កីឡា និងបច្ចេកវិទ្យាបាល់ទាត់

គ្មាន​ព្រឹត្តិការណ៍​«បាល់មាស»​ទេ ក្នុងឆ្នាំ​២០២០នេះ ព្រោះ «Covid-19»

ក្នុងឆ្នាំ​២០២០នេះ ព្រឹត្តិការណ៍«បាល់មាស» នឹងមិនប្រព្រឹត្តិទៅ ដូច​រៀងរាល់ឆ្នាំ​កន្លង​មក​ទេ ក្រោមហេតុផល បណ្ដាលពីវិបត្តិជំងឺរាតត្បាត «Covid-19»។ នេះ បើតាម​សេចក្ដី​ប្រកាស​ព័ត៌មាន របស់សហគ្រាស ទស្សនាវដ្ដី «France Football» របស់ប្រទេសបារាំង កាលពីម្សិលម៉ិញ។

លោក «Pascal Ferré» នាយកការផ្សាយរបស់ទស្សនាវដ្ដី បានអះអាងថា ឆ្នាំ២០២០នេះ ជាឆ្នាំខុសពីធម្មតា ដែលគេមិនអាចចាត់ទុក ជាឆ្នាំសម្រាប់ព្រឹត្តិការណ៍ «បាល់មាស» ដ៏​រីករាយ សម្រាប់វិស័យបាល់ទាត់​នោះទេ។

លោកបន្តថា ក្រោមការរួមរឹតពីជំងឺរាតត្បាត វិស័យកីឡានៅលើពិភពលោក ត្រូវបាន​ផ្អាកសកម្មភាព ក្នុងរយៈពេលជាច្រើនខែ ហើយបើសិនជា​ព្រឹត្តិការណ៍ «បាល់មាស» នៅតែប្រព្រឹត្តិទៅ គេនឹងមិនមានពេលគ្រប់គ្រាន់ ដើម្បីធ្វើការវិនិច្ឆ័យ ទៅលើបេក្ខភាព​នានា ឲ្យបានត្រឹមត្រូវនោះទេ។

នាយកការផ្សាយរបស់ «France Football» បានបន្តថា៖

«ការសម្រេចចិត្តនេះ មិនបានធ្វើឲ្យយើងរីករាយទេ តែវាមានបំណង ក្នុងការការពារ គុណសម្បត្តិ និងមូលដ្ឋាន​គតិយុត្តិ នៃពានរង្វាន់ដ៏ថ្លៃថ្លាមួយនេះ។»

ទោះចង់មិនចង់ ក៏ការសម្រេច របស់ស្ថាប័នម្ចាស់ព្រឹត្តិការណ៍ បានបង្កការខកចិត្ត​មិន​តិចទេ សម្រាប់​កីឡាករ​ល្បីៗ​ជាច្រើន​នាក់ ដែលបានបង្ហាញ​ថ្វីជើង​យ៉ាងអស្ចារ្យ នៅដើម​រដូវកាល ឆ្នាំ២០១៩-២០២០។

សម្រាប់ក្រុមបាសឺឡូន (FC Barcelona) របស់ប្រទេសអេស្ប៉ាញវិញ បានប្រតិកម្ម​តប​នឹងការសម្រេចចិត្ត​ខាងលើ ដោយប្រើពាក្យកំប្លែងលេង អមនឹងរូបថតរបស់កីឡាករ លីយ៉ូនែល ម៉េស៊ី (Lionel Messi) ដែលឈរថត ជាមួយនឹងបាល់មាស៦ជំនាន់របស់ខ្លួន ដូច្នេះថា៖

«យើងយល់ហើយ។ យ៉ាងណាក្ដី នរណាៗក៏ដឹងដែរថា តើកីឡាករណាមួយ ដែលទទួល​បាន​ពានរង្វាន់មួយនេះ ច្រើនជាងគេ៕»



លំអិតបន្ថែមទៀត

ដំណឹង

Covid-19 ៖ បារាំង​ឈានទៅ​ប្រកាស​ដាក់​ប្រទេស​ក្នុង​«ភាពអាសន្ន»

បារាំងកំពុងគ្រោង​ប្រកាស ដាក់ប្រទេស​ទៅក្នុង​«ភាពអាសន្ន»ផ្នែកសុខភាព ដើម្បី​ប្រយុទ្ធ​ប្រឆាំង​នឹងមេរោគ «កូរូណា» ឬ «Covid-19»។ នាយករដ្ឋមន្ត្រី​បារាំង​បានថ្លែង​ឡើងដូច្នេះ កាលពីយប់ម្សិលម៉ិញ នៅខណៈពេលដែលប្រទេសនេះ បានឈាន​មក​ដល់ថ្ងៃទី៣ នៃការដាក់ពលរដ្ឋ ឲ្យធ្វើការបង្ខាំងខ្លួន រស់នៅក្នុងផ្ទះ ...
ប្រាសាទអង្គរវត្ត ក្នុងខេត្តសៀមរាប ប្រទេសកម្ពុជា។ (រូបថត ប៊ុន ណារុន)
កម្ពុជា

Covid-19៖ សម្រាប់​ក្រុម​អ្នក​ទេសចរណ៍​បរទេស «កម្ពុជាតូច តែឫកធំ»

ទេ! មិនមែន«កម្ពុជាតូច តែបេះដូងធំ» ដូចការឃោសនារបស់លោកនាយករដ្ឋមន្ត្រី ហ៊ុន សែន និងក្រុម​អ្នក​ហែហម​ទេ។ ហើយមន្ទិលក៏កើតមាន កាន់តែខ្លាំងដែរ នៅចំពោះ​ការប្រកាសរបស់លោក ថោង ខុន រដ្ឋមន្ត្រីទេសចរណ៍ ...
ដំណឹង

ប៉េកាំង ឆ្លើយតប ម៉ាក្រុង ជុំវិញ​«ជំនួញការទូតចិន តាមរយៈ​ថ្នាំវ៉ាក់សាំង»

ថ្នាំវ៉ាក់សាំងរបស់ចិន ពិតជាមាន«ប្រសិទ្ធិភាព និងសុវត្ថិភាព»។ នេះ ជាប្រតិកម្ម​របស់រដ្ឋាភិបាលក្រុង ប៉េកាំង ដើម្បីឆ្លើយតប​ទៅនឹង​ការរិះគន់ របស់ប្រធានាធិបតីបារាំង លោក អេម៉ានុយអែល ម៉ាក្រុង (Emmanuel Macron) ...

Comments are closed.

យល់ស៊ីជម្រៅផ្នែក កីឡា និងបច្ចេកវិទ្យា

កីឡា និងបច្ចេកវិទ្យា

Euro Cup៖ កីឡាករម្នាក់​គាំងបេះដូង ក្នុងការប្រកួត ដាណឺម៉ាក-ហ្វាំងឡង់

កីឡា និងបច្ចេកវិទ្យា

ហ្សីដាន ចាកចេញពី រៀលម៉ាឌ្រីដ មុនចប់កិច្ចសន្យា និងជាលើកទី២

ជាដំណឹងដែលបានបញ្ចេញឲ្យដឹង តាំងពីច្រើនថ្ងៃហើយ នៅឡើយតែការប្រកាសចេញ​ជាផ្លូវការប៉ុណ្ណោះ។ លោក ហ្សីណាឌីន ហ្សីដាន (Zinédine Zidane) លែងជាគ្រូបង្វឹករបស់ក្រុម រៀលម៉ាឌ្រីដ (Real Madrid) ទៀត​ហើយ។ ...
កីឡា និងបច្ចេកវិទ្យា

Europa League ៖ «Villarreal»​លើកពាន ដោយបំបាក់«Man U»

ក្រុមបាល់ទាត​«Villarreal» នៃក្រុង«Vila-Real»ដ៏តូចមួយ ភាគខាងកើតប្រទេសអេស្ប៉ាញ បានលើកពាន​«Europa League» ជាលើក​ដំបូងរបស់ខ្លួន បន្ទាប់ពីបានបំបាក់ក្រុម«Manchester United» ដោយ​គ្រាប់បាល់​កាត់សេចក្ដី ១១-១០ នៅក្នុងការប្រកួតផ្ដាច់ព្រ័ត្រ​ដ៏ស្វិតស្វាញ​រវាងក្រុមទាំងពីរ ក្នុងយប់ថ្ងៃពុធទី២៥ ខែឧសភា ...