កម្ពុជាដំណឹង

ផៃ ស៊ីផាន ភ្ជាប់សារ​របស់​ស្ថានទូត​អាមេរិក ទៅនឹង​ប្រវត្តិ​«ដកទូត»​ពីកម្ពុជា

នៅមុននេះបន្តិច អ្នកនាំពាក្យរដ្ឋាភិបាលក្រុងភ្នំពេញ លោក ផៃ ស៊ីផាន បានហៅមន្ត្រីស្ថានទូតសហរដ្ឋអាមេរិក ប្រចាំនៅរដ្ឋធានីភ្នំពេញ ថាកំពុងធ្វើកិច្ចការ ហួសពីកាតព្វកិច្ចការងារទូត នៅចំខែមេសានេះ ដែលលោកបានភ្ជាប់ ទៅនឹងកាលវេលា​«ដកទូត»​របស់ប្រទេសមហាអំណាច ចេញពីកម្ពុជា​កាលពីឆ្នាំ១៩៧៥។

ការលើកឡើងរបស់លោក ផៃ ស៊ីផាន ជាប្រតិកម្មតបទៅនឹងការបង្ហោះសារ របស់ស្ថានទូតសហរដ្ឋអាមេរិក ប្រចាំនៅកម្ពុជា កាលពីម្សិលម្ងៃ ដែលបានលើកឡើងថា​ ទំនាក់ទំនង«ពាណិជ្ជកម្ម​កម្ពុជា-ចិន» ផ្ដល់ប្រយោជនដ៏ច្រើន សម្រាប់ប្រទេសចិន ជាងសម្រាប់ប្រទេស​កម្ពុជា​ខ្លួនឯង។

សារនោះ ត្រូវបានបង្ហោះ នៅលើទំព័រហ្វេសប៊ុករបស់ស្ថានទូតអាមេរិក ដោយអមមកជាមួយ នូវរូបភាពតួលេខ ដែលនិយាយពីឱនភាពពាណិជ្ជកម្ម ដ៏ធំធេង ដែលកម្ពុជាមាន ជាមួយប្រទេសចិន ដែលផ្ទុយគ្នាស្រឡះ ពីទំនាក់ទំនងពាណិជ្ជកម្ម កម្ពុជា-អាមេរិក ឬកម្ពុជា-សហភាពអ៊ឺរ៉ុប។

ស្ថានទូតអាមេរិក បានសរសេរសារនោះ ដូច្នេះថា៖

«ប្រទេសចិន គឺជាដៃគូពាណិជ្ជកម្មធំជាងគេ របស់ប្រទេសកម្ពុជា តែទំនាក់ទំនងនេះចំណេញខ្លាំង ទៅខាងប្រទេសចិន។ ប្រហែល ៨៧% នៃទំនិញដោះដូរគ្នា គឺជាទំនិញនាំចូលមកពីប្រទេសចិន ដែលមិនជួយ ដល់ការធ្វើអោយមានការងារ ឬជួយដល់ឧស្សាហកម្ម ដូចទំនាក់ទំនងរបស់ប្រទេសកម្ពុជា ជាមួយសហរដ្ឋអាមេរិក ឬសហភាពអឺរ៉ុបនោះទេ។»

សម្រាប់អ្នកនាំពាក្យរដ្ឋាភិបាលកម្ពុជា បានចាត់ទុកថា សំណេរខាងលើនេះ ជាករណីគួរឲ្យសោកស្ដាយ។ លោកបានសរសេរសារ នៅលើទំព័រហ្វេសប៊ុករបស់លោក រៀបរាប់​ថា៖

«នៅពេលអង្គការក្រៅរដ្ឋាភិបាល និងបណ្ដាញសារព័ត៌មាន ដែលតាំងខ្លួន ជាក្រុមឯករាជ្យ ដែលគេទាំងនោះ ទទួលថវិកាពីបរទេស បានបន្ថយសំឡេងញុះញង់ និងបំភ័ន្ត ដែលតែងតែផ្សព្វផ្សាយ ពាក់ព័ន្ធនឹងរូបភាពអវិជ្ជមាន របស់ចិននៅកម្ពុជា គេឃើញមាន មន្រ្ដីការងារទូតសហរដ្ឋអាមេរិក ចេញមុខធ្វើបទវិភាគនយោបាយ ដែលហួសពីកាតព្វកិច្ចការងារទូត។»

លោក ផៃ ស៊ីផាន បានភ្ជាប់ការលើកឡើងខាងលើ ទៅនឹងការចោទប្រកាន់សហរដ្ឋ​អាមេរិក នៅក្នុងប្រវត្តិសាស្ត្រកម្ពុជា នាពេលកន្លងមក ជាពិសេសនៅក្នុងព្រឹត្តិការណ៍ ដែលសហរដ្ឋអាមេរិក ខ្ចប់ទង់ជាតិ«ដកទូត»​ចេញពីកម្ពុជា នៅមុនពេលក្រុមខ្មែរក្រហម វាយចូលដល់រាជធានីភ្នំពេញ ក្នុងឆ្នាំ១៩៧៥។ លោក ស៊ីផាន សរសេរថា៖

«លើកទីមួយ នៅក្នុងខែមិនា ដែលពាក់ព័ន្ធនឹងប្រវត្តិរដ្ឋប្រហារ ទម្លាក់ព្រះប្រមុខរដ្ឋន.សីហនុ។ លើកទី២ គឺនៅខែមេសានេះ គឺជាប្រវត្តិដែលស្ថានទូតសហរដ្ឋអាមេរិក ខ្ចប់ទង់ជាតិរបស់ខ្លួន រត់ចេញពីកម្ពុជា។»

មិនអាចទាក់ទងមន្ត្រីអ្នកនាំពាក្យស្ថានទូតអាមេរិក ក្នុងពេលភ្លាមៗនេះ ដើម្បីធ្វើប្រតិកម្មតបវិញ បាននៅឡើយ។

កាលពីម្សិលម៉ិញ ស្ថានទូតចិនក៏បានប្រតិកម្មតប នឹងការលើកឡើង របស់ស្ថានទូតអាមេរិកខាងលើដែរ។ ស្ថានទូតចិនបានសរសេរប្រើរូបភាព ពន្យល់«មិត្តកម្ពុជា» អំពីអ្វីដែលស្ថានទូតនៃប្រទេសកុម្មុយនីស្ដិ៍ ចោទស្ថានទូតអាមេរិកថា «កំពុងបង្កបញ្ហាម្ដងហើយ ម្ដងទៀត» និងព្រមទាំងបានរំលើក ពីស្ថាដៃសង់ ស្ពាន-ថ្នល់-វារីអគ្គិសនី ដែលចិនសម្រេចបាននៅកម្ពុជា មុននឹងចោទសួរ ទៅសហរដ្ឋអាមេរិកថា តើធ្វើអ្វីបានខ្លះហើយ?

នៅពេលអង្គការក្រៅរដ្ឋាភិបាល និងបណ្ដាញសារព័ត៌មាន ដែលតាំងខ្លួនជាក្រុមឯករាជ្យ ដែលគេទាំងនោះទទួលថវិកាពីបរទេស…

Publiée par Siphan Phay sur Dimanche 21 avril 2019


You may also like

លោក ចន កេណឺឌី ប្រធានាធិបតីទី៣៥ នៃសហរដ្ឋអាមេរិក។ (រូបថតផ្លូវការ នៃសេតវិមាន)
របាយការណ៍

ឃាតកម្ម​ប្រធានាធិបតីអាមេរិក ចន កេណឺឌី ៖ ១០​ករណី​សង្ស័យ​ធំៗ

៥០ឆ្នាំបន្ទាប់ពីឃាតកម្មបាញ់សម្លាប់ អតីតប្រធានាធិបតីអាមេរិកលោក ចន កេណឺឌី (John F.Kennedy) នៅ​ទីក្រុង​ដាឡាស រដ្ឋតិចសាស សហរដ្ឋអាមេរិក ទស្សនាវដ្ដីមនោរម្យ.អាំងហ្វូ សូមលើក​យកមក​ជម្រាប​ជូន​ប្រិយមិត្តអ្នកអាន អំពីករណីសង្ស័យទាំង១០ ដែលអាចកើតមាននៅពីក្រោយ ...
ដំណឹង

បាញ់ប្រហារ​ជាថ្មី​នៅ​អាមេរិក ៩នាក់​​ស្លាប់ ខណៈ​ខ្មាន់កាំភ្លើង​ត្រូវបង្ក្រាប

ប៉ុន្មានម៉ោងក្រោយហេតុការណ៍ នៅក្រុង «El Paso» រដ្ឋតិចសាស់ សហរដ្ឋអាមេរិកបាន​ជួប​រឿង​បាញ់ប្រហារ​ជាថ្មីទៀត នៅក្នុងរដ្ឋអូហៃយ៉ូ (Ohio) ដែលបង្កឲ្យមានមនុស្ស ៩នាក់​ស្លាប់ និងច្រៀននាក់ទៀត រងរបួស។ ខ្មាន់កាំភ្លើង ...
ដំណឹង

«AstraZeneca»ការពារវ៉ាក់សាំងខ្លួន ថាគ្មាន​ភស្ដុតាង​ពីជំងឺ​«ឈាមកក»

សហគ្រាស​«AstraZeneca»​នៃចក្រភពអង់គ្លេស បានចេញមុខ មកការពារវ៉ាក់សាំងរបស់ខ្លួន ដោយអះអាងថា គ្មាន​ភស្ដុតាងណាមួយ បង្ហាញពីហនិភ័យធ្ងន់ធ្ងរ បង្កឲ្យមានជំងឺ«ឈាមកក» សម្រាប់អ្នកដែលបានទទួល​វ៉ាក់សាំង​នោះឡើយ។ ប្រតិកម្ម​របស់សហគ្រាស​ផលិត​ឱសថ ធ្វើឡើងបន្ទាប់ពីប្រទេសជាច្រើន ទាំងក្នុងសហភាពអ៊ឺរ៉ុប និងនៅ​ទ្វីបអាស៊ី បានសម្រេចផ្អាក​ការប្រើវ៉ាក់សាំង ...

Comments are closed.

កម្ពុជា

ក្រុមការងារ អ.ស.ប អំពាវនាវ​ឲ្យកម្ពុជា​ដោះលែង​«ស្ត្រីសេរីភាព»​ជាបន្ទាន់

កម្ពុជា

សភាអ៊ឺរ៉ុបទាមទារ​ឲ្យបន្ថែម​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា

នៅមុននេះបន្តិច សភាអ៊ឺរ៉ុបទើបនឹងអនុម័តដំណោះស្រាយមួយ ជុំវិញស្ថានភាពនយោបាយ ការគោរព​លទ្ធិ​ប្រជាធិបតេយ្យ និងសិទ្ធិមនុស្ស នៅក្នុងប្រទេសកម្ពុជា ដោយទាមទារឲ្យគណៈកម្មអ៊ឺរ៉ុប គ្រោងដាក់​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា បន្ថែមទៀត។ ដំណោះស្រាយ៧ចំណុច ដែលមានលេខ «P9_TA(2023)0085» ...