ក្នុងប្រទេសបារាំង យុទ្ធនាការដំបូង នៃការចាក់ថ្នាំវ៉ាក់សាំង បង្ការជំងឺកូវីដ-១៩ (Covid-19) នឹងចាប់ផ្ដើម​ពីថ្ងៃអាទិត្យ ទី២៧ ខែធ្នូខាងមុខតទៅ។ នេះ បើតាមការប្រកាសឡើង របស់លោក «Olivier Véran» រដ្ឋមន្ត្រីសុខាភិបាល​​របស់សាធារណរដ្ឋ​បារាំង ក្នុងយប់ថ្ងៃអង្គារ ទី២២ ខែធ្នូ។

លោករដ្ឋមន្ត្រីបានអះអាងថា ក្នុងដំណាក់កាលនៃជំហានទី១ ការចាក់ថ្នាំនឹងធ្វើឡើង នៅក្នុងគ្រឹះស្ថានទ្រទ្រង់ជនចាស់ជរា ចំនួន២ទៅ៣គ្រឹះស្ថាន ដែលក្នុងនោះ​មនុស្សច្រើនសិបនាក់ នឹងទទួលបានថ្នាំវ៉ាក់សាំង។ លោកថា៖

«មានគ្រឹះស្ថាន ចំនួនពីរ ទៅបីគ្រឹះស្ថាន ដែលនឹងទទួលបានថ្នាំវ៉ាក់សាំង។ គ្រឹះស្ថានមួយ នៅក្បែររដ្ឋធានីប៉ារីស មួយទៀត នៅក្នុងតំបន់ “Bourgogne-Franche-Comté (ភាគខាងកើតបារាំង)”  ខណៈគ្រឹះស្ថានទី៣ កំពុងស្ថិតក្នុងការពិចារណា។»

លោកបានអះអាងទៀតថា ថ្នាំវ៉ាក់សាំងដំបូងគេ នឹងមកដល់ប្រទេសបារាំង នៅថ្ងៃសៅរ៍ទី២៦ ខែធ្នូ ពោលគឺមួយថ្ងៃ មុនការចាក់ជូន​ជនចាស់ជរា នៅតាមគ្រឹះស្ថានខាងលើ ដែល នឹងចាប់ផ្ដើម​ពីថ្ងៃអាទិត្យ ស្អែកឡើង។

ការចាក់វ៉ាក់សាំងនោះ នឹងធ្វើឡើងជាបន្តបន្ទាប់ ទៅកាន់គ្រឹះស្ថានផ្សេងទៀត ក្នុងក្របខណ្ឌនៃយុទ្ធនាការដំបូង។ នេះ បើតាមការអះអាងបន្ត របស់លោករដ្ឋមន្ត្រីដដែល ដែលបញ្ជាក់ថា ថ្នាំវ៉ាក់សាំងក្នុងចំនួនដ៏សម្បើមទៀត គ្រោងនឹងបញ្ជូនមកដល់ប្រទេសបារាំង នៅចុងខែធ្នូ ឆ្នាំ២០២០ និងនៅដើម ខែមករា ឆ្នាំ២០២១ខាងមុខ។

តួលេខផ្សាយដោយ​ភ្នាក់ងារសុខាភិបាល​សាធារណៈ របស់ប្រទេសបារាំង បានឲ្យដឹងថា ចំនួនមនុស្សស្លាប់ ដោយជំងឺកូវីដ-១៩ ក្នុងរយៈពេល​២៤ម៉ោងចុងក្រោយ មានចំនួន៣៨៦នាក់ ដែលធ្វើឲ្យចំនួន​ជនរងគ្រោះសរុប រាប់តាំងពីដើមដំបូង នៃការរាតត្បាត កើនឡើងដល់ ៦១ ៧០២នាក់៕



You may also like

កម្ពុជា

កឹម សុខា ផ្ញើរសារ​ជូនពរ​ឆ្នាំថ្មី ឲ្យខ្មែរ​រួបរួម ដើម្បី​យកឈ្នះ​«Covid-19»

លោក កឹម សុខា ប្រធានគណបក្សសង្គ្រោះជាតិ ដែលត្រូវបានរបបក្រុងភ្នំពេញ រំលាយចោល កាលពីចុងឆ្នាំ២០១៧ បានយកឱកាស នៃការជូនពរឆ្នាំថ្មី របស់លោក ដើម្បីអំពាវនាវឲ្យមានការរួបរួម សម្រាប់ការយកឈ្នះលើជំងឺ «Covid-19» ...
ដំណឹង

គណៈកម្មការអ៊ឺរ៉ុបស្នើមូលនិធិ ៧៥,០០០កោដិអ៊ឺរ៉ូ ដើម្បីស្ដារសេដ្ឋកិច្ចឡើងវិញ

គណៈកម្មការអ៊ឺរ៉ុប (ឬហៅម្យ៉ាងទៀត ជារដ្ឋាភិបាលសហភាពអ៊ឺរ៉ុប) បានស្នើឲ្យមាន កញ្ចប់ថវិកាមួយឡើង មានទំហំ ៧៥,០០០កោដិអ៊ឺរ៉ូ (ប្រមាណជា៧៨០កោដិដុល្លារអាមេរិក) ដើម្បីអនុញ្ញាតឲ្យសេដ្ឋកិច្ច របស់សហភាព មានដំណើរការឡើងវិញ បន្ទាប់ពីវិបត្តិជំងឺ«Covid-19»។ លោក ...
កំសាន្ដ

កូនឈើ​ដែល ម៉ាក្រុង ដាំ​រួមគ្នា​ជាមួយ ត្រាំ បានងាប់​បាត់​ហើយ

កូនឈើដែលជាអំណោយរបស់ប្រធានាធិបតីបារាំង ហើយដែលត្រូវបានថតរូប ឃើញប្រធានាធិបតីនៃប្រទេសទាំងពីរដាំរួមគ្នា បានងាប់​បាត់​ហើយ នៅខណៈទំនាក់ទំនងរវាងអាមេរិក និងបារាំង ហាក់បន្តជួបភាពរកាំរកូស។ រូបថតនៃការដាំកូនឈើរួមគ្នានោះ ជានិមិត្តរូបមួយ នៃទំនាក់ទំនងរវាងប្រទេសទាំងពីរ និងជាពិសេស នៅក្នុងដំណើរទស្សនកិច្ចដំបូង របស់ប្រធានាធិបតីបារាំង ...

Comments are closed.

ដំណឹង

សង្គ្រាមនៅអ៊ុយក្រែន ៖ អាមេរិកផ្ដល់ភ្លើងខៀវបញ្ជូនយន្តហោះ«F-16»

កម្ពុជា

ក្រុមការងារ អ.ស.ប អំពាវនាវ​ឲ្យកម្ពុជា​ដោះលែង​«ស្ត្រីសេរីភាព»​ជាបន្ទាន់

អ្នកជំនាញមួយក្រុមរបស់អង្គការសហប្រជាជាតិ បានអំពាវនាវទៅ​របបដឹកនាំរបស់លោក ហ៊ុន សែន ឲ្យដោះលែងអ្នកស្រី សេង ធារី មេធាវីខ្មែរអាមេរិកាំង ដែលគេស្គាល់ក្នុងពេលកន្លងមក ថាជា«ស្ត្រីសេរីភាព» តាមរយៈសម្លៀកបំពាក់តែងខ្លួនសម្ដែងមតិរបស់អ្នកស្រី នៅខាងមុខសាលាដំបូងរាជធានីភ្នំពេញ។ ក្រុមអ្នកជំនាញប្រឆាំងការឃុំឃាំងតាមទំនើងចិត្ត ...
កម្ពុជា

សភាអ៊ឺរ៉ុបទាមទារ​ឲ្យបន្ថែម​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា

នៅមុននេះបន្តិច សភាអ៊ឺរ៉ុបទើបនឹងអនុម័តដំណោះស្រាយមួយ ជុំវិញស្ថានភាពនយោបាយ ការគោរព​លទ្ធិ​ប្រជាធិបតេយ្យ និងសិទ្ធិមនុស្ស នៅក្នុងប្រទេសកម្ពុជា ដោយទាមទារឲ្យគណៈកម្មអ៊ឺរ៉ុប គ្រោងដាក់​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា បន្ថែមទៀត។ ដំណោះស្រាយ៧ចំណុច ដែលមានលេខ «P9_TA(2023)0085» ...