ម នៃប្រព័ន្ធសុខាភិបាល​សព្វថ្ងៃ របស់កម្ពុជា​នោះឡើយ។

ថ្លែងទៅកាន់ក្រុមអ្នកកាសែត ក្នុងសន្និសីទសារព័ត៌មានមួយ នាវិមានរដ្ឋសភាជាតិ ក្នុងព្រឹកថ្ងៃទី៣០ ខែមីនា ឆ្នាំ២០២០នេះ មេដឹកនាំកម្ពុជា បានថ្លែងឡើងថា៖

«ឥឡូវ ទោះបីអស់លោក លោកស្រី ពេញចិត្តឬមិនពេញចិត្ត នូវគ្រូពេទ្យខ្មែរ តែអស់លោកអត់មានជម្រើសទេ ក្រៅតែពីប្រើប្រាស់សេវាកម្ម នៃសុខាភិបាលកម្ពុជា តែប៉ុណ្ណោះ។ អ្នកដែលជួយអស់លោកបាន នៅពេលនេះ មានតែគ្រូពេទ្យកម្ពុជា តែប៉ុណ្ណោះ ដែលអស់លោកត្រូវជឿជាក់។»

គោលការណ៍ របស់អង្គការសុខភាពពិភពលោក (WHO) ក្នុងវិបត្តិនៃការរាតត្បាត មេរោគ «កូរូណា» ឬ «Covid-19» បានតម្រូវឲ្យរាល់អ្នកជំងឺ ដែលឆ្លងមេរោគខាងលើ នៅលើពិភពលោក ត្រូវនៅសម្រាកព្យាបាល នៅនឹងកន្លែង។

គោលការណ៍នេះ ក៏ត្រូវបានលោក ហ៊ុន សែន ដកស្រង់មកអះអាងដែរ កាលពីពេលកន្លងមក ដើម្បីប្រតិកម្ម ទៅនឹងការចុះផ្សាយ របស់សារព័ត៌មានបរទេស មួយចំនួន ដែលថាមេដឹកនាំរូបនេះ បានឆ្លងជំងឺ ហើយត្រូវបានបញ្ជូន ទៅព្យាបាលជាបន្ទាន់ នៅឯមន្ទីរពេទ្យ របស់ប្រទេសសិង្ហបូរី៕



លំអិតបន្ថែមទៀត

កំសាន្ដ

Covid-19៖ តំណាងមេបា​ក្រុង​ញ៉ូយក​​ប្រកាស​ចំណង​មង្គលការ​ ពីជាន់ទី៤

បញ្ហា បណ្ដាលមកពីមេរោក «កូរូណា» ឬ«Covid-19» ! តំណាងមេបាម្នាក់ នៅក្រុងញូយក បានប្រកាស«ពីជាន់ទី៤» នៃអាគារស្នាក់នៅ ដើម្បីរៀបអាពាហ៍ពិពាហ៍ ឲ្យស្ត្រីអាមេរិកាំងពីររូប កាលពីថ្ងៃសុក្រកន្លងមក។ ទស្សនាវដ្ដី ...
កម្ពុជា

សម រង្ស៊ី ប្ដេជ្ញាមិនចុះញ៉ម និងអំពាវនាវ​ឲ្យពលរដ្ឋបន្តប្រឆាំង​ជនផ្ដាច់ការ

ពីរដ្ឋធានីប៉ារីស (បារាំង) មេដឹកនាំប្រឆាំងរបស់ប្រទេសកម្ពុជា លោក សម រង្ស៊ី បាន​ប្រកាស​ជំហរ​«ប្ដេជ្ញាមិនចុះញ៉ម» របស់លោក និងរបស់ថ្នាក់ដឹកនាំ​គណបក្សសង្គ្រោះជាតិ ហើយបានអំពាវនាវ​ ទៅកាន់​ពលរដ្ឋខ្មែរ​​ទាំងអស់ ឲ្យបន្តសកម្មភាព ដើម្បីប្រឆាំង​ជនផ្ដាច់ការ។ ...
កម្ពុជា

ហ៊ុន សែន៖ «កម្ពុជា​ត្រូវតែមាន​សន្តិភាព​ជានិច្ច​»

នាយករដ្ឋមន្ត្រីកម្ពុជា បានអះអាងឡើងវិញថា ប្រទេស​«កម្ពុជា​ត្រូវតែមាន​សន្តិភាព​ជានិច្ច​» ហើយលោកបានអំពាវនាវ ឲ្យរួមគ្នាថែរក្សា​ការពារ​សន្តិភាពនេះ ឲ្យខាងតែបាន និងបញ្ចៀសប្រទេស កុំឲ្យវិលធ្លាក់ទៅក្នុងភ្នក់សង្គ្រាមជាថ្មី។ ជាមួយនឹងរូបថតច្រើនសន្លឹក ក្នុងនោះមួយសន្លឹក បង្ហាញពីភាពបាក់បែក នៃអគារ​ធនាគារ​ជាតិ កណ្ដាលរាជធានីភ្នំពេញ ...

Comments are closed.

យល់ស៊ីជម្រៅផ្នែក កម្ពុជា

កម្ពុជា

កឹម សុខា បដិសេធ​ការយកឈ្មោះ និង​រូបភាពលោក ទៅប្រើខុសឆន្ទៈ

កម្ពុជា

សម រង្ស៊ី ថា ស ខេង អាចចូលក្នុង​«រដ្ឋាភិបាល​បង្រួបបង្រួមជាតិ»

ប្រធានស្ដីទីគណបក្សសង្គ្រោះជាតិ លោក សម រង្ស៊ី បានហៅការបង្កើត​«រដ្ឋាភិបាល​បង្រួបបង្រួមជាតិ» ដែលមាន​ការចូលរួម ពីលោក ស ខេង ថា«ជាគំនិតមួយ ដ៏ត្រឹមត្រូវ»។ ការអះអាងរបស់មេដឹកនាំប្រឆាំង ធ្វើឡើងក្នុង​ខណៈ​លោក ...
កម្ពុជា

អ្នកជំនាញ អ.ស.ប៖ ការឃុំខ្លួនយុវជន៧រូប ធ្វើឡើងដោយ​«បំពាន»

ការឃុំខ្លួនយុវជន៧រូប (ក្នុងនោះមានព្រះសង្ឃ១អង្គ) ទំនងជាត្រូវបានធ្វើ ដោយ«បំពាន»។ នេះ បើតាម​ការលើក​ឡើង របស់ក្រុមអ្នកជំនាញ​ខាងសិទ្ធិមនុស្ស របស់អង្គការសហប្រជាជាតិ ដោយជំរុញ​ទៅអាជ្ញាធររបប​ក្រុងភ្នំពេញ ឲ្យដោះលែងពួកគេ​ឲ្យនៅក្រៅឃុំ ដោយអនុលោម​​តាមច្បាប់ជាតិ និងអន្តរជាតិ។ ក្រុមអ្នកជំនាញទាំងនោះ ...