យុវជនខ្មែរម្នាក់​បាន​ស្លាប់​ នៅក្នុង​​មណ្ឌល​ចត្តាឡីស័​ក​​មួយកន្លែង ស្ថិតក្នុងមណ្ឌល​ស្វាយឃ្លាំង ស្ថិត​ក្នុង​​ស្រុក​ក្រូចឆ្មារ​ ខេត្ត​ត្បូងឃ្មុំ កាលពី​យប់​ថ្ងៃពុធ ទី២២ ខែកក្កដា​ម្សិលមិញ។ នេះ បើតាម​ការអះអាង របស់លោក កែវ វណ្ណៈ ប្រធាន​មន្ទីរ​សុខាភិបាល​ខេត្ត​ត្បូងឃ្មុំ ដោយ​លើក​ឡើង​បន្ថែមថា មរណភាពនេះ ទំនងជាមកពី«ខ្យល់គរ»។

យុវជនពេញកម្លាំងរូបនោះ អាយុ២១ឆ្នាំ ជាពលករធ្វើដំណើរតាមផ្លូវគោក ត្រឡប់ពី​ប្រទេស​ម៉ាឡេស៊ី ដោយ​ឆ្លងកាត់​តាមប្រទេសថៃ កាលពីថ្ងៃទិ១៥ ខែកក្កដា ឆ្នាំ២០២០ តាមច្រក​ប៉ោយប៉ែត។

ស្រង់សំដីដោយសារព័ត៌មានក្នុងស្រុក លោកប្រធានមន្ទីរបានឲ្យដឹងថា ការ​ស្លាប់​របស់​យុវជនខាងលើ ត្រូវ​បាន​សន្និដ្ឋាន​ជាបឋម​ថា បណ្ដាលមកពី«​ខ្យល់គរ» ព្រោះ​មានអាកា​រ​ត្រជាក់​រាងកាយ សន្លប់​បាត់ស្មារតី មុននឹង​ស្លាប់។

លោក​  កែវ វណ្ណៈ បញ្ជាក់​ថា ក្រោយ​​ទទួលមរណភាព សំណាក​ពី​សព​យុវជន ត្រូវបានយក​ទៅ​​ត្រួតពិនិត្យ​ ដើម្បី​ស្វែងរក​មេរោគ«Covid-19» ​នៅ​ឯវិទ្យាស្ថាន​ប៉ាស្ទ័រ ក្នុង​រាជធានី​ភ្នំពេញ។

ផ្ទុយពីអ្នកដំណើរច្រើនរយនាក់ ដែលក្រសួងសុខាភិបាល អះអាងថា ត្រូវបានដាក់​ឲ្យធ្វើ​ចត្តាឡីស័ក បន្ទាប់ពី​ពួកគេ​ជាន់ជើង លើទឹកដីខ្មែរនោះ យុវជនខាងលើនេះ មិនត្រូវ​បាន​​ក្រុម​អាជ្ញាធរសុខាភិបាល ដាក់ឲ្យធ្វើ​ចត្តាឡីស័កទេ។

លោក កែវ វណ្ណៈ បានបញ្ជាក់ទៀតថា នៅថ្ងៃទី១៩ ខែកក្កដា បន្ទាប់ពីបានធ្វើតេស្ដិ៍ ចេញ​លទ្ធផលអវិជ្ជមាន យុវជន​ត្រូវបានអនុញ្ញាត ឲ្យធ្វើដំណើរ​ទៅកាន់​ស្រុក​កំណើត ក្នុងខេត្ត​ត្បូងឃ្មុំ។ តែយុវជន​បាន«ស្ម័គ្រចិត្ត» ចូលស្នាក់នៅ​ដាច់​ដោយឡែក រយៈពេល​១៤ថ្ងៃ (រាប់ពី​ថ្ងៃ​ទី១៩ ខែកក្កដា) ក្នុងមណ្ឌលធ្វើចត្តាឡីស័ក អនុវិទ្យាល័យ​«ស្វាយឃ្លាំង» រហូតធ្វើ​មរណភាព នៅថ្ងៃពុធម្សិលម៉ិញ។

ក្នុងព្រឹកថ្ងៃទី២៣ ខែកក្កដានេះ ក្រសួងសុខាភិបាលកម្ពុជា បានបញ្ចេញតួលេខផ្លូវការ ឲ្យដឹងថា កម្ពុជាមានអ្នក​ឆ្លងជំងឺ «Covid-19» សរុបចំនួន១៩៨នាក់ ក្នុងនោះអ្នកជំងឺ ដែលបាន ជាសះស្បើយរួចហើយ មានចំនួន​១៤២នាក់៕



លំអិតបន្ថែមទៀត

កម្ពុជា

ហ៊ុន សែន បញ្ជា​ឲ្យប្ដូរ​លក្ខខណ្ឌ​«ឫកធំ» សម្រាប់​អ្នកដំណើរ​បរទេស

បន្ទាប់ពីការចុះផ្សាយ របស់សារព័ត៌មានបរទេស ដែលអះអាងថា «កម្ពុជាតូចតែ ឫកធំ» នោះមក លោកនាយករដ្ឋមន្ត្រី លោក ហ៊ុន សែន បានប្រាប់​ទៅស្ថាប័ន​ពាក់​ព័ន្ធ​ នៅ​ដើមសប្ដាហ៍នេះ ឲ្យប្ដូរលក្ខខណ្ឌ​«ឫកធំ»ទាំងនោះ ...
ដំណឹង

Covid-19៖ បារាំងបិទ​គ្រឹះស្ថានសិក្សា លើ​ផ្ទៃ​ប្រទេស និងព្រមាន​បិទព្រំដែន

ប្រធានាធិបតីបារាំង លោក អេម៉ានុយអែល ម៉ាក្រុង (Emmanuel Macron) បានថ្លែងទៅកាន់ប្រជាជាតិ លើ​ផ្ទៃ​ប្រទេស អំពីវិធានការ «បន្ទាន់» មួយចំនួន ជាពិសេសការបិទគ្រឹះស្ថានសិក្សា​ទាំងអស់ ដើម្បីទប់ស្កាត់ ...
កម្ពុជា

Covid-19៖ កម្ពុជា​មានអ្នកជំងឺ​ស្លាប់ពីរនាក់ ក្នុងមួយថ្ងៃនេះ

ក្នុងថ្ងៃសុក្រទី១៩ ខែមីនា ឆ្នាំ២០២១នេះ កម្ពុជា​មានអ្នកជំងឺ​ស្លាប់ពីរនាក់ ក្នុងនោះម្នាក់ ជាស្ត្រីអាយុ៦២ឆ្នាំ និងម្នាក់ទៀត ជាបុរស​អាយុ​៤៦ឆ្នាំ។ នេះ បើតាមសេចក្ដីប្រកាសព័ត៌មាន និងប្រភពផ្លូវការ របស់ក្រសួងសុខាភិបាលកម្ពុជា នៅប៉ុន្មាននាទីមុននេះ។ ...

យល់ស៊ីជម្រៅផ្នែក កម្ពុជា

កម្ពុជា

ក្រុមការងារ អ.ស.ប អំពាវនាវ​ឲ្យកម្ពុជា​ដោះលែង​«ស្ត្រីសេរីភាព»​ជាបន្ទាន់

កម្ពុជា

សភាអ៊ឺរ៉ុបទាមទារ​ឲ្យបន្ថែម​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា

នៅមុននេះបន្តិច សភាអ៊ឺរ៉ុបទើបនឹងអនុម័តដំណោះស្រាយមួយ ជុំវិញស្ថានភាពនយោបាយ ការគោរព​លទ្ធិ​ប្រជាធិបតេយ្យ និងសិទ្ធិមនុស្ស នៅក្នុងប្រទេសកម្ពុជា ដោយទាមទារឲ្យគណៈកម្មអ៊ឺរ៉ុប គ្រោងដាក់​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា បន្ថែមទៀត។ ដំណោះស្រាយ៧ចំណុច ដែលមានលេខ «P9_TA(2023)0085» ...

Comments are closed.