កម្ពុជាដំណឹង

ខៀវ កាញារីទ្ធ៖ «អ្នកវិភាគខ្លះ ហេតុតែ​ចង់បាន​អំណាច បន់ឲ្យខ្មែរស្លាប់»

តើអ្នកវិភាគរូបណាទៅ រងការឌឺដង ពីរដ្ឋមន្ត្រីព័ត៌មាន របស់ប្រទេសកម្ពុជា? ការឌឺដងនោះ រហូតលោករដ្ឋមន្ត្រីសន្និដ្ឋានថា អ្នកវិភាគទាំងនោះ ហេតុតែ​ចង់បាន​អំណាច បែរជាបន់ឲ្យខ្មែរស្លាប់។ 

លោក ខៀវ កាញារីទ្ធ រដ្ឋមន្ត្រីក្រសួងមួយ ដែលជំនាញ​ខាង​«ឃ្លាំមើល»​ព័ត៌មាន បានលើកឡើងដូច្នេះ នៅលើគណនេយ្យហ្វេសប៊ុក​របស់លោក ក្នុងល្ងាចថ្ងៃព្រហស្បត្តិ៍ទី២៣ ខែមេសានេះ។ លោកបានលើកឡើងថា នៅពេលចាប់ផ្ដើមផ្ទុះមេរោគ «Covid-19» ដំបូង ក្រុមអ្នកវិភាគទាំងនោះ បាននាំគ្នាបំផុសព័ត៌មានមិនពិត រួចចោទរដ្ឋាភិបាល​ថា លាក់តួលេខ។ ប៉ុន្តែ ក្នុងពេលនេះ អ្នកវិភាគទាំងនោះ បានប្ដូរសំដី របស់ពួកគេជាថ្មី។

លោករដ្ឋមន្ត្រី បានសរសេរថា៖

«នៅពេលចាប់ផ្តើមផ្ទុះកូរ៉ូណាវីរុសថ្មី ពួកគាត់នាំគ្នាបំផុស ឡើងពុល ពីមនុស្សដួលប្រកាច់ងាប់តាមផ្លូវ រួចចោទថា រាជរដ្ឋាភិបាលលាក់ចំនួនមនុស្សងាប់ ដែលគាត់ថា មានដល់ពាន់នាក់។»

«លុះក្រោយមក ដឹងថាពេទ្យខ្មែរ ធ្វើការជិតស្និទ្ធ ជាមួយអង្គការសុខភាពពិភពលោក និងពេទ្យសហរដ្ឋអាមេរិក (គោលការណ៍មួយ ក្នុងការទប់ស្កាត់ការរាលដាល រោគរាតត្បាត គឺជូនដំណឹងទាន់ពេល ដល់អង្គការដៃគូ) ហេតុនេះ [បើ]ចោទថា រាជរដ្ឋាភិបាលលាក់តួលេខ ខ្លាចចៅហ្វាយខោកក្បាល។»

«ពេលនេះ គាត់ដូររបៀបនិយាយថ្មី គឺថា រឿង​កូវីដ១៩ ជារឿងប្រឌិតរបស់ ហ៊ុន សែន តែប៉ុណ្ណោះ។ ហេតុនេះហើយ បានជាគេមិនឃើញ ហ៊ុន សែន ពាក់ម៉ាស់សោះ។ ហេតុនេះ សូមប្រជាជនកុំជឿរឿងកូវីដ១៩។»

លោក ខៀវ កាញារីទ្ធ បានដើរតួម្ដងនេះវិញ ធ្វើជាអ្នកវិភាគ ទៅលើក្រុមអ្នកវិភាគ ដែលលោកបានលើកឡើងខាងលើ។ លោកថា៖

«[បើ]វិភាគខ្លី អាចចោទថា គាត់និយាយខ្នងដៃ ជាបាតដៃ។ តើបើវិភាគឲ្យយូរ គឺយុទ្ធសាស្ត្រគាត់ ឥតប្រែប្តូរទេ។ អ្វីដែលគាត់ចង់បាន គឺឲ្យប្រជាជនខ្មែរស្លាប់ឲ្យច្រើន ដើម្បីបង្ហាញថា រដ្ឋាភិបាល ហ៊ុន សែន អត់សមត្ថភាព។»

បុរសចំណាស់៦៨ឆ្នាំ បានធ្វើសេចក្ដីសន្និដ្ឋានថា៖

«ដល់អញ្ចឹង បានយើងស្រណោះ ! ហេតុតែ​ចង់បាន​អំណាច បន់ឲ្យខ្មែរស្លាប់ ? ស្នេហាជាតិអី ក៏ខុសគេអញ្ចឹង ?»



លំអិតបន្ថែមទៀត

កម្ពុជា

Covid-19៖ បុរសវ័យចំណាស់​ម្នាក់ទៀត ស្លាប់​នៅព្រៃវែង

កម្ពុជាបានប្រកាសឲ្យដឹង ពីមរណភាពរបស់ បុរសវ័យចំណាស់​ម្នាក់ទៀត ដែលវិជ្ជមានកូវីដ-១៩ (Covid-19) នៅថ្ងៃទី១៤ ខែមីនា ឆ្នាំ២០២១នេះ។ នេះបើតាម​សេចក្តីប្រកាស​ព័ត៌មានរបស់ក្រសួងសុខាភិបាល ដែលបញ្ជាក់ថា បុរសវ័យ៦៩ឆ្នាំ រស់នៅភូមិជ័យឧត្តម ឃុំព្រែកខ្សាយ«ខ» ...
កម្ពុជា

Covid-19៖ កម្ពុជា​រកឃើ​ញ ៩ករណី​ថ្មី បង្កើន​តួលេខ​​សរុប​ដល់​១៣៩នាក់

កម្ពុជា​រកឃើ​ញ ករណីឆ្លង«Covid-19»ថ្មី ចំនួន៩នាក់ ក្នុងថ្ងៃទី​២៧ ខែមិថុនា​នេះ មាន​៨នាក់​​ជា​ជនជាតិ​ខ្មែរ និងម្នាក់ជាជនជាតិឥណ្ឌូនេស៊ី។ អ្នកជំងឺ​ទាំងអស់​ធ្វើ​ដំណើរ​​តាម​យន្តហោះ ដែល​ហោះផ្ទាល់ ចេញ​ពី​ប្រទេសឥណ្ឌូនេស៊ី មកកាន់កម្ពុជា កាលពី​ថ្ងៃទី២៥ ខែ​មិថុនា។ ...
កម្ពុជា

ហ៊ុន សែន បង្កើត​និង​ដឹកនាំ​គណៈកម្មការ​ជាតិ​ប្រឆាំង​«Covid-19»​

គណៈកម្មការជាតិមួយ ដើម្បីប្រយុទ្ធប្រឆាំងនឹងមេរោគ «Covid-19» បានចេញជារូបរាងហើយ នៅល្ងាចថ្ងៃពុធ ទី១៨ ខែមីនា ឆ្នាំ២០២០នេះ។ គណៈកម្មការនោះ ត្រូវបានបង្កើតឡើង តាមរយៈសេចក្ដីសម្រេចមួយ និងចុះហេត្ថលេខា ដោយលោកនាយករដ្ឋមន្ត្រី ...

Comments are closed.

យល់ស៊ីជម្រៅផ្នែក កម្ពុជា

កម្ពុជា

សម​​ រង្ស៊ី បង្កើតសមាគមការពារ​សិទ្ធិ នៃអតីត​អ្នកជំងឺ​កូវីដ-១៩

កម្ពុជា

ហ៊ុន សែន ថាខេត្តដែលកំហិត​ឲ្យធ្វើ​ចត្តាឡីស័ក ជា«ការបង្កើតរដ្ឋ​ក្នុងរដ្ឋ»

លោកនាយករដ្ឋមន្ត្រី ហ៊ុន សែន បានហៅការសម្រេច របស់អភិបាលខេត្តក្រុងមួយចំនួន ថាជា«ការបង្កើតរដ្ឋ​ក្នុងរដ្ឋ» ជុំវិញសេចក្ដីសម្រេច​របស់ពួកគេ ក្នុងការដាក់កំហិតឲ្យធ្វើចត្តាឡីស័ក សម្រាប់ពលរដ្ឋណាដែលធ្វើដំណើរឆ្លងខេត្ត។ បុរសខ្លាំងនៅកម្ពុជា បានបញ្ជាឲ្យមេដឹកនាំ នៅតាមខេត្តក្រុងទាំងនោះ ត្រូវធ្វើការផ្លាស់ប្ដូរ​សេចក្ដីសម្រេច​នោះ​ជាបន្ទាន់។ ...
កម្ពុជា

Covid-19៖ កម្ពុជាមានអ្នកជំងឺ​កើន«ដល់​២២៣៣​ករណី ស្លាប់១០នាក់»

ប្រទេសកម្ពុជា​បន្តរកឃើញ​អ្នកផ្ទុកមេរោគកូវីដ-១៩ (Covid-19) ចំនួន៨៦នាក់ ដែលធ្វើឲ្យចំនួនសរុបកើនឡើង ដល់​២២៣៣​ករណី នៅថ្ងៃទី២៨ ខែមីនា ឆ្នាំ២០២១នេះ។ រីឯអ្នកជំងឺដែលទទួលមរណភាព ដោយសារជំងឺនេះ ត្រូវបានប្រកាសតួលេខជាផ្លូវការ មានចំនួន១០នាក់ រាប់មកដល់ម៉ោងនេះ។ ...