កម្ពុជាដំណឹង

«សង្គមស៊ីវិល»ជិត១០០ បារម្ភ​ពីការវិលទៅអតីតកាល បើបាត់​«EBA-GSP»

ក្រុមអ្នកវិភាគ-អ្នកឃ្លាំមើល រួមនឹងអង្គការ​-សង្គមស៊ីវិល ប្រមាណជា៨៥នាក់/ស្ថាប័ន បានចេញសេចក្ដីថ្លែងការណ៍រួមមួយ នៅថ្ងៃនេះ សំដែងការព្រួយបារម្ភ ចំពោះស្ថានភាពនយោបាយ សេដ្ឋកិច្ចរបស់ប្រទេសកម្ពុជា ក្រោយពីអ្វីមួយ ដែលពួកគេទាំងនេះ បានអះអាងថា ការគោរពសិទ្ធិមនុស្ស និងគោលការណ៍ប្រជាធិបតេយ្យ ត្រូវបានធ្លាក់ចុះ។

សេចក្ដីថ្លែងការណ៍នោះ បានបញ្ជាក់ថា ការធ្លាក់នៃការគោរពសិទ្ធមនុស្ស និងគោលការណ៍ប្រជាធិបតេយ្យនោះ កើតមានចាប់តាំង ពីការបោះឆ្នោតជ្រើសតាំងតំណាងរាស្រ្ត ឆ្នាំ២០១៨ ដោយក្រុមអ្នកនយោបាយមួយក្រុម ដែលមានអ្នកគាំទ្រ ជិតពាក់​កណ្តាលប្រទេស ត្រូវបានរំលាយ និងហាមឃាត់ ធ្វើសកម្មភាពនយោបាយ មិនឱ្យចូលរួមការបោះឆ្នោត ឆ្នាំ២០១៨ រួមទាំងការបិទប្រព័ន្ធផ្សព្វផ្សាយឯករាជ្យ និងការចោទប្រកាន់ដោយគ្មានមូលដ្ឋាន ដល់អង្គការសង្គមស៊ីវិលថា មាននិន្នាការបដិវត្តន៍ពណ៌។

ក្រុមវិភាគ-អ្នកឃ្លាំមើលទាំងនោះ បានអះអាងថា ប្រសិនបើស្ថានភាពនេះ នៅតែបន្ត អាចនាំឱ្យកម្ពុជាប្រឈម នឹងទណ្ឌកម្មសេដ្ឋកិច្ច អសន្តិ​សុខនិងអស្ថេរភាព ដូចអតីតកាលជាមិនខាន។

សេចក្ដីថ្លែងការណ៍នោះ បានអំពាវនាវឲ្យចូលរួមការពារ និងលើកតម្កើង នូវស្មារតីនៃកិច្ចព្រមព្រៀងសន្តិភាពក្រុងប៉ារីស ឆ្នាំ១៩៩១ និងរដ្ឋធម្មនុញ្ញកម្ពុជា ហើយជំរុញឲ្យរដ្ឋាភិបាល គប្បីចរចាជាមួយសហភាពអ៊ឺរ៉ុប និងសហគមន៍អន្តរជាតិ ដើម្បីដោះស្រាយបញ្ហានយោបាយ និងស្ដារប្រជាធិបតេយ្យ ជាពិសេសដើម្បីចៀសវាង ការបាត់បង់ប្រព័ន្ធអនុគ្រោះពន្ធ «EBA» របស់សហភាពអ៊ឺរ៉ុប និង«GSP» របស់សហរដ្ឋអាមេរិក ដែលបានផ្ដល់គុណប្រយោជន៍ សម្រាប់កម្ពុជា៕

សេចក្តីថ្លែងការណ៍រួម អង្គការ សមាគម សហជីព សហគមន៍ និងប្រជាពលរដ្ឋខ្មែរមួយចំនួន…

Publiée par COMFREL sur Dimanche 2 juin 2019


លំអិតបន្ថែមទៀត

ដំណឹង

អាជ្ញាធរឱសថបារាំង ថា​វ៉ាក់សាំង​«AstraZeneca» ពិតជា​មានហានិភ័យ

អាជ្ញាធរជាតិផ្នែកឱសថ របស់ប្រទេសបារាំង ហៅកាត់ថា «ANSM» បានបញ្ជាក់នៅថ្ងៃសុក្រទី២៦ ខែមីនានេះថា វ៉ាក់សាំងបង្ការ​ជំងឺកូវីដ-១៩ របស់សហគ្រាសផលិតឱសថ «AstraZeneca» ពិតជា​មានហានិភ័យ ក្នុងការបង្ក​ឲ្យមានជំងឺ​ស្ទះសរសៃ​ឈាម បើទោះជាហានិភ័យ មានចំនួនដ៏តិចតួចក៏ដោយ។ ...
កម្ពុជា

បែកធ្លាយ ៖ ហ៊ុន សែន ឲ្យឆ្នៃសាលារៀន ធ្វើជា​មន្ទីរពេទ្យ​​«Covid-19»

បែកធ្លាយ ៖ នាយករដ្ឋមន្ត្រី នៃរដ្ឋាភិបាលឯកបក្ស នៅកម្ពុជា លោក ហ៊ុន សែន បានបញ្ជា ទៅគណៈអភិបាលខេត្តក្រុងទាំងអស់ (លើកលែងតែរាជធានីភ្នំពេញ) ឲ្យជ្រើសរើសយកសាលារៀន ដើម្បីកែឆ្នៃធ្វើជាមន្ទីរពេទ្យ ...
កម្ពុជា

កម្ពុជា​ខ្ចីលុយ​បារាំង ២៥លាន​អ៊ឺរ៉ូ ដើម្បី​ធ្វើ​ទំនើបកម្ម​ការចែកចាយ​អគ្គិសនី

ប្រាក់កម្ចីក្នុងកម្រិត ២៥លានអ៊ឺរ៉ូ ត្រូវបានកម្ពុជាចុះហត្ថលេខា ខ្ចីពីប្រទេសបារាំង តាមរយៈទីភ្នាក់ងារបារាំងសម្រាប់ការអភិវឌ្ឍ (ជាភាសាបារាំង Agence Française de Développement – AFD) កាលពីថ្ងៃទី៦ ...

Comments are closed.

យល់ស៊ីជម្រៅផ្នែក កម្ពុជា

កម្ពុជា

ហ៊ុន សែន ដាក់កម្ពុជា​ឲ្យកាន់ទុក្ខ​មួយថ្ងៃ ចំពោះសព ស៊ីនហ្សូ អាបេ

កម្ពុជា

អ៊ុក ទូច ប្រកាសរហស្សនាមជា​«ជួបគប់ក្បាល ហ៊ុន សែន នឹងស្បែកជើង»

បងប្អូនត្រកូល«ជួប» ៖ បន្ទាប់ពីបានបង្ហោះទ្រនាប់ជើងមួយចំហៀង សំដៅលោកនាយករដ្ឋមន្ត្រី ហ៊ុន សែន រួច បុរសម្ចាស់ទ្រនាប់ជើង ដែលមានឈ្មោះ អ៊ុក ទូច បានចេញមុខនៅថ្ងៃព្រហស្បត្តិ៍នេះ ប្រកាសរហស្សនាមខ្លួនថា ...
កម្ពុជា

[វីដេអូ] ៖ «ស្បែកជើងហោះ»​ស្វាគមន៍ ហ៊ុន សែន នៅវ៉ាស៊ីនតោន

នៅខណៈលោក ហ៊ុន សែន កំពុងចាប់ដៃថតរូប ជាមួយបណ្ដាជន​ដែលមកទទួលស្វាគមន៍​លោក ស្រាប់តែ​«ស្បែកជើងហោះ»​មួយ បានហោះ​កាត់ក្បែរនោះ។ ជាទិដ្ឋភាពដែលបង្ក​ភាពរអាក់រអួលមួយភ្លែត ទៅដល់កម្មវិធី ក៏ដូចជាស្នាមញញឹម​​របស់នាយករដ្ឋមន្ត្រី​ចាស់វស្សាកម្ពុជា ដែលធ្វើដំណើរ​ទៅកាន់រដ្ឋធានី នៃសហរដ្ឋអាមេរិក ដើម្បីចូលរួមជំនួបកំពូល ...