ដំណឹងពិភពលោក

Covid-19 ៖ រង​ការរិះគន់​ធ្ងន់ពេក ដូណាល់ ត្រាំ ប្រតិកម្ម​តបទៅ អូបាម៉ា

បន្ទាប់ពីអតីតប្រធានាធិបតី លោក បារ៉ាក់ អូបាម៉ា (Barack Obama) បានរិះគន់ធ្ងន់ៗ អំពីវិធានការគ្រប់គ្រង ការរាតត្បាតនៃជំងឺ «Covid-19» ដែលហាក់មិនមានប្រសិទ្ធិភាពនោះ លោកប្រធានាធិបតី ដូណាល់ ត្រាំ (Donald Trump) បានប្រតិកម្មតបវិញ នៅថ្ងៃនេះ ដោយចោទអតីតប្រធានាធិបតី ថាមិនបានរៀបចំប្រទេសទុក ឲ្យបានសមស្រប សម្រាប់ស្ថានភាពសុខាភិបាល ដូចសព្វថ្ងៃ។

ការរិះគន់របស់លោក អូបាម៉ា​ ធ្វើឡើងកាលពីថ្ងៃសៅរ៍ ដោយវាយតម្លៃ វិធានការរបស់រដ្ឋបាលលោក ត្រាំ ដើម្បីទប់ស្កាត់ការរាតត្បាត ថាជា«គ្រោះមហន្តរាយ ដ៏អាណោចអាធម»។

ការថ្លែងរបស់អតីតប្រធានាធិបតី បានបញ្ឆេះកំហឹងរបស់លោក ដូណាល់ ត្រាំ ឡើង ដោយលើកឡើងថា ក្នុងប្រវត្តិសាស្ត្រ របស់សហរដ្ឋអាមេរិក មិនដែលមានប្រធានាធិបតី ផុតតំណែងណាម្នាក់ ងាកមករិះគន់ប្រធានាធិបតី ដែលស្នងតំណែង ពីខ្លួននោះឡើយ។

បន្ទាប់មកទៀត លោក ត្រាំ បានការពារលទ្ធផល នៃវិធានការទាំងឡាយ របស់រដ្ឋបាលរបស់លោក ដើម្បីប្រយុទ្ធទល់នឹងជំងឺ «Covid-19»។ លោកប្រធានាធិបតី បានសរសេរនៅលើទំព័រទ្វីសធើរ របស់លោកថា៖

«យើងទទួលបានពិន្ទុ ល្អសម្បើមណាស់ សម្រាប់ការទប់ស្កាត់ ការរាតត្បាតនៃមេរោគ​កូរូណា ជាពិសេសដោយធ្វើការហាមឃាត អ្នកដំណើរពីប្រទេសចិន រកប្រភពនៃការឆ្លង នៅនឹងច្រកព្រំដែន របស់សហរដ្ឋអាមេរិក។»

«ចូរប្រៀបធៀបលទ្ធផលខាងលើ ទៅនឹងគ្រោះមហន្តរាយ របស់ អូបាម៉ា និង ចូ ពូកែដេក (Sleepy Joe, ចំអកឲ្យលោក Joe Biden) ដែលចាត់វិធានការ ចំពោះជំងឺផ្ដាសាយជ្រូក “H1N1″។ ទទួលបានពិន្ទុអាក្រក់ ការស្ទង់មតិក៏អាក្រក់… តែពួកគាត់ អត់យល់អ្វីទាំងអស់។»

ក្នុងចុងសប្ដាហ៍កន្លងទៅនេះ លោក បារ៉ាក់ អូបាម៉ា បានរិះគន់ការសម្រេច ដ៏ប្រទាំងប្រទើស របស់ក្រសួងយុត្តិធម៌ សហរដ្ឋអាមេរិក ដែលបានដកចេញ នូវសំនុំរឿងចោទប្រកាន់ ប្រឆាំងលោក «Michael Flynn» អតីតទីប្រឹក្សាមួយរូប របស់លោក ដូណាល់ ត្រាំ ដែលរងការស៊ើបអង្កេត ពីបទបាន «កុហក» ជុំវិញទំនាក់ទំនងរបស់លោក ជាមួយនឹងមន្ត្រីការទូតរ៉ុស្ស៊ីម្នាក់។

អតីតប្រធានាធិបតី បានថ្លែងថា៖

«មិនដែលមានពីមុនមកទេ ដែលមនុស្សម្នាក់ ដែលរងការចោទ ពីការរំលោភបំពាន​ដូច្នេះហើយ បែរជាបានរួចខ្លួន យ៉ាងព្រងើយ […] គឺស្ថានភាពបែបហ្នឹងហើយ ដែលយើងចាប់ផ្ដើមសង្ស័យ ថា ការអានរបស់យើង នូវពាក្យសម្បថជាមូលដ្ឋាន ស្ដីពីនីតិរដ្ឋ កំពុងរងការគម្រាម៕»



You may also like

ដំណឹង

កូនស្រី​ប្រធានាធិបតី​អាមេរិក​ ឡើងធ្វើ​ប្រធាន​ធនាគារពិភពលោក?

បន្ទាប់ពីការលាលែង​របស់លោក ជីម យ៉ុងគីម (Jim Yong Kim) ពីចេញពីតំណែង ជាប្រធានធនាគារពិភពលោក ឈ្មោះឥស្សវជនជាច្រើន ត្រូវបានពន្លេចឲ្យដឹង ដើម្បីអាចទៅជំនួសលោក ជីម យ៉ុងគីម ...
ដំណឹង

បារាំងបន្ត​ដាក់សម្ពាធ ខណៈ ត្រាំ ព្រមាន​បញ្ជូនទ័ព​ទៅ​វេណេស៊ុយអេឡា

បារាំងបន្ត​ដាក់សម្ពាធ ដោយបានរំឭកលោក នីកូឡា ម៉ាឌូរ៉ូ (Nicolas Maduro) ប្រធានាធិបតីវេណេស៊ុយអេឡា ក្នុងថ្ងៃអាទិត្យនេះ ជុំវិញឱសានវាទរបស់ខ្លួន ដែលបានដាក់ជាមួយប្រទេសជាច្រើន ក្នុងសហភាពអ៊ឺរ៉ុប កាលពីសប្ដាហ៍មុន។ សហរដ្ឋអាមេរិកវិញ ...
កម្ពុជា

កម្ពុជាស្នើជាថ្មី ឲ្យវៀតណាម​គោរព​«បទដ្ឋាន​បច្ចេកទេស» មុនបង្ហោះ​ព័ត៌មាន

ក្រសួងសុខាភិបាលកម្ពុជា បានប្រកាសនៅ​ថ្ងៃទី១១ ខែមិថុនា ឆ្នាំ២០២០នេះ ឲ្យភាគី​វៀតណាម គោរពតាម«បទដ្ឋាន​បច្ចេកទេស និងគោលការណ៍ និយ័តកម្មអន្តរជាតិ» លើករណី​ជំងឺឆ្លង មុននឹងធ្វើការសន្និដ្ឋាន ឬចុះផ្សាយព័ត៌មាន ដែលបះពាល់ដល់កម្ពុជា។ សេចក្តីថ្លែងការណ៍ ...

Comments are closed.

ដំណឹង

សង្គ្រាមនៅអ៊ុយក្រែន ៖ អាមេរិកផ្ដល់ភ្លើងខៀវបញ្ជូនយន្តហោះ«F-16»

កម្ពុជា

ក្រុមការងារ អ.ស.ប អំពាវនាវ​ឲ្យកម្ពុជា​ដោះលែង​«ស្ត្រីសេរីភាព»​ជាបន្ទាន់

អ្នកជំនាញមួយក្រុមរបស់អង្គការសហប្រជាជាតិ បានអំពាវនាវទៅ​របបដឹកនាំរបស់លោក ហ៊ុន សែន ឲ្យដោះលែងអ្នកស្រី សេង ធារី មេធាវីខ្មែរអាមេរិកាំង ដែលគេស្គាល់ក្នុងពេលកន្លងមក ថាជា«ស្ត្រីសេរីភាព» តាមរយៈសម្លៀកបំពាក់តែងខ្លួនសម្ដែងមតិរបស់អ្នកស្រី នៅខាងមុខសាលាដំបូងរាជធានីភ្នំពេញ។ ក្រុមអ្នកជំនាញប្រឆាំងការឃុំឃាំងតាមទំនើងចិត្ត ...
កម្ពុជា

សភាអ៊ឺរ៉ុបទាមទារ​ឲ្យបន្ថែម​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា

នៅមុននេះបន្តិច សភាអ៊ឺរ៉ុបទើបនឹងអនុម័តដំណោះស្រាយមួយ ជុំវិញស្ថានភាពនយោបាយ ការគោរព​លទ្ធិ​ប្រជាធិបតេយ្យ និងសិទ្ធិមនុស្ស នៅក្នុងប្រទេសកម្ពុជា ដោយទាមទារឲ្យគណៈកម្មអ៊ឺរ៉ុប គ្រោងដាក់​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា បន្ថែមទៀត។ ដំណោះស្រាយ៧ចំណុច ដែលមានលេខ «P9_TA(2023)0085» ...