កម្ពុជាដំណឹង

អាមេរិក​លើកពី​«សេរីភាព និង ចំណង​ទ្វេភាគី» ដើម្បី​ជូនពរ​ឆ្នាំថ្មី​ដល់​កម្ពុជា

សម្រាប់ឱកាសបុណ្យចូលឆ្នាំថ្មី ប្រពៃណីជាតិនេះ សហរដ្ឋអាមេរិកបានផ្ញើរសារ ជូនពរប្រជាជនកម្ពុជា ប្រកបដោយអត្ថន័យសង្កត់ធ្ងន់ ទៅលើ«សេរីភាព» និងលើកឡើង ពីក្ដីសង្ឃឹម នៃការពង្រឹង«ចំណងទ្វេភាគី» កាន់តែខ្លាំងឡើង ក្នុងឆ្នាំខាងមុខ។

​អ្នកនាំពាក្យ​ក្រសួង​ការបរទេស របស់ប្រទេសមហាអំណាច អ្នកស្រី ម័រហ្គិន អ៊ថាហ្គឹះស៍ (Morgan Ortagus) ចេញ​សេចក្ដី​ថ្លែងការណ៍ កាលពី​ថ្ងៃ​ទី១២ ខែ​មេសា ឆ្នាំ២០១៩ (ត្រូវនឹងថ្ងៃទី១៣ ខែមេសា ម្សិលម៉ិញ) ថាក្នុងនាមរដ្ឋាភិបាល នៃសហរដ្ឋអាមេរិក អ្នកស្រី សូមជូរពរបវរប្រសើ ដល់ប្រជាជនកម្ពុជា នៅក្នុងឱកាស នៃបុណ្យចូលឆ្នាំថ្មីខ្មែរ។

អ្នកស្រីបន្តថា៖

«ចំណងមេត្រីភាពដ៏​ល្អ ​រវាង​ប្រជាជននៃប្រទេស​ទាំងពីរ ឈរលើ​ស្មារតីជាមូលដ្ឋាន នៃការ​ខិតខំ​ប្រឹងប្រែងលើកស្ទួយ ​សន្តិភាព វិបុលភាព និងសេរី​ភាព។ សូមឲ្យទំនាក់ទំនងនេះ ទទួលបានភាពស៊ីជម្រៅ នៅក្នុងឆ្នាំខាងមុខ។»

ទំនាក់ទំនង​ រវាង​រដ្ឋាភិបាល​សហរដ្ឋអាមេរិក និង​របប​លោក ហ៊ុន សែន បានស្គាល់ភាព​រកាំរកូសខ្លាំងឡើងៗ នៅក្នុងរយៈពេល២ឆ្នាំចុងក្រោយ។

សហរដ្ឋអាមេរិក បានបន្ទោសរបបក្រុងភ្នំពេញ អំពីការរិតត្បិតសេរីភាព ការដើរ​ថយក្រោយ នៃលទ្ធិប្រជាធិបតេ្យ តាមរយៈចំណាត់ការ ដ៏ប្រទាំងប្រទើស ពីសំណាក់​អាជ្ញាធរ​រដ្ឋាភិបាលកម្ពុជា ប្រឆាំងគណបក្សសង្គ្រោះជាតិ ដែលជា​គណបក្ស​ប្រឆាំងធំ​ជាងគេ – ទៅលើ​អង្គការ​សង្គមស៊ីវិល និងប្រព័ន្ធផ្សព្វផ្សាយឯករាជ្យ ជាច្រើន។

តែរបបក្រុងភ្នំពេញ បានការពារវិធានការ របស់ផងខ្លួន ថានោះ ជាការអនុវត្តន៍ច្បាប់ និងជាចំណាត់ការ ដើម្បីទប់ទល់ ចំពោះការធ្វើ«បដិវត្តន៍ពណ៌» ដែលរបបនេះ​លើកឡើង​ថា ជាទង្វើរបស់ក្រុមប្រតិកិរិយា ញាក់ខ្សែដោយសហរដ្ឋអាមេរិក និងលោកសេរី​ដទៃ​ទៀត។

យ៉ាងណា អ្នកស្រី ម័រហ្គិន អ៊ថាហ្គឹះស៍ បានសំដែងការជូនពរឆ្នាំថ្មី តាមបែបទន់ភ្ល់ន់ នៅ​ចុង​បញ្ចប់ នៃសេចក្ដីថ្លែងការណ៍របស់អ្នកស្រី ដូចការដកស្រុងខាងក្រោម ដូច្នេះថា៖

«សូមទទួល នូវការជូនពររបស់យើង ដ៏ថ្លៃថ្លាបំផុត សម្រាប់ឆ្នាំថ្មី ដ៏សប្បាយរីករាយ។ សូមឱ្យ​ឆ្នាំថ្មី ឆ្នាំកុរ នាំមកនូវ សុខភាពល្អ សុភមង្គល និងវិបុលភាព សម្រាប់​ប្រជាជន​កម្ពុជាទាំងអស់គ្នា៕»



លំអិតបន្ថែមទៀត

កម្ពុជា

សម រង្ស៊ី ប្រតិកម្មជា៣វគ្គ អំពី​«ស្ដេចទីងមោង»នៅកម្ពុជា

លោក សម រង្ស៊ី បន្តបញ្ជាក់ជាថ្មី ជុំវិញសំណេររបស់លោក កាលពីចុងសប្តាហ៍មុន ហៅព្រះមហាក្សត្រ ព្រះបាទ នរោត្តម សីហមុនី ថាជា«ស្ដេចទីងមោង» ដែលលោកថា តែងធ្វើតាមបញ្ជារបស់នាយករដ្ឋមន្ត្រីចាស់វស្សានៅកម្ពុជា។ ...
ដំណឹង

Covid-19៖ ករណីឆ្លង​កើន​ជិត​៣លាន​​នាក់ និង​ស្លាប់​ជាង២សែន​នាក់

មកដល់ម៉ោងនេះ ករណីឆ្លងជំងឺ«Covid-19» បានកើនឡើងជិត៣លាននាក់ និង​ស្លាប់​ជាង២សែន​នាក់ នៅលើពិភពលោក។​ នេះ បើតាមតួលេខ ដែលផ្ដល់ដោយសាកលវិទ្យាល័យ «Johns Hopkins» របស់សហរដ្ឋអាមេរិក ដែលធ្វើការតាមដាន ស្ថានភាពវិវត្តន៍ឡើង ...
ដំណឹង

បាញ់ប្រហារ​នៅ​«តិចសាស់» ស្លាប់របួស​ច្រើន​នាក់ និង​ចាប់ខ្លួន​បាន​១នាក់

មជ្ឈមណ្ឌលពាណិជ្ជកម្មមួយ នៃក្រុង «El Paso» ក្នុងរដ្ឋ«តិចសាស់» សហរដ្ឋអាមេរិក បានរងការបាញ់ប្រហារ ដោយខ្មាន់កាំភ្លើងម្នាក់ នាំល្ងាចថ្ងៃសៅរ៍នេះ។ សម្រាប់តុល្យភាពបណ្ដោះអាសន្ន អាជ្ញាធរបានលើកឡើង ពីមនុស្សស្លាប់និងរបួសច្រើននាក់ ហើយជនសង្ស័យម្នាក់ត្រូវបានចាប់ខ្លួន។ ...

Comments are closed.

យល់ស៊ីជម្រៅផ្នែក កម្ពុជា

កម្ពុជា

សភាអ៊ឺរ៉ុបទាមទារ​ឲ្យបន្ថែម​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា

កម្ពុជា

កម្ពុជា ជាប់ឈ្មោះ​​ក្នុងបញ្ជី​​នៃក្រុមប្រទេស​«វាយបង្ក្រាប​សិទ្ធិពលរដ្ឋ»

ប្រទេសកម្ពុជា​ទើបត្រូវបានចាត់ចូល ក្នុងបញ្ជីនៃក្រុមប្រទេស«វាយបង្ក្រាប​សិទ្ធិពលរដ្ឋ» របស់អង្គការ«សម្ព័ន្ធភាពពិភពលោក នៃបណ្ដាអង្គការសង្គមស៊ីវិល និងសកម្មជន» ហៅកាត់ថា«CIVICUS» ដែលមានសមាជិកប្រមាណជាង ៩០០០អង្គការសង្គមស៊ីវិល មកពី១៧៥ប្រទេស នៅជុំវិញផែនដី។ ការចុះបញ្ជីនេះ បានធ្វើឡើងបន្ទាប់ពីការសម្រេចថ្មីបំផុត របស់រដ្ឋាភិបាលលោក ...