កម្ពុជាដំណឹង

អ្នកកាសែត​«ក្នុងមុង» ឆ្លើយសារ​ចំអក​ដាក់​រដ្ឋមន្ត្រី​ក្រសួង​«មុង»​វិញ​ម្ដង

លោក ជុន ច័ន្ទបុត្រ នាយករង​វិទ្យុអាស៊ីសេរី ទទួលបន្ទុកខេមរភាសា ដែលរងការចំអក ពីរដ្ឋមន្ត្រីក្រសួងព័ត៌មាន ថាជាអ្នកកាសែត«ក្នុងមុង» បានឆ្លើយតបវិញ ដោយសារ​បឈ្ឆិត​បញ្ឆៀង​​ខ្លីមួយ កាលពីម្សិលម៉ិញ ហៅក្រសួងព័ត៌មាន ថាជាក្រសួង«មុង» ដែល​មានទីប្រឹក្សាច្រើនជ្រុល។

ដើម្បីយល់រឿងនេះ គេត្រូវត្រឡប់ទៅស្ដាប់ការផ្សាយ របស់វិទ្យុអាស៊ីសេរី កាលពីថ្ងៃសុក្រសប្ដាហ៍មុន ដែលបានរាយការណ៍​ថា លោកនាយករដ្ឋមន្ត្រី ហ៊ុន សែន បានលប់ចោលកិច្ចប្រជុំគណៈរដ្ឋមន្ត្រី ដើម្បីយកពេល ទៅជូនចៅស្រីរបស់លោក ឡើងយន្ដហោះ។

លុះកន្លងមកបានពីរថ្ងៃ គឺនៅព្រឹកថ្ងៃអាទិត្យទី២៨ ខែកក្កដា លោក ខៀវ កាញារីទ្ធ រដ្ឋមន្ត្រីក្រសួង[ឃ្លាំមើល]ព័ត៌មាន បានបង្ហោះសារចំអកមួយ ហៅការផ្សាយនោះ ថា«ការតែងព័ត៌មាន»ឡើង របស់អ្នកកាសែត«ក្នុងមុង» ដែល«ត្រូវ​តែ​ប្រឹង​រក​ព័ត៌មាន» និងខុស​ពីអ្នក​កាសែត«​វិជ្ជា​ជីវៈ»។

សម្តេច​ហ៊ុន​សែន​ជូន​ចៅ​ឡើង​យន្តហោះ​ពេល​ល្ងាច​ថ្ងៃ​សុក្រ​…

Posted by Kanharith Khieu on Saturday, July 27, 2019


ការចំអកនោះ ទំនងជាបានធ្លាយ ទៅដល់ត្រចៀកអ្នកសារព័ត៌មានរបស់វិទ្យុអាស៊ីសេរី ជាពិសេស គឺលោក ហួត វុទ្ធី ហៅ ជុន ច័ន្ទបុត្រ ដែលជាចាងហ្វាងការផ្សាយ របស់ស្ថាប័នវិទ្យុ-ទូរទស្សន៍ មួយនេះតែម្ដង។ លោក ជុន ច័ន្ធបុត្រ បានបង្ហោះសារ តបទៅលោក ខៀវ កាញារីទ្ធ វិញ កាលពីថ្ងៃទី៣១ ខែកក្កដាម្សិលមិញថា៖

«ទីប្រឹក្សាច្រើនយ៉ាងនេះ ចង្អៀតមុងស្លាប់ហើយ…។»

ទីប្រឹក្សា«ច្រើន» ព្រោះលោក ច័ន្ទបុត្រ ទំនងជាចង់ចំអក ឲ្យលោក ខៀវ កាញារីទ្ធ និងក្រសួង[ឃ្លាំមើល]ព័ត៌មាន ដែលទើបនឹងបន្ថែមទីប្រឹក្សាឲ្យក្រសួង ចំនួនជិត២០០នាក់ ក្នុងរយៈពេល២ខែជាប់គ្នា ក្នុងនោះ១០៦នាក់ ត្រូវបានតែងតាំង ដោយព្រះរាជ្យក្រឹត្យព្រះមហាក្សត្រ កាលពីថ្ងៃទី២៧ ខែកក្កដា ដោយពួកគេនោះម្នាក់ៗ មានឋានៈស្មើចាប់ពី«អគ្គនាយក» រហូតដល់«រដ្ឋលេខាធិការ»៕

ទីប្រឹក្សាច្រើនយ៉ាងនេះ ចង្អៀតមុងស្លាប់ហើយ…

Posted by Chun Chanboth Vuthy Huot on Tuesday, July 30, 2019


You may also like

កម្ពុជា

ហ៊ុន ម៉ានី ខឹង​នាយករដ្ឋមន្ត្រី​សិង្ហបូរី​ដែល​រំលឹកថា យួន​ចូល​ឈ្លានពានខ្មែរ

សម្រាប់លោក ហ៊ុន ម៉ានី កូនប្រុសរបស់លោកនាយករដ្ឋមន្ត្រី ហ៊ុន សែន បើមេដឹកនាំបរទេសទាំងឡាយ សរសេរសំបុត្រឆ្លើយឆ្លងគ្នា ដោយលើកពីផ្នែកមួយ ដែលមានទាក់ទងពីប្រវត្តិសាស្ត្រកម្ពុជា មកបញ្ជាក់នោះ មេដឹកនាំបរទេសទាំងនោះគួរសរសេរ ពីគ្រប់ចំណុចទាំងអស់ ...
កម្ពុជា

សម រង្ស៊ី៖ កម្ពុជាខុសពីថៃ គឺព្រះមហាក្សត្រខ្មែរ ជា«អាយ៉ងសុទ្ធសាធ»

សម្រាប់លោក សម រង្ស៊ី បានលើកឡើងថា ចំណុចខុសគ្នា​រវាងរបបដឹកនាំ នៅថៃនិង​កម្ពុជា គឺព្រះមហាក្សត្រខ្មែរសព្វថ្ងៃ ជា«អាយ៉ងសុទ្ធសាធ» ខណៈព្រះមហាក្សត្រថៃ មាន​អំណាចខ្លាំងក្លា តែអ្វីដែលប្រទេសថៃ មានរបបដឹកនាំ​ដូចនៅកម្ពុជា គឺ«របបផ្ដាច់ការ​ ...
កម្ពុជា

អនុរដ្ឋមន្ត្រីចិន​ថា រាជធានីភ្នំពេញ មាន​ភាពរស់រវើកស្រស់ស្អាត

អនុរដ្ឋមន្ត្រីក្រសួងទំនាក់ទំនងអន្តរជាតិ នៃប្រទេសចិនប្រជាមានិត បានអះអាងថា រាជធានីភ្នំពេញ មានភាពរស់រវើក​ស្រស់ស្អាត និងមានសក្ដានុពលជាច្រើន។ មន្ត្រីជាន់ខ្ពស់ចិន លោក វ៉ាង យ៉ាជុន បានថ្លែងដូច្នេះ នៅក្នុងជំនួបជាមួយនាយករដ្ឋមន្ត្រីកម្ពុជា លោក ...

Comments are closed.

កម្ពុជា

ក្រុមការងារ អ.ស.ប អំពាវនាវ​ឲ្យកម្ពុជា​ដោះលែង​«ស្ត្រីសេរីភាព»​ជាបន្ទាន់

កម្ពុជា

សភាអ៊ឺរ៉ុបទាមទារ​ឲ្យបន្ថែម​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា

នៅមុននេះបន្តិច សភាអ៊ឺរ៉ុបទើបនឹងអនុម័តដំណោះស្រាយមួយ ជុំវិញស្ថានភាពនយោបាយ ការគោរព​លទ្ធិ​ប្រជាធិបតេយ្យ និងសិទ្ធិមនុស្ស នៅក្នុងប្រទេសកម្ពុជា ដោយទាមទារឲ្យគណៈកម្មអ៊ឺរ៉ុប គ្រោងដាក់​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា បន្ថែមទៀត។ ដំណោះស្រាយ៧ចំណុច ដែលមានលេខ «P9_TA(2023)0085» ...