កម្ពុជាដំណឹង

Covid-19៖ កម្ពុជាឈានដល់វគ្គ… ប្រាក់​បៀវត្ស​បរិច្ចាគ

លោក ហ៊ុន សែន នាយករដ្ឋមន្ត្រីកម្ពុជា
លោក ហ៊ុន សែន នាយករដ្ឋមន្ត្រីកម្ពុជា

បន្ទាប់ពីវគ្គប្រាក់ជំនួយឧបត្ថម្ភ ពីសំណាក់ក្រុមអ្នកមានទ្រព្យធន ឬឧកញ៉ា ពេលនេះប្រទេសកម្ពុជាបានឈាន មកដល់វគ្គ «ប្រាក់​បៀវត្ស​បរិច្ចាគ» ពីសំណាក់ក្រុមមន្ត្រីគ្រាក់ៗម្ដង។ ព្រះរាជាណាចក្របានឆ្លងកាត់វគ្គ និងដំណាក់កាលច្រើនយ៉ាងនេះ បើទោះជានាយករដ្ឋមន្ត្រី លោក ហ៊ុន សែន ធ្លាប់ប្រកាសថា កម្ពុជាបានត្រៀមបម្រុងប្រាក់ យ៉ាងហោច៨០០លានដុល្លារ និងរហូតដល់២០០០លានដុល្លារ ដើម្បីទប់ទល់នឹងវិបត្តិជំងឺ «Covid-19» នេះក្ដី។

ការប្រកាសពីប្រាក់ត្រៀមបម្រុងនោះ ធ្វើឡើងកាលពីថ្ងៃទី១០ ខែមីនា កន្លងទៅ ក្នុងពិធីចែកសញ្ញាប័ត្រ ដល់ក្រុមនិស្សិតច្រើនពាន់នាក់ នៃគ្រឹស្ថានសិក្សាឯកជនមួយកន្លែង។ លោក ហ៊ុន សែន បានថ្លែងឡើង នៅពេលនោះថា៖

«រាជរដ្ឋាភិបាល​បម្រុងទុក​នៃថវិកា​ តាមសេណារីយ៉ូ ទី១ ឬទី២។ បើទី១ គឺត្រៀមបម្រុង​ប្រមាណជា​ជិត ៨០០ លាន​ដុល្លារ។ អាហ្នឹង​បើសិនជា ចេញអាសេណារីយ៉ូ វិបត្តិ គេថា វិបត្តិអូសបន្លាយ​៦ខែ។ អារឿងកូរ៉ូណា​អូសបន្លាយ​៦ខែ គឺត្រៀម​ថវិកា​ប្រមាណ​៨០០ លាន ដើម្បី​ស្រោចស្រង់​សេដ្ឋកិច្ច។»

«ហើយបើវាទៅដល់១ឆ្នាំ យើងក៏បាន​ប៉ាន់ស្មានថា បើ៦ខែ វាធ្លាក់សេដ្ឋកិច្ច ធ្លាក់កំណើនប៉ុនណា? ផលប៉ះពាល់​វាធំប៉ុនណា? ហើយបាត់បង់​ចំណូលប៉ុនណា? ប្រសិនបើ​វា​កើតដល់​មួយឆ្នាំ តើកំណើន​សេដ្ឋកិច្ច​របស់យើង ​ធ្លាក់នៅប៉ុនណា? ហើយយើង​ត្រូវប៉ះប៉ូវ​ ទំហំ​ទឹកប្រាក់ប៉ុនណា? អញ្ចឹង​វាស្ថិត​នៅក្នុង​ចន្លោះ ពី៨០០លាន ទៅ២០០០លាន​ប៉ុណ្ណឹង ដែលយើង​ត្រៀមបម្រុង។»

ផ្ទុយទៅវិញ មកដល់ថ្ងៃនេះ កញ្ចប់ថវិការត្រៀមបម្រុងទាំងនោះ មិនត្រូវបានរដ្ឋាភិបាលលោក ហ៊ុន សែន យកចេញមកប្រើប្រាស់ តាមរយៈវិធានការអ្វី ឲ្យច្បាស់លាស់នៅឡើយ ខណៈការរៃអង្គាស រកប្រាក់ពីសប្បុរសជន បានកើតមានជាហូហែរ និងមានច្រើនវគ្គ។

វគ្គដំបូងគេ គឺជាប្រាក់ជំនួយឧបត្ថម្ភ ពីក្រុមអ្នកមានទ្រព្យធន ឬឧកញ៉ា។ ប្រាក់ជំនួយរបស់ក្រុម​«សប្បុរសជន»​ទាំងនេះ ត្រូវបានលោក ហ៊ុន សែន អះអាង នៅក្នុងសន្និសីទសារព័ត៌មាន នាវិមានរដ្ឋសភាថា មានទំហំប្រមាណជា ៩លានដុល្លារអាមេរិក មកទល់នឹងថ្ងៃទី៣១ ខែមីនា ឆ្នាំ២០២០។

បន្ទាប់មក និងរាប់ចាប់ពីល្ងាចម្សិលម៉ិញ មកដល់ថ្ងៃនេះ ព្រះរាជាណាចក្រអច្ឆរិយៈ បាន​ឈានដល់វគ្គ ប្រាក់​បៀវត្ស​បរិច្ចាគ ពីសំណាក់មន្ត្រីជាន់ខ្ពស់ ក្នុងជួររដ្ឋាភិបាល និងនៅតាមក្រសួងមន្ទីរនានា។

យុទ្ធនាការថ្មីមួយនេះ ត្រូវបានលោកនាយករដ្ឋមន្ត្រី ហ៊ុន សែន ចាប់ផ្ដើមធ្វើមុនគេ តាមរយៈលិខិតមួយរបស់លោក ផ្ញើរទៅរដ្ឋមន្ត្រីក្រសួងហិរញ្ញវត្ថុ ដោយប្រកាសបរិច្ចាគ​ប្រាក់​បៀវត្សរបស់លោក ចំនួន៧ខែ ទៅឲ្យគណៈកម្មការជាតិប្រយុទ្ធនឹងជំងឺ «Covid-19»។

ភ្លាមៗក្រោយមក មន្ត្រីក្រោមឱវាទរបស់លោក ហ៊ុន សែន ជាច្រើននាក់ ក៏បានប្រកាស​បរិច្ចាគប្រាក់បៀវត្ស របស់ផងខ្លួន ជាបន្តបន្ទាប់ដែរ មុននឹងកាយវិការទាំងនេះ ត្រូវបានប្រព័ន្ធឃោសនា របស់លោក ហ៊ុន សែន យកមកចុះផ្សាយ យ៉ាងគគ្រឹកគគ្រេង។ មន្ត្រីទាំងនោះ រួមមាន បណ្ដារដ្ឋមន្ត្រី ទីប្រឹក្សា សមាជិកសភា​-ព្រឹទ្ធសភា ឧត្ដមសេនីយ៍យោធា-នគរបាល អភិបាលខេត្តក្រុងនានា និងត្រូវរាប់បន្ថែម ដោយមន្ត្រីរាជការ នៅតាមក្រសួងមន្ទីរមួយចំនួនផង។

មកដល់ម៉ោងនេះ ក្រសួងសុខាភិបាលកម្ពុជា បានបញ្ចេញតួលេខផ្លូវការ ថាបានរកឃើញអ្នកឆ្លងជំងឺ «Covid-19» មានចំនួនកើនឡើង ដល់១១០នាក់ បន្ទាប់ពីរកឃើញអ្នកឆ្លងជំងឺថ្មី ចំនួន១នាក់បន្ថែមទៀត។ ក្រសួងបានប្រកាសបន្ថែមថា ចំនួនអ្នកជំងឺជាសះ បានកើនឡើង ដល់៣៤នាក់៕



លំអិតបន្ថែមទៀត

ដំណឹង

Covid-19៖ ត្រាំ ផ្អាកប្រាក់បដិភាគ សម្រាប់​អង្គការ​សុខភាព​ពិភពលោក

ប្រធានាធិបតីអាមេរិក លោក ដូណាល់ ត្រាំ (Donald Trump) បានសម្រេចផ្អាកការផ្ដល់ប្រាក់បដិភាគ របស់សហរដ្ឋអាមេរិក សម្រាប់​អង្គការ​សុខភាព​ពិភពលោក (WHO / OMS) ដោយចោទ​ស្ថាប័ន​​អន្តរជាតិ​មួយនេះ ...
កម្ពុជា

មេដឹកនាំរដ្ឋាភិបាល«ពាក់ម៉ាស់» ទៅ​ទទួល​ព្រះរាជា​យាង​ត្រឡប់​ពីចិន

«ពាក់ម៉ាស់» ៖ ពិធីទទួលព្រះមហាក្សត្រ សម្ដេច នរោត្ដម សីហមុនី និងព្រះមហាក្សត្រី សម្ដេច មុនីនាថ សីហនុ ដែលយាងត្រឡប់ ពីប្រទេសចិន ក្នុងរសៀលថ្ងៃចន្ទនេះ ...
កម្ពុជា

អ្នកវិនិយោគចិន រងការព្រមានដោយចំហរនិងធ្ងន់ៗពី សម រង្ស៊ី

មេដឹកនាំប្រឆាំង លោក សម រង្ស៊ី បានចេញសារខ្លាំងៗមួយ នៅព្រឹកថ្ងៃចន្ទទី១១ ខែកុម្ភៈ ឆ្នាំ២០១៩នេះ ព្រមានក្រុម«អ្នកវិនិយោគចិន និងជនជាតិចិន» ថាព្រឹត្តិការណ៍នយោបាយថ្មី អាចនឹងផ្ទុះឡើងប្រឆាំងពួកគេ ពីសំណាក់ប្រជាជនកម្ពុជា ...

Comments are closed.

យល់ស៊ីជម្រៅផ្នែក កម្ពុជា

កម្ពុជា

Covid-19៖ កម្ពុជាមានអ្នកជំងឺ​កើន«ដល់​២២៣៣​ករណី ស្លាប់១០នាក់»

កម្ពុជា

Covid-19៖ កម្ពុជាប្រកាស​«ករណីស្លាប់ទី៩» ពីចំណោម​អ្នកស្លាប់១៥នាក់

ប្រទេសកម្ពុជា បានប្រកាសឲ្យដឹងពី​«ករណីស្លាប់ទី៩» ដោយសារជំងឺកូវីដ-១៩ (Covid-19) ក្នុងរសៀលថ្ងៃសៅរ៍​ទី២៧ ខែមីនានេះ។ ករណីនេះ ជាមរណភាពទី២ ដែលត្រូវបានប្រកាស​ក្នុងថ្ងៃសៅរ៍តែមួយ តែមរណភាពទី១ មិន​ត្រូវបាន​​រាប់​បញ្ចូលថា ស្លាប់ដោយជំងឺរាតត្បាតទេ។ នេះ ...
កម្ពុជា

Covid-19៖ កម្ពុជាមានអ្នកជំងឺស្លាប់ ២នាក់ទៀត ក្រោយ​ផ្លាស់មន្ទីរពេទ្យ

អ្នកជំងឺ ២នាក់ទៀត បានទទួលមរណភាព ដោយសារជំងឺកូវីដ-១៩ (Covid-19)។ ជនរងគ្រោះទាំងពីររូបនោះ ដែល​ម្នាក់ជាជនជាតិខ្មែរ និងម្នាក់ទៀត ជាជនជាតិចិន ត្រូវបានដាក់ឲ្យព្យាបាលដំបូងឡើយ នៅទីកន្លែងផ្សេង ពីមន្ទីរពេទ្យ​រុស្ស៊ី។ រហូតលុះត្រាស្ថានភាពជំងឺធ្ងន់ធ្ងរ ...