ឈីលី៖ ដំរីសមុទ្រ​មួយក្បាល ឡើងដើរកម្សាន្ដក្នុងក្រុង

ដំរីសមុទ្រ​មួយក្បាល បានដើរឡើងគោក និងបានវង្វេងផ្លូវ ដោយបានដើរចុះដើរឡើង ឆ្លងពីផ្លូវមួយទៅផ្លូវមួយ បង្កការភ្ញាក់ផ្អើល ដល់អ្នកភូមិមិនតិចទេ។

ហេតុការណ៍កើតឡើង កាលពីយប់ថ្ងៃទី៦ ខែតុលា ក្នុងក្រុង «Puerto Cisnes» ដែលជាក្រុងឆ្នេរសមុទ្រ ស្ថិតក្នុងភាគកណ្ដាល នៃប្រទេសឈីលី (អាមេរិកខាងត្បូង)។

បើទោះជាប្រទេសឈីលី ស្ថិតក្នុងការប្រកាសភាពអាសន្ន ដើម្បីប្រយុទ្ធប្រឆាំងនឹងរោគរាគត្បាត «Covid-19» ក៏ដោយ តែមន្ត្រីអាជ្ញាធរ រួមនឹងអ្នកភូមិ ប្រមាណជា៥០នាក់ បានពង្រាយគ្នា ដើម្បីនាំសត្វ«ដំរីសមុទ្រ​មួយក្បាល»នេះ វិលទៅកាន់ទឹកដី និងផ្ទះសម្បែងដើម​របស់វាវិញ។

ការនាំសត្វសមុទ្រ ឲ្យវិលចូលទឹកវិញ បានប្រើពេល ជាច្រើនម៉ោង។ យ៉ាងណា រូបភាពដែលផ្តិតបាន ពីព្រឹត្តិការណ៍ដ៏កម្រនេះ បានចល័ត និងត្រូវបានចែករំលែក នៅពាសពេញពិភពលោក មកទល់នឹងថ្ងៃនេះ៕

⛔#AHORA 📢 Vecinos observan el paso de un elefante marino por las calles de Puerto Cisnes. Mamífero lleva más de 6 cuadras fuera de su hábitat.

Gepostet von Manuel Novoa am Montag, 5. Oktober 2020

📢#AHORA ⛔ Elefante Marino finalmente llegó al final de la ciudad en la parte alta de Puerto Cisnes.

Gepostet von Manuel Novoa am Montag, 5. Oktober 2020

មតិយោបល់