«យើងនៅមានសំណាង ក្នុងការបញ្ចៀស ការបិទប្រទេស​ជាថ្មី» នេះជាការអះអាងឡើង របស់លោក ហ្សង់ កាស្ដិក (Jean Castex) នាយករដ្ឋមន្ត្រីបារាំង នៅចំពោះការបន្តរាតត្បាត នៃជំងឺកូវីដ-១៩ (Covid-19) ក្នុងយប់ថ្ងៃសុក្រទី២៩ ខែមករា ឆ្នាំ២០២១ បន្ទាប់ពីលោក បានចេញពីកិច្ចប្រជុំបន្ទាន់ នៃក្រុមប្រឹក្សាការពារសុខភាព ដែលប្រព្រឹត្តិទៅ ក្នុងវិមានប្រធានាធិបតី អេលីហ្សេ (Elysée)។

តែ«សំណាង» ដែលលោកនាយករដ្ឋមន្ត្រីលើកឡើងនោះ បានភ្ជាប់មកជាមួយ នូវវិធានការថ្មីជាច្រើន ក្នុងនោះមានដូចជា ការបិទព្រំដែន​ជាមួយប្រទេស នៅខាងក្រៅ​សហភាពអ៊ឺរ៉ុប និងការបិទមជ្ឈមណ្ឌល​ពាណិជ្ជកម្មធំៗ ដែលមិនលក់ម្ហូបចំណី ជាដើម។

កាលពីពាក់កណ្ដាលខែមករា រដ្ឋាភិបាលបារាំងបានសម្រេច ឲ្យបិទបម្រាមគោចរ ចាប់ពីម៉ោង៦ល្ងាច រហូតដល់ម៉ោង៦ភ្លឺ ដែលជាចំណាក់ការថ្មី បើធៀបនឹងបម្រាមលើកមុន ដែលសម្រេចឲ្យបិទបម្រាមគោចរ ចាប់ពីម៉ោង៩យប់ រហូតដល់ម៉ោង៦ភ្លឺ។

នៅចំពោះអ្នកសារព័ត៌មាន ក្នុងយប់ថ្ងៃសុក្រនេះ លោក ហ្សង់ កាស្ដិក បានថ្លែងឡើងថា៖

«បញ្ហានៃការបិទប្រទេសជាថ្មី អាចនឹងចោទឡើង ដោយស្របច្បាប់ ដោយយោងតាមទិន្នន័យ (នៃការឆ្លង) ដែលអាចបង្ក ឲ្យមាន​ការរាតត្បាត​ដ៏ខ្លាំងមួយ។ ក្នុងប៉ុន្មានថ្ងៃទៅមុខ វានឹងបង្ហាញពីកត្តាកំណត់ ដែលឈានទៅចាត់វិធានការ ដ៏ចាំបាច់ណាផ្សេង (រាប់ទាំង ការបិទប្រទេស​ជាថ្មី)។»

បិទព្រំដែន…

លោកនាយករដ្ឋមន្ត្រី បានបញ្ជាក់ថា៖

«រាល់ការធ្វើដំណើរ ចូលក្នុង និងចេញពី ប្រទេសបារាំង មកពី ឬទៅកាន់ ប្រទេសដែលនៅខាងក្រៅសហភាពអ៊ឺរ៉ុប នឹងត្រូវហាមឃាត់ លើកលែងតែហេតុផលចាំបាច់បំផុត។ ចំណាត់ការនេះ នឹងចូលជាធរមាន នៅថ្ងៃអាទិត្យខាងមុខ ចាប់ពីម៉ោង០០និង០០នាទី។»

លោកបន្តថា គ្រប់អ្នកធ្វើដំណើរ មកពីប្រទេសនៅក្នុងសហភាពអ៊ឺរ៉ុប នឹងតម្រូវឲ្យធ្វើតេស្ដិ៍ ដើម្បីស្វែងរកជំងឺកូវីដ មុននឹងអនុញ្ញាត​ឲ្យចូល​ប្រទេសបារាំង លើកលែងតែអ្នកធ្វើការ នៅជាប់ព្រំដែន ដែលត្រូវឆ្លងកាត់ទៅមក។ ចំណាត់ការនេះ បានចូលជាធរមានរួចហើយ តាំងពី​ថ្ងៃអាទិត្យមុន សម្រាប់អ្នកដំណើរ តាមផ្លូវអាកាស និងផ្លូវសមុទ្រ។ តែនៅពេលនេះ ចំណាត់ការដដែល នឹងអនុវត្តដូចគ្នា សម្រាប់​អ្នកដំណើរ​​តាមផ្លូវគោក។

ករណី«ផ្គើន»មួយចំនួន ត្រូវបានលោក ហ្សង់ កាស្ដិក អះអាងថា នឹងរងចំណាត់ការ ដោយការឹតបន្តឹងការត្រួតពិនិត្យ និងការផាកពិន័យ។ ការផ្អើនទាំងនោះ រួមមានក្នុងពេលកន្លងមក ដូចជាការជួបជុំផឹកស៊ី ល្មើសបម្រាមគោចរ ការបើកភោជនីយដ្ឋាន ដោយគ្មានការអនុញ្ញាតជាដើម។ លោក កាស្ដិក ថាមិនត្រូវទុកឲ្យការផ្អើនទាំងអស់នេះ បំផ្លាញការខិតខំ របស់ពលរដ្ឋទាំងអស់គ្នាឡើយ។

បិទមជ្ឈមណ្ឌលពាណិជ្ជកម្មធំៗ

លោក ហ្សង់ កាស្ដិក បញ្ជាក់ទៀតថា មជ្ឈមណ្ឌលពាណិជ្ជកម្មធំៗ ដែលមានផ្ទៃក្រឡាលើសពី២០ ០០០ម៉ែត្រការ៉េ ដែលមិនមាន​លក់ម្ហូប-ចំណី នឹងត្រូវបិទទ្វា ចាប់ពីថ្ងៃអាទិត្យនេះ រហូតមានបទបញ្ជាជាថ្មី។ ហើយចាប់ពីថ្ងៃចន្ទសប្ដាហ៍ក្រោយ ទំហំចំនួនមនុស្ស នៅតាមផ្សារទំនើបនានា ក៏នឹងត្រូវពង្រឹង ដោយវិធានការថ្មីដែរ៕



You may also like

កំសាន្ដ

កូនឈើ​ដែល ម៉ាក្រុង ដាំ​រួមគ្នា​ជាមួយ ត្រាំ បានងាប់​បាត់​ហើយ

កូនឈើដែលជាអំណោយរបស់ប្រធានាធិបតីបារាំង ហើយដែលត្រូវបានថតរូប ឃើញប្រធានាធិបតីនៃប្រទេសទាំងពីរដាំរួមគ្នា បានងាប់​បាត់​ហើយ នៅខណៈទំនាក់ទំនងរវាងអាមេរិក និងបារាំង ហាក់បន្តជួបភាពរកាំរកូស។ រូបថតនៃការដាំកូនឈើរួមគ្នានោះ ជានិមិត្តរូបមួយ នៃទំនាក់ទំនងរវាងប្រទេសទាំងពីរ និងជាពិសេស នៅក្នុងដំណើរទស្សនកិច្ចដំបូង របស់ប្រធានាធិបតីបារាំង ...
កម្ពុជា

តុលាការបារាំង​សម្រេចឲ្យ សម រង្ស៊ី ឈ្នះក្ដី​លើ ហ៊ុន សែន និង ឌី វិជ្ជា

មេដឹកនាំប្រឆាំងនៅកម្ពុជា លោក សម រង្ស៊ី ត្រូវបានតុលាការបារាំង សម្រេចក្ដីក្នុងថ្ងៃចន្ទនេះ ឲ្យរួចផុត​ពីការចោទប្រកាន់​ទាំងឡាយ ដែលមាននៅក្នុងបណ្ដឹង​របស់​លោក ហ៊ុន សែន បុរសខ្លាំងនៅកម្ពុជា និងលោក ឌី ...
ដំណឹង

ប្រធានាធិបតី​ចិន​នៅ​ប៉ារីស៖ ចិននឹងទិញ «AirBus» ៣០០គ្រឿង

សហគ្រាសរដ្ឋរបស់ប្រទេសចិន នឹងទិញយន្ដហោះអ៊ែរប៊ូស «Airbus» ៣០០គ្រឿង ពីប្រទេសបារាំង ក្នុងនោះយន្ដហោះប្រភេទមធ្យម «A320» ចំនួន២៩០គ្រឿង និងយន្ដហោះប្រភេទធំ «A350» ចំនួន១០គ្រឿង។ នេះ បើតាមការប្រកាសឲ្យដឹង ...

Comments are closed.

ដំណឹង

សង្គ្រាមនៅអ៊ុយក្រែន ៖ អាមេរិកផ្ដល់ភ្លើងខៀវបញ្ជូនយន្តហោះ«F-16»

កម្ពុជា

ក្រុមការងារ អ.ស.ប អំពាវនាវ​ឲ្យកម្ពុជា​ដោះលែង​«ស្ត្រីសេរីភាព»​ជាបន្ទាន់

អ្នកជំនាញមួយក្រុមរបស់អង្គការសហប្រជាជាតិ បានអំពាវនាវទៅ​របបដឹកនាំរបស់លោក ហ៊ុន សែន ឲ្យដោះលែងអ្នកស្រី សេង ធារី មេធាវីខ្មែរអាមេរិកាំង ដែលគេស្គាល់ក្នុងពេលកន្លងមក ថាជា«ស្ត្រីសេរីភាព» តាមរយៈសម្លៀកបំពាក់តែងខ្លួនសម្ដែងមតិរបស់អ្នកស្រី នៅខាងមុខសាលាដំបូងរាជធានីភ្នំពេញ។ ក្រុមអ្នកជំនាញប្រឆាំងការឃុំឃាំងតាមទំនើងចិត្ត ...
កម្ពុជា

សភាអ៊ឺរ៉ុបទាមទារ​ឲ្យបន្ថែម​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា

នៅមុននេះបន្តិច សភាអ៊ឺរ៉ុបទើបនឹងអនុម័តដំណោះស្រាយមួយ ជុំវិញស្ថានភាពនយោបាយ ការគោរព​លទ្ធិ​ប្រជាធិបតេយ្យ និងសិទ្ធិមនុស្ស នៅក្នុងប្រទេសកម្ពុជា ដោយទាមទារឲ្យគណៈកម្មអ៊ឺរ៉ុប គ្រោងដាក់​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា បន្ថែមទៀត។ ដំណោះស្រាយ៧ចំណុច ដែលមានលេខ «P9_TA(2023)0085» ...