កម្ពុជាដំណឹង

ហ៊ុន សែន មិនបាន​ទៅបី​ចៅស្រី​ទើបនឹងកើត ព្រោះជំងឺ​«Covid-19»

Covid-19 ៖ លោកនាយករដ្ឋមន្ត្រី ហ៊ុន សែន ទើបនឹងប្រកាសឲ្យដឹង ថាលោកមានចៅថ្មី​មួយរូបទៀត។ តែផ្ទុយពីគ្រួសារលោក ក្នុងនោះរួមទាំងភរិយាលោកផង ដែលបានទៅ​ចាប់បី​ទារិកាថ្មី បុរសខ្លាំងកម្ពុជាអះអាងថា លោកមិនអាច​ទៅបីចៅ«ទី២១»រូបនេះ បានឡើយ ដោយសារតែ«ជំងឺឆ្លងកូវីត១៩»។

ជាមួយនឹងរូបថតច្រើនសន្លឹក ដែលបង្ហាញថា ភរិយាលោក គឺអ្នកស្រី ប៊ុន រ៉ានី ហុនសែន បានចូលទៅបីទារិកា ដល់មន្ទីរពេទ្យសម្រាល លោក ហ៊ុន សែន បានសរសេរដោយអំណរ ពីចំងាយថា៖

«បន្ទាប់ពីការបាត់បង់មាតាក្មេក នាសប្តាហ៍កន្លងទៅ ថ្ងៃនេះខ្ញុំទទួលបាន ចៅស្រីមួយរូបទៀត ដែលជាចៅទី២១ របស់ខ្ញុំនិងភរិយា។ ស្វាគមន៍និងជូនពរចៅ ទទួលបានសេចក្តីសុខ។»

ចៅទី២១របស់លោក ហ៊ុន សែន ជាបុត្រីរបស់លោក សុខ ពុទ្ធិវុធ (កូនប្រុសរបស់សពលោក សុខ អាន) និងអ្នកស្រី ហ៊ុន ម៉ាលី (កូនស្រីពៅរបស់លោក ហ៊ុន សែន)។ លោក​នាយក​រដ្ឋ​មន្ត្រី ហ៊ុន សែន  បានបញ្ជាក់ទៀតថា៖

«តាមិនបានទៅបីចៅ ចេញពីមន្ទីរពេទ្យ ដូចចៅមុនៗឡើយ ដោយសារតែ​ជម្ងឺ​ឆ្លង​កូវីត១៩»

បន្ទាប់ពីការបាត់បង់មាតាក្មេកនាសប្តាហ៍កន្លងទៅ…

Gepostet von Samdech Hun Sen, Cambodian Prime Minister am Dienstag, 12. Mai 2020

លោក ហ៊ុន សែន កំពុងធ្វើចត្តាឡីស័ក ព្រោះ«Covid-19»ឬ?

សំណេររបស់បុរសខ្លាំង បានបង្កើតឲ្យមានមន្ទិល ចំពោះការឆ្លងជំងឺ«Covid-19» សម្រាប់​រូបលោកផ្ទាល់ ដែលខុសពីអ្នកស្រី ប៊ុន រ៉ានី ហ៊ុនសែន ដែលបង្ហាញ​វត្តមាន ជា​សាធារណៈ និងបានធ្វើដំណើរចេញក្រៅ ដូចគេឯង។

យ៉ាងណា នេះជាមន្ទិល ដែលទម្លាយចេញ ដោយលោក ហ៊ុន សែន ខ្លួនលោក តាមរយៈ​សំណេរ​ខាងលើ និងគ្មានប្រភពច្បាស់ការណ៍ណាមួយ បានបញ្ជាក់នៅឡើយ អំពីបញ្ហា​សុខភាព របស់លោក។

ជារៀងរាល់ដង ដំណឹងលេចឮ ពីបញ្ហាសុខភាពរបស់លោក ហ៊ុន សែន គឺជារឿង«រសើប»​ដែលគ្មានប្រព័ន្ធផ្សព្វផ្សាយ ក្នុងស្រុកណាមួយ ហ៊ានធ្វើសេចក្ដីរាយការណ៍ ឬធ្វើការអង្កេត ក្រៅពីការ​បង្ហើប​ឲ្យដឹង ដោយសាមីខ្លួននោះឡើយ។

ផ្ទុយទៅវិញ អ្នកណាដែលនិយាយ ពីបញ្ហាសុខភាពរបស់ បុរសខ្លាំងអាយុ៦៧ឆ្នាំរូបនេះ តែង​ទទួលរង ការគម្រាមតបវិញ ឬរហូតឈានដល់ចាប់ខ្លួន ពីបទញុះញង់ ឬបទប្រមាថ​ជាដើម៕



លំអិតបន្ថែមទៀត

កម្ពុជា

គីម សុខ អះអាងថា ហ៊ុន សែន លួច​ទៅ​អង្វរ​ចិន ដើម្បី​​ត្រៀម​ផ្ទេរអំណាច​ឲ្យកូន

សម្រាប់អ្នកវិភាគ លោក គីម សុខ បានជឿជាក់ថា វាគ្មានការសង្ស័យទេ ជុំវិញបំណង «សន្តិវង្សត្រកូល ហ៊ុន» របស់លោកនាយករដ្ឋមន្ត្រី ហ៊ុន សែន ក្នុងការផ្ទេរអំណាច ...
វិភាគ អត្ថាធិប្បាយ

អ្នកវិភាគ៖ ក្នុង​សោកនាដកម្ម​នៅខេត្ត​ព្រះសីហនុ ប្រើ«អភិក្រមទី៥»​មិនបានទេ

អភិក្រមទី៥ ពីក្នុងចំណោមអភិក្រមទាំង៥ របស់លោកនាយករដ្ឋមន្ត្រី ហ៊ុន សែន ជាអភិក្រមសម្រាប់ការអនុវត្ត «ដោយអន្លើៗ» និង«ដោយដុំៗ» ហើយមិនអាចយកទៅអនុវត្ត ក្នុងសោកនាដកម្ម នៃគ្រោះរលំអគារចិន កាលពីចុងសប្ដាហ៍មុន នៅខេត្តព្រះសីហនុបានទេ។ ...
កម្ពុជា

កម្ពុជា​ជាប់ក្នុង​«បញ្ជីប្រផេះ»​នៃស្ថាប័ន​ឃ្លាំមើល​ការលាង​លុយ​កខ្វក់

ប្រទេសកម្ពុជា ស្ថិតក្នុងចំណោម​ប្រទេសចំនួន១២ ដែលជាប់ក្នុង​«បញ្ជីប្រផេះ» នៃការឃ្លាំមើល​ការលាងប្រាក់កខ្វក់ របស់«អង្គការឃ្លាំមើលសកម្មភាពហិរញ្ញវត្ថុ (ហៅ​ជា​ភាសា អង់គ្លេស “Financial Action Task Force – FATF” ...

Comments are closed.

យល់ស៊ីជម្រៅផ្នែក កម្ពុជា

កម្ពុជា

អ៊ុក ទូច ប្រកាសរហស្សនាមជា​«ជួបគប់ក្បាល ហ៊ុន សែន នឹងស្បែកជើង»

កម្ពុជា

[វីដេអូ] ៖ «ស្បែកជើងហោះ»​ស្វាគមន៍ ហ៊ុន សែន នៅវ៉ាស៊ីនតោន

នៅខណៈលោក ហ៊ុន សែន កំពុងចាប់ដៃថតរូប ជាមួយបណ្ដាជន​ដែលមកទទួលស្វាគមន៍​លោក ស្រាប់តែ​«ស្បែកជើងហោះ»​មួយ បានហោះ​កាត់ក្បែរនោះ។ ជាទិដ្ឋភាពដែលបង្ក​ភាពរអាក់រអួលមួយភ្លែត ទៅដល់កម្មវិធី ក៏ដូចជាស្នាមញញឹម​​របស់នាយករដ្ឋមន្ត្រី​ចាស់វស្សាកម្ពុជា ដែលធ្វើដំណើរ​ទៅកាន់រដ្ឋធានី នៃសហរដ្ឋអាមេរិក ដើម្បីចូលរួមជំនួបកំពូល ...
កម្ពុជា

ហ៊ុន ណេង បងប្រុស ហ៊ុន សែន ទទួលមរណភាព​ដោយ​«គាំងបេះដូង»

បងប្រុសបង្កើត របស់លោកនាយករដ្ឋមន្ត្រី ហ៊ុន សែន គឺលោក ហ៊ុន ណេង បានទទួលមរណភាពហើយ កាលពីល្ងាច​ថ្ងៃព្រហស្បតិ៍ ទី៥ ខែឧសភា ឆ្នាំ២០២២នេះ ដោយអាការៈ«គាំងបេះដូង»។ ...