កោះហ្វីលីពីន បានបញ្ជូនវ៉ាក់សាំងចិន បង្ការជំងឺកូវីដ-១៩ (Covid-19) ទៅឲ្យ​ប្រទេសចិ​នវិញ បើទោះជាប្រធានាធិបតី លោក រ៉ូឌ្រីចូ ឌូតែតេ (Rodrigo Duterte) បានចាក់វ៉ាក់សាំងនេះ ដើម្បីបង្ហាញពីភាពជឿជាក់របស់លោក ទៅកាន់​ប្រជាជន​ហ្វីលីពីនក្ដី។

តាមរយៈរូបភាពផ្សាយផ្ទាល់ ក្នុងកញ្ចក់ទូរទស្សន៍ក្នុងស្រុក លោក ឌូតែតេ បានចាក់វ៉ាក់សាំង «Sinopharm» របស់​ប្រទេសចិន កាលពីថ្ងៃទី៣ ខែឧសភា ឆ្នាំ២០២១។ កាយវិការនេះ ជាផ្នែកមួយនៃយុទ្ធនាការពន្លឿន​ការចាក់​វ៉ាក់សាំង បង្ការជំងឺកូវីដ-១៩ នៅលើផ្ទៃប្រទេស។

ប៉ុន្តែប្រជាជនហ្វីលីពីន មិនបានគិតដូចលោកប្រធានាធិបតីទេ ខណៈអាជ្ញាធរសុខាភិបាលរបស់កោះ ក៏មិនបាន​ទទួលស្គាល់​វ៉ាក់សាំងទាំងនេះដែរ។ នៅចំពោះសង្គ្រាមប៉ាកកាដ៏ខ្លាំងក្លា លោក រ៉ូឌ្រីចូ ឌូតែតេ បាន«សុំទោស​ជាសាធារណៈ» និងបានសម្រេច​បញ្ជូនវ៉ាក់សាំង «Sinopharm» ទាំង១០០០ដូស ទៅឲ្យ​ប្រទេសចិ​នវិញ នៅថ្ងៃទី៥ ខែឧសភា ឆ្នាំ២០២១។

តាមរយៈសន្និសីទសារព័ត៌មានមួយ លោក ឌូតែតេ បានរៀបរាប់ថា លោកបានស្នើអគ្គរដ្ឋទូតចិន ប្រចាំនៅរដ្ឋធានី​ម៉ានីល ឲ្យបញ្ឈប់​បញ្ជូន​វ៉ាក់សាំង «Sinopharm» មកកាន់កោះហ្វីលីពីន។ តែលោកបន្តថា ប្រទេសចិននៅអាច​បញ្ជូនវ៉ាក់សាំង «Sinovac» មួយប្រភេទទៀត របស់ប្រទេសចិន មកកាន់ប្រទេសលោកជាបន្តទៀត។

យ៉ាងណា ដំណឹងចុងក្រោយបានអះអាងថា វ៉ាក់សាំង «Sinopharm» ត្រូវបានអង្គការសុខភាពពិភពលោក (WHO /OMS) ប្រកាសទទួលស្គាល់ជា«កិច្ចបន្ទាន់» នៅថ្ងៃទី៧ ខែឧសភា ឆ្នាំ២០២១។ សេចក្ដីប្រកាសរបស់អង្គការខាងលើ ធ្វើឡើង​ក្នុងទិសដៅអនុញ្ញាត​ឲ្យប្រទេសក្រីក្រនានា ឬប្រទេសដែលគ្មានសមត្ថភាព​​សិក្សាពីថ្នាំវ៉ាក់សាំង អាចទទួល​ថ្នាំនេះ យកទៅចាក់ជូនប្រជាជនរបស់ផងខ្លួន៕



លំអិតបន្ថែមទៀត

កម្ពុជា

កម្ពុជាប្រកាស​«ករណីស្លាប់​ដំបូង»​បន្ទាប់ពី ហ៊ុន សែន ឲ្យត្រៀម​«ប៉ាឆា»

ប្រទេសកម្ពុជាបានប្រកាសឲ្យដឹង ពីមរណភាព​របស់អ្នកជំងឺកូវីដ-១៩ម្នាក់ ដែលបានសម្រាក​ព្យាបាល នៅមន្ទីរពេទ្យ​រុស្ស៉ី (ភ្នំពេញ) និងដែលជា«ករណីស្លាប់​ដំបូង» រាប់ចាប់ពីពេលកម្ពុជា រកឃើញករណីឆ្លង​ទីមួយ ក្នុងខែមករា​ឆ្នាំ២០២០​នោះមក។ នេះ បើតាម​សេចក្ដីប្រកាសព័ត៌មាន របស់ក្រសួងសុខាភិបាល ដែលចេញផ្សាយ​នៅព្រឹកថ្ងៃ​ព្រហស្បត្តិ៍ ...
ដំណឹង

យន្ដហោះ​ក្រុមហ៊ុនចិន​មួយ​ធ្លាក់បោកខ្លួន ជាមួយ​អ្នកដំណើរ​១៣២នាក់

យន្ដហោះមួយគ្រឿង របស់ក្រុមហ៊ុនអាកាសចរណ៍ចិន «China Eastern Airlines» បានធ្លាក់បោកខ្លួន ជាមួយ​អ្នកដំណើរ​១៣២នាក់ នៅក្នុងតំបន់មួយ ស្ថិតក្នុងភាគខាងត្បូងនៃប្រទេសចិន។ ក្នុងពេលភ្លាមៗ មិនទានមានតុល្យភាពជាផ្លូវការ បង្ហាញឲ្យដឹងអំពីចំនួនជនរងគ្រោះ ឬយ៉ាងណាទេ។ ...

យល់ស៊ីជម្រៅផ្នែក ដំណឹង

ដំណឹង

សង្គ្រាមនៅអ៊ុយក្រែន ៖ អាមេរិកផ្ដល់ភ្លើងខៀវបញ្ជូនយន្តហោះ«F-16»

កម្ពុជា

ក្រុមការងារ អ.ស.ប អំពាវនាវ​ឲ្យកម្ពុជា​ដោះលែង​«ស្ត្រីសេរីភាព»​ជាបន្ទាន់

អ្នកជំនាញមួយក្រុមរបស់អង្គការសហប្រជាជាតិ បានអំពាវនាវទៅ​របបដឹកនាំរបស់លោក ហ៊ុន សែន ឲ្យដោះលែងអ្នកស្រី សេង ធារី មេធាវីខ្មែរអាមេរិកាំង ដែលគេស្គាល់ក្នុងពេលកន្លងមក ថាជា«ស្ត្រីសេរីភាព» តាមរយៈសម្លៀកបំពាក់តែងខ្លួនសម្ដែងមតិរបស់អ្នកស្រី នៅខាងមុខសាលាដំបូងរាជធានីភ្នំពេញ។ ក្រុមអ្នកជំនាញប្រឆាំងការឃុំឃាំងតាមទំនើងចិត្ត ...
កម្ពុជា

សភាអ៊ឺរ៉ុបទាមទារ​ឲ្យបន្ថែម​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា

នៅមុននេះបន្តិច សភាអ៊ឺរ៉ុបទើបនឹងអនុម័តដំណោះស្រាយមួយ ជុំវិញស្ថានភាពនយោបាយ ការគោរព​លទ្ធិ​ប្រជាធិបតេយ្យ និងសិទ្ធិមនុស្ស នៅក្នុងប្រទេសកម្ពុជា ដោយទាមទារឲ្យគណៈកម្មអ៊ឺរ៉ុប គ្រោងដាក់​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា បន្ថែមទៀត។ ដំណោះស្រាយ៧ចំណុច ដែលមានលេខ «P9_TA(2023)0085» ...

Comments are closed.