កម្ពុជាដំណឹង

«ឯកឧត្ដម​ទេសរដ្ឋមន្ត្រី» វីល្លៀម គ័ង ត្រូវបាន​បណ្ដេញ​ចេញ​ពីតំណែង

លោក វីល្លៀម គ័ង (William Guang) ដែលជាឈ្មោះពិសេស ហៅក្រៅពីឈ្មោះដើម សុខសុវណ្ណ វឌ្ឍនាសាប៊ុង ប្រធានគណបក្សខ្មែរក្រោក ត្រូវបានបណ្ដេញចេញពីតំណែង ជាសមាជិកឧត្ដមប្រឹក្សា ពិគ្រោះនិងផ្ដល់យោបល់ និងពីឋានៈដែលសមាជិក នៃស្ថាប័ននេះ ទទួលបានស្មើរ«ទេសរដ្ឋមន្ត្រី»។

នេះ បើតាមព្រះរាជក្រឹត្យ ចុះហត្ថលេខា​ដោយ​ប្រមុខរដ្ឋ​ស្ដីទី ​ប្រធាន​ព្រឹទ្ធសភា និងជា​អនុប្រធាន​គណបក្ស​ប្រជាជនកម្ពុជា លោក សាយ ឈុំ នៅថ្ងៃទី៤ ខែឧសភា ឆ្នាំ២០២០នេះ ដែលធ្វើឡើង តាមសេចក្ដី«ក្រាបបង្គំទូលថ្វាយ» របស់លោកនាយករដ្ឋមន្ត្រី ហ៊ុន សែន។

ព្រះរាជក្រឹត្យដែលត្រាស់បង្គាប់ ឲ្យលោក ហ៊ុន សែន ដដែលត្រូវអនុវត្តន៍ ចាប់ពីថ្ងៃ​ចុះ​ហត្ថលេខា បានសរសេរឲ្យដឹងថា៖

«បញ្ចប់មុខតំណែង ឯកឧត្ដម សុខសុវណ្ណ វឌ្ឍនាសាប៊ុង ពីសមាជិកឧត្ដមប្រឹក្សា ពិគ្រោះ​និងផ្ដល់យោបល់ មានឋានៈស្មើរទេសរដ្ឋមន្ត្រី។»

គេមិនដឹងថា តើលោក វីល្លៀម គ័ង បានប្រព្រឹត្តិកំហុសអ្វី ឲ្យច្បាស់នោះទេ។ តែនៅ​ក្នុង​សកម្មភាពចុងក្រោយ ដែលគួរឲ្យកត់សម្គាល់របស់លោក មានដូចជា ការចុះមើលបញ្ហា នៅព្រំដែន ជាមួយប្រទេសវៀតណាម បញ្ហាដីធ្លីរបស់ពលរដ្ឋ បញ្ហាដំណាំកសិកម្ម​ពិបាក​រក​ទីផ្សារ​ និងជម្លោះជាមួយមន្ត្រីបរិស្ថាន ក្នុងខេត្តព្រះសីហនុ​ជាដើម។

នៅលើបណ្ដាញសង្គម លោកប្រធានគណបក្សខ្មែរក្រោក បានសរសេរដោយប្រយោល  ប្រតិកម្ម​នឹងការបញ្ឈប់តំណែងឋានៈ របស់លោកដូច្នេះថា៖

«ក្នុងនាម ជាអ្នកបម្រេីប្រជាពលរដ្ឋ ការពារប្រយោជន៍ពលរដ្ឋ ខ្ញុំបានខិតខំ​អស់លទ្ធភាព​ហេីយ។ តែមិនថា នៅទីណា ឬកន្លែងណា ខ្ញុំនៅតែជាអ្នកបម្រេី ដ៏ស្មោះត្រង់​របស់ពលរដ្ឋ​គ្រប់គ្នា។»

ស្ថាប័នឧត្ដមប្រឹក្សា ពិគ្រោះនិងផ្ដល់យោបល់ ត្រូវបានលោក ហ៊ុន សែន ប្រកាស​បង្កើត​ឡើង យ៉ាងតក់ក្រហល់ តាមរយៈព្រះរាជក្រឹត្យចុះថ្ងៃទី ៦ ខែកញ្ញា ឆ្នាំ២០១៨ ពោលគឺ​នៅ​ប៉ុន្មានថ្ងៃ ក្រោយការចេញផ្សាយ នូវលទ្ធផលនៃការបោះឆ្នោតជាតិ ឆ្នាំ២០១៨ ដែលបាន​ផ្ដល់ជ័យជំនះ និងកៅអីរដ្ឋសភា ១០០ភាគរយ ទៅឲ្យគណបក្សប្រជាជនកម្ពុជា។

ការប្រកាសបង្កើតស្ថាប័នមួយនេះ ធ្វើឡើងនៅខណៈការបោះឆ្នោតជាតិនោះ ទទួលរង​ការរិះគន់ថា គ្រាន់តែជាការបោះឆ្នោតបង្គ្រប់កិច្ច ឬជាការបោះឆ្នោតក្លែងក្លាយ ដើម្បី​អនុញ្ញាតឲ្យគណបក្សប្រជាជនកម្ពុជា និងលោក ហ៊ុន សែន នៅបន្តកាន់អំណាច​នៅកម្ពុជា ដោយគ្មានសម្លេង របស់គណបក្សប្រឆាំងប៉ុណ្ណោះ៕



លំអិតបន្ថែមទៀត

កម្ពុជា

អ្នកនាំពាក្យ​រដ្ឋាភិបាល​ថា ត្រូវ​«គ្រប់គ្រង​ព័ត៌មាន» ដើម្បី​ថែរក្សាសន្ដិភាព

ប្រសិនជាប្រទេសកម្ពុជា ប្រកាន់យកប្រព័ន្ធដឹកនាំរដ្ឋ តាមបែបប្រជាធិបតេយ្យ និងមានរបបសារព័ត៌មានសេរីនោះ អង្គភាពអ្នកនាំពាក្យ​​នៃរបបក្រុងភ្នំពេញសព្វថ្ងៃ ដែលដឹកនាំដោយលោក ផៃ ស៊ីផាន បានអះអាងថា ខ្លួនមានកាតព្វកិច្ចក្នុងការ«គ្រប់គ្រង​ព័ត៌មាន» ដោយយកហេតុផល​មកពន្យល់ថា ដើម្បីចូលរួមថែរក្សាសន្តិភាព និងសណ្ដាប់ធ្នាប់សាធារណៈ។ ...
កម្ពុជា

ហ៊ុន សែន ប្រាប់រដ្ឋមន្ត្រីចិន ដើម្បីទេសចរណ៍​និងវប្បធម៌ មានភាព​រស់រវើក

ក្នុងជំនួបជាមួយលោក ឡ ស៊ូកាង (Luo Shugang) រដ្ឋមន្ត្រីក្រសួងវប្បធម៌ និងទេសចរណ៍​ចិន ក្នុងព្រឹកថ្ងៃពុធ ទី៣០ ខែមករា ឆ្នាំ២០១៩ នេះ លោកនាយករដ្ឋមន្ត្រី ហ៊ុន ...
កម្ពុជា

សម រង្ស៊ី ព្រមាន​រឹបអូស​ទ្រព្យត្រកូល ហ៊ុន នៅពេល ហ៊ុន សែន អស់អំណាច

តបនឹងការថ្លែងរបស់លោកនាយករដ្ឋមន្ត្រី ហ៊ុន សែន ដែលឲ្យមេធាវីលោកប្ដឹងរឹបអូសទ្រព្យសម្បត្តិបណ្ដាមន្ត្រីប្រឆាំងកាលពីព្រឹកម៉ិញនេះ មេដឹកនាំប្រឆាំងរបស់ប្រទេសកម្ពុជា លោក សម រង្ស៊ី បានថ្លែងខ្លាំងៗព្រមានឡើងថា ក្រុមលោកនឹងរឹបអូសទ្រព្យសម្បត្តិ របស់ក្រុមគ្រួសារត្រកូល ហ៊ុន វិញ ...

Comments are closed.

យល់ស៊ីជម្រៅផ្នែក កម្ពុជា

កម្ពុជា

ហ៊ុន សែន ឲ្យ សម រង្ស៊ី «សុំទោស»ដើម្បីបញ្ចប់យុទ្ធនាការកម្ចាត់លោក

កម្ពុជា

សម រង្ស៊ី ថា«លោក»​នៅកណ្ដាល ខូចជាងគេ

ការប្រើពាក្យ «អាមឹង» ដើម្បីហៅអ្នកនយោបាយខ្មែរ ទទួលបានការស្វាគមន៍ ពីបណ្ដាជនទូទៅឬទេ? នៅចំពោះការរិះគន់ លោក សម រង្ស៊ី បានប្ដូរឥរិយាបថបន្តិច ដោយហៅលោក ហ៊ុន សែន ...
កម្ពុជា

តុលាការបារាំង​សម្រេចឲ្យ សម រង្ស៊ី ឈ្នះក្ដី​លើ ហ៊ុន សែន និង ឌី វិជ្ជា

មេដឹកនាំប្រឆាំងនៅកម្ពុជា លោក សម រង្ស៊ី ត្រូវបានតុលាការបារាំង សម្រេចក្ដីក្នុងថ្ងៃចន្ទនេះ ឲ្យរួចផុត​ពីការចោទប្រកាន់​ទាំងឡាយ ដែលមាននៅក្នុងបណ្ដឹង​របស់​លោក ហ៊ុន សែន បុរសខ្លាំងនៅកម្ពុជា និងលោក ឌី ...