ដំណឹងពិភពលោក

Covid-19៖ ករណីឆ្លង​ផ្ទុះខ្លាំង​នៅ​​ប្រទេស​ឈីលី រួមទាំងរដ្ឋមន្ត្រី២នាក់

ក្នុងប្រទេសឈីលី ករណីឆ្លងបានកើនឡើងខ្លាំង ជាមួយនឹង​ការរកឃើញ​អ្នកជំងឺ ៤,៨៩៥​នាក់ កាលពីថ្ងៃម្សិលម៉ិញ ក្នុងនោះមាន រួមទាំងរដ្ឋមន្ត្រី២នាក់ នៃរដ្ឋាភិបាល​ប្រធានាធិបតី លោក «Sebastian Piñera» នោះផង។

មកដល់ថ្ងៃនេះ ប្រទេស​ក្នុងទ្វីបអាមេរិក​ខាងត្បូង ដែលមានប្រជាជនសរុប ជាង១៧លាន​នាក់​មួយនេះ បានរកឃើញករណីឆ្លង មានចំនួនសរុប ប្រមាណជា ៧៣,៩៩៧នាក់ ក្នុងនោះ​អ្នកជំងឺ ៧៦១នាក់ បានស្លាប់។ អ្នកជំងឺ៤៣នាក់ បានស្លាប់ កាលពីថ្ងៃម្សិលមិញ។ ករណីឆ្លងដំបូង ដែលប្រទេសនេះ បានរកឃើញ គឺនៅថ្ងៃទី៣ ខែមីនា។

អ្នកឆ្លងជំងឺ រួមទាំងរដ្ឋមន្ត្រី២នាក់ …

រដ្ឋមន្ត្រីពីរនាក់ ដែលត្រូវបានរកឃើញ បានឆ្លងជំងឺ «Covid-19» រួមមានលោក «Alfredo Moreno» អាយុ៦៣ឆ្នាំ ជារដ្ឋមន្ត្រីសាធារណការ និងលោក «Carlos Jobet» អាយុ៤៤ឆ្នាំ ជារដ្ឋមន្ត្រីថាមពល។

បន្ថែមពីតួលេខខាងលើ នៅមានរដ្ឋមន្ត្រី៣នាក់ទៀត ក៏ត្រូវបានដាក់ ឲ្យនៅដោយឡែក (ធ្វើចត្តាឡីស័ក) បន្ទាប់ពីអស់លោកទាំងនេះ បានទាក់ទងដោយផ្ទាល់ ជាមួយអ្នកផ្ទុក មេរោគ «Covid-19»។ យ៉ាងណា លោករដ្ឋមន្ត្រីទាំងបីររូប ត្រូវបានធ្វើតេស្ដិ៍ ចេញលទ្ធផល​«អវិជ្ជមាន» ក្នុងពេលនេះ។

កាលពីសប្ដាហ៍កន្លងទៅ សមាជិកព្រឹទ្ធសភា៣នាក់ ត្រូវបានរកឃើញ ថាបានឆ្លង​ជំងឺ​ដ៏ចង្រៃ បង្កឲ្យស្ថាប័នព្រឹទ្ធសភាទាំងមូល ត្រូវបិទទ្វា តែបានធ្វើការកោះប្រជុំ នៅតាម​ប្រព័ន្ធទូរស័ព្ទវីដេអូ (Visioconférence)។

ក្នុងរដ្ឋសភាជាតិ របស់ប្រទេសឈីលីវិញ ក៏បានរកឃើញ មានតំណាងរាស្ត្រមួយរូប បានផ្ទុក​​មេរោគ «Covid-19» ដែរ។

រដ្ឋធានី សានទីចាហ្គោ (Santiago) ដែលមានប្រជាជនរស់នៅ ប្រមាណជាង៧លាននាក់ គឺជាមណ្ឌលកណ្ដាល នៃការរាតត្បាតដ៏ខ្លាំងក្លា រាប់ចាប់តាំងពីថ្ងៃទី ១៦ខែឧសភាមក។ ចំនួនករណីឆ្លង ក្នុងរដ្ឋធានី ដែលត្រូវបានរកឃើញ មានប្រមាណជា ៩០% បើធៀបនឹង​ករណីឆ្លង នៅទូទាំងប្រទេស។

នៅចំពោះគ្រោះ​រាតត្បាតខាងលើ រដ្ឋាភិបាលរបស់លោកប្រធានាធិបតី «Sebastian Piñera» បានដាក់រដ្ឋធានីទាំងមូល និងតំបន់​ខ្លះទៀត ទៅក្នុងបម្រាម​យ៉ាងតឹងតែង។ ក្នុងពេលជាមួយគ្នា ការធ្វើតេស្ដិ៍ជាលក្ខណៈទូទៅ និងទូលំទូលាយ ក៏ត្រូវបានធ្វើផងដែរ៕



You may also like

កម្ពុជា

«លិខិត​ឆ្លងដែន​នៃ​ភាពស៊ាំ»​គំនិត សម រង្ស៊ី ដំបូងគេ? WHO ប្រតិកម្ម!

លោក សម រង្ស៊ី មេដឹកនាំប្រឆាំង របស់ប្រទេសកម្ពុជា តែងលើកឡើងមិនដែលដាច់ ពីយោបល់របស់លោក ក្នុងការបង្កើត«លិខិត​ឆ្លងដែន​នៃ​ភាពស៊ាំ» តាំងពីច្រើនសប្ដាហ៍ហើយ។ នៅថ្ងៃសៅរ៍នេះ យោបល់ខាងលើ ដែលមានប្រទេសមួយចំនួនកំពុងធ្វើ បានរងប្រតិកម្ម ...
កម្ពុជា

Covid-19៖ យុវជន​ស្លាប់​នៅ ត្បូងឃ្មុំ មាន​ជំងឺ​ផ្ដាសាយ​តែ​គ្រូពេទ្យ​មិនដឹង

យុវជនពេញកម្លាំង អាយុ២១ឆ្នាំម្នាក់ ដែលបានស្លាប់ ក្នុងមណ្ឌលចត្តាឡីស័ក ខេត្ត ត្បូងឃ្មុំ មានជំងឺផ្ដាសាយ​តាំងពីច្រើនថ្ងៃហើយ តែ​គ្រូពេទ្យ​ដែលបានទៅវាស់កម្ដៅ ដើម្បីពិនិត្យ​សុខភាព​យុវជន មិនបានដឹងពីជំងឺនេះទេ។ នេះ បើតាមសេចក្ដីប្រកាសព័ត៌មាន របស់​ក្រសួងសុខាភិបាល ...
ដំណឹង

អ៊ីតាលី៖ គ្រូពេទ្យស្នើឲ្យរដ្ឋាភិបាល​«បិទប្រទេសទាំងស្រុង»ឡើងវិញ

ក្រុមគ្រូពេទ្យអ៊ីតាលី បានស្នើឲ្យរដ្ឋាភិបាល​«បិទប្រទេសទាំងស្រុង»​ឡើងវិញ និងជាបន្ទាន់ ដើម្បីទប់ស្កាត់​រលកទី២ នៃការរាតត្បាតជំងឺ«Covid-19»។ ពួកគេទាំងនោះបាន​លើកឡើង​ថា ស្ថានភាព​ក្នុងប្រទេស​អ៊ីតាលី នៅពេលនោះ មានលក្ខណៈ​«គ្រប់គ្រង​លែងបាន»។ ប៉ុន្មានសប្ដាហ៍ចុងក្រោយនេះ ប្រទេសអ៊ីតាលីមានអ្នកជំងឺកូវីដថ្មី រវាងពី៣០០០០ ទៅ៤០០០០នាក់ ...

Comments are closed.

ដំណឹង

សង្គ្រាមនៅអ៊ុយក្រែន ៖ អាមេរិកផ្ដល់ភ្លើងខៀវបញ្ជូនយន្តហោះ«F-16»

កម្ពុជា

ក្រុមការងារ អ.ស.ប អំពាវនាវ​ឲ្យកម្ពុជា​ដោះលែង​«ស្ត្រីសេរីភាព»​ជាបន្ទាន់

អ្នកជំនាញមួយក្រុមរបស់អង្គការសហប្រជាជាតិ បានអំពាវនាវទៅ​របបដឹកនាំរបស់លោក ហ៊ុន សែន ឲ្យដោះលែងអ្នកស្រី សេង ធារី មេធាវីខ្មែរអាមេរិកាំង ដែលគេស្គាល់ក្នុងពេលកន្លងមក ថាជា«ស្ត្រីសេរីភាព» តាមរយៈសម្លៀកបំពាក់តែងខ្លួនសម្ដែងមតិរបស់អ្នកស្រី នៅខាងមុខសាលាដំបូងរាជធានីភ្នំពេញ។ ក្រុមអ្នកជំនាញប្រឆាំងការឃុំឃាំងតាមទំនើងចិត្ត ...
កម្ពុជា

សភាអ៊ឺរ៉ុបទាមទារ​ឲ្យបន្ថែម​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា

នៅមុននេះបន្តិច សភាអ៊ឺរ៉ុបទើបនឹងអនុម័តដំណោះស្រាយមួយ ជុំវិញស្ថានភាពនយោបាយ ការគោរព​លទ្ធិ​ប្រជាធិបតេយ្យ និងសិទ្ធិមនុស្ស នៅក្នុងប្រទេសកម្ពុជា ដោយទាមទារឲ្យគណៈកម្មអ៊ឺរ៉ុប គ្រោងដាក់​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា បន្ថែមទៀត។ ដំណោះស្រាយ៧ចំណុច ដែលមានលេខ «P9_TA(2023)0085» ...