ដំណឹងពិភពលោក

អាមេរិក៖ ចូ បៃដេន ឈ្នះ ដូណាល់ ត្រាំ ក្លាយជា​«ប្រធានាធិបតីទី៤៦»

បេក្ខជនមកពីគណបក្សប្រជាធិបតេយ្យ លោក ចូ បៃដេន (Joe Biden) បានក្លាយ​ជា​«ប្រធានាធិបតីទី៤៦» នៃសហរដ្ឋអាមេរិក បន្ទាប់ពីលោកទទួលបានការគាំទ្រ លើសពី២៧០​សម្លេង នៃអង្គបោះឆ្នោត (អ្នកតំណាងម្ចាស់ឆ្នោត) ឈ្នះនាំមុខដាច់ លើលោក ដូណាល់ ត្រាំ (Donald Trump) ប្រធានាធិបតីចប់អាណត្តិ និងជាបេក្ខជន​មកពីគណបក្ស​សាធារណរដ្ឋ។

តាមការអះអាង របស់ប្រព័ន្ធផ្សព្វផ្សាយ និងសារព័ត៌មានធំៗ ដូចជា «AP» «Fox News» ឬ «CNN» ជាដើម បានឲ្យដឹងថា ក្នុងថ្ងៃសៅរ៍ ទី៧ ខែវិច្ឆិកានេះ រដ្ឋ«Pennsylvania»ដែលមានអង្គបោះឆ្នោត រហូតដល់២០ បានបញ្ចប់ការរាប់សន្លឹកឆ្នោតទាំងស្រុង និងបានផ្ដល់ជ័យជំនះ ឲ្យទៅលោក បៃដេន។

នៅមុនអត្ថបទនេះ​ចេញផ្សាយបន្តិច រដ្ឋ«Navara» ដែលមានអង្គបោះឆ្នោត ចំនួន៦​សម្លេង  ក៏បានបញ្ចប់​ការរាប់សន្លឹកឆ្នោត និងបានផ្ដល់ជ័យជំនះ សម្រាប់បេក្ខជនពី​គណបក្ស​ប្រជាធិបតេយ្យ​​រូបនេះដែរ។

ជារួម មកដល់នាទីនេះ លោក ចូ បៃដេន បានឈ្នះអង្គបោះឆ្នោត ចំនួន២៩០ ខណៈ​លោក ដូណាល់ ត្រាំ ទទួលបានត្រឹមតែ ២១៤ប៉ុណ្ណោះ។ ប៉ុន្តែចំនួនអង្គបោះឆ្នោត អាច​នឹង​កើនឡើង ឬនៅនឹងដដែល នៅពេលរដ្ឋចំនួនបីទៀត (Georgia, North Carolina និង Alaska) បញ្ចប់​ការរាប់​សន្លឹក​ឆ្នោត។

មានអាយុ៧៧ឆ្នាំ លោក ចូ បៃដេន ធ្លាប់ជាអនុប្រធានាធិបតី រវាងពីឆ្នាំ២០០៩ មកទល់​ឆ្នាំ២០១៧ ក្នុងអាណត្តិទាំងពីរ របស់លោកប្រធានាធិបតី បារ៉ាក់ អូបាម៉ា (Barack Obama)។ បើតាមនីតិវិធីផ្លូវការ លោក បៃដេន នឹងចូលស្បថឡើងកាន់តំណែង ជា​«ប្រធានាធិបតីទី៤៦»នៃប្រទេសមហាអំណាច ក្នុងខែមករា ឆ្នាំ២០២១ខាងមុខ៕



លំអិតបន្ថែមទៀត

កម្ពុជា

ឈ្មោះ​​មន្ត្រី​រដ្ឋាភិបាល​កម្ពុជា ​ដែល​អាច​ជាប់​«បញ្ជីខ្មៅ»​ត្រូវ​បាន​ទម្លាយ​ឲ្យ​ដឹង

ឈ្មោះ​​មន្ត្រី​រដ្ឋាភិបាល​កម្ពុជា ចំនួន១៧រូប ត្រូវបានរដ្ឋសភាអាមេរិក បញ្ជូនឈ្មោះភ្ជាប់​មក​ជាមួយ ច្បាប់លេខ «H.R. 5754» ដែលទើបត្រូវបានអនុម័ត ជាឯកច្ឆ័ន្ទ ក្នុងថ្ងៃទី២៥ ខែកក្កដា ឆ្នាំ២០១៨នេះ ដើម្បីដាក់ទណ្ឌកម្ម ...
កម្ពុជា

ស្ថានទូត​អាមេរិក​រិះគន់​«សមិទ្ធិផល​ចិន» ថា​គ្មាន​គុណភាព​និង​អសុវត្ថិភាព

«តើអ្នកមើលឃើញ រូបភាពរួម[ដូច្នេះ]ឬទេ?» ជាសំនួររបស់ទំព័រហ្វេសប៊ុក នៃស្ថានទូតសហរដ្ឋអាមេរិក សួរទៅកាន់ប្រិយមិត្តរបស់ខ្លួន ជុំវិញគុណភាព និងសុវត្ថិភាព ចំពោះ«សមិទ្ធិផល​ចិន» ដែលត្រូវបានសង់ឡើង នៅក្នុងបណ្ដាប្រទេសនានា ក្នុងពិភពលោក។ ហើយសំណេរនោះ គឺជាភាគបន្តនៃការឌឺដងផ្លែផ្កា ...
ដំណឹង

ត្រាំ ថារដ្ឋបាលអាមេរិកមិន​ពាក់ព័ន្ធ​នឹង​«ការឈ្លានពាន»​នៅ​វេណេស៊ុយអេឡា

ប្រធានាធិបតីអាមេរិក លោក ដូណាល់ ត្រាំ (Donald Trump) បានអះអាង ក្នុងថ្ងៃអង្គារនេះថា រដ្ឋាភិបាល​​របស់លោក មិនជាប់ពាក់ព័ន្ធនឹង«ការឈ្លានពាន» ឬ«ការប៉ុនប៉ងឈ្លានពាន»​ណាមួយ តាមផ្លូវសមុទ្រ នៅប្រទេស​វេណេហ្ស៊ុយអេឡានោះទេ។ ...

យល់ស៊ីជម្រៅផ្នែក ដំណឹង

ដំណឹង

សង្គ្រាមនៅអ៊ុយក្រែន ៖ អាមេរិកផ្ដល់ភ្លើងខៀវបញ្ជូនយន្តហោះ«F-16»

កម្ពុជា

ក្រុមការងារ អ.ស.ប អំពាវនាវ​ឲ្យកម្ពុជា​ដោះលែង​«ស្ត្រីសេរីភាព»​ជាបន្ទាន់

អ្នកជំនាញមួយក្រុមរបស់អង្គការសហប្រជាជាតិ បានអំពាវនាវទៅ​របបដឹកនាំរបស់លោក ហ៊ុន សែន ឲ្យដោះលែងអ្នកស្រី សេង ធារី មេធាវីខ្មែរអាមេរិកាំង ដែលគេស្គាល់ក្នុងពេលកន្លងមក ថាជា«ស្ត្រីសេរីភាព» តាមរយៈសម្លៀកបំពាក់តែងខ្លួនសម្ដែងមតិរបស់អ្នកស្រី នៅខាងមុខសាលាដំបូងរាជធានីភ្នំពេញ។ ក្រុមអ្នកជំនាញប្រឆាំងការឃុំឃាំងតាមទំនើងចិត្ត ...
កម្ពុជា

សភាអ៊ឺរ៉ុបទាមទារ​ឲ្យបន្ថែម​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា

នៅមុននេះបន្តិច សភាអ៊ឺរ៉ុបទើបនឹងអនុម័តដំណោះស្រាយមួយ ជុំវិញស្ថានភាពនយោបាយ ការគោរព​លទ្ធិ​ប្រជាធិបតេយ្យ និងសិទ្ធិមនុស្ស នៅក្នុងប្រទេសកម្ពុជា ដោយទាមទារឲ្យគណៈកម្មអ៊ឺរ៉ុប គ្រោងដាក់​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា បន្ថែមទៀត។ ដំណោះស្រាយ៧ចំណុច ដែលមានលេខ «P9_TA(2023)0085» ...

Comments are closed.