ដោយសារលោក ដូណាល់ ត្រាំ (Donald Trump) អស់តំណែងជាប្រធានាធិបតីហើយនោះ ដូច្នេះសវនាការនៅព្រឹទ្ធសភា ជុំវិញ​ការចោទប្រកាន់​ប្រឆាំងរូបលោក អាចនឹងសម្រេចទៅ ដោយការហាមឃាត់ ការកាន់តំណែង ក៏ដូចជា ការឈរឈ្មោះ​ជាប្រធានាធិបតី សម្រាប់មួយអាណត្តិថ្មីទៀត។

ការចោទប្រកាន់នោះ ត្រូវបានសម្រេច​ដោយ​សភាតំណាងរាស្ត្រ មុននឹងត្រូវបញ្ជូនឡើង ទៅព្រឹទ្ធសភា នៅថ្ងៃចន្ទទី២៥ ខែមករា​ ដើមសប្ដាហ៍ក្រោយ។ សម្រាប់ក្រុមអ្នកតំណាងរាស្ត្រអាមេរិក ដែលមានសម្លេងភាគច្រើន មកពីគណបក្សប្រជាធិបតេយ្យ បានយល់ថា លោក ដូណាល់ ត្រាំ បានញុះញង់ ឲ្យមានការទន្ទ្រានកាន់កាប់វិមានកាពីតូល (វិមានសភាអាមេរិក) កាលពីថ្ងៃទី៦ ខែមករាកន្លងមក។

លោក ត្រាំ ជាប្រធានាធិបតីដំបូងគេ របស់ប្រទេសមហាអំណាច ដែលរងនីតិវិធីចោទប្រកាន់ ដើម្បីបណ្ដេញលោក ចេញពីតំណែង ដល់ទៅពីរដង ក្នុងមួយអាណត្តិ។

បន្ទាប់ពីទទួលបានការចោទប្រកាន់ ពីរដ្ឋសភារួច ព្រឹទ្ធសភាត្រូវរៀបចំសវនាការមួយឡើង ដែលនឹងប្រព្រឹត្តិទៅ នៅថ្ងៃទី៨ ខែកុម្ភៈ។ នេះ បើតាមការអះអាងរបស់លោក «Chuck Schumer» ប្រធានក្រុមសមាជិកព្រឹទ្ធសភា មកពីគណបក្ស​ប្រជាធិបតេយ្យ ដែលបន្ត​អះអាង​ថា ជម្រើសដ៏ឆាប់រហ័ស នៃថ្ងៃធ្វើសវនាការខាងលើ គឺដោយសារព្រឹទ្ធសភា ចង់រក្សានីតិកាលចាស់ ដើម្បីធ្វើកិច្ចការនេះ ជាជាង​នីតិកាលថ្មី (នីតិកាលថ្មី មានសមាជិកព្រឹទ្ធសភាភាគច្រើន មកពីគណបក្សប្រជាធិបតេយ្យ)។

លោក «Chuck Schumer» បានថ្លែងថា៖

«រដ្ឋសភានឹងបញ្ជូនអត្ថបទ នៃការដកចេញពីតំណែង (ជាប្រធានាធិបតី) ទៅកាន់ព្រឹទ្ធសភា។ ព្រឹទ្ធសភានឹងរៀបចំសវនាការមួយឡើង សម្រាប់លោក ដូណាល់ ត្រាំ។ សវនាការនេះ នឹងមានលក្ខណៈពេញលេញ និងមានលក្ខណៈគតិយុទ្ធ។»

យ៉ាងណា សវនាការរបស់ព្រឹទ្ធសភា អាចនឹងបញ្ចប់ទៅ ដោយសម្រេចហាមឃាត់​ ការកាន់តំណែង ក៏ដូចជា ការឈរឈ្មោះ​ជាប្រធានាធិបតី ក្នុងមួយអាណត្តិ​បន្ថែមទៀត សម្រាប់លោក ដូណាល់ ត្រាំ នាពេលអានាគត ដោយហេតុថាលោក ត្រាំ លែងមានតំណែងជាប្រធានាធិបតីទៀត បន្ទាប់ពីលោក ចូ បៃដិន បានស្បថចូលកាន់តំណែងរួចរាល់៕



You may also like

កម្ពុជា

អ៊ូ វីរៈ៖ ព្រឹទ្ធសមាជិក​ប្រចាំរដ្ឋ មិនមែន​ជា​សមាជិក​ព្រឹទ្ធសភា​អាមេរិក​ទេ

អ្នកវិភាគបញ្ហានយោបាយ និងសង្គម លោក អ៊ូ វីរៈ បានថ្លែងអះអាងថា ព្រឹទ្ធសមាជិក​ប្រចាំរដ្ឋ នៅសហរដ្ឋអាមេរិក មិនមែនជាសមាជិកព្រឹទ្ធសភា នៃសហរដ្ឋអាមេរិកនោះទេ។ ការលើកឡើងរបស់អ្នកវិភាគ ធ្វើឡើងបន្ទាប់ពីប្រព័ន្ធបំពងសម្លេង របស់របបក្រុងភ្នំពេញ ...
របាយការណ៍

ម៉ារីលីន ម៉ុនរ៉ូ ៖ មរណភាព​ដែលពោរពេញ​ដោយអាថ៌កំបាំង

រយៈពេល៥០ឆ្នាំកន្លងទៅហើយ តែមរណភាពរបស់កំពូលតារាសម្ដែងហូលីវូដ នាង ម៉ារីលីន ម៉ុនរ៉ូ (Marilyn Monroe) នៅបន្តបង្កប់ដោយអាថ៌កំបាំងជាច្រើន ជាពិសេសនៅពេលដែលគេដឹង អំពីរឿងរ៉ាវទាំងឡាយ ដែលកើតឡើង នៅជុំវិញព្រឹត្តិការណ៍​ដ៏រន្ធត់មួយនេះ។ នាង ...
ពីឆ្វេងទៅស្ដាំ៖ លោក ប្រ៊ែដ អាដាម នាយករង​ទទួលបន្ទុកកិច្ចការអាស៊ី នៃអង្គការឃ្លាំមើលសិទ្ធិមនុស្ស និងលោក ហ៊ុន សែន នាយករដ្ឋមន្ត្រីតាំងពីឆ្នាំ១៩៨៥ នៅកម្ពុជា។ (រូបថត Getty)
កម្ពុជា

«ប្រ៊ែដ អាដាម ទៅណាហើយ? ខ្ញុំ​នៅ​កាលីហ្វ័រនីញ៉ា !»

ការប្រកាសសួររកលោក ប្រ៊ែដ អាដាម (Brad Adams) ពីសំណាក់លោកនាយករដ្ឋមន្ត្រី ហ៊ុន សែន ទទួលបានការឆ្លើយតប ពីលោក អាដាម វិញថា «ខ្ញុំ​នៅ​កាលីហ្វ័រនីញ៉ា ...

Comments are closed.

ដំណឹង

សង្គ្រាមនៅអ៊ុយក្រែន ៖ អាមេរិកផ្ដល់ភ្លើងខៀវបញ្ជូនយន្តហោះ«F-16»

កម្ពុជា

ក្រុមការងារ អ.ស.ប អំពាវនាវ​ឲ្យកម្ពុជា​ដោះលែង​«ស្ត្រីសេរីភាព»​ជាបន្ទាន់

អ្នកជំនាញមួយក្រុមរបស់អង្គការសហប្រជាជាតិ បានអំពាវនាវទៅ​របបដឹកនាំរបស់លោក ហ៊ុន សែន ឲ្យដោះលែងអ្នកស្រី សេង ធារី មេធាវីខ្មែរអាមេរិកាំង ដែលគេស្គាល់ក្នុងពេលកន្លងមក ថាជា«ស្ត្រីសេរីភាព» តាមរយៈសម្លៀកបំពាក់តែងខ្លួនសម្ដែងមតិរបស់អ្នកស្រី នៅខាងមុខសាលាដំបូងរាជធានីភ្នំពេញ។ ក្រុមអ្នកជំនាញប្រឆាំងការឃុំឃាំងតាមទំនើងចិត្ត ...
កម្ពុជា

សភាអ៊ឺរ៉ុបទាមទារ​ឲ្យបន្ថែម​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា

នៅមុននេះបន្តិច សភាអ៊ឺរ៉ុបទើបនឹងអនុម័តដំណោះស្រាយមួយ ជុំវិញស្ថានភាពនយោបាយ ការគោរព​លទ្ធិ​ប្រជាធិបតេយ្យ និងសិទ្ធិមនុស្ស នៅក្នុងប្រទេសកម្ពុជា ដោយទាមទារឲ្យគណៈកម្មអ៊ឺរ៉ុប គ្រោងដាក់​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា បន្ថែមទៀត។ ដំណោះស្រាយ៧ចំណុច ដែលមានលេខ «P9_TA(2023)0085» ...