កម្ពុជាដំណឹង

EU ដាក់​កម្ពុជា​ជាផ្លូវការ ទៅក្នុង​«បញ្ជីខ្មៅ»​នៃ​ការលាង​លុយ​កខ្វក់

«បញ្ជីខ្មៅ»ថ្មី​នៃក្រុមប្រទេសទាំង២២ ដែលបរាជ័យ​ក្នុងការប្រយុទ្ធ ទល់នឹង​ការលាង​លុយ​កខ្វក់ និងហិរញ្ញប្បទាន សម្រាប់​បណ្ដាញ​ភេរវកម្ម ត្រូវបានសហភាពអ៊ឺរ៉ុប «EU» ចេញ​ផ្សាយ​ជាផ្លូវការហើយ។

សេចក្ដីប្រកាសព័ត៌មាន របស់គណៈកម្មការអ៊ឺរ៉ុប (ឬហៅម្យ៉ាងទៀត ជារដ្ឋាភិបាល​នៃ​សហភាព​អ៊ឺរ៉ុប) ដែលទស្សនាវដ្ដី​មនោរម្យ.អាំងហ្វូ ទទួលបាននៅមុននេះ បានធ្វើ​បច្ចុប្បន្នភាព ពីសមាសភាពប្រទេសទាំង២២ ដែលក្នុងនោះមានប្រទេសថ្មី ចំនួន១២ រាប់ទាំង​ប្រទេសកម្ពុជាផង។

កម្ពុជា និងភូមា នៅទន្ទឹមគ្នា តែ ឡាវ រួចខ្លួន

ដូចអត្ថបទមុន ដែលទស្សនាវដ្ដីចេញផ្សាយ កាលពីម្សិលម៉ិញ «បញ្ជីខ្មៅ»របស់«EU» បានដាក់បញ្ចូល​ប្រទេស ចំនួន១២ថ្មី ទៅក្នុងបញ្ជីចាស់ ដែលបន្ថយមកត្រឹម តែ១០ប្រទេស។

ក្រុមប្រទេសទាំង១២នោះ រួមមាន៖ ប៉ាណាម៉ា, បាហាម៉ាស, កោះម៉ូរីស, បាបារ៉ាស, កម្ពុជា, ហ្កាណា, ហ្សាម៉ាកា, ម៉ុងហ្គោលី, មីយ៉ាន់ម៉ា, នីការ៉ាហ្គា និងហ្សីមបាវេ។

រីឯប្រទេសទាំង១០ ដែលនៅតែជាប់ នៅក្នុង​​បញ្ជីថ្មីដដែល រួមមាន អាហ្វហ្គានីស្ថាន, អ៊ីរ៉ាក់, វ៉ានូអាទូ, ប៉ាគីស្ថាន, ស៊ីរី, យេម៉ែន, អ៊ូហ្គង់ដា, ទ្រីនីដាដ​និងតូបាបា, អ៊ីរ៉ង់ និងកូរ៉េខាងជើង។

ដោយឡែក ប្រទេសចំនួន៦ ដែលជាប់ក្នុងបញ្ជីចាស់ តែត្រូវបានសហភាពអ៊ឺរ៉ុប​ដកចេញ សម្រាប់បញ្ជីថ្មី រួមមាន៖ បូស្នៀ, ហ្គីយ៉ាណា, ឡាវ, អេត្យូពី, ស្រីលង្កា និងទុយនីស៊ី។

សេចក្ដីប្រកាសព័ត៌មានដដែល បានលើកឡើង​ពីវិធានការ ៦ចំណុច ជាពិសេស​ពី​គម្រោង​ថ្មីមួយ របស់សហភាពអ៊ឺរ៉ុប។ នោះ គឺការបង្កើត​«​អាជ្ញាធរ​រួម»​ថ្មីមួយ ដើម្បី​បង្កើន​ប្រសិទ្ធិភាព ក្នុង​ការឃ្លាំ​មើល ​និងដោះស្រាយ​​ការលាង​លុយកខ្វក់ និងហិរញ្ញប្បទាន សម្រាប់​​បណ្ដេញ​ភេរវកម្ម ដែលជាប់​ពាក់ព័ន្ធ នឹងប្រទេស​​ទាំង២២។

លោក «Valdis Dombrovskis» អនុប្រធានគណៈកម្មការអ៊ឺរ៉ុប ទទួលបន្ទុករូបិយប័ណ្ណ «Euro» និងកិច្ចសន្ទនាសង្គម ត្រូវបានស្រង់សំដី មកបញ្ជាក់ថា៖

«យើងត្រូវបញ្ចប់ នូវប្រាក់កខ្វក់ ដែលជ្រៀតចូល ក្នុងប្រព័ន្ធហិរញ្ញវត្ថុ របស់យើង។ សព្វថ្ងៃនេះ យើងកំពុងពង្រឹង​ការការពារ​ របស់យើង​បន្ថែមទៀត​ ដើម្បីប្រយុទ្ធ​ប្រឆាំង​ នឹងការលាងលុយកខ្វក់ និងហិរញ្ញប្បទានភេរវកម្ម ដោយមានផែនការ​សកម្មភាព ទូលំទូលាយ និងវែងឆ្ងាយ។»

លោក​អនុប្រធាន​គណៈកម្មការអ៊ឺរ៉ុប បានបន្តទៀតថា៖

«យើងប្តេជ្ញាផ្តល់ នូវសកម្មភាពទាំងអស់នេះ – យ៉ាងឆាប់រហ័ស និងជាប់លាប់ ក្នុង​រយៈពេល ១២ ខែបន្ទាប់។ យើងកំពុងពង្រឹងតួនាទី របស់សហភាពអ៊ឺរ៉ុប នៅក្នុង​កម្រិត​ពិភពលោក ទាក់ទងនឹងការធ្វើឱ្យប្រសើរឡើង នូវស្តង់ដារអន្តរជាតិ ស្តីពី​ការប្រយុទ្ធ​ប្រឆាំង នឹងការលាងលុយកខ្វក់ និងហិរញ្ញប្បទាន សម្រាប់​បណ្ដាញ​ភេរវកម្ម។»

រដ្ឋាភិបាលកម្ពុជា នៅមិនទាន់បញ្ចេញប្រតិកម្ម ជាផ្លូវការនៅឡើយ មកទល់នឹង​ម៉ោងនេះ។

វិធានការទាំង៦ចំណុច និងគម្រោងបង្កើត «អាជ្ញាធររួម» នឹងត្រូវសភាអ៊ឺរ៉ុបអនុម័ត មុននឹង​បញ្ជូន ទៅបណ្ដាប្រទេសទាំង២៧ ជាសមាជិកសហភាពអ៊ឺរ៉ុប ហើយនឹងត្រូវ​មាន​សុពលភាព ចាប់ពីថ្ងៃទី១ ខែតុលាខាងមុខ៕



លំអិតបន្ថែមទៀត

លោក ស៊ន តារា និងលោក ហ៊ុន សែន
កម្ពុជា

ស៊ន តារា ប្រកាស​«ដើរស្រាត​ចូលស្រុក» បើ ហ៊ុន សែន បិទហ្វេសប៊ុក

លោក ស៊ន តារា អ្នកគាំទ្រគណបក្សប្រឆាំងមួយរូប ដែលកំពុងនៅក្នុងប្រទេសបារាំង បានប្រកាសថា លោក នឹង«ដើរស្រាត​ចូលស្រុក»វិញ ប្រសិនជាលោកនាយករដ្ឋមន្ត្រី ហ៊ុន សែន បិទបណ្ដាញសង្គមហ្វេសប៊ុក នៅកម្ពុជាមែននោះ។ ...
កម្ពុជា

ព្រឹទ្ធសមាជិក​បារាំង៖ ហ៊ុន សែន ជា​អ្នកបំផ្លាញ EBA ខណៈ EU មិនដកថយ

លោក អង់ឌ្រេ ហ្គាតូឡាំង (André Gattolin) សមាជិកព្រឹទ្ធសភា​​មកពី​គណបក្ស​​កាន់អំណាច របស់ប្រទេសបារាំង បានថ្លែងខ្លាំងៗ​ទម្លាក់​ការទទួល​ខុសត្រូវ នៃការបាត់បង់ ប្រព័ន្ធ​​អនុគ្រោះ​ពន្ធ «EBA» ទៅលើការដឹកនាំ របស់លោកនាយករដ្ឋមន្ត្រី ...
កម្ពុជា

ហ៊ុន សែន ថាបានរក«វិធីនានា ដែលអាចធ្វើបាន» ដើម្បីជួយ​ជនក្រីក្រ

ខណៈវិបត្តិបានផ្ទុះឡើង តាំងពីប៉ុន្មានខែមុន លោកនាយករដ្ឋមន្ត្រី ហ៊ុន សែន ប្រកាស​ក្នុងថ្ងៃអាទិត្យនេះ ថារដ្ឋាភិបាលបានរិះរក «វិធីនានា ដែលអាចធ្វើបាន» ដើម្បី​ជួយ​ពលរដ្ឋក្រីក្រ នៅតាមតំបន់ដាច់ស្រយាល ដែលខ្វះខាតម្ហូបអាហារ។ ការប្រកាសរបស់បុរសខ្លាំង ...

Comments are closed.

យល់ស៊ីជម្រៅផ្នែក កម្ពុជា

កម្ពុជា

អ៊ុក ទូច ប្រកាសរហស្សនាមជា​«ជួបគប់ក្បាល ហ៊ុន សែន នឹងស្បែកជើង»

កម្ពុជា

[វីដេអូ] ៖ «ស្បែកជើងហោះ»​ស្វាគមន៍ ហ៊ុន សែន នៅវ៉ាស៊ីនតោន

នៅខណៈលោក ហ៊ុន សែន កំពុងចាប់ដៃថតរូប ជាមួយបណ្ដាជន​ដែលមកទទួលស្វាគមន៍​លោក ស្រាប់តែ​«ស្បែកជើងហោះ»​មួយ បានហោះ​កាត់ក្បែរនោះ។ ជាទិដ្ឋភាពដែលបង្ក​ភាពរអាក់រអួលមួយភ្លែត ទៅដល់កម្មវិធី ក៏ដូចជាស្នាមញញឹម​​របស់នាយករដ្ឋមន្ត្រី​ចាស់វស្សាកម្ពុជា ដែលធ្វើដំណើរ​ទៅកាន់រដ្ឋធានី នៃសហរដ្ឋអាមេរិក ដើម្បីចូលរួមជំនួបកំពូល ...
កម្ពុជា

ហ៊ុន ណេង បងប្រុស ហ៊ុន សែន ទទួលមរណភាព​ដោយ​«គាំងបេះដូង»

បងប្រុសបង្កើត របស់លោកនាយករដ្ឋមន្ត្រី ហ៊ុន សែន គឺលោក ហ៊ុន ណេង បានទទួលមរណភាពហើយ កាលពីល្ងាច​ថ្ងៃព្រហស្បតិ៍ ទី៥ ខែឧសភា ឆ្នាំ២០២២នេះ ដោយអាការៈ«គាំងបេះដូង»។ ...