ដំណឹងអាស៊ី-ប៉ាស៊ីភិក

គីម អួតអាង​ថា ទំនាក់ទំនង​ចិន-​កូរ៉េខាងជើង «មិនអាចបំបាក់»​បានឡើយ

ទំនាក់ទំនងរវាងប្រទេសចិន និងកូរ៉េខាងជើង «មិនអាចបំបាក់»បានឡើយ។ នេះ ជាការអះអាងឡើងរបស់លោក គីម ជុងអ៊ុន (Kim Jong-un) មេដឹកនាំរបបកុម្មុយនីស្ដិ៍កូរ៉េ ដែលត្រូវបាន​ទីភ្នាក់ងារ​ព័ត៌មានផ្លូវការ «KCNA» ស្រង់យកមកចុះផ្សាយ នៅថ្ងៃសុក្រនេះ ដែលជាថ្ងៃទីពីរ នៃដំណើរទស្សនកិច្ចរបស់ប្រធានាធិបតីចិន នៅក្នុងរដ្ឋធានីព្យុងយ៉ាង។

ទីភ្នាក់ងារ «»KCNA» បានលើកឡើងថា ដំណើរទស្សនកិច្ចនៃមេដឹកនាំចិន ដែលជាសម្ព័ន្ធមិត្ត ជា«ឱកាសដ៏សំខាន់» សម្រាប់ប្រទេសទាំងពីរ ក្នុងការបង្ហាញទៅកាន់ពិភពលោកទាំងមូល អំពីទំនាក់ទំនង«មិនអាចបំបាក់» និងអំពីមិត្តភាព«មិនអាចផ្លាស់ប្ដូរ» បានឡើយ។

ចំណែកឲ្យទូរទស្សន៍ចិនវិញ បានរាយការណ៍ដែរថា ប្រធានាធិបតីចិន លោក ស៊ី ជិនភីង (Xi Jinping) ត្រូវបានស្រែកស្វាគមន៍ ដោយបណ្ដាជនកូរ៉េខាងជើង «រាប់ម៉ឺននាក់»។

ជាដំណើរទស្សនកិច្ចលើកដំបូង ពីសំណាក់មេដឹកនាំកំពូល របស់ប្រទេសចិន រាប់ចាប់តាំងពីឆ្នាំ២០០៥មក និងចាប់តាំងពីភាពតានតឹង ការផ្ទុះឡើង បណ្ដាលមកពីកម្មវិធីនុយក្លេអ៊ែរ របស់ប្រទសកូរ៉េកុម្មុយនីស្ដិ៍ ដែលធ្វើឲ្យប្រទេសនេះ រងទណ្ឌកម្មពីសហគមន៍អន្តរជាតិ (រួមទាំងប្រទេសចិនផង)។

ទីភ្នាក់ងារព័ត៌មានរដ្ឋកូរ៉េ បានបន្តទៀតថា នៅតាមបណ្ដាដងផ្លូវ នៃរដ្ឋធានីព្យុងយ៉ាង មានពោរពាស ដោយ«មិត្តភាពដ៏ជ្រាលជ្រៅ» ចំពោះប្រជាជនចិន ដែលបាន«រួមទុក្ខរួមសុខ» ជាមួយប្រជាជនកូរ៉េខាងជើង នៅក្នុងការកសាងលទ្ធិសង្គមនិយមរបស់ខ្លួន។

ដំណើរទស្សនកិច្ចរបស់លោក ស៊ី ជិនភីង ធ្វើឡើងក្នុងខណៈពេល ដែលប្រទេសជិតខាងទាំងពីរ កំពុងរងសម្ពាធពីរដ្ឋបាល របស់ប្រធានាធិបតីអាមេរិកបច្ចុប្បន្ន ដែលមានសភាព កាន់តែតានតឹងឡើងៗ។ លោក ដូណាល់ ត្រាំ (Donald Trump) ប្រធានាធិបតីរបស់ប្រទេសមហាអំណាច ចង់ឲ្យប្រទេសកូរ៉េខាងជើង ធ្វើការរំសាយចោលទាំងស្រុង នូវអាវុធនុយក្លេអ៊ែររបស់ខ្លួន និងចង់ឲ្យប្រទេសចិន ធ្វើសម្បទានពាណិជ្ជកម្ម ឲ្យបានទូលាយ។

ប្រទេសចិន និងកូរ៉េខាងជើង បានក្លាយជាសម្ព័ន្ធមិត្តនឹងគ្នា នៅក្នុងអំឡុងសង្គ្រាមកូរ៉េ រវាងពីឆ្នាំ១៩៥០ – ១០៥៣ ដើម្បីអ្វីមួយដែលប្រទេសទាំងពីរ អះអាងថា ជាការប្រឆាំងនឹងសហរដ្ឋអាមេរិក ដែលជា«សត្រូវរួម»៕



លំអិតបន្ថែមទៀត

ដំណឹង

បោះឆ្នោត​ប្រធានាធិបតីអាមេរិក៖ ត្រាំ ធ្លោយមាត់​អាចទទួលស្គាល់​«បរាជ័យ»

ប្រធានាធិបតីចប់អាណត្តិ លោក ដូណាល់ ត្រាំ (Donald Trump) ទំនងជាបាន​ទទួលស្គាល់​​ដោយប្រយោល «បរាជ័យ»របស់លោក ក្នុងការបោះឆ្នោតប្រធានាធិបតី ឆ្នាំ២០២០។ លោកបានធ្លោយមាត់​ដូច្នេះ នៅក្នុងសន្និសីទសារព័ត៌មាន ក្នុងរសៀលថ្ងៃសុក្រ​ទី១៣ ...
ដំណឹង

បារាំង​ប្រតិកម្ម​តប ដូណាល់ ត្រាំ ជុំវិញ​«បាតុកម្ម​អាវកាក់​លឿង»

មួយថ្ងៃ ក្រោយការលើកឡើង របស់ប្រធានាធិបតីអាមេរិក លោក ដូណាល់ ត្រាំ (Donald Trump) អំពីបាតុកម្មរបស់បណ្ដាជនបារាំង ពាក់អាវកាក់ពណ៌លឿង លោក ហ្សង់-អ៊ីវ ឡឺឌ្រីយ៉ង់ ...
ទស្សនៈប្រិយមិត្ត

លិខិតប្រិយមិត្ត៖ មូលហេតុ៥ ដែល​«អាមេរិកនិង​កម្ពុជា»​ត្រូវតែជិតស្និតគ្នា

គេតែងដឹង និងយល់ស្របជាទូទៅស្រាប់ហើយថា ទំនាក់ទំនងការទូតរវាង«អាមេរិកនិង​កម្ពុជា» ជាទំនាក់ទំនង​ដែល​រដាក់រដុប ជូរចត់ច្រើន​ជាងផ្អែមល្ហែម ក្នុងរយៈពេល៧០ឆ្នាំកន្លងមកនេះ។ យ៉ាងនេះក៏ដោយ គូភាគីរដ្ឋទាំងទ្វេរ នៅតែ​ប្រឹងប្រែង ធ្វើការ​កែលម្អរ ធ្វើអោយប្រសើរឡើង តាំងពីសម័យកាលសង្គ្រាមត្រជាក់ រហូតមកដល់សម័យកាល​សាកល​ភាវូបនីយកម្ម​បច្ចុប្បន្ន។ ...

Comments are closed.

យល់ស៊ីជម្រៅផ្នែក ដំណឹង

កម្ពុជា

អាមេរិក​ផ្ដល់វ៉ាក់សាំង Johnson&Johnson ជាង១លានដូស​ជូនកម្ពុជា

ដំណឹង

Covid-19៖ នាយករដ្ឋមន្ត្រីបារាំង​ថ្លែងពី​«រលកទី៤» និងបន្ថែម​វិធានការ

«យើងឈានមកដល់ រលកទី៤» នេះ ជាការប្រកាសឡើង របស់នាយករដ្ឋមន្ត្រីបារាំង លោក ហ្សង់ កាស្ដិក (Jean Castex) បន្ទាប់ពីលោក​បានបញ្ចប់កិច្ចប្រជុំ ក្រុមប្រឹក្សាការពារជាតិ ដែលបានបញ្ជាក់ឲ្យដឹង ...
កម្ពុជា

សម រង្ស៊ី៖ របបក្រុងភ្នំពេញ និងចិន​ឃុបឃិតគ្នា ដើម្បីកំណត់​តម្លៃ​វ៉ាក់សាំង

បើសិនជាវ៉ាក់សាំងចិនកុម្មុយនីស ហាក់ត្រូវបានកំណត់ ឲ្យក្លាយជាជម្រើសតែមួយគត់នៅកម្ពុជា នោះគឺដោយសារ របបក្រុងភ្នំពេញ និងប្រទេសចិន បានឃុបឃិតគ្នា តាមរយៈអំពើពុករលួយដ៏ធ្ងន់ធ្ងរមួយ ដែលធ្វើឲ្យតម្លៃវ៉ាក់សាំង របស់ប្រទេសកុម្មុយនីស្ដិ៍ មានតម្លៃថ្លៃលើសលុប។ នេះបើតាមការលើកឡើងរបស់លោក សម ...