លោក ហ៊ុន សែន បាន​ប្រកាសទទួលយក​វ៉ាក់សាំងចិន​ជាបន្ទាន់ ដើម្បីចាក់ឲ្យ… លោក ហ៊ុន សែន ខ្លួនលោក និង​បក្ខពួកលោក​​មុខគេ ! នេះ ជាការអះអាង​របស់បុរសខ្លាំង​នៅកម្ពុជា នៅក្នុងសេចក្ដីប្រកាសមួយ ផ្ទុយពីសំដីកន្លងមក​របស់លោក ដែលថា​នឹងទទួលយក​វ៉ាក់សាំងណា ដែលទទួលស្គាល់ ដោយអង្គការសុខភាពពិភពលោក (WHO /OMS) ប៉ុណ្ណោះ។

តែខុសពីបណ្ដាប្រទេសប្រជាធិបតេយ្យនានា ដែលមានទំហំនៃការឆ្លង បានរីករាលដាលយ៉ាងខ្លាំងក្លា និងដែលបើកអាទិភាពនៃចាក់ថ្នាំវ៉ាក់សាំងបង្ការជំងឺកូវីដ (Covid-19) សម្រាប់ពលរដ្ឋណា ដែលងាយរកគ្រោះជាងគេនោះ មេដឹកនាំរបបក្រុងភ្នំពេញឯនេះ បានប្រកាសដោយផ្ទាល់មាត់ថា ថ្នាំវ៉ាក់សាំងដែលរដ្ឋាភិបាលលោក ទទួលជាអំណោយពីប្រទេសចិន នឹងត្រូវចាក់រូបលោក និងមនុស្សដែលនៅជុំវិញលោកមុនគេ។

ក្នុងសារជាសម្លេងមួយ ដែលបង្ហោះនៅលើបណ្ដាញសង្គម ក្នុងយប់ថ្ងៃសុក្រ ទី១៥ ខែមករា ឆ្នាំ២០២១ លោក ហ៊ុន សែន បានលើកឡើង​ថា៖

«ខ្ញុំព្រះករុណាខ្ញុំ​សូមទូលប្រគេនថា អ្នកដែលទទួលវ៉ាក់សាំងមុនគេ ប្រហែលជាអ្នកដែលនៅជុំវិញ ខ្លួនព្រះករុណាខ្ញុំ​តែម្ដង ដែលនេះ​ជាភាព​ចាំបាច់ នៃការការពារថ្នាក់ដឹកនាំរបស់ប្រទេស ហើយក៏អាចអ្នក​នៅជុំវិញ​ព្រះមហាក្សត្រ អ្នកនៅជុំវិញ​ប្រធានព្រឹទ្ធសភា ប្រធានរដ្ឋសភា ក៏ត្រូវបាន​ទទួលនូវវ៉ាក់សាំង នោះផងដែរ។»

គិតត្រឹមព្រឹកថ្ងៃទី១៦ ខែមករា ឆ្នាំ២០២១នេះ ប្រទេសកម្ពុជាបានប្រកាសថា ខ្លួនរកឃើញអ្នកជំងឺកូវីដ១៩ សរុប​ចំនួន​៤៣៦នាក់ បន្ទាប់ពី​បានរកឃើញ ក្នុងថ្ងៃនេះ​ដដែល នូវអ្នកឆ្លងថ្មីចំនួន ១០នាក់ ដែលសុទ្ធសឹងជាអ្នកដំណើរ មកពីប្រទេសថៃ។

ក្នុងពេលកន្លងមក លោក ហ៊ុន សែន និងបណ្ដាមន្ត្រី​អ្នកហែហម​លោក តែងចេញមុខ​មកអះអាង​ថា ពួកលោកមានសុខភាពល្អប្រសើរ មិនមានឆ្លងជំងឺកូវីដអ្វីទេ បើទោះជា​ពួកលោកខ្លះ បានប៉ះពាល់ដោយផ្ទាល់ ជាមួយអ្នកផ្ទុកមេរោគនេះក្ដី។

នៅក្នុងបណ្ដាប្រទេសប្រជាធិបតេយ្យ ដូចយ៉ាងបារាំង អង់គ្លេស ឬអាល្លឺម៉ង់ជាដើម គេបានកំណត់អាទិភាព នៃការទទួលបានថ្នាំវ៉ាក់សាំង ជាដំបូងបង្អស់ គឺសម្រាប់ក្រុមគ្រូពេទ្យ ដែលនៅ​ជាប់ជាប្រចាំ ជាមួយនឹងមេរោគដ៏ចង្រៃ (ថែរក្សា-ព្យាបាលអ្នកជំងឺ) និងបន្ទាប់មក គឺ​សម្រាប់​ពលរដ្ឋ ដែលមានវ័យចាស់ជរាជាងគេ មុននឹងត្រូវគិត ទៅដល់អាទិភាពផ្សេងទៀត៕



លំអិតបន្ថែមទៀត

កម្ពុជា

ហ៊ុន សែន ថា«ទិវា​២០ឧសភា» ដើម្បី​រំលឹកពី​ជនរងគ្រោះ​ក្នុង​របប​ខ្មែរក្រហម

នាយករដ្ឋមន្ត្រីកម្ពុជា លោក ហ៊ុន សែន បានអះអាងថា ទិវាជាតិនៃការចងចាំ ថ្ងៃទី២០ ខែឧសភា ឬហៅថា «ទិវា​២០ឧសភា» ធ្វើឡើងដើម្បីរំលឹកដល់ជនរងគ្រោះ និងការឈឺចាប់ពីឧក្រិដ្ឋកម្ម ដែលបានកើតឡើង ...
កម្ពុជា

ឃុំខ្លួន​យុវជន​ម្នាក់ ព្រោះបង្ហោះ​សារ​លើ​ហ្វេសប៊ុក​ហៅ ហ៊ុន សែន ថា​«អា»

ចៅក្រមស៊ើបសួរ នៃសាលាដំបូងខេត្តស្វាយវៀង បាន«ឃុំខ្លួន​យុវជន​ម្នាក់» ដែលមានឈ្មោះ នៅលើបណ្ដាញសង្គម «គឹម បញ្ញា (Kim Panha)» ពីបទ​បានប្រមាថអង្គព្រះមហាក្សត្រ នៅលើគណនីហ្វេសប៊ុក​របស់ខ្លួន។ នេះ បើតាមដីកាបង្គាប់ឲ្យឃុំខ្លួន ...
កម្ពុជា

អាមេរិក​ស្នើកម្ពុជា​បោះបង់​«កិច្ច​ព្រមព្រៀង​សម្ងាត់ ឲ្យ​ចិន​តាំង​មូលដ្ឋាន​ទ័ព»

ភ្លាមៗ ក្រោយការចេញផ្សាយ នូវព័ត៌មានស្ដីពី​«កិច្ច​ព្រមព្រៀង​សម្ងាត់» ដែលចេញផ្សាយ ដោយសារព័ត៌មានដ៏ធំ ឈ្មោះ «The Wall Street Journal» សហរដ្ឋអាមេរិកបានប្រតិកម្ម ស្នើប្រទេសកម្ពុជា ឲ្យបោះបង់ចោលគម្រោងខាងលើ ...

Comments are closed.

យល់ស៊ីជម្រៅផ្នែក កម្ពុជា

កម្ពុជា

ហ៊ុន សែន ដាក់កម្ពុជា​ឲ្យកាន់ទុក្ខ​មួយថ្ងៃ ចំពោះសព ស៊ីនហ្សូ អាបេ

កម្ពុជា

អ៊ុក ទូច ប្រកាសរហស្សនាមជា​«ជួបគប់ក្បាល ហ៊ុន សែន នឹងស្បែកជើង»

បងប្អូនត្រកូល«ជួប» ៖ បន្ទាប់ពីបានបង្ហោះទ្រនាប់ជើងមួយចំហៀង សំដៅលោកនាយករដ្ឋមន្ត្រី ហ៊ុន សែន រួច បុរសម្ចាស់ទ្រនាប់ជើង ដែលមានឈ្មោះ អ៊ុក ទូច បានចេញមុខនៅថ្ងៃព្រហស្បត្តិ៍នេះ ប្រកាសរហស្សនាមខ្លួនថា ...
កម្ពុជា

[វីដេអូ] ៖ «ស្បែកជើងហោះ»​ស្វាគមន៍ ហ៊ុន សែន នៅវ៉ាស៊ីនតោន

នៅខណៈលោក ហ៊ុន សែន កំពុងចាប់ដៃថតរូប ជាមួយបណ្ដាជន​ដែលមកទទួលស្វាគមន៍​លោក ស្រាប់តែ​«ស្បែកជើងហោះ»​មួយ បានហោះ​កាត់ក្បែរនោះ។ ជាទិដ្ឋភាពដែលបង្ក​ភាពរអាក់រអួលមួយភ្លែត ទៅដល់កម្មវិធី ក៏ដូចជាស្នាមញញឹម​​របស់នាយករដ្ឋមន្ត្រី​ចាស់វស្សាកម្ពុជា ដែលធ្វើដំណើរ​ទៅកាន់រដ្ឋធានី នៃសហរដ្ឋអាមេរិក ដើម្បីចូលរួមជំនួបកំពូល ...