ឥស្សរជនកំពូលរបស់អ៊ឺរ៉ុប ដែលអាចនឹងឡើង មកកាន់កាប់តំណែង ជាប្រធានគណៈកម្មការអ៊ឺរ៉ុប (ឬហៅម្យ៉ាងទៀត ជារដ្ឋាភិបាលដឹកនាំ EU) បន្តពីលោក «Jean-Claude Juncker» ដែលបានបញ្ចប់អាណត្តិរបស់លោក គឺជាស្ត្រីមួយរូប គឺអ្នកស្រី «Ursula von der Leyen» ដែលកំពុងកាន់តំណែង ជារដ្ឋមន្ត្រីការពារជាតិអាល្លឺម៉ង់។

នេះ បើតាមការប្រកាសឲ្យដឹង របស់លោក «Donald Tusk» ប្រធានក្រុមប្រឹក្សាអ៊ឺរ៉ុប នៅលើទំព័រទ្វីសធើររបស់លោក កាលពីមុននេះបន្តិច។ អ្នកស្រី «Ursula von der Leyen» អាយុ៦០ឆ្នាំ ត្រូវបានស្នើបេក្ខភាពរបស់អ្នកស្រី ដើម្បីឡើងមកដឹកនាំសហភាព អ៊ឺរ៉ុប បន្ទាប់ពីឆ្លងកាត់ការចរចា និងការពិភាក្សា រវាងប្រទេសធំៗ របស់អ៊ឺរ៉ុប តាំងពីច្រើនថ្ងៃកន្លងមក។

ដោយឡែក តំណែងជាប្រធានធនាគារកណ្ដាល នៃសហភាពអ៊ឺរ៉ុប (European Central Bank – ECB) ត្រូវបានស្នើបេក្ខភាពឡើង ដោយជ្រើសរើសយកអ្នកស្រី «Christine Lagarde» ជនជាតិបារាំង ដែលកំពុងកាន់កាប់តំណែង ជានាយិការមូលនិធិរូបិយវត្ថុអន្តរជាតិ (IMF)។

សម្រាប់តំណែងជាប្រធានក្រុមប្រឹក្សាអ៊ឺរ៉ុប (ដែលលោក «Donald Tusk» កំពុងអង្គុយសព្វថ្ងៃ) ត្រូវបានស្នើបេក្ខភាព សម្រាប់លោក «Charles Michel» ដែលកំពុងកាន់តំណែង ជានាយករដ្ឋមន្ត្រី នៃរាជាណាចក្រប៊ែលហ្សិក។

រីឯតំណាងជាន់ខ្ពស់ ទទួលបន្ទុកកិច្ចការបរទេស របស់សហភាពអ៊ឺរ៉ុប (ដែលអ្នកស្រី «Federica Mogherini» កំពុងអង្គុយសព្វថ្ងៃ) ត្រូវបានស្នើបេក្ខភាព សម្រាប់លោក «Josep Borrell» ដែលកំពុងកាន់តំណែង ជារដ្ឋមន្ត្រីការបរទេស នៃរាជាណាចក្រអេស្ប៉ាញ៕



លំអិតបន្ថែមទៀត

កម្ពុជា

អាល្លឺម៉ង់៖ កម្ពុជា​មិនពិបាក កែ​លម្អ​បញ្ហា​សិទ្ធិមនុស្ស និង​ប្រជាធិបតេយ្យ​ទេ

រដ្ឋាភិបាលអាល្លឺម៉ង់ បានអះអាងថា បញ្ហាសិទ្ធិមនុស្ស និងលទ្ធិប្រជាធិបតេយ្យ នៅក្នុងប្រទេសកម្ពុជា នៅតែជា«មូលដ្ឋានគ្រឹះ» នៃកិច្ចសហប្រតិបត្តិការ រវាងប្រទេសអាល្លឺម៉ង់-កម្ពុជា។ ជាពិសេស ក្រុងប៊ែរឡាំង បានរំឭកក្រុងភ្នំពេញថា កម្ពុជា​មិនពិបាក ក្នុងការកែលំអបញ្ហាសិទ្ធិមនុស្ស ...
កំសាន្ដ

វីដេអូ​ផ្សព្វផ្សាយ​ពី​ការបោះឆ្នោត​ ជ្រើសតាំង​សមាជិកសភា​អ៊ឺរ៉ុប ល្បីខ្លាំង!

វីដេអូខ្លីមួយខាងក្រោមនេះ ទទួលបានភាពជោគជ័យ យ៉ាងខ្លាំង។ វាជាវីដេអូ«ល្បីខ្លាំង»របស់សភាអ៊ឺរ៉ុប ដែលជាយុទ្ធនាការផ្សព្វផ្សាយ សម្រាប់ការបោះឆ្នោតឆ្នោតជ្រើសរើសសមាជិកសភា នៅថ្ងៃទី២៣-២៦ ខែឧសភាខាងមុខ។ រាប់ពីថ្ងៃដាក់បង្ហោះ នៅលើគេហទំព័រយូធូប (YouTube) មកដល់ថ្ងៃនេះ វីដេអូខាងលើទទួលបានការចុចចូលទស្សនា ...
ដំណឹង

គណៈកម្មការអ៊ឺរ៉ុបស្នើមូលនិធិ ៧៥,០០០កោដិអ៊ឺរ៉ូ ដើម្បីស្ដារសេដ្ឋកិច្ចឡើងវិញ

គណៈកម្មការអ៊ឺរ៉ុប (ឬហៅម្យ៉ាងទៀត ជារដ្ឋាភិបាលសហភាពអ៊ឺរ៉ុប) បានស្នើឲ្យមាន កញ្ចប់ថវិកាមួយឡើង មានទំហំ ៧៥,០០០កោដិអ៊ឺរ៉ូ (ប្រមាណជា៧៨០កោដិដុល្លារអាមេរិក) ដើម្បីអនុញ្ញាតឲ្យសេដ្ឋកិច្ច របស់សហភាព មានដំណើរការឡើងវិញ បន្ទាប់ពីវិបត្តិជំងឺ«Covid-19»។ លោក ...

យល់ស៊ីជម្រៅផ្នែក ដំណឹង

ដំណឹង

សង្គ្រាមនៅអ៊ុយក្រែន ៖ អាមេរិកផ្ដល់ភ្លើងខៀវបញ្ជូនយន្តហោះ«F-16»

កម្ពុជា

ក្រុមការងារ អ.ស.ប អំពាវនាវ​ឲ្យកម្ពុជា​ដោះលែង​«ស្ត្រីសេរីភាព»​ជាបន្ទាន់

អ្នកជំនាញមួយក្រុមរបស់អង្គការសហប្រជាជាតិ បានអំពាវនាវទៅ​របបដឹកនាំរបស់លោក ហ៊ុន សែន ឲ្យដោះលែងអ្នកស្រី សេង ធារី មេធាវីខ្មែរអាមេរិកាំង ដែលគេស្គាល់ក្នុងពេលកន្លងមក ថាជា«ស្ត្រីសេរីភាព» តាមរយៈសម្លៀកបំពាក់តែងខ្លួនសម្ដែងមតិរបស់អ្នកស្រី នៅខាងមុខសាលាដំបូងរាជធានីភ្នំពេញ។ ក្រុមអ្នកជំនាញប្រឆាំងការឃុំឃាំងតាមទំនើងចិត្ត ...
កម្ពុជា

សភាអ៊ឺរ៉ុបទាមទារ​ឲ្យបន្ថែម​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា

នៅមុននេះបន្តិច សភាអ៊ឺរ៉ុបទើបនឹងអនុម័តដំណោះស្រាយមួយ ជុំវិញស្ថានភាពនយោបាយ ការគោរព​លទ្ធិ​ប្រជាធិបតេយ្យ និងសិទ្ធិមនុស្ស នៅក្នុងប្រទេសកម្ពុជា ដោយទាមទារឲ្យគណៈកម្មអ៊ឺរ៉ុប គ្រោងដាក់​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា បន្ថែមទៀត។ ដំណោះស្រាយ៧ចំណុច ដែលមានលេខ «P9_TA(2023)0085» ...

Comments are closed.