ដំណឹងអាស៊ី-ប៉ាស៊ីភិក

គ្រាន់តែ​មួយថ្ងៃ ករណី​ឆ្លងមេរោគ​«កូរូណា» កើនឡើង​ដល់​៦ម៉ឺន​នាក់

តួលេខនៃការឆ្លងមេរោគ«កូរូណា»ថ្មី បានហក់ឡើង គួរឲ្យតក់ស្លុត។ គ្រាន់តែមួយថ្ងៃនេះ ករណីឆ្លងជំងឺនេះ កើនឡើង​ដល់​៦ម៉ឺន​នាក់ ខណៈមនុស្សស្លាប់ មានចំនួន២៤២នាក់បន្ថែមទៀត ដែលធ្វើឲ្យតួលេខសរុប នៃមនុស្សស្លាប់ដោយសារជំងឺដ៏ប្រល័យ មានចំនួនយ៉ាងហោច ១៣៥៥នាក់។ នេះ បើតាមរបាយការណ៍ចុងក្រោយ ចេញផ្សាយក្នុងថ្ងៃព្រហស្បតិ៍ ទី១៣ ខែកុម្ភៈ ដោយអាជ្ញាធរចិន។

កាលពីថ្ងៃពុធម្សិលមិញ អាជ្ញាធរជាតិសុខាភិបាលចិន បានអះអាងថា ករណីមនុស្សឆ្លងមេរោគដ៏ប្រល័យ មានចំនួន២០១៥ថ្មី ដែលធ្វើតុល្យភាពសរុប នៃអ្នកជំងឺឆ្លងមេរោគ រាប់ចាប់តាំងពីចុងខែឆ្នូ ឆ្នាំ២០១៩ មានចំនួន ៤៤ ៦៥៣នាក់។ តួលេខនោះ ធ្វើឲ្យគេគិតថា ចំនួនអ្នកឆ្លងជំងឺថ្មីបន្ថែមទៀត មានការថយចុះ បើប្រៀបធៀបនឹងថ្ងៃមុនៗ។

កើនឡើង​ដល់​៦ម៉ឺន​នាក់ …

តែផ្ទុយទៅវិញ តួលេខចេញផ្សាយ ក្នុងថ្ងៃព្រហស្បតិ៍ បានបង្កការភ្ញាក់ផ្អើលយ៉ាងខ្លាំង៖ នោះគឺមនុស្សជិត១ ៥០០០នាក់ ត្រូវបានរកឃើញថា បានឆ្លងមេរោគខាងលើ។ ការផ្សាយតួលេខថ្មីបំផុតនេះ អាចមានមូលហេតុដ៏សំខាន់ នៃការផ្លាស់ប្ដូរមេដឹកនាំថ្នាក់ខេត្ត និងក្រុង ចំនួនពីរនាក់ កាលពីម្សិលមិញ។

ក្នុងថ្ងៃពុធដដែលនោះ អភិបាលក្រុងសៀងហៃ លោក យីង យ៉ុង (Ying Yong) ត្រូវបានផ្លាស់ ឲ្យមកធ្វើជាលេខាធិការបក្សកុម្មុយនិស្តចិន ប្រចាំខេត្ត «Hubei» វិញ។ បន្ទាប់ពីបានចូលកាន់តំណែង លោក យីង យ៉ុង បានដាក់់ឲ្យអនុវត្តន៍ភ្លាមៗ នូវរបៀបរុករកថ្មី នៃអាការៈឆ្លងមេរោគ«កូរូណា»។

តួលេខខាងលើ នៅក្នុងប្រទេសចិន រួមនឹងករណីឆ្លងផ្សេងទៀត នៅក្នុងប្រទេសផ្សេងៗ នៅក្នុងពិភពលោក ធ្វើឲ្យតួលេខសរុប មកដល់ម៉ោងនេះ មានចំនួន ៦០ ៣៦៤នាក់ ខណៈចំនួនមនុស្សស្លាប់សរុប មានប្រមាណជាង ១ ៣៧០នាក់។

ករណីឆ្លងដ៏សន្ធឹកសន្ធាប់ បានបង្កការបារម្ភជាទូទៅ សម្រាប់បណ្តាប្រទេសនានា នៅជុំវិញពិភពលោក។

ក្នុងថ្ងៃព្រហស្បតិ៍នេះ បណ្ដារដ្ឋមន្ត្រីសុខាភិបាលអ៊ឺរ៉ុប បានជួបប្រជុំគ្នាជាលក្ខណៈបន្ទាន់ ដើម្បីចាត់វិធានការ ប្រឆាំងនឹងរីករាលដាល​ នៃមេរោគនេះ នៅក្នុងសហភាពអ៊ឺរ៉ុប។ លោក «Jens Spahn» រដ្ឋមន្ត្រីសុខាភិបាលអាល្លឺម៉ង់ បានស្នើឲ្យពិភាក្សាគ្នា ដើម្បីឲ្យមានការត្រួតពិនិត្យទ្វេឡើង ឬឈានទៅដល់ការហាមឃាត់ នៅតាមបណ្ដាព្រំដែននានា របស់អ៊ឺរ៉ុប៕



លំអិតបន្ថែមទៀត

ដំណឹង

ត្រាំ ផ្ដល់​ភ្លើងខៀវ​ឲ្យ​ផលិត​«កំពូល​កាំជ្រួច» ដែល​លឿន​ជាងគេ​បំផុត

ប្រធានាធិបតីអាមេរិក លោក ដូណាល់ ត្រាំ (Donald Trump) បានសម្រេច​នៅថ្ងៃ​សុក្រ​នេះ ឲ្យផលិត«កំពូល​កាំជ្រួច» ដែលជាកាំជ្រួចប្រភេទថ្មី លឿនជាងសម្លេង និងលឿនជាង​កាំជ្រួច ដែល​ប្រទេស​រុស្ស៊ី ឬចិន ...
ដំណឹង

មេរោគ​«កូរូណា»៖ បាត់ខ្លួន គីម ជុង-អ៊ុន ជិត​បី​សប្ដាហ៍​ហើយ

មេដឹកនាំកូរ៉េកុម្មុយនីស្ដិ៍ លោក គីម ជុង-អ៊ុន (Kim Jong-un) បានបាត់ខ្លួនយ៉ាងអាថ៌កំបាំង ក្នុងប៉ុន្មានថ្ងៃចុងក្រោយ ខណៈមេរោគ«កូរូណា»ថ្មី កំពុងបន្តចម្លង យ៉ាងរីករាលដាល នៅក្នុងប្រទេសចិន និងក្នុងតំបន់។ ...
ដំណឹង

ត្រាំ ហៅ​អង្គការ​សុខភាព​ពិភពលោក ថាជា​«អាយ៉ង»​របស់​ចិន

ប្រធានាធិបតីអាមេរិក លោក ដូណាល់ ត្រាំ (Donald Trump)បានចោទអង្គការសុខភាព​ពិភពលោក (WHO / OMS) ថាជា«អាយ៉ង»របស់ចិន ដោយធ្វើការអះអាងជាថ្មី អំពីការរិះគន់របស់លោក ចំពោះការដឹកនាំ ...

Comments are closed.

យល់ស៊ីជម្រៅផ្នែក ដំណឹង

កម្ពុជា

សភាអ៊ឺរ៉ុបទាមទារ​ឲ្យបន្ថែម​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា

ដំណឹង

ទាហានអ៊ុយក្រែន​ដែលត្រូវរ៉ុស្ស៊ី​បាញ់សម្លាប់ ក្លាយជា«វីរបុរសជាតិ»

ទាហានអ៊ុយក្រែនដែលត្រូវកងទ័ពរ៉ុស្ស៊ីបាញ់សម្លាប់ ត្រូវបានកំណត់អត្ថសញ្ញាណ និងប្រកាសឲ្យក្លាយជា«វីរបុរសជាតិ»។ នេះ បើតាមទីភ្នាក់ងារសន្តិសុខអ៊ុយក្រែន «SBU» និងការថ្លែង របស់ប្រធានាធិបតីអ៊ុយក្រែន លោក «Volodymyr Zelensky» នៅល្ងាចថ្ងៃអាទិត្យទី១២ ខែមិនា។ ...