កម្ពុជាដំណឹង

សម រង្ស៊ី ថា ហ៊ុន សែន ប្រើច្បាប់​ប្រកាស«ភាពអាសន្ន»ដើម្បីបន្តអំណាច

ប្រធានស្ដីទី គណបក្សសង្គ្រោះជាតិ លោក សម រង្ស៊ី បានលើកឡើងថា ច្បាប់ថ្មី ស្ដីពីដំណើរការគ្រប់គ្រងប្រទេស ក្នុង«ភាពអាសន្ន» ដែលលោក ហ៊ុន សែន ស្នើឡើងក្នុងពេលនេះ វាគ្រាន់តែឆ្លុះបញ្ចាំង ពីភាពស្លន់ស្លោរ របស់បុរសខ្លាំងកម្ពុជា ដែលភ័យខ្លាចបាត់បង់អំណាច ក្នុងពេលជំងឺ «Covid-19» កំពុងរាតត្បាតប៉ុណ្ណោះ។

លោក សម រង្ស៊ី បានអះអាងដូច្នេះ នៅក្នុងការកំណត់សម្គាល់ខ្លីៗ របស់លោក ដែលធ្វើឡើងនៅលើបណ្ដាញសង្គម កាលពីរសៀល ថ្ងៃទី៣១ ខែមីនា ឆ្នាំ២០២០ម្សិលម៉ិញ។ លោកថា ច្បាប់ថ្មីនេះ កាន់តែបង្កើនគ្រោះថ្នាក់ សម្រាប់ប្រជាជន និងប្រទេសកម្ពុជាថែមទៀត។

សេចក្ដីព្រាងច្បាប់ថ្មី ស្ដីពីការគ្រប់គ្រងប្រទេស ក្នុង«ភាពអាសន្ន» ត្រូវបានពិនិត្យរួចរាល់ ក្នុងកិច្ចប្រជុំ គណៈអចិន្ត្រៃយ៍គណៈរដ្ឋមន្ត្រី ដឹកនាំដោយលោក ហ៊ុន សែន កាលពីថ្ងៃទី៣១ ខែមីនា ម្សិលម៉ិញ និងត្រូវបានបញ្ជូន ឡើងទៅដល់រដ្ឋសភា រួចជាស្រេចហើយ។ នេះ បើតាមសេចក្តីប្រកាសព័ត៌មាន ដែលចេញផ្សាយ ក្រោយកិច្ចប្រជុំនោះ។

សម្រាប់មេដឹកនាំគណបក្សប្រឆាំង ដែលកំពុងដាក់ខ្លួន សំងំនៅក្នុងគេហដ្ឋាន (តាមបម្រាម របស់រដ្ឋាភិបាលបារាំង ដើម្បីប្រយុទ្ធ​ទល់នឹងមេរោគ ដ៏ចង្រៃ) បានពន្យល់ថា លោកនាយករដ្ឋមន្ត្រី ហ៊ុន សែន មានបំណងផ្សេង ក្នុងការស្នើច្បាប់ថ្មី ខាងលើនេះឡើង។ បំណងផ្សេងនោះ ក៏ឆ្លុះបញ្ចាំងឲ្យឃើញដែរ តាមរយៈ​គោលនយោបាយ របស់រដ្ឋាភិបាលលោក ហ៊ុន សែន ដែលមិនធ្វើតេស្ដិ៍ ដើម្បីស្វែងរកមេរោគ «Covid-19» ជាលក្ខណៈទូលំទូលាយ សម្រាប់ពលរដ្ឋនៅទូទាំងប្រទេស។

លោក សម រង្ស៊ី សរសេរថា៖

«បំណងពិតរបស់ ហ៊ុន សែន គឺរឹតត្បិតសិទ្ធិសេរីភាព ក្នុងការសម្តែងមតិ របស់ប្រជារាស្រ្តខ្មែរ ថែមទៀត រហូតដល់បិទទំព័រ Facebook របស់អ្នកដែលនិយាយការពិត ហើយផ្តល់គំនិតល្អៗ ជួយប្រជារាស្រ្តខ្មែរ។ ភាពអាសន្ននេះ នឹងធ្វើឲ្យពលរដ្ឋខ្មែរ ស្លាប់កាន់តែច្រើនថែមទៀត ពីព្រោះលោកមិនអាចទទួល បានព័ត៌មានត្រឹមត្រូវ មានតែព័ត៌មានលម្អៀង និងព័ត៌មានភូតភរ ពីរបប ហ៊ុន សែន ដែលប៉ុនប៉ងបិទបាំងការពិត។»

គូបដិបក្ខនយោបាយ របស់បុរសខ្លាំងកម្ពុជា បានយកករណី «ថ្ងៃ៣១កុម្ភៈ» មកធ្វើជាហេតុផលមួយទៀត ដែលបញ្ជាក់ថា គេមិនត្រូវទុកចិត្ត លើនាយករដ្ឋមន្ត្រី បីទសវត្សរ៍កន្លះ ដែលគ្រោងប្រកាស ដាក់ប្រទេស ក្នុង«ភាពអាសន្ន» នេះឡើយ។ លោក សម រង្ស៊ី សរសេរថា៖

«ឥឡូវនេះ ថ្ងៃ ៣១ កុម្ភៈ បានមកដល់ហើយ យោងតាមប្រតិទិន គណបក្សប្រជាជនកម្ពុជា ដឹកនាំដោយ ហ៊ុន សែន។ មនុស្សភ្លីភ្លើដូច ហ៊ុន សែន នេះ ត្រូវដឹងខ្លួនថា គ្មាននរណា អាចជឿទុកចិត្ដ​គាត់​បានទេ។ ដូច្នេះ កុំមកប្រកាសភាពអាសន្ន ស្អីគេនោះ៕»



លំអិតបន្ថែមទៀត

កម្ពុជា

សម រង្ស៊ី លើកពី​មូលហេតុ​៣ ដែល​ប្រាក់រៀល​មិន​ត្រូវបាន​ប្រើ ឲ្យ​ធំ​ទូលាយ

មេដឹកនាំប្រឆាំង លោក សម រង្ស៊ី ដែលជាអ្នកសេដ្ឋកិច្ច​មួយរូបផង បាន​«លើកពី​មូលហេតុ​៣» ដើម្បីពន្យល់ថា ហេតុអ្វីបានជាចរាចរណ៍ប្រាក់រៀល នៅកម្ពុជា មានចំនួន​ដ៏តិចតួច។ ប្រធានស្ដីទីគណបក្សសង្គ្រោះជាតិ បានលើកឡើង នៅលើបណ្ដាញសង្កមថា ...
ដំណឹង

ស្ថាបនិក​«Wikileaks» មានកូន​ពីរនាក់ ជាមួយ​មេធាវី​របស់​ខ្លួន

កូនទាំងពីរនាក់នោះ បានចាប់កំណើតឡើង ក្នុងខណៈស្ថាបនិក នៃបណ្ដាញ«Wikileaks» លោក ជូលៀន អាសាញ (Julian Assange) កំពុងបង្ខាំងខ្លួន កាលពីអំឡុងទសវត្សរ៍ឆ្នាំ២០១០ ក្នុងស្ថានទូតនៃប្រទេសអេក្វាទ័រ ប្រចាំក្នុងចក្រភពអង់គ្លេស ...
ដំណឹង

Covid-19 ៖ ឥណ្ឌាដាក់បម្រាមឲ្យពលរដ្ឋជាង៧០០លាននាក់ នៅក្នុងផ្ទះ

យ៉ាងហោច ប្រជាជនឥណ្ឌាជាង៧០០លាននាក់ ត្រូវបង្ខំចិត្ត ឲ្យ«នៅក្នុងផ្ទះ»  ចាប់ពីថ្ងៃចន្ទ ទី២៣ ខែមីនា ឆ្នាំ២០២០នេះតទៅ ក្រោមវិធានការរបស់រដ្ឋាភិបាល ក្នុងការប្រយុទ្ធប្រឆាំង នឹងការរាតត្បាតនៃមេរោគ«កូរូណា» ឬ«Covid-19»។ មន្ត្រីជាន់ខ្ពស់មួយរូប ...

យល់ស៊ីជម្រៅផ្នែក កម្ពុជា

កម្ពុជា

ក្រុមការងារ អ.ស.ប អំពាវនាវ​ឲ្យកម្ពុជា​ដោះលែង​«ស្ត្រីសេរីភាព»​ជាបន្ទាន់

កម្ពុជា

សភាអ៊ឺរ៉ុបទាមទារ​ឲ្យបន្ថែម​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា

នៅមុននេះបន្តិច សភាអ៊ឺរ៉ុបទើបនឹងអនុម័តដំណោះស្រាយមួយ ជុំវិញស្ថានភាពនយោបាយ ការគោរព​លទ្ធិ​ប្រជាធិបតេយ្យ និងសិទ្ធិមនុស្ស នៅក្នុងប្រទេសកម្ពុជា ដោយទាមទារឲ្យគណៈកម្មអ៊ឺរ៉ុប គ្រោងដាក់​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា បន្ថែមទៀត។ ដំណោះស្រាយ៧ចំណុច ដែលមានលេខ «P9_TA(2023)0085» ...

Comments are closed.