កម្ពុជាដំណឹង

ហ៊ុន សែន លើកពី​ខឿន​ការពារ​សុខភាព​ក្នុង​សមរភូមិ​ប្រឆាំង​«Covid-19»

បើលោកនាយករដ្ឋមន្ត្រី ហ៊ុន សែន ធ្លាប់ប្រើពាក្យ «ខឿនការពារជាតិ» ​ក្នុងវិស័យយោធាតាំងមុនមកនោះ នៅថ្ងៃនេះ លោកបានប្រើពាក្យប្រហាក់ប្រហែលគ្នានេះ គឺ«ខឿនការពារសុខភាព» ក្នុងសមរភូមិប្រឆាំង នឹងមេរោគ«Covid-19»។ លោកលើកឡើងថា «ខឿនការពារសុខភាព» របស់ប្រជាជន គឺជា«គោលនយោបាយគន្លឹះ» របស់រដ្ឋាភិបាលលោក។

មេដឹកនាំកម្ពុជា បានលើកឡើងដូច្នេះ នៅលើទំព័រហ្វេសប៊ុករបស់លោក ដោយចាប់ផ្ដើមពន្យល់ថា កម្ពុជាមាន«ខឿនការពារជាតិ របស់ប្រជាជន ដែលផ្សាភ្ជាប់ប្រជាជន ជាមួយកងកម្លាំងប្រដាប់អាវុធ»។ តែនៅពេលនេះ កម្ពុជាមាន «ខឿនការពារសុខភាពសាធារណៈ របស់ប្រជាជន សារជាថ្មីម្ដងទៀត»។ លោក ហ៊ុន សែន សរសេរថា៖

«ក្នុងវិស័យការពារជាតិយើង មានខឿនការពារជាតិ របស់ប្រជាជន ដែលផ្សាភ្ជាប់ប្រជាជន ជាមួយកងកម្លាំងប្រដាប់អាវុធ។ ពេលនេះ ក្នុងសង្រ្គាមប្រយុទ្ធប្រឆាំង ជាមួយជំងឺឆ្លងកូវីដ-១៩ យើងពិនិត្យឃើញថា យើងមានខឿនការពារសុខភាពសាធារណៈ របស់ប្រជាជនសារជាថ្មីម្តងទៀត តាមរយៈការចូលរួមទាំងអស់គ្នា ក្នុងការទប់ស្កាត់ការរីករាលដាល នៃជំងឺដ៏កាចសាហាវនេះ។»

លោកនាយករដ្ឋមន្ត្រី បានវាយតម្លៃដោយខ្លួនលោកថា «ក្រសួង ស្ថាប័ន គ្រូពេទ្យ មន្ត្រីថ្នាក់ខេត្ត ស្រុកខណ្ឌ ឃុំ សង្កាត់ កងកម្លាំងប្រដាប់អាវុធគ្រប់ប្រភេទ យកចិត្តទុកដាក់ ដោះស្រាយបានយ៉ាងល្អ» ចំពោះការជួយ«ប្រជាជននៅមូលដ្ឋាន រាប់ទាំងកម្មករចំណាកស្រុក មកពីថៃ និងកម្មករមួយចំនួនតូច ដែលទៅលេងស្រុកកំណើត»។

លោកបន្តថា៖

«សម្រាប់ប្រជាជនម្នាក់ៗ សុទ្ធតែបានរួមចំណែក ទប់ស្កាត់ជំងឺឆ្លងនេះ តាមរយៈការធ្វើអានាម័យផ្ទាល់ខ្លួន និងតាមក្រុមគ្រួសារ តាមការណែនាំ ពីក្រសួងសុខាភិបាល។ បងប្អូនចំណាកស្រុកមកពីថៃ និងកូនក្មួយកម្មករកម្មការនី ដែលទៅលេងស្រុក ក្នុងពេលចូលឆ្នាំ ក៏ត្រូវបានយកចិត្តទុកដាក់ ពិនិត្យសុខភាព និងរស់នៅដាច់ដោយឡែក រយៈពេល១៤ថ្ងៃ ដើម្បីធានាថាមិនមានកូវីដ-១៩ មកតាមខ្លួន ចម្លងចូលទៅក្រុមគ្រួសារ ឬរោងចក្រសហគ្រាសនោះឡើយ។»

មកដល់ថ្ងៃនេះ រដ្ឋាភិបាលលោក ហ៊ុន សែន បានបញ្ចេញ«តួលេខផ្លូវការ» ថាកម្ពុជាមានករណីឆ្លងជំងឺ «Covid-19» នៅត្រឹម ១២២នាក់ ដែលជាតួលេខរកឃើញ តាំងពី១៣ថ្ងៃមុន។ ក្រសួងសុខាភិបាល បានអះអាងទៀតថា អ្នកជំងឺដែលបានជាសះស្បើយ មានចំនួនកើនឡើង ដល់១១៧នាក់។

លោក ហ៊ុន សែន លើកឡើងបន្ថែមថា៖

«ពិតមែនតែប្រទេសយើង មិនមានមនុស្សស្លាប់ និងមិនមានការឆ្លងថ្មី ក្នុងប៉ុន្មានថ្ងៃកន្លងមកនេះ និងបានព្យាបាលបានជាសះស្បើយច្រើន រួចមកហើយក្តី តែបញ្ហាប្រឈមនៅធំធេងណាស់ ដែលត្រូវខិតខំបន្ត។ ប្រសិនមិនមានអ្វី ជួយដល់អ្នកជំងឺ ឬជួយដល់គ្រូពេទ្យ តែសូមកុំនាំជំងឺ ឱ្យគ្រូពេទ្យព្យាបាល ដែលជាការបន្ថែមបន្ទុក ដល់គ្រូពេទ្យ ដល់រដ្ឋ និងជាពិសេស ដល់ខ្លួនឯង និងក្រុមគ្រួសារ ព្រោះអ្នកជំងឺនឹងរងគ្រោះមុនគេ៕»



លំអិតបន្ថែមទៀត

ដំណឹង

Covid-19៖ បារាំងប្រកាសបម្រាមគោចរ ឡើងដល់​៥៤តំបន់

រលកទីពីរ​នៃការរាតត្បាតជំងឺ​«Covid-19» បានតម្រូវ​ឲ្យរដ្ឋាភិបាល​បារាំង ប្រកាសដាក់បម្រាមគោចរ សម្រាប់តំបន់ជាច្រើនទៀត រហូតចំនួនសរុប ឡើងដល់​៥៤តំបន់ នៅលើផ្ទៃប្រទេស​(បារាំងដីគោក)។ ចំណាត់ការខាងលើ ប្រកាសឡើង​ដោយនាយករដ្ឋមន្ត្រី​បារាំង លោក ហ្សង់ កាស្ដិក (Jean ...
កម្ពុជា

ស្រុត​អគារ​ចិន៖ ប្រតិបត្តិការ​សង្គ្រោះ​បាន​«បញ្ចប់» – ​មនុស្ស​​២៨នាក់​ស្លាប់

ប្រតិបត្តិការជួយសង្គ្រោះជីវិត ពីក្នុងគំនរបាក់បែក នៃអគារកំពស់៧ជាន់ សាងសង់ដោយសហគ្រាសចិន បាន«បញ្ចប់»ហើយ នៅយប់ថ្ងៃចន្ទទី២៤ ខែមិថុនានេះ។ នេះ បើតាមសេចក្ដីប្រកាសព័ត៌មាន របស់រដ្ឋបាលខេត្តព្រះសីហនុ ដែលចេញផ្សាយ កាលពីប៉ុន្មាននាទីមុន។ សេចក្ដីប្រកាសព័ត៌មាន ...
ដំណឹង

Covid-19៖ នាយករដ្ឋមន្ត្រី​អង់គ្លេស ត្រូវបាន​ផ្ទេរទៅ​«សង្គ្រោះបន្ទាន់»

លោក បូរីស ចនសុន (Boris Johnson) នាយករដ្ឋមន្ត្រីអង់គ្លេស ដែលបានចូលសម្រាក ក្នុងមន្ទីរពេទ្យ កាលពីយប់ថ្ងៃអាទិត្យ ត្រូវបានផ្ទេរទៅ«សង្គ្រោះបន្ទាន់» ក្នុងរសៀលថ្ងៃចន្ទនេះ។ គួរគូសបញ្ជាក់ដែរថា ក្នុងប្រព័ន្ធព្យាបាល ...

Comments are closed.

យល់ស៊ីជម្រៅផ្នែក កម្ពុជា

កម្ពុជា

ហ៊ុន សែន ដាក់កម្ពុជា​ឲ្យកាន់ទុក្ខ​មួយថ្ងៃ ចំពោះសព ស៊ីនហ្សូ អាបេ

កម្ពុជា

អ៊ុក ទូច ប្រកាសរហស្សនាមជា​«ជួបគប់ក្បាល ហ៊ុន សែន នឹងស្បែកជើង»

បងប្អូនត្រកូល«ជួប» ៖ បន្ទាប់ពីបានបង្ហោះទ្រនាប់ជើងមួយចំហៀង សំដៅលោកនាយករដ្ឋមន្ត្រី ហ៊ុន សែន រួច បុរសម្ចាស់ទ្រនាប់ជើង ដែលមានឈ្មោះ អ៊ុក ទូច បានចេញមុខនៅថ្ងៃព្រហស្បត្តិ៍នេះ ប្រកាសរហស្សនាមខ្លួនថា ...
កម្ពុជា

[វីដេអូ] ៖ «ស្បែកជើងហោះ»​ស្វាគមន៍ ហ៊ុន សែន នៅវ៉ាស៊ីនតោន

នៅខណៈលោក ហ៊ុន សែន កំពុងចាប់ដៃថតរូប ជាមួយបណ្ដាជន​ដែលមកទទួលស្វាគមន៍​លោក ស្រាប់តែ​«ស្បែកជើងហោះ»​មួយ បានហោះ​កាត់ក្បែរនោះ។ ជាទិដ្ឋភាពដែលបង្ក​ភាពរអាក់រអួលមួយភ្លែត ទៅដល់កម្មវិធី ក៏ដូចជាស្នាមញញឹម​​របស់នាយករដ្ឋមន្ត្រី​ចាស់វស្សាកម្ពុជា ដែលធ្វើដំណើរ​ទៅកាន់រដ្ឋធានី នៃសហរដ្ឋអាមេរិក ដើម្បីចូលរួមជំនួបកំពូល ...