• មេដឹកនាំសភាអ៊ឺរ៉ុប ទាមទារឲ្យ​ស៊ើបអង្កេត​ករណី​ចាប់ពង្រត់ វ៉ាន់ឆាឡឺម

    សភាសហភាពអ៊ឺរ៉ុប (EU Parl) ដែលមានទីតាំងនៅក្រុងស្ត្រាប៊ួរ (Strasbourg) ប្រទេសបារាំង បានស្នើឲ្យកម្ពុជា និងថៃ ត្រូវធ្វើការស៊ើបអង្កេត ឲ្យបានម៉ត់ចត់ និងជាបន្ទាន់ ចំពោះករណីលោក វ៉ាន់ឆាឡឺម សាតស័ក្តិសិទ្ធ (Wanchalearm Satsaksit) សកម្មជននយោបាយថៃ ដែលត្រូវបានចាប់ពង្រត់ នៅខាងមុខលំនៅដ្ឋានរបស់លោក កណ្ដាលរាជធានីភ្នំពេញ កាលពីដើមខែកន្លងមក។ តាមរយៈសេចក្ដីថ្លែងការណ៍រួមមួយ ចុះថ្ងៃទី២៦ ខែមិថុនា ឆ្នាំ២០២០ មេដឹកនាំ​បីរូប របស់​សភាអ៊ឺរ៉ុប បានសំដែងការខ្វល់ខ្វាយ ចំពោះហេតុការណ៍នេះ និងចំពោះ​សេចក្ដី​រាយការណ៍ ដែលបានឲ្យដឹងថា មានការចាប់បញ្ជូនខ្លួន អ្នកនយោបាយប្រឆាំង រវាង​រដ្ឋាភិបាល និង​រដ្ឋាភិបាល ...
  • ប្រមុខ​សិទ្ធិមនុស្ស អ.ស.ប ប្រាប់ប្រទេសនៅអាស៊ី កុំប្រើ«Covid-19»ដើម្បីបិទការរិះគន់

    ពីទីក្រុងហ្សឺណែវ (ស្វីស) ប្រមុខ​សិទ្ធិមនុស្ស អ.ស.ប អ្នកស្រី មីសែ្សល បាស្សេឡេត (Michelle Bachelet) បានចេញសេចក្ដីថ្លែងការណ៍ សម្តែងការព្រួយបារម្ភ ចំពោះ​ការគាប​សង្កត់ លើសេរីភាព​នៃការបញ្ចេញមតិ នៅផ្នែកខ្លះនៃតំបន់អាស៊ីប៉ាស៊ីហ្វិក នៅក្នុងអំឡុងពេល មានវិបត្ដិនៃជំងឺកូវីដ-១៩ ដោយមានប្រសាសន៍ថា វិធានការ​ទាំងឡាយ​ណា ដែលធ្វើឡើង ដើម្បីបញ្ឈប់ការផ្សព្វផ្សាយព័ត៌មានមិនពិត ត្រូវតែ​មាន​សមាមាត្រ។ សេចក្ដីថ្លែងការណ៍ ដែលចេញផ្សាយ ក្នុងថ្ងៃទី៣ ខែមិថុនា បានឲ្យដឹងថា ប្រទេសជាច្រើន​នៅក្នុងតំបន់ មានរួចហើយ​នូវច្បាប់គ្រប់គ្រង ដែលគេហៅថា “ព័ត៌មានមិនពិត” និង​ប្រព័ន្ធផ្សព្វផ្សាយ តាមអនឡាញ​ដែលលើកឡើង ពីកង្វល់អំពីសិទ្ធិមនុស្ស ហើយត្រូវបាន​គេ​​ប្រើប្រាស់ ក្នុងបរិបទផ្សេងទៀត ...
  • សម រង្ស៊ី ថា​ការបញ្ជូន​ដីកាតុលាការ​ទៅ​អាស៊ាន គ្មាន​ឥទ្ធិពលអ្វីលើ​លោកទេ

    មេដឹកនាំប្រឆាំង លោក សម រង្ស៊ី បានថ្លែងតបពីរដ្ឋធានី ប៉ារីស ប្រទេសបារាំងថា ទង្វើរបស់លោក ហ៊ុន សែន ជុំវិញការបញ្ជូនដីកាតុលាការកម្ពុជា ទៅកាន់បណ្ដាប្រទេសអាស៊ាន ឲ្យចាប់ខ្លួនលោកនោះ ជាទង្វើរបស់មនុស្ស«ល្ងង់» ដោយហេតុថា ដីកាតុលាការកម្ពុជា គ្មាន​ឥទ្ធិពលអ្វីលើ​លោកទេ ខណៈលោកកាន់លិខិតឆ្លងដែនបារាំង។ លោក សម រង្ស៊ី បានថ្លែងដូច្នេះ ដើម្បីតបទៅនឹងការលើកឡើង របស់លោកនាយករដ្ឋមន្ត្រី ហ៊ុន សែន ដែលបានថ្លែងនៅចំពោះនាយករដ្ឋមន្ត្រីឡាវ កាលពីថ្ងៃព្រហស្បត្តិ៍ម្សិលម៉ិញថា ​លោក សម រង្ស៊ី ដែលប្រកាសវិលចូលកម្ពុជា នៅថ្ងៃទី៩ ខែវិច្ឆិកាខាងមុខ និងអាចតាម​រយៈ​ប្រទេស​ឡាវនោះ ថា​​ជា​រឿងមិនអាច​ទៅ​រួច។ ...
  • អាស៊ានថា ព្រះរាជា សីហមុនី ល្បី​ខាង​ការពារ​សិទ្ធិមនុស្ស​ដ៏ខ្លាំង​មួយអង្គ

    សមាគមប្រជាជាតិអាស៊ីអាគ្នេយ៍ ហៅកាត់ថា «អាស៊ាន / ASEAN» បានអះអាងថា ព្រះមហាក្សត្រកម្ពុជា ព្រះករុណាព្រះបាទ​សម្ដេច​ព្រះបរមនាថ នរោត្តម សីហមុនី ទទួលបានការកោតសរសើក្រៃលែង ថាជាមេដឹកនាំ និងជាអ្នកការពារសិទ្ធិមនុស្ស ដ៏ខ្លាំងមួយអង្គ។ ស្ថាប័នអាស៊ាន បានអះអាងដូច្នេះ នៅលើទំព័រហ្វេសប៊ុកផ្លូវការបស់ខ្លួន កាលពីថ្ងៃទី១៤ ខែឧសភា ឆ្នាំ២០១៩ ពោលគឺនៅចំថ្ងៃចម្រើនព្រះជន្ម របស់ព្រះមហាក្សត្រកម្ពុជា ទ្រង់យាងចូល៦៦ព្រះវស្សា​។ សមាគមនៃប្រជាជាតិទាំង១០ ដែលមានលេខាធិការដ្ឋាន នៅក្នុងរដ្ឋធានី ចាការតា (ឥណ្ឌូនេស៊ី) បានសរសេរជាភាសាអង់គ្លេស ​ឲ្យដឹងថា៖ «សូមថ្វាយ​ព្រះពរ​ ក្នុងថ្ងៃចម្រើន​ព្រះជន្ម​របស់ព្រះមហាក្សត្រ នៃព្រះរាជាណាចក្រកម្ពុជាព្រះករុណាព្រះបាទសម្តេចព្រះបរមនាថ នរោត្តម សីហមុនី។ ...
  • សម រង្ស៊ី ព្រមាន​ពី​អស្ថិរភាព បើ ហ៊ុន សែន បាញ់​សម្លាប់​រង្គាល​នៅ​ព្រំដែន

    មេដឹកនាំប្រឆាំង លោក សម រង្ស៊ី បានបញ្ចេញប្រតិកម្មនៅថ្ងៃនេះ ចំពោះការគម្រាមប្រើកាំភ្លើងយន្ដ ចេញពីលេណដ្ឋាន បាញ់រូបលោក ប្រសិនជាលោកវិលចូលប្រទេសវិញ តាមព្រំដែនគោក។ ប្រធានស្ដីទីគណបក្សប្រឆាំង បានហៅចំណាត់ការរបស់លោក ហ៊ុន សែន មួយនេះ ថាជាការគម្រាម ដល់ស្ថិរភាពតំបន់ទាំងមូលតែម្ដង។ កាលពីថ្ងៃចន្ទទី២៥ ខែមិនា ឆ្នាំ២០១៩សប្ដាហ៍មុន នៅក្នុងពិធីប្រគល់សញ្ញាបត្រ ដល់និស្សិតបញ្ចប់ការសិក្សា នៅវិទ្យាស្ថានជាតិអប់រំ រាជធានីភ្នំពេញ នាយករដ្ឋមន្ត្រីកម្ពុជា បានអះអាងត្រៀមប្រើ«កាំភ្លើងយន្ដ» ដែលមានដាក់ក្នុងលេណដ្ឋាន នៅតាមព្រំដែនគោក ដើម្បីរង់ចាំស្វាគមន៍លោក សម រង្ស៊ី ដែលប្រកាសម្ដងហើយម្ដងទៀត ពីការធ្វើមាតុភូមិនិវត្តន៍របស់លោក និងក្រុមមន្ត្រីស្និតជាមួយលោក។ មេដឹកនាំកម្ពុជា ...
  • កម្ពុជា​ទទួល​ការរំពឹង​ថា នឹង​ក្លាយជា​«ត្រយ៉ងសេដ្ឋកិច្ច»​នៅអាស៊ី!

    បន្ទាប់ពី«ខ្លាសេដ្ឋកិច្ច» ឬ«ស្វីសនៅអាស៊ី» ពេលនេះជាវគ្គ«ហង្សសេដ្ឋកិច្ច»។ ប៉ុន្តែក្រុមអ្នកវិភាគ និងអ្នកឃ្លាំមើល បានរិះគន់តបវិញ​យ៉ាងចាស់ដៃ ដោយចំអកឡើងថា ក្នុងពេលខាងមុខ កម្ពុជាទទួលការរំពឹងថា នឹងក្លាយជាឥន្ទ្រីយ៍សេដ្ឋកិច្ច ឬ«ត្រយ៉ងសេដ្ឋកិច្ច» ជាក់ជាមិនខាន។ រលកនៃការរិះគន់ បានផ្ទុះឡើងក្នុងថ្ងៃនេះ បន្ទាប់ពីអ្នកជំនួញម្នាក់ ឈ្មោះ «ហង្ស» ប្រធានក្រុមហ៊ុនអចលនវត្ថុមួយ ដែលដាក់ឈ្មោះ «ហង្ស» ដែរនោះ អះអាងក្នុងពិធី ចុះកិច្ចសន្យារកស៊ីមួយ ជាមួយក្រុមហ៊ុនចិន នៅរាជធានីភ្នំពេញ ថាកម្ពុជានឹងក្លាយជា «ហង្សសេដ្ឋកិច្ច»។ ប្រព័ន្ធឃោសនាក្នុងស្រុក ស្រង់ក្ដីរំពឹងរបស់អ្នកជំនួញ ត្រកូល«ហង្ស»រូបនោះ មកផ្សាយថា កម្ពុជានឹងក្លាយជា «ហង្សផ្នែកសេដ្ឋកិច្ច​នៅអាស៊ី» នាពេលអនាគត ដ៏ខ្លីខាងមុខ ...