សម្លេងថ្កោលទោស ពីសំណាក់មេដឹកនាំ​ពិភពលោក បានធ្លាក់ចុះមកព្រោងព្រាត ដើម្បីប្រតិកម្មតប​នឹងការទន្ទ្រាញ​កាន់កាប់​វិមានសភាអាមេរិក ជាច្រើនម៉ោង ដោយក្រុមអ្នកនិយមលោក ដូណាល់ ត្រាំ (Donald Trump) ប្រធានាធិបតីចប់អាណត្តិ ដែលបដិសេធ​បរាជ័យរបស់ខ្លួន ក្នុងការបោះឆ្នោតប្រធានាធិបតី កាលពីដើមខែវិច្ឆិកា។

ប្រតិកម្មខ្លាំងជាងគេ គឺសំណេររបស់លោក បូរីស ចនសុន (Boris Johnson) នាយករដ្ឋមន្ត្រីអង់គ្លេស។ លោក ចនសុន បានសរសេរថា៖

«ឈុតឆាកដ៏គួរឲ្យខ្មាសអៀន នៅវិមានសភាអាមេរិក។ សហរដ្ឋអាមេរិក គឺជាអ្នកការពារលទ្ធិប្រជាធិបតេ្យ នៅលើពិភពលោក ហើយពេលនេះ វាជាការចាំបាច់ណាស់ ដែលត្រូវមានការផ្ទេរអំណាច ដោយសន្តិវិធី និងប្រកបដោយសណ្តាប់ធ្នាប់។»

សម្រាប់លោក «Heiko Maas» រដ្ឋមន្ត្រីការបរទេសអាល្លឺម៉ង់ បានសរសេរថា៖

«លោក ត្រាំ និងអ្នកគាំទ្ររបស់លោក ត្រូវទទួលស្គាល់ ពីការសម្រេចចិត្តរបស់ម្ចាស់ឆ្នោតអាមេរិក ហើយគួរបញ្ឈប់ការជាន់ឈ្លី​លទ្ធិប្រជាធិបតេយ្យតទៅទៀត។»

រីឯលោក ហ្សង់-អ៊ីវ ឡឺឌ្រីយ៉ង់ (Jean-Yves Le Drian) រដ្ឋមន្ត្រីការបរទេសបារាំងវិញ បានលើកឡើងថា៖

«អំពើហិង្សា ប្រឆាំងនឹងស្ថាប័នសភាអាមេរិក គឺជាការវាយប្រហារយ៉ាងធ្ងន់ធ្ងរ ទៅលើលទ្ធិប្រជាធិបតេយ្យ។ ខ្ញុំថ្កោលទោសទង្វើនេះ។ ឆន្ទៈនិងសម្លេងឆ្នោត របស់ពលរដ្ឋម្ចាស់ឆ្នោតអាមេរិក ត្រូវទទួលបានការគោរព។»

ឆន្ទះរបស់ម្ចាស់ឆ្នោត ដែលត្រូវបានគូសបញ្ជាក់ ដោយលោក ជូស្ទីន ទ្រូដូ (Justin Trudeau) នាយករដ្ឋមន្ត្រីកាណាដា នៅក្នុងប្រតិកម្មរបស់លោកដែរ។ លោកសរសេរថា៖

«ប្រជាជនកាណាដាទាំងមូល មានការព្រួយបារម្ភ និងសោកសៅយ៉ាងខ្លាំង ចំពោះការវាយប្រហារ ទៅលើលទ្ធិប្រជាធិបតេយ្យ នៅសហរដ្ឋអាមេរិក ដែលជាសម្ព័ន្ធមិត្ត និងអ្នកជិតខាងជិតស្និទ្ធបំផុតរបស់យើង។ អំពើហឹង្សា នឹងមិនដែលទទួលបានជោគជ័យ ក្នុងការបដិសេធឆន្ទៈ​របស់ប្រជាជនឡើយ។»

ខណៈលោក «Josep Borrell» ប្រមុខការទូតសហភាពអ៊ឺរ៉ុប បានថ្លែងឡើងថា៖

«ក្នុងក្រសែភ្នែករបស់ពិភពលោក លទ្ធិប្រជាធិបតេយ្យអាមេរិកាំងនៅពេលនេះ កំពុងត្រូវបានឡោមព័ទ្ធ។នេះជាការវាយប្រហារ ដោយប្រយោលមួយ ទៅលើលទ្ធិប្រជាធិបតេយ្យ ស្ថាប័ន និងនីតិរដ្ឋ របស់សហរដ្ឋអាមេរិក៕»



You may also like

ដំណឹង

អៀរ៉ង់ ចេញ​ដីកា​តាមចាប់ខ្លួន ដូណាល់ ត្រាំ ពីបទ​មនុស្សឃាត​និង​ភេរវកម្ម

ប្រធានាធិបតីអាមេរិក លោក ដូណាល់ ត្រាំ (Donald Trump) ត្រូវបានប្រទេសអៀរ៉ង់ចោទប្រកាន់ ពីបទមនុស្សឃាតនិងភេរវកម្ម ជុំវិញមរណភាពមេទ័ពអៀរ៉ង់ម្នាក់  កាលពីដើមខែមករា ឆ្នាំ២០២០។ នេះ បើតាមដីកាតាមចាប់ខ្លួនមួយ  ...
ពីឆ្វេងទៅស្ដាំ៖ លោក ដូណាល់ ត្រាំ ប្រធានាធិបតីចប់អាណត្តិ - បេក្ខជនប្រធានាធិបតី សម្រាប់អាណត្តិថ្មី និងលោក ចូ បៃដេន បេក្ខជនប្រធានាធិបតី នៅសហរដ្ឋអាមេរិក។ (រូបថតសហការី)
ដំណឹង

[LIVE] កិច្ចពិភាក្សា​ចុងក្រោយ រវាង ត្រាំ និង បៃដេន មុនថ្ងៃបោះឆ្នោត

ខាងក្រោមនេះ ជារូបភាពផ្សាយផ្ទាល់ ពី«កិច្ចពិភាក្សា​ចុងក្រោយ» រវាងបេក្ខជនប្រធានាធិបតីទាំងពីរ ដែលនឹងត្រូវទទួលឆ្នោត ពីពលរដ្ឋអាមេរិក នៅថ្ងៃទី៣ ខែវិច្ឆិកាខាងមុខ។ លោក ដូណាល់ ត្រាំ (Donald Trump) ...
ដំណឹង

បោះឆ្នោត​ថៃ៖ អាមេរិក​សាទរ​«សញ្ញាវិជ្ជមាន»​នៃ​ដំណើរការ​ប្រជាធិបតេយ្យ

សហរដ្ឋអាមេរិកបានសំដែងការសាទររបស់ខ្លួន នៅថ្ងៃអង្គារនេះ ចំពោះការបោះឆ្នោតជាតិ នៅក្នុងប្រទេសថៃ ថាជា«សញ្ញាវិជ្ជមាន» ដើម្បីការវិលត្រឡប់ ទៅរករដ្ឋាភិបាលមួយ តាមបែបប្រជាធិបតេយ្យវិញ។ យ៉ាងណា ក្រុមគណបក្សប្រឆាំង បានលើកឡើងថា ការបោះឆ្នោតកាលពីថ្ងៃអាទិត្យ មានជាប់ដិតដាម ...

Comments are closed.

ដំណឹង

សង្គ្រាមនៅអ៊ុយក្រែន ៖ អាមេរិកផ្ដល់ភ្លើងខៀវបញ្ជូនយន្តហោះ«F-16»

កម្ពុជា

ក្រុមការងារ អ.ស.ប អំពាវនាវ​ឲ្យកម្ពុជា​ដោះលែង​«ស្ត្រីសេរីភាព»​ជាបន្ទាន់

អ្នកជំនាញមួយក្រុមរបស់អង្គការសហប្រជាជាតិ បានអំពាវនាវទៅ​របបដឹកនាំរបស់លោក ហ៊ុន សែន ឲ្យដោះលែងអ្នកស្រី សេង ធារី មេធាវីខ្មែរអាមេរិកាំង ដែលគេស្គាល់ក្នុងពេលកន្លងមក ថាជា«ស្ត្រីសេរីភាព» តាមរយៈសម្លៀកបំពាក់តែងខ្លួនសម្ដែងមតិរបស់អ្នកស្រី នៅខាងមុខសាលាដំបូងរាជធានីភ្នំពេញ។ ក្រុមអ្នកជំនាញប្រឆាំងការឃុំឃាំងតាមទំនើងចិត្ត ...
កម្ពុជា

សភាអ៊ឺរ៉ុបទាមទារ​ឲ្យបន្ថែម​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា

នៅមុននេះបន្តិច សភាអ៊ឺរ៉ុបទើបនឹងអនុម័តដំណោះស្រាយមួយ ជុំវិញស្ថានភាពនយោបាយ ការគោរព​លទ្ធិ​ប្រជាធិបតេយ្យ និងសិទ្ធិមនុស្ស នៅក្នុងប្រទេសកម្ពុជា ដោយទាមទារឲ្យគណៈកម្មអ៊ឺរ៉ុប គ្រោងដាក់​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា បន្ថែមទៀត។ ដំណោះស្រាយ៧ចំណុច ដែលមានលេខ «P9_TA(2023)0085» ...