ដំណឹងអាស៊ី-ប៉ាស៊ីភិក

ចិន​ដាក់​បម្រាម​ជាថ្មី លើ​ប្រជាជន​​១០៨លាន​នាក់ ក្នុង​ភាគ​ឦសាន​ប្រទេស

តំបន់ជាច្រើន ក្នុងភាគឦសានប្រទេស ដែលមានចំនួនប្រជាជនរស់នៅ ១០៨លាននាក់ ត្រូវបានអាជ្ញាធរចិន ប្រកាសដាក់បម្រាម សារជាថ្មី បន្ទាប់ពីបានរកឃើញករណីឆ្លង ជំងឺ«Covid-19» ចំនួន៣៤នាក់ នៅក្នុងក្រុង «Shulan» តែប៉ុន្មានថ្ងៃចុងក្រោយប៉ុណ្ណោះ។

ខេត្ត «Jilin» ខេត្ត «Liaoning» និងក្រុងធំៗ នៅជុំវិញនោះ ត្រូវបានប្រកាសបិទ។ រថភ្លើង និងរថយន្ដក្រុង បានផ្អាកដំណើរការ។ សាលារៀន បានបិទទ្វា ហើយប្រជាជនទាំងអស់ នៅក្នុងតំបន់ ត្រូវបង្ខំឲ្យសំងំ នៅក្នុងផ្ទះឡើងវិញ បន្ទាប់ពីពួកគេ បានចេញពីបម្រាមទាំងនេះ កាលពីប៉ុន្មានសប្ដាហ៍មុន។

នៅក្នុងក្រុង «Shulan» ដែលពេលនេះ ត្រូវបានចាត់ទុក ជាមណ្ឌលកណ្ដាល នៃរលកចម្លងមេរោគ «Covid-19» វិធានការដ៏តឹងរុឹងជាច្រើន ត្រូវបានអនុវត្ត រហូតដល់មានបទបញ្ជាថ្មី។

អាគារភូមិគ្រឹះណា ដែលមានករណីឆ្លង (ទោះរកឃើញពិត ឬជាការសង្ស័យ) នឹងត្រូវបិទទ្វា ហើយត្រូវដាក់ឲ្យធ្វើចត្តាឡីស័ក (នៅដាច់តែឯង)។ សមាជិក​ម្នាក់ ក្នុងមួយគ្រួសារ ត្រូវបានអនុញ្ញាត និងមានសិទ្ធិ អាចចេញ​ទៅទិញទំនិញ ឬម្ហូបចំណី ក្នុងរយៈពេល​២ម៉ោង​ យ៉ាងយូរបំផុត និងជារៀងរាល់ពីរថ្ងៃម្ដង។

វិធានការតឹងរុឹងខាងលើ ក៏ត្រូវបានអនុវត្ត នៅទូទាំងខេត្ត «Jilin» ទាំងមូលដែរ។ ថ្នាំព្យាបាលគ្រុនផ្ដាសាយទាំងឡាយ ត្រូវបានហាមឃាត់ នៅតាមឱសថដ្ឋានានា ដើម្បីកុំឲ្យបណ្ដាជន អាចលាក់រោគសញ្ញា របស់ពួកគេបាន។

តួលេខផ្លូវការ នៃករណីឆ្លង នៅទូទាំងប្រទេសចិន ក្នុងពេលនេះ មានចំនួន ៨៨ ៤២៣នាក់ ក្នុងចំណោមនោះ អ្នកជំងឺ ៤ ៦៣៤នាក់ បានស្លាប់ រាប់តាំងពីការរាតត្បាតដំបូងទីមក៕



លំអិតបន្ថែមទៀត

ដំណឹង

Covid-19 : នាយករដ្ឋមន្ត្រីអង់គ្លេស ចូលសម្រាកក្នុងមន្ទីរពេទ្យដើម្បីបង្ការ

លោក បូរីស ចនសុន (Boris Johnson) នាយករដ្ឋមន្ត្រីអង់គ្លេស បានចូលសម្រាកក្នុងមន្ទីរពេទ្យ កាលពីយប់ថ្ងៃអាទិត្យនេះ ដែលជា«កិច្ចបង្ការ» បន្ទាប់ពីបានធ្វើតេស្តិ៍ តាំងពី១០ថ្ងៃមុន រកឃើញថា លោកមានផ្ទុកមេរោគ ...
ដំណឹង

បាតុករ​«ហុងកុង»​កាន់កាប់​ព្រលាន​យន្ដហោះ-​ជើង​ហោះហើរ​ត្រូវ​លប់ចោល

ក្រុមបាតុករច្រើនពាន់នាក់ ដែលនិយមលទ្ធិប្រជាធិបតេយ្យ បានបន្តកាន់កាប់ព្រលានយន្ដហោះ ហុងកុង ក្នុងយប់ថ្ងៃចន្ទនេះ ដើម្បីបរិហារពីទង្វើហិង្សា របស់កងកម្លាំងនគរបាល អំពីអ្វីដែលក្រុមបាតុករអះអាងថា ជាការបង្ក្រាបទល់នឹងការតស៊ូ ដោយសន្តិវិធីរបស់ពួកគេ ប្រឆាំងនឹងលូកដៃជ្រៀតជ្រែក ពីសំណាក់រដ្ឋាភិបាលក្រុងប៉េកាំង និងប្រឆាំង​ការដើរថយក្រោយ ...
ដំណឹង

Covid-19៖ ការដាក់​ខ្លួន​សំងំ​ក្នុង​ផ្ទះ សង្គ្រោះ​ជីវិត​ជិត៦ម៉ឺន​នាក់ នៅ​អ៊ឺរ៉ុប

ការដាក់​ខ្លួន​សំងំ​ក្នុង​ផ្ទះ ដើម្បីទប់ស្កាត់ការរីករាលដាល នៃមេរោគ«កូរូណា» ឬ«Covid-19» បានជួយសង្គ្រោះជីវិត ប្រមាណជា ៥៩ ០០០នាក់ នៅក្នុងប្រទេសចំនួន១១ នៃទ្វីបអ៊ឺរ៉ុប។ នេះ បើតាមការសិក្សាមួយ របស់អ្នកស្រាវជ្រាវមួយក្រុម ...

Comments are closed.

យល់ស៊ីជម្រៅផ្នែក ដំណឹង

ដំណឹង

Covid-19៖ វ៉ាក់សាំង​«Sinopharm»​ទទួលភ្លើងខៀវ​បន្ទាន់ពី«WHO»

កម្ពុជា

ហ៊ុន សែន ថាខេត្តដែលកំហិត​ឲ្យធ្វើ​ចត្តាឡីស័ក ជា«ការបង្កើតរដ្ឋ​ក្នុងរដ្ឋ»

លោកនាយករដ្ឋមន្ត្រី ហ៊ុន សែន បានហៅការសម្រេច របស់អភិបាលខេត្តក្រុងមួយចំនួន ថាជា«ការបង្កើតរដ្ឋ​ក្នុងរដ្ឋ» ជុំវិញសេចក្ដីសម្រេច​របស់ពួកគេ ក្នុងការដាក់កំហិតឲ្យធ្វើចត្តាឡីស័ក សម្រាប់ពលរដ្ឋណាដែលធ្វើដំណើរឆ្លងខេត្ត។ បុរសខ្លាំងនៅកម្ពុជា បានបញ្ជាឲ្យមេដឹកនាំ នៅតាមខេត្តក្រុងទាំងនោះ ត្រូវធ្វើការផ្លាស់ប្ដូរ​សេចក្ដីសម្រេច​នោះ​ជាបន្ទាន់។ ...
ដំណឹង

ព្រះអង្គម្ចាស់ ហ្វីលីព ស្វាមី​ព្រះមហាក្សត្រីយានី​អង់គ្លេស បានសោយទិវង្គត

ព្រះស្វាមី​របស់​ព្រះមហាក្សត្រីយានី អេលីហ្សាបែដ ទី២ (Elizabeth 2) នៃចក្រភពអង់គ្លេស ព្រះអង្គម្ចាស់ ហ្វីលីព (Philip) បានសោយទិវង្គត​ហើយ ក្នុងព្រះជន្មាយុ ៩៩ព្រះវស្សា។ នេះ ...