កម្ពុជាដំណឹង

លាងលុយកខ្វក់៖ សម រង្ស៊ី និយាយ​ពី​«ចោរាធិបតេយ្យ»​នៅ​កម្ពុជា

មេដឹកនាំប្រឆាំង លោក សម រង្ស៊ី បានលើកឡើងថា កម្ពុជាសព្វថ្ងៃ ជារដ្ឋ​«ម៉ាហ្វីយ៉ា» និងជារដ្ឋ​ដែលដឹកនាំ ដោយប្រព័ន្ធ«ចោរាធិបតេយ្យ» ដែលនាំទៅដល់ ការលាងលុយកខ្វក់ថ្នាក់រដ្ឋ និងរហូតត្រូវសហភាពអ៊ឺរ៉ុប ដាក់កម្ពុជា ចូលក្នុងបញ្ជីខ្មៅរបស់គេ។

ប្រធានស្ដីទីគណបក្សសង្គ្រោះជាតិ បានថ្លែងដូច្នេះ នៅក្នុងកិច្ចសម្ភាសមួយ ជាមួយវិទ្យុអាស៊ីសេរី កាលពីយប់ថ្ងៃពុធ ទី១៣ ខែឧសភា ឆ្នាំ២០២០។ លោកថ្លែងថា៖

«អ្វី​ដែល​ទាក់ទង​ស្រុក​ខ្មែរ គឺ​ប្រព័ន្ធ​ចោរ។ យើង​កុំ​ហៅ​ថា ប្រជាធិបតេយ្យ ស្រុកខ្មែរ​យើង​ហៅ​ថា ចោរាធិបតេយ្យ ។ ជា​ប្រទេស​មួយ​ដឹក​នាំ​ដោយ​ចោរ។ យើង​គ្រាន់​តែ​ចាំ​មើល​ចោរ​យក​លុយ ទៅ​លាក់​ទុក​នៅ​កន្លែង​ណា អត់​គ្រាន់​ទេ។ ទាល់​តែ​ចាប់​ចោរ​តែ​ម្ដង។ និយាយ​ឲ្យ​ខ្លី គឺ​ប្ដូរ​ប្រព័ន្ធ​ ពី​ចោរាធិបតេយ្យ មក​ជា​ប្រព័ន្ធ​ប្រជាធិបតេយ្យ។»

សកម្មភាព "លាងលុយកខ្វក់" នៅកម្ពុជា

១៤ ឧសភា ២០២០ / 14 May 2020 – Money laundering in Cambodia (*)លោក សម រង្ស៊ី អត្ថាធិប្បាយពីសកម្មភាព "លាងលុយកខ្វក់" នៅកម្ពុជា ដែលកើតចេញមកពីសកម្មភាពទុច្ចរិត និងឧក្រិដ្ឋកម្មទាំងឡាយ ដូចជាការជួញដូរគ្រឿងញៀន និងអំពើពុករលួយលួចជាតិ និងប្លន់រាស្ត្រ ពីសំណាក់មេដឹកនាំប្រទេសសព្វថ្ងៃ។(*) Sam Rainsy elaborates on money laundering activities in Cambodia which are associated with large-scale criminal activities such as drug trafficking and systemic corruption by government predators.

Gepostet von Sam Rainsy am Donnerstag, 14. Mai 2020

កាលពីថ្ងៃទី៧ ខែឧសភា គណៈកម្មការអ៊ឺរ៉ុប (ឬហៅម្យ៉ាងទៀត ថាជារដ្ឋាភិបាល​សហភាព​អ៊ឺរ៉ុប) បានធ្វើបច្ចុប្បន្នភាព «បញ្ជីខ្មៅ» របស់ខ្លួន ទាក់ទងនឹង​ការលាងលុយ​កខ្វក់ និង​ហិរញ្ញប្បទាន សម្រាប់បណ្ដាញភេរវកម្ម ពីចំនួន១៦ប្រទេស ក្នុងបញ្ជីខ្មៅចាស់ ឲ្យឡើងដល់២២ប្រទេស។ កម្ពុជា និងប្រទេសភូមា បានជាប់ឈ្មោះ នៅក្នុងបញ្ជីខ្មៅថ្មី  ខណៈប្រទេសឡាវ ត្រូវបានដកចេញ ពីបញ្ជីចាស់ ជាស្ថាពរ។

បន្ថែមពីលើការលើកឡើងខាងលើ មេដឹកនាំប្រឆាំង ដែលរស់នៅនិរទេសខ្លួន ក្នុងប្រទេសបារាំង បានពន្យល់បន្ត នៅលើទំព័រហ្វេសប៊ុករបស់លោកថា៖

«សកម្មភាព​លាងលុយកខ្វក់ គឺជាសកម្មភាពទាំងឡាយ ដែលប៉ុនប៉ងបិទបាំង ប្រភព​ពិតប្រាកដ នៃលុយ​ដែលបានមកពី សកម្មភាពឧក្រិដ្ឋ ដូចជាការជួញដូរ​គ្រឿងញៀន និងការប្លន់​​ទ្រព្យសម្បត្តិជាតិ ពីសំណាក់មេដឹកនាំពុករលួយ។ ការលាងលុយកខ្វក់នេះ ធ្វើតាម​រយៈបន​​ល្បែងស៊ីសង កាស៊ីណូ និងការជួញដូរដីធ្លី ជាដើម ដូចអ្វីដែលជនជាតិចិន បានធ្វើថ្មីៗនេះ យ៉ាងសន្ធឹកសន្ធាប់ នៅស្រុកខ្មែរ។»

មិនមានប្រតិកម្មជាផ្លូវការ ពីសំណាក់រដ្ឋាភិបាលលោក ហ៊ុន សែន ទេ មកទល់នឹងថ្ងៃនេះ ជុំវិញការធ្វើ​បច្ចុប្បន្នភាព នៃ«បញ្ជីខ្មៅ»​របស់ «EU»។ ដោយឡែក លោក សុខ ឥសាន អ្នកនាំពាក្យគណបក្សប្រជាជនកម្ពុជា បានលើកឡើងថា ការធ្វើបច្ចុប្បន្នភាព «បញ្ជីខ្មៅ» របស់សហភាពអ៊ឺរ៉ុប មិនបានផ្អែកលើសភាពការណ៍ពិត នៅកម្ពុជានោះឡើយ៕



លំអិតបន្ថែមទៀត

កម្ពុជា

CPP បដិសេធ​ឯកសារមួយ ដែលអះអាង​ជាផ្ទៃក្នុង​បក្ស​ហើយ​គាំទ្រ ​សម រង្ស៊ី

តាំងពីព្រឹកម៉ិញនេះមក ឯកសារមួយដែលសរសេរក្រោមស្លាកសញ្ញា របស់គណបក្សប្រជាជនកម្ពុជា ( CPP ) និងមានដាក់ឈ្មោះថា «អ្នកស្នេហាជាតិ គណបក្សប្រជាជនកម្ពុជា» ត្រូវបានទំព័រហ្វេសប៊ុកមួយឈ្មោះ «Ar Kambang Knong ...
កម្ពុជា

អាជ្ញាធរ​ចិន​រកឃើញ​បុរសចិន​ផ្ទុក​«Covid-19»​ម្នាក់​ទៀត ចេញពី​កម្ពុជា

ជនជាតិចិនមួយរូប អាយុ៣៧ឆ្នាំ ដែលធ្វើដំណើរ ចេញពី​កម្ពុជា កាលពីថ្ងៃទី១០ ខែមេសា ត្រូវបានអាជ្ញាធរនៃក្រុង ស៊ិនជិន (Shenzhen) ប្រទេសចិន ធ្វើតេស្ដិ៍រកឃើញ ថាបានឆ្លងជំងឺ «Covid-19» ...
កម្ពុជា

ហ៊ុន សែន ព្រមាន​ប្រទេស​មហាអំណាច «កុំធ្វើ​កំហុស​លើក​ទី៣»

កុំប្រើសិទ្ធិមនុស្ស និងលទ្ធិប្រជាធិបតេយ្យ ដើម្បីបំផ្លាញសន្តិភាពពេញលេញ ដែលកើតចេញពីនយោបាយ ឈ្នះ-ឈ្នះ។ នេះ ជាសាររបស់លោកនាយករដ្ឋមន្ត្រី ហ៊ុន សែន នៅព្រឹកថ្ងៃសៅរ៍ ទី២៩ ខែធ្នូ ឆ្នាំ២០១៨នេះ ...

Comments are closed.

យល់ស៊ីជម្រៅផ្នែក កម្ពុជា

កម្ពុជា

សភាអ៊ឺរ៉ុបទាមទារ​ឲ្យបន្ថែម​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា

កម្ពុជា

កម្ពុជា ជាប់ឈ្មោះ​​ក្នុងបញ្ជី​​នៃក្រុមប្រទេស​«វាយបង្ក្រាប​សិទ្ធិពលរដ្ឋ»

ប្រទេសកម្ពុជា​ទើបត្រូវបានចាត់ចូល ក្នុងបញ្ជីនៃក្រុមប្រទេស«វាយបង្ក្រាប​សិទ្ធិពលរដ្ឋ» របស់អង្គការ«សម្ព័ន្ធភាពពិភពលោក នៃបណ្ដាអង្គការសង្គមស៊ីវិល និងសកម្មជន» ហៅកាត់ថា«CIVICUS» ដែលមានសមាជិកប្រមាណជាង ៩០០០អង្គការសង្គមស៊ីវិល មកពី១៧៥ប្រទេស នៅជុំវិញផែនដី។ ការចុះបញ្ជីនេះ បានធ្វើឡើងបន្ទាប់ពីការសម្រេចថ្មីបំផុត របស់រដ្ឋាភិបាលលោក ...