កម្ពុជាដំណឹង

អាជ្ញាធរ​ចិន​រកឃើញ​បុរសចិន​ផ្ទុក​«Covid-19»​ម្នាក់​ទៀត ចេញពី​កម្ពុជា

ជនជាតិចិនមួយរូប អាយុ៣៧ឆ្នាំ ដែលធ្វើដំណើរ ចេញពី​កម្ពុជា កាលពីថ្ងៃទី១០ ខែមេសា ត្រូវបានអាជ្ញាធរនៃក្រុង ស៊ិនជិន (Shenzhen) ប្រទេសចិន ធ្វើតេស្ដិ៍រកឃើញ ថាបានឆ្លងជំងឺ «Covid-19» និងបញ្ជូន​ទៅសម្រាកព្យាបាល ក្នុងមន្ទីរពេទ្យ។

គណៈកម្មការសុខភាព របស់ក្រុង ស៊ិនជិន បានប្រកាស នៅក្នុងរបាយការណ៍ប្រចាំថ្ងៃ ចេញផ្សាយក្នុងថ្ងៃទី១៤ ខែមេសានេះថា បុរសចិនខាងលើ បានចូល​មកកាន់ក្រុង ក្វាងចូវ តាមជើងយន្ដហោះ «LQ908» និងត្រូវបានផ្ទេរ ទៅកាន់ក្រុង ស៊ិនជិន នៅថ្ងៃទី១១ ខែមេសា ដោយតម្រូវឱ្យដាក់នៅ ដោយឡែកពីគេ ដើម្បីការធ្វើតេស្ដិ៍។

លុះនៅថ្ងៃទី១២ ខែមេសា លទ្ធផលនៃការធ្វើតេស្ដិ៍ បានបញ្ជាក់ថា បុរសរូបនោះ មានផ្ទុកមេរោគ «Covid-19»។

របាយការណ៍បន្តថា នៅពេលនេះ ពលរដ្ឋចិនខាងលើ ត្រូវបានផ្ទេរទៅកាន់មន្ទីរពេទ្យ ដើម្បីទទួលការព្យាបាល ដាច់ដោយឡែកពីគេ ខណៈអ្នកដែលប៉ះពាល់ ជាមួយជនជាតិចិនរូបនេះ គឺជាមនុស្សជាច្រើននាក់ ដែលបានរួមដំណើរ តាមជើងយន្តហោះ «LQ908»។

ករណីរកឃើញខាងលើ បានបន្ថែមពីលើរបាយការណ៍ជាច្រើន ក្នុងពេលកន្លងមក ដែលអះអាងថា មានជនជាតិចិន ជនជាតិជប៉ុន និងជនបរទេសច្រើននាក់ ត្រូវបានរកឃើញថា ពួកគេបានឆ្លងជំងឺ «Covid-19»​ បន្ទាប់ពីពួកបានចាកចេញពីកម្ពុជា។ ប៉ុន្តែជាទម្លាប់រៀងរាល់ដង ករណីរកឃើញនេះ ត្រូវបានរដ្ឋាភិបាលកម្ពុជាច្រានចោល ដោយចាត់ទុកថា អ្នកជំងឺទាំងនោះ បានឆ្លងជំងឺនេះ នៅតាម«ផ្លូវ» នៃការធ្វើដំណើររបស់ពួកគេ។

មកដល់ថ្ងៃនេះ ប្រទេសកម្ពុជាបានបញ្ចេញ«តួលេខផ្លូវការ» ថាខ្លួនមានករណីឆ្លងជំងឺ «Covid-19» កើនឡើងដល់ ១២២នាក់។ របាយការណ៍ផ្លូវការដដែល បានអះអាងថា អ្នកជំងឺដែលបានជាសះស្បើយ មានចំនួន ៩១នាក់ និងបានទទួលស្គាល់ថា មានការឆ្លង​នៅក្នុងសហគមន៍ តែនៅក្នុងទំហំតូច។

សម្រាប់ អ្នកស្រី លី អៃឡាន (Li Ailan) មន្រ្តី​អង្គការ​សុខភាព​ពិភព​លោក (WHO) ប្រចាំ​នៅ​កម្ពុជា​ បានថ្លែងតាមរយៈសន្និសីទសារព័ត៌មាន កាលពីថ្ងៃ​ច័ន្ទ​ ទី១៣ ខែមេសានេះ ​អំពាវនាវ ​ឲ្យ​រដ្ឋាភិបាល​កម្ពុជា​ ត្រូវត្រៀម​ខ្លួន សម្រាប់​ការ​ឆ្លងរីករាលដាល ជាលក្ខណៈ​ទ្រង់ទ្រាយ​ធំ៕



លំអិតបន្ថែមទៀត

កម្ពុជា

មន្ត្រី អ.ស.ប ៖ ទួរគី-កម្ពុជា​ធ្វើ​កិច្ច​ព្រមព្រៀង​«សម្ងាត់»​ដើម្បី​ចាប់​ពង្រត់​មនុស្ស

ប្រទេសកម្ពុជា ស្ថិតក្នុងចំណោមប្រទេស ចំនួន៤ ដែលប្រទេសទួរគី បានចុះ​​កិច្ច​ព្រមព្រៀង​«សម្ងាត់»ជាមួយ ដើម្បីធ្វើការ​ចាប់ពង្រត់សកម្មជនប្រឆាំង ដែលរត់គេចខ្លួន នៅក្រៅ​ប្រទេស។ នេះ បើតាមរបាយការណ៍រួមមួយ របស់អ្នករាយការណ៍បួននាក់ របស់​អង្គការ​សហប្រជាជាតិ ដែលត្រូវបានដកស្រង់ ...
កម្ពុជា

ព្រះរាជាខ្មែរ​យាងទៅ​ចិន មុន ហ៊ុន សែន ដាក់កម្ពុជា​ក្នុង​«ភាពអាសន្ន»

ក្នុងព្រឹកថ្ងៃទី១ ខែមេសានេះ ព្រះមហាក្សត្រកម្ពុជា បានចាកចេញពីប្រទេស ឆ្ពោះទៅ​ប្រទេសចិន នៅខណៈមេរោគ «កូរូណា» ឬ «Covid-19» កំពុងរាតត្បាត និងបន្ទាប់ពី​លោក​នាយករដ្ឋមន្ត្រី ហ៊ុន សែន ...
កម្ពុជា

ហ៊ុន សែន ចេញ​ទៅ​ធ្វើ​ទស្សនកិច្ច​ពីរថ្ងៃ​នៅ​ ឡាវ

កាលពីមុននេះបន្តិច ប្រមុខរដ្ឋាភិបាលកម្ពុជា លោក ហ៊ុន សែន បានដឹកនាំគណៈប្រតិភូកម្ពុជា ចេញទៅបំពេញ​ទស្សនកិច្ចផ្លូវការ នៅប្រទេស ឡាវ សម្រាប់រយៈពេលពីរថ្ងៃ (ថ្ងៃទី៥ និងទី៦ ខែធ្នូ ...

Comments are closed.

យល់ស៊ីជម្រៅផ្នែក កម្ពុជា

កម្ពុជា

កឹម សុខា បដិសេធ​ការយកឈ្មោះ និង​រូបភាពលោក ទៅប្រើខុសឆន្ទៈ

កម្ពុជា

សម រង្ស៊ី ថា ស ខេង អាចចូលក្នុង​«រដ្ឋាភិបាល​បង្រួបបង្រួមជាតិ»

ប្រធានស្ដីទីគណបក្សសង្គ្រោះជាតិ លោក សម រង្ស៊ី បានហៅការបង្កើត​«រដ្ឋាភិបាល​បង្រួបបង្រួមជាតិ» ដែលមាន​ការចូលរួម ពីលោក ស ខេង ថា«ជាគំនិតមួយ ដ៏ត្រឹមត្រូវ»។ ការអះអាងរបស់មេដឹកនាំប្រឆាំង ធ្វើឡើងក្នុង​ខណៈ​លោក ...
កម្ពុជា

អ្នកជំនាញ អ.ស.ប៖ ការឃុំខ្លួនយុវជន៧រូប ធ្វើឡើងដោយ​«បំពាន»

ការឃុំខ្លួនយុវជន៧រូប (ក្នុងនោះមានព្រះសង្ឃ១អង្គ) ទំនងជាត្រូវបានធ្វើ ដោយ«បំពាន»។ នេះ បើតាម​ការលើក​ឡើង របស់ក្រុមអ្នកជំនាញ​ខាងសិទ្ធិមនុស្ស របស់អង្គការសហប្រជាជាតិ ដោយជំរុញ​ទៅអាជ្ញាធររបប​ក្រុងភ្នំពេញ ឲ្យដោះលែងពួកគេ​ឲ្យនៅក្រៅឃុំ ដោយអនុលោម​​តាមច្បាប់ជាតិ និងអន្តរជាតិ។ ក្រុមអ្នកជំនាញទាំងនោះ ...