កម្ពុជាដំណឹង

សម រង្ស៊ី ថា​ការបញ្ជូន​ដីកាតុលាការ​ទៅ​អាស៊ាន គ្មាន​ឥទ្ធិពលអ្វីលើ​លោកទេ

មេដឹកនាំប្រឆាំង លោក សម រង្ស៊ី បានថ្លែងតបពីរដ្ឋធានី ប៉ារីស ប្រទេសបារាំងថា ទង្វើរបស់លោក ហ៊ុន សែន ជុំវិញការបញ្ជូនដីកាតុលាការកម្ពុជា ទៅកាន់បណ្ដាប្រទេសអាស៊ាន ឲ្យចាប់ខ្លួនលោកនោះ ជាទង្វើរបស់មនុស្ស«ល្ងង់» ដោយហេតុថា ដីកាតុលាការកម្ពុជា គ្មាន​ឥទ្ធិពលអ្វីលើ​លោកទេ ខណៈលោកកាន់លិខិតឆ្លងដែនបារាំង។

លោក សម រង្ស៊ី បានថ្លែងដូច្នេះ ដើម្បីតបទៅនឹងការលើកឡើង របស់លោកនាយករដ្ឋមន្ត្រី ហ៊ុន សែន ដែលបានថ្លែងនៅចំពោះនាយករដ្ឋមន្ត្រីឡាវ កាលពីថ្ងៃព្រហស្បត្តិ៍ម្សិលម៉ិញថា ​លោក សម រង្ស៊ី ដែលប្រកាសវិលចូលកម្ពុជា នៅថ្ងៃទី៩ ខែវិច្ឆិកាខាងមុខ និងអាចតាម​រយៈ​ប្រទេស​ឡាវនោះ ថា​​ជា​រឿងមិនអាច​ទៅ​រួច។

បុរសខ្លាំងកម្ពុជា បានថ្លែងបន្តថា៖

«ខ្ញុំ​ក៏​សូម​បញ្ជាក់​ជូន​ផង​ដែរ​ថា មិនមែន​គ្រាន់តែ​ឡាវ​ទេ ទាំង​ថៃ រដ្ឋាភិបាល​ថៃ បាន​ទទួល​រួច​មក​ហើយ ​នូវ​សាល​ដីកា​តុលាការ​ ដើម្បី​ចាប់ខ្លួន​ជនណា​ ដែល​មាន​សាល​ដីកា​តុលាការ។ យើង​ក៏​នឹង​បញ្ជូន​សាល​ដីកា​តុលាការ​នោះ ​ទៅ​កាន់​ប្រទេស​ទាំងអស់ នៅ​ក្នុង​ក្រប​ខ័ណ្ឌ​អាស៊ាន ​របស់​យើង។»

តបនឹងគម្រោង របស់របបក្រុងភ្នំពេញខាងលើ លោក សម រង្ស៊ី បានថ្លែងតាមរយៈកិច្ចសម្ភាសមួយ ជាមួយវិទ្យុអាស៊ីសេរីថា ដំណឹងនៃការវិលត្រឡប់របស់លោក ចូលប្រទេស​កម្ពុជាវិញ បានធ្វើឲ្យលោក ហ៊ុន សែន ភ័យស្លន់ស្លោរ រហូតដើរទៅប្រាប់ប្រទេសជិតខាង ឲ្យតាមចាប់ខ្លនលោក។

មេដឹកនាំប្រឆាំងអាយុ ៧០ឆ្នាំ បានបន្តថា៖

«ប៉ុន្តែ ហ៊ុន សែន ល្ងង់ណាស់។ ខ្ញុំប្រើលិខិតឆ្លងដែនបារាំង។ ច្បាប់អន្តរជាតិ គឺ ហ៊ុន សែន អត់មានឥទ្ធិពលអីលើរូបខ្ញុំ អត់មានអីជាសមត្ថកិច្ចរបស់គាត់ ទៅឲ្យគេចាប់ខ្ញុំនៅក្រៅប្រទេស អត់បានទេ។ ពីព្រោះបើខ្ញុំប្រើប៉ាស្ព័រ (លិខិតឆ្លងដែន) ប្រទេសបារាំង មានតែសាធារណរដ្ឋបារាំងតែមួយគត់ ដែលមានសមត្ថកិច្ចមើលខុសត្រូវ ចំពោះសុវត្ថិភាពរបស់ខ្ញុំ។»

«ហើយគេយល់ច្បាស់ថា ខ្ញុំគ្មានទោសអ្វីទេ គឺ ហ៊ុន សែន ទេ ដែលប្រឌិតទោស ហើយទោសនយោបាយហ្នឹង គឺជាកិត្តិយសរបស់អ្នកដែលតស៊ូ ដើម្បីលទ្ធិប្រជាធិបតេយ្យ ការពារសិទ្ធិសេរីភាព។»

តើលោក សម រង្ស៊ី នឹងវិលត្រឡប់មកប្រទេសកម្ពុជាវិញ តាមផ្លូវណា?

១២ កញ្ញា ២០១៩ / 12 September 2019 តើ លោក សម រង្ស៊ី នឹង វិល ត្រឡប់ មក ប្រទេស កម្ពុជា វិញ តាម ផ្លូវ ណា ហើយ ដោយប្រើ ឯកសារអ្វី ភ្ជាប់នឹងខ្លួន? Which way Sam Rainsy will take to come back to Cambodia and what documents will he be using? "Nothing has changed in my plan to arrive in Cambodia on 9 November 2019. I have been and will be travelling with my French passport over which the Hun Sen regime has no authority whatsoever. Outside Cambodia, only the French government has authority over those travelling with a French passport. I have been recently to Japan, South Korea, Malaysia and Singapore using my French passport.

Posted by Sam Rainsy on Thursday, September 12, 2019


លោក ព្រហ្ម គិត អ្នកឃ្លាំមើលបញ្ហាកម្ពុជា និងជាអតីតអ្នកច្បាប់មួយរូប ដែលរស់នៅចូលនិវត្តន៍ក្នុងប្រទេសបារាំង បានលើកឡើងថា បើរដ្ឋបាលលោក ហ៊ុន សែន បញ្ជូនដីកាតុលាការកម្ពុជា ទៅកាន់បណ្ដាប្រទេសនៅអាស៊ាន អាចគ្រាន់ជាការជូនដំណឹង ឬខ្លាំងបំផុត ត្រឹមជាការដាក់សម្ពាធលើប្រទេសទាំងនោះ ដើម្បីកុំឲ្យលោក សម រង្ស៊ី អាចធ្វើដំណើរឆ្លងកាត់បាន។

លោកបន្តថា ដីកាតុលាការកម្ពុជា គ្មានអំណាចនៅក្រៅប្រទេសទេ វៀលែងតែនីតិវិធី ធ្វើបត្យាប័នរវាងប្រទេស នីងប្រទេសប៉ុណ្ណោះ។ នៅអាស៊ាន គ្មានស្ថាប័នយុត្តិធម៌អាស៊ាន ដើម្បីអនុវត្តន៍ដីកា នៃប្រព័ន្ធយុត្តិធម៌របស់ប្រទេសជាសមាជិក ដូចនៅសហភាពអ៊ឺរ៉ុបទេ។

អ្នកឃ្លាំមើលវ័យចំណាស់ថ្លែងថា៖

«ផ្ទុយទៅវិញ ដូចខ្ញុំធ្លាប់និយាយ ពីមុនខ្លះៗហើយថា ប្រទេសអាស៊ានទាំងនោះ នឹងត្រូវធ្វើជម្រើស រវាងការគាំទ្រដីកាតុលាកា នៃរបបលោក ហ៊ុន សែន ដែលរងការរិះគន់ថា ពុករលួយនិងជាតួល្ខោន របស់អ្នកកាន់អំណាច ទល់និងការប្រឈមជាមួយប្រទេសបារាំង ដែលជាមហាអំណាចមួយ ក្នុងពិភពលោក​ ព្រោះលោក សម​ រង្ស៊ី គាត់កាន់លិខិតឆ្លងដែនបារាំង។»

កាល​ពី​ពេល​ថ្មីៗនេះ លោក សម រង្ស៊ី បានធ្វើដំណើរយ៉ាងសេរី ​ទៅកាន់​ប្រទេស​ចំនួន ៣ នៅក្នុង​អាស៊ាន ដោយ​គ្មាន​ការបារម្ភ​អ្វី​ឡើយ។ ប្រទេសទាំងបីនោះ គឺ​ប្រទេស​ឥណ្ឌូណេស៊ី ប្រទេស​ម៉ាឡេស៊ី និង​ប្រទេស​សិង្ហបុរី។

លោក ព្រហ្ម គិត បានបញ្ជាក់ទៀតថា៖

«លិខិតឆ្លងដែនបារាំង ដែលលោក សម រង្ស៊ី ប្រើ គឺជាលេសដ៏សំខាន់ ដែលប្រទេសទាំងនោះ យកមកប្រើ ដើម្បីមិនប៉ះពាល់លោក សម រង្ស៊ី សូម្បីមួយសសៃសក់៕»



You may also like

កម្ពុជា

កាសែត FT ៖ EU នឹងសម្រេច​«ព្យួរ EBA ចេញពីកម្ពុជា»

កម្ពុជានឹងត្រូវប្រឈម ទល់នឹងការសម្រេច«ព្យួរ»ប្រព័ន្ធអនុគ្រោះពន្ធ «EBA» ពីសំណាក់សហភាពអ៊ឺរ៉ុប ក្នុងសប្ដាហ៍នេះ បើទោះជាការសម្រេចព្យួរនោះ ធ្វើឡើងក្នុងផ្នែកណាមួយ នៃផលិតផលនាំចេញ នៃប្រទេសនេះក៏ដោយ។ នេះ បើតាមការផ្សាយឲ្យដឹង របស់សារព័ត៌មានអង់គ្លេស «Financial ...
កម្ពុជា

Covid-19៖ ថៃដាក់​កម្ពុជា ក្នុងចំណោម​៥ប្រទេស ដែល​មាន​ហានិភ័យ​ខ្ពស់

ប្រទេសកម្ពុជា ជាប់ឈ្មោះក្នុងបញ្ជីប្រទេសទាំង៥ ដែល​មាន​ហានិភ័យ​ខ្ពស់ ក្នុងការឆ្លងជំងឺ «Covid-19» និងដែលថៃត្រូវផ្អាកទំនាក់ទំនង ជាបណ្ដោះអាសន្ន។ នេះ បើតាមការសេចក្ដីសម្រេច របស់ក្រសួងសុខភាពសាធារណៈ របស់ប្រទេសថៃ ដែលចេញផ្សាយឲ្យដឹង ក្នុងថ្ងៃពុធ ...
កម្ពុជា

CNRP ហៅ​ការចេញដីកា​ចាប់ខ្លួន​មេដឹកនាំ​ខ្លួន​ទាំង៨ ថាជា​«ការផ្គើន»

ការចេញដីកា ឲ្យចាប់ខ្លួនថ្នាក់ដឹកនាំទាំង៨នាក់ របស់គណបក្សសង្គ្រោះជាតិ កាលពីប៉ុន្មានថ្ងៃមុននេះ បង្ហាញថា របបក្រុងភ្នំពេញសព្វថ្ងៃ កំពុងយកតុលាការ ធ្វើជាឧបករណ៍នយោបាយ ដើម្បីជា«ការផ្គើន» នឹងវិធានការនានារបស់សហគមន៍អន្តរជាតិ និងបំផ្លាញប្រយោជន៍ជាតិកម្ពុជាទាំងមូល។  ខាងលើនេះ ជាការអះអាង ...

Comments are closed.

កម្ពុជា

បន្ទាប់ពី​ទទួលវ៉ាក់សាំងចិន ហ៊ុន សែន សុំជំនួយ​វ៉ាក់សាំង​ ពីប្រទេសឥណ្ឌា

កម្ពុជា

Covid-19៖ កម្ពុជាប្រកាស​រកឃើញ​ករណីឆ្លង កើនឡើង​ដល់៤៣៩នាក់

មកទល់នឹងព្រឹកថ្ងៃអាទិត្យ​ទី១៧ ខែមករា ឆ្នាំ២០២១នេះ កម្ពុជាប្រកាសបានរកឃើញ ករណីឆ្លងជំងឺកូវីដ (Covid-19) កើនឡើង​ដល់៤៣៩នាក់ បន្ទាប់ពីបានរកឃើញករណីឆ្លង លើពលករខ្មែរ​៣នាក់បន្ថែមទៀត ដែលទើបធ្វើដំណើរ​មកពីប្រទេសថៃ។ នេះ បើតាមសេចក្ដីប្រកាសព័ត៌មាន របស់ក្រសួងសុខាភិបាលកម្ពុជា ...
កម្ពុជា

ហ៊ុន សែន ឲ្យចាក់​វ៉ាក់សាំងចិន​ជូន… ​រូបលោក និង​បក្ខពួកលោក​​មុខគេ!

លោក ហ៊ុន សែន បាន​ប្រកាសទទួលយក​វ៉ាក់សាំងចិន​ជាបន្ទាន់ ដើម្បីចាក់ឲ្យ… លោក ហ៊ុន សែន ខ្លួនលោក និង​បក្ខពួកលោក​​មុខគេ ! នេះ ជាការអះអាង​របស់បុរសខ្លាំង​នៅកម្ពុជា ...