ប្រទេសកម្ពុជា បានប្រកាសឲ្យដឹងពី​«ករណីស្លាប់ទី៩» ដោយសារជំងឺកូវីដ-១៩ (Covid-19) ក្នុងរសៀលថ្ងៃសៅរ៍​ទី២៧ ខែមីនានេះ។ ករណីនេះ ជាមរណភាពទី២ ដែលត្រូវបានប្រកាស​ក្នុងថ្ងៃសៅរ៍តែមួយ តែមរណភាពទី១ មិន​ត្រូវបាន​​រាប់​បញ្ចូលថា ស្លាប់ដោយជំងឺរាតត្បាតទេ។ នេះ បើតាម​អ្នកស្រី ឱ វណ្ណឌីន អ្នកនាំពាក្យ​ក្រសួង​សុខាភិបាល ដែលបាន​ចេញ​សេចក្ដីប្រកាសព័ត៌មាន ​ជាបន្តបន្ទាប់។

អ្នកជំងឺដែលបានស្លាប់​ដោយសារជំងឺកូវីដ ជាស្ត្រីខ្មែរ​វ័យ៧២ឆ្នាំ ដែលមានអាសយដ្ឋាន នៅខណ្ឌឫស្សីកែវ រាជធានី​ភ្នំពេញ។ អ្នកជំងឺ​ទើបចូល​សម្រាក ក្នុងមន្ទីរពេទ្យកាល់ម៉ែត នៅម៉ោងជិត៨ព្រឹក​ថ្ងៃទី២៧ ខែមីនានេះ និងត្រូវបាន​រកឃើញ​វិជ្ជមានជំងឺកូវីដ-១៩។ ក្រោយពីបន្ត​បញ្ជូនទៅ​ព្យាបាល នៅឯមន្ទីរពេទ្យរុស្ស៊ី នៅម៉ោងជិត១១កន្លះថ្ងៃត្រង់ អ្នកជំងឺវ័យ​ចំណាស់​បានទទួលមរណភាព នៅប៉ុន្មានម៉ោងក្រោយមក (គឺនៅម៉ោង​ជិត២រសៀល ក្នុងថ្ងៃទី២៧ ខែមីនាដដែល)។

អ្នកស្រី ឱ វណ្ណឌីន បានបញ្ជាក់ក្នុងសេចក្ដីប្រកាសព័ត៌មានថា៖

«ស្រ្តីខ្មែរអាយុ៧២ឆ្នាំខាងលើ បានស្លាប់បាត់បង់ជីវិត បណ្តាលមកពីការវ៉ៃលុករបស់វីរុសកូវីដ-១៩ ធ្វើឲ្យវិបត្តិ​ផ្លូវដង្ហើម​ធ្ងន់ធ្ងរស្រួចស្រាល់»។

ក្នុងរសៀលថ្ងៃសៅរ៍នេះដដែល អ្នកស្រី ឱ វណ្ណឌីន បានចេញសេចក្ដីប្រកាសព័ត៌មានមួយផ្សេង អះអាងពីអ្នកជំងឺ​ម្នាក់​មុន ដែលបានទទួល​មរណភាព នៅមន្ទីរពេទ្យបង្អែកខេត្តព្រះសីហនុ តាំងពីម៉ោង៤កន្លះរសៀល​ថ្ងៃទី២៦ ខែមីនា​ម្សិលម៉ិញ។ អ្នកជំងឺរូបនោះ ជាស្ត្រីខ្មែរអាយុ៤៣ឆ្នាំ និងបានចូលសម្រាក នៅមន្ទីរពេទ្យបង្អែកខេត្តព្រះសីហនុ តាំងពី​ថ្ងៃទី២០ ខែមីនា មុននឹងរកឃើញវិជ្ជមានកូវីដ នៅថ្ងៃទី២៧ ខែមីនានេះ។

អ្នកនាំពាក្យក្រសួងសុខាភិបាល បានឲ្យដឹងថា ស្រ្តីរូបនោះ មិនបានទទួលមរណភាព ដោយសារជំងឺកូវីដ-១៩ទេ តែដោយសារ​ហូរឈាមរដូវច្រើន និងមានជំងឺក្រពះរ៉ាំរ៉ៃ។

ផ្ទុយពីការអះអាងរបស់អ្នកនាំពាក្យខាងលើ សារព័ត៌មានក្នុងស្រុកជាច្រើន បានស្រង់សំដីរបស់អ្នកស្រី យក់ សម្បត្តិ រដ្ឋលេខាធិការ​ក្រសួង​សុខាភិបាល មកចុះផ្សាយកាលពីព្រឹកថ្ងៃសៅរ៍ថា ស្រ្តីខ្មែររូបនោះ បានស្លាប់ដោយសារ​ជំងឺ​កូវីដ-១៩។ ចំណែក​អនុគណៈកម្មការ​ស្រាវជ្រាវ​ជំងឺកូវីដ-១៩ ក៏បានផ្សាយលើទំព័រហ្វេសប៊ុកខ្លួនដែរថា ស្រ្តីខ្មែរវ័យ៤៣ឆ្នាំ បានស្លាប់ដោយសារជំងឺកូវីដ-១៩។

មកដល់ថ្ងៃនេះ បើគិតរួមទាំងជនរងគ្រោះផ្សេងទៀត ដែលបានស្លាប់ ក្នុងមណ្ឌលធ្វើចត្តាឡីស័ក និងក្នុង​អំឡុងពេល​សម្រាកព្យាបាល នៅឯ​មន្ទីរពេទ្យផង ប្រទេសកម្ពុជាមានអ្នកស្លាប់ ១៥នាក់ហើយ។

ជន​រងគ្រោះ៩នាក់ (ក្នុងនោះ ម្នាក់ជាជនជាតិចិន) ត្រូវបាន​អាជ្ញាធរ​សុខាភិបាល អះអាងថា ទទួលមរណភាព​ដោយ​ជំងឺកូវីដ-១៩។ រីឯជន​រងគ្រោះ​​៦នាក់​ទៀត (ក្នុងនោះ​ ២នាក់ជា​ជនជាតិ​ចិន) ត្រូវបានអាជ្ញាធរប្រកាសថា ស្លាប់​ដោយសារ​ជំងឺ​«ខ្យល់គ» «គាំងបេះដូង» «រើការញៀនថ្នាំ» ឬ«ធ្លាក់ឈាមច្រើន»ជាដើម។

ក្នុងសេចក្ដីប្រកាសព័ត៌មានមួយផ្សេងទៀត ដែលចេញផ្សាយក្នុងព្រឹកថ្ងៃទី២៧ ខែមីនាដដែល ក្រសួងសុខាភិបាលបានអះអាងថា មកដល់ម៉ោងនេះ កម្ពុជាមានអ្នកជំងឺកូវីដ-១៩ សរុបចំនួន ២១៤៧នាក់ ក្នុងនោះអ្នកជំងឺដែលបានជាសះស្បើយចំនួន ១១៣២នាក់ ខណៈអ្នកជំងឺដែលកំពុងសម្រាកព្យាបាល នៅឯមន្ទីរពេទ្យចំនួន ១០០៥នាក់។

រីឯអ្នកជំងឺថ្មី ដែលត្រូវបានរកឃើញ​វិជ្ជមានកូវីដ ក្នុងថ្ងៃទី២៧ ខែមីនានេះ មានចំនួន១៧៩នាក់ ក្នុងនោះ ១៧៨នាក់​ជាករណីឆ្លង ក្នុងសហគមន៍​«ព្រឹត្តិការណ៍២០កុម្ភៈ»៕



លំអិតបន្ថែមទៀត

ដំណឹង

មេរោគ​«កូរូណា»៖ បាត់ខ្លួន គីម ជុង-អ៊ុន ជិត​បី​សប្ដាហ៍​ហើយ

មេដឹកនាំកូរ៉េកុម្មុយនីស្ដិ៍ លោក គីម ជុង-អ៊ុន (Kim Jong-un) បានបាត់ខ្លួនយ៉ាងអាថ៌កំបាំង ក្នុងប៉ុន្មានថ្ងៃចុងក្រោយ ខណៈមេរោគ«កូរូណា»ថ្មី កំពុងបន្តចម្លង យ៉ាងរីករាលដាល នៅក្នុងប្រទេសចិន និងក្នុងតំបន់។ ...
របាយការណ៍

Covid-19៖ ភស្ដុតាង​បង្ហាញថា ចិន​លាក់​តួលេខ​អ្នកស្លាប់ យ៉ាងធំសម្បើម

នៅពេលដែលចិនកុម្មុយនីស្ដិ៍ កំពុងអួតអាងថា ការរាតត្បាតនៃជំងឺ​«កូរូណា» ឬ​«Covid-19» កំពុងថមថយកម្លាំង ក្នុង​ប្រទេសខ្លួន និងបម្រាមនានា កំពុងត្រូវបានលើកចេញ ជាបន្តបន្ទាប់នោះ ស្រាប់តែភស្ដុតាង​ដែលបង្ហាញឲ្យដឹង ពីចំនួន​អ្នកជំងឺស្លាប់ ដោយសារមេរោគខាងលើ យ៉ាងធំសម្បើម ...
ដំណឹង

Covid-19៖ ករណីឆ្លង​ផ្ទុះខ្លាំង​នៅ​​ប្រទេស​ឈីលី រួមទាំងរដ្ឋមន្ត្រី២នាក់

ក្នុងប្រទេសឈីលី ករណីឆ្លងបានកើនឡើងខ្លាំង ជាមួយនឹង​ការរកឃើញ​អ្នកជំងឺ ៤,៨៩៥​នាក់ កាលពីថ្ងៃម្សិលម៉ិញ ក្នុងនោះមាន រួមទាំងរដ្ឋមន្ត្រី២នាក់ នៃរដ្ឋាភិបាល​ប្រធានាធិបតី លោក «Sebastian Piñera» នោះផង។ មកដល់ថ្ងៃនេះ ...

Comments are closed.

យល់ស៊ីជម្រៅផ្នែក កម្ពុជា

កម្ពុជា

សភាអ៊ឺរ៉ុបទាមទារ​ឲ្យបន្ថែម​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា

កម្ពុជា

កម្ពុជា ជាប់ឈ្មោះ​​ក្នុងបញ្ជី​​នៃក្រុមប្រទេស​«វាយបង្ក្រាប​សិទ្ធិពលរដ្ឋ»

ប្រទេសកម្ពុជា​ទើបត្រូវបានចាត់ចូល ក្នុងបញ្ជីនៃក្រុមប្រទេស«វាយបង្ក្រាប​សិទ្ធិពលរដ្ឋ» របស់អង្គការ«សម្ព័ន្ធភាពពិភពលោក នៃបណ្ដាអង្គការសង្គមស៊ីវិល និងសកម្មជន» ហៅកាត់ថា«CIVICUS» ដែលមានសមាជិកប្រមាណជាង ៩០០០អង្គការសង្គមស៊ីវិល មកពី១៧៥ប្រទេស នៅជុំវិញផែនដី។ ការចុះបញ្ជីនេះ បានធ្វើឡើងបន្ទាប់ពីការសម្រេចថ្មីបំផុត របស់រដ្ឋាភិបាលលោក ...