នៅព្រឹកថ្ងៃទី១៥ ខែធ្នូ ឆ្នាំ២០២០នេះ ករណីឆ្លង«Covid-19»ក្នុងសហគមន៍ បានកើនឡើង សរុប៤១នាក់ បន្ទាប់ពីអាជ្ញាធរសុខាភិបាល របស់កម្ពុជា បានរកឃើញអ្នកជំងឺម្នាក់ទៀត ដែលជាទារកអាយុ១ខួប។

នេះ បើតាមសេចក្ដីប្រកាសព័ត៌មាន របស់ក្រសួងសុខាភិបាល ដែលចេញផ្សាយឲ្យដឹង កាលពីប៉ុន្មាននាទីមុន។ កម្ពុជាក៏បានរកឃើញ​ករណី​អ្នកផ្ទុកមេរោគ ចំនួនពីរនាក់ទៀតដែរ ដែលជាអ្នកដំណើរ មកពីក្រៅប្រទេស។

ករណីឆ្លងថ្មី នៅក្នុងសហគមន៍ ដែលជាករណីដ៏កម្រមួយនេះ គឺជាទារកម្នាក់​អាយុ១ឆ្នាំ ដែលត្រូវជាកូនប្រុសរបស់អ្នកជំងឺ។ ម្ដាយទារក ជាអ្នករស់នៅក្នុងខណ្ឌច្បារអំពៅ រាជធានីភ្នំពេញ ហើយត្រូវបានរកឃើញវិជ្ជមានកូវីដ នៅថ្ងៃទី២៩ ខែវិច្ឆិកា ឆ្នាំ២០២០។ ខណៈនេះ អ្នកទាំងពីរ​កំពុងសម្រាកព្យាបាល នៅមន្ទីរពេទ្យរ៉ុស្ស៊ី។

រីឯអ្នកជំងឺពីរនាក់ទៀត ដែលជាករណីនាំចូល រួមមាន៖

  • ស្ត្រីជនជាតិខ្មែរ អាយុ៦៦ឆ្នាំ ធ្វើដំណើរមកពីអាមេរិក បន្តជើងហោះហើរនៅកូរ៉េខាងត្បូង មកដល់កម្ពុជា នៅថ្ងៃទី១៣ ខែធ្នូ ឆ្នាំ២០២០។ បច្ចុប្បន្ន អ្នកជំងឺត្រូវបានដាក់ ឲ្យសម្រាកព្យាបាល នៅមណ្ឌលសុខភាពចាក់អង្រែ។ រីឯអ្នករួមដំណើរ ក្នុងយន្ដហោះ សរុបចំនួន ១០៤នាក់ ដែលមានលទ្ធផលអវិជ្ជមាន ត្រូវបានដាក់ឲ្យធ្វើចត្តាឡីស័ក ចំនួន១៤ថ្ងៃ នៅក្នុងសណ្ឋាគារមួយចំនួន និងស្ថានទូត​អាមេរិកម្នាក់។
  • ស្ត្រីជនជាតិជប៉ុន អាយុ៣៤ឆ្នាំ ធ្វើដំណើរមកពីជប៉ុន បន្តជើងហោះហើរ នៅប្រទេសកូរ៉េខាងត្បូង មកដល់កម្ពុជា នៅថ្ងៃទី១៣ ខែធ្នូ ឆ្នាំ២០២០។ បច្ចុប្បន្ន អ្នកជំងឺត្រូវបានដាក់ ឲ្យសម្រាកព្យាបាល នៅមន្ទីរពេទ្យមិត្តភាពខ្មែរ-សូវៀត។ រីឯអ្នករួមដំណើរ ក្នុងយន្តហោះ សរុបចំនួន៦៤នាក់ ត្រូវបានដាក់ឲ្យធ្វើចត្តាឡីស័ក ចំនួន១៤ថ្ងៃ នៅសណ្ឋាគារមួយចំនួន ក្នុងរាជធានីភ្នំពេញ។

ករណីទារកឆ្លងជំងឺ កូវីដ-១៩ ខាងលើ មិនមែនជាករណីដំបូងបំផុតទេ។ កាលពីថ្ងៃទី១ ខែធ្នូកន្លងមក ទារកអាយុ៧ខែម្នាក់ផ្សេង ក៏ត្រូវបានអាជ្ញាធរ រកឃើញមានផ្ទុកមេរោគ ដ៏ចង្រៃនេះដែរ។

ក្នុងថ្ងៃអង្គារនេះដដែល ក្រសួងសុខាភិបាល បានប្រកាសឲ្យដឹងបន្ថែម អំពីករណីជាសះស្បើយចំនួន៣នាក់។ អ្នកជំងឺទាំងបីរូប គឺជាអ្នកពាក់ព័ន្ធ នឹងព្រឹត្តិការណ៍ «សហគមន៍២៨វិច្ឆិកា»។

មកដល់ព្រឹកថ្ងៃទី១៥ ខែធ្នូ ឆ្នាំ២០២០ ប្រទេសកម្ពុជាបានរកឃើញ អ្នកផ្ទុកវីរុសកូវីដ-១៩ មានចំនួនសរុប ៣៦២នាក់ (ស្ត្រី ៨៦នាក់ និងបុរស ២៧៦នាក់) ក្នុងនោះអ្នកជំងឺ សរុប៤១នាក់ ជាករណីឆ្លងក្នុងសហគមន៍។ អ្នកជំងឺជាសះស្បើយ សរុបទូទាំងប្រទេស មានចំនួន ៣១២នាក់៕



លំអិតបន្ថែមទៀត

កម្ពុជា

ហ៊ុន សែន បង្កើត​និង​ដឹកនាំ​គណៈកម្មការ​ជាតិ​ប្រឆាំង​«Covid-19»​

គណៈកម្មការជាតិមួយ ដើម្បីប្រយុទ្ធប្រឆាំងនឹងមេរោគ «Covid-19» បានចេញជារូបរាងហើយ នៅល្ងាចថ្ងៃពុធ ទី១៨ ខែមីនា ឆ្នាំ២០២០នេះ។ គណៈកម្មការនោះ ត្រូវបានបង្កើតឡើង តាមរយៈសេចក្ដីសម្រេចមួយ និងចុះហេត្ថលេខា ដោយលោកនាយករដ្ឋមន្ត្រី ...
ដំណឹង

Covid-19៖ ត្រាំ ផ្អាកប្រាក់បដិភាគ សម្រាប់​អង្គការ​សុខភាព​ពិភពលោក

ប្រធានាធិបតីអាមេរិក លោក ដូណាល់ ត្រាំ (Donald Trump) បានសម្រេចផ្អាកការផ្ដល់ប្រាក់បដិភាគ របស់សហរដ្ឋអាមេរិក សម្រាប់​អង្គការ​សុខភាព​ពិភពលោក (WHO / OMS) ដោយចោទ​ស្ថាប័ន​​អន្តរជាតិ​មួយនេះ ...
កីឡា និងបច្ចេកវិទ្យា

កីឡាករ​ក្រុម​ប៉ារីស​នឹង​​ធ្វើ​យុទ្ធនាការ​​ប្រឆាំង​«Covid-19» ​ជាមួយ​«WHO»

កីឡាករល្បីៗនៃក្រុមប៉ារីស (Paris Saint-Germain – បារាំង) នឹងចូលរួមធ្វើយុទ្ធនាការ ជាមួយអង្គការសុខភាពពិភពលោក «WHO» ដើម្បីប្រយុទ្ធប្រឆាំងនឹងមេរោគ «Covid-19» ដែលកំពុងរាតត្បាតពិភពលោក។ នេះ បើតាមការបង្ហោះសារ ...

Comments are closed.

យល់ស៊ីជម្រៅផ្នែក កម្ពុជា

កម្ពុជា

សម រង្ស៊ី ៖ ស្ដេចនឹងដាក់រាជ្យ ប្រសិនច្បាប់​«សញ្ជាតិ១»​ត្រូវបានអនុម័ត

កម្ពុជា

កឹម សុខា បដិសេធ​ការយកឈ្មោះ និង​រូបភាពលោក ទៅប្រើខុសឆន្ទៈ

ប្រធានគណបក្សសង្គ្រោះជាតិ លោក កឹម សុខា បានបដិសេធការយកឈ្មោះ និងរូបភាពលោក យកទៅប្រើដោយ«បុគ្គល ក្រុម គណបក្ស ឬ ចលនានយោបាយខ្លះ» ដែលលោកហៅថា ជាការភ្ជាប់ពាក់ព័ន្ធ«នឹងសកម្មភាព ...
កម្ពុជា

សម រង្ស៊ី ថា ស ខេង អាចចូលក្នុង​«រដ្ឋាភិបាល​បង្រួបបង្រួមជាតិ»

ប្រធានស្ដីទីគណបក្សសង្គ្រោះជាតិ លោក សម រង្ស៊ី បានហៅការបង្កើត​«រដ្ឋាភិបាល​បង្រួបបង្រួមជាតិ» ដែលមាន​ការចូលរួម ពីលោក ស ខេង ថា«ជាគំនិតមួយ ដ៏ត្រឹមត្រូវ»។ ការអះអាងរបស់មេដឹកនាំប្រឆាំង ធ្វើឡើងក្នុង​ខណៈ​លោក ...