ចក្រភពអង់គ្លេសទាំងមូល នឹងត្រូវបិទ«សារជាថ្មី»ទៀត ចាប់ពីថ្ងៃពុធទី៦ ខែមករា​ ឆ្នាំ២០២១ខាងមុខនេះតទៅ ដើម្បីទប់ស្កាត់​នឹងការឆ្លង​ជំងឺកូវីដ-១៩ (Covid-19) ជាពិសេស នៅចំពោះការរីករាលដាល នៃប្រភេទមរោគថ្មី របស់ជំងឺដ៏ចង្រៃមួយនេះ។

លោក បូរីស ចនសុន (Boris Johnson) នាយករដ្ឋមន្ត្រីអង់គ្លេស បានថ្លែងប្រកាសឡើងដូច្នេះ នៅតាមកញ្ចក់ទូរទស្សន៍ ក្នុងយប់ថ្ងៃចន្ទ ទី២ ខែមករានេះ ដោយអះអាងថា ការបិទប្រទេស សារជាថ្មី មានលក្ខណៈតឹងរ៉ឺង ដូចការបិទប្រទេស កាលពីអំឡុងរដូវផ្ការីក ប៉ុន្មានខែមុនដែរ។

លោកនាយករដ្ឋមន្ត្រី បានបញ្ជាក់ទៀតថា ការបិទប្រទេសលើកនេះ នឹងអាចមានរយៈពេល រហូតដល់ពាក់កណ្ដាលខែកុម្ភៈ ប្រសិនណាជាលក្ខខណ្ឌ​តម្រូវឲ្យធ្វើ។

បើតាមតួលេខ ផ្ដល់ដោយអាជ្ញាធរសុខាភិបាល បានឲ្យដឹងថា ពលរដ្ឋអង់គ្លេសប្រមាណជិត៨០% បានស្ថិតក្នុងបម្រាម ដ៏តឹងតែង​បំផុតរួចហើយ ខណៈប្រទេសអៀឡង់ខាងជើង និងប្រទេស«Wales» បានដាក់បម្រាមបិទប្រទេស ជាលើកទី៣ តាំងពីពេល​រួច​បុណ្យណូអែល​ភ្លាមៗ។

មុនការប្រកាសរបស់លោក ចនសុន ក្នុងថ្ងៃចន្ទដដែល ប្រទេសស្កុតឡែន ក៏បានប្រកាសដាក់​បម្រាមជាថ្មី ដោយធ្វើការ​បិទប្រទេស ដូចកាល​ពីបម្រាម ក្នុងខែមីនា ឆ្នាំ២០២០ដូច្នេះដែរ។ បម្រាម​របស់ប្រទេសស្កុតឡែន នឹងមានរយៈពេល រហូតពេញមួយខែមករានេះ៕

(*) ចក្រភពអង់គ្លេស រួមមានបួនប្រទេស៖ អង់គ្លេស អៀឡង់ខាងជើង ស្កុតឡែន និង «Wales»។



លំអិតបន្ថែមទៀត

កម្ពុជា

ហ៊ុន សែន បញ្ជា​ឲ្យប្ដូរ​លក្ខខណ្ឌ​«ឫកធំ» សម្រាប់​អ្នកដំណើរ​បរទេស

បន្ទាប់ពីការចុះផ្សាយ របស់សារព័ត៌មានបរទេស ដែលអះអាងថា «កម្ពុជាតូចតែ ឫកធំ» នោះមក លោកនាយករដ្ឋមន្ត្រី លោក ហ៊ុន សែន បានប្រាប់​ទៅស្ថាប័ន​ពាក់​ព័ន្ធ​ នៅ​ដើមសប្ដាហ៍នេះ ឲ្យប្ដូរលក្ខខណ្ឌ​«ឫកធំ»ទាំងនោះ ...
កម្ពុជា

ហ៊ុន សែន មិនបាន​ទៅបី​ចៅស្រី​ទើបនឹងកើត ព្រោះជំងឺ​«Covid-19»

Covid-19 ៖ លោកនាយករដ្ឋមន្ត្រី ហ៊ុន សែន ទើបនឹងប្រកាសឲ្យដឹង ថាលោកមានចៅថ្មី​មួយរូបទៀត។ តែផ្ទុយពីគ្រួសារលោក ក្នុងនោះរួមទាំងភរិយាលោកផង ដែលបានទៅ​ចាប់បី​ទារិកាថ្មី បុរសខ្លាំងកម្ពុជាអះអាងថា លោកមិនអាច​ទៅបីចៅ«ទី២១»រូបនេះ បានឡើយ ...
ដំណឹង

អង់គ្លេស៖ «កាន់​កាំបិត​ដើរចាក់​មនុស្ស» របួសច្រើននាក់ ចាប់ខ្លួន​ម្នាក់

«កាន់​កាំបិត​ដើរចាក់​មនុស្ស»៖ ហេតុការណ៍ដ៏រន្ធត់ បានកើតឡើង ក្នុងល្ងាចថ្ងៃសៅរ៍នេះ នាឧទ្យាន «Forbury Garden» នៃក្រុង «Reading» ដែលស្ថិតនៅភាគខាងលិច នៃ​រាជធានីឡុងដ៍ ចក្រភពអង់គ្លេស ។ ...

Comments are closed.

យល់ស៊ីជម្រៅផ្នែក ដំណឹង

ដំណឹង

EU បរិហារសំដី ពូទីន ដែល​បង្ហាញពី​«ក្ដី​អស់សង្ឃឹម​របស់គាត់»

ដំណឹង

មហាក្សត្រីយានី អេលីហ្សាប៊ែត សោយ​ទិវង្គត ក្នុងជន្មាយុ​៩៦ព្រះវស្សា

ព្រះមហាក្សត្រីយានី របស់ចក្រភពអង់គ្លេស ព្រះនាង អេលីហ្សាប៊ែត ទី២ (Elizabeth 2) បានសោយទិវង្គត ក្នុងជន្មាយុ​៩៦ព្រះវស្សា នៅរសៀលថ្ងៃព្រហស្បត្តិ៍ ទី៨ ខែកញ្ញា ឆ្នាំ២០២២។ ...
កម្រមាន

អ៊ីតាលី៖ ជីករូងដី​គ្រោងចូលលួច​ធនាគារ ស្រាប់តែ… ដីធ្លាក់សង្កត់

នៅរដ្ឋធានីរ៉ូម នៃប្រទេសអ៊ីតាលី បុរសម្នាក់បានជាប់ខ្លួននៅក្រោមដី អស់រយៈពេលជាង៨ម៉ោង ដោយហេតុ«ដីធ្លាក់សង្កត់»។ នគរបាលបានសង្ស័យថា បុរសម្នាក់នេះរួមនឹងជនផ្សំគំនិត៣នាក់ទៀត ទំនងជាបានជីករូងក្រោមដី ចេញពីហាងមួយ ដើម្បីគ្រោងចូលលួចធនាគារនៅក្បែរនោះ។ ហេតុការណ៍បានកើតឡើង កាលពីព្រឹក​ថ្ងៃព្រហស្បត្តិ៍ ទី១១ ...