នៅថ្ងៃទី៤ នៃសង្គ្រាមឈ្លានពានប្រទេសអ៊ុយក្រែន ដោយកងទ័ពរ៉ូស្ស៊ី ប្រព័ន្ធផ្សព្វផ្សាយ​រ៉ុស្ស៊ី​ ឬ​ដែលស្និត​នឹងវិមានក្រឹមឡាំង ត្រូវបានសហភាពអ៊ឺរ៉ុប «EU» សម្រេចឲ្យផ្អាកការផ្សាយរបស់ខ្លួន នៅលើទឹកដីនៃសមាជិកទាំង២៧ប្រទេស​ របស់សហភាព។

បម្រាមនេះត្រូវបានប្រកាសឡើង ដោយអ្នកស្រី «Ursula von der Leyen» ប្រធានគណៈកម្មការអ៊ឺរ៉ុប (នីតិប្រតិបត្តិដឹកនាំ EU) នៅរសៀលថ្ងៃអាទិត្យ​ទី២៧ ខែកុម្ភៈ ឆ្នាំ២០២២នេះ ពីរាជធានី ព្រុយហ្សែល (ប្រទេសប៊ែលហ្សិក) ដើម្បីអ្វីមួយ ដែលអ្នកស្រីពន្យល់ថា ជាការទប់ស្កាត់ «ការបំភ្លៃព័ត៌មាន»​ដែល«ញាក់ខ្សែ» ដោយរដ្ឋាភិបាលក្រុង មូស្គូ។

ប្រព័ន្ធផ្សព្វផ្សាយ​រ៉ុស្ស៊ី​ ដែលរងការប៉ះពាល់ដោយផ្ទាល់ គឺបណ្ដាញទូរទស្សន៍ «Russia Today» និងទីភ្នាក់ងារព័ត៌មាន «Sputnik» ដែលទទួលថវិកាពីរដ្ឋាភិបាលរ៉ុស្ស៊ី។ ប៉ុន្តែនៅមានបណ្ដាញ​ប្រព័ន្ធផ្សព្វផ្សាយផ្សេងទៀត ក៏ត្រូវបានសហភាពអ៊ឺរ៉ុបចាត់ចូល ក្នុងមុខសញ្ញាដែលរងការហាមឃាត់ដែរ។

នៅក្នុងសន្និសីទសារព័ត៌មានវិសាមញ្ញ ដែលធ្វើឡើងក្នុងស្នាក់ការកណ្ដាល របស់សហភាពអ៊ឺរ៉ុប អ្នកស្រី «Ursula von der Leyen» ថ្លែងឲ្យដឹងថា៖

«យើងនឹងធ្វើការហាមឃាត់ ប្រដាប់ឃោសនារបស់ក្រឹមឡាំង នៅក្នុងសហភាពអ៊ឺរ៉ុប។ ប្រព័ន្ធផ្សព្វផ្សាយ ដែលស្និតនឹងប្រទេសរ៉ុស្ស៊ី មានជាអាទិ៍ “Russia Today” និង “Sputnik” ក៏ដូចជាបណ្ដាញរបស់ពួកគេ នឹង​មិន​អាចផ្សាយការកុហករបស់​ពួក​គេ ​ដើម្បី​បង្ហាញ​ពី​ភាពត្រឹមត្រូវ​ នៃ​សង្គ្រាម​របស់​ពូទីន​បាន​ទៀត​ទេ។»

សម្រាប់លោក «Josep Borrell» អនុប្រធានគណៈកម្មការអ៊ឺរ៉ុប បានពន្យល់បន្ថែមថា៖

«ពូទីន មិនត្រឹមតែឈ្នះបានទឹកដីនោះទេ ប៉ុន្តែគាត់ក៏ចង់យកឈ្នះចិត្តនោះដែរ។ តាមរយៈការកាត់ផ្តាច់ “Russia Today” និង “Sputnik” នៅក្នុងសហភាពអ៊ឺរ៉ុប ដូចបានន័យថា យើងកំពុងកាត់ក្បាលពស់ ដ៏អសិរពិសដូច្នេះដែរ។»

នៅចំពោះការប្រកាស របស់ប្រធានគណៈកម្មការអ៊ឺរ៉ុប អ្នកស្រី «Margarita Simonian» ចាងហ្វាងការផ្សាយ របស់ស្ថាប័នផ្សព្វផ្សាយរ៉ុស្ស៊ីទាំងពីរខាងលើ គ្រាប់តែលើកឡើង​នៅតាមបណ្ដាញសង្គមថា បណ្ដាញទូរទស្សន៍ «Russia Today» និងទីភ្នាក់ងារព័ត៌មាន «Sputnik» នឹងនៅបន្តធ្វើការងាររបស់ខ្លួន ដោយគ្មានការផ្លាស់ប្ដូរអ្វីឡើយ៕



You may also like

កម្ពុជា

ស្នងការ​ពាណិជ្ជកម្ម EU មិន​សង្ឃឹម​ថា ហ៊ុន សែន ងាក​មក​វិថី​ប្រជាធិបតេយ្យ

ស្នងការជាន់ខ្ពស់នៃសហភាពអ៊ឺរ៉ុប «EU» ទទួលបន្ទុកគោលនយោបាយ​ពាណិជ្ជកម្ម អ្នកស្រី សេស៊ីលីយ៉ា ម៉ាលស្ត្រម (Cecilia Malmström) បានសំដែងក្ដីទុទិដ្ឋិនិយម នៅចំពោះជំហររបស់លោក ហ៊ុន សែន ក្នុងការងាកមករកការដឹកនាំប្រទេសកម្ពុជា ...
ដំណឹង

ត្រាំ ផ្ដល់​ភ្លើងខៀវ​ឲ្យ​ផលិត​«កំពូល​កាំជ្រួច» ដែល​លឿន​ជាងគេ​បំផុត

ប្រធានាធិបតីអាមេរិក លោក ដូណាល់ ត្រាំ (Donald Trump) បានសម្រេច​នៅថ្ងៃ​សុក្រ​នេះ ឲ្យផលិត«កំពូល​កាំជ្រួច» ដែលជាកាំជ្រួចប្រភេទថ្មី លឿនជាងសម្លេង និងលឿនជាង​កាំជ្រួច ដែល​ប្រទេស​រុស្ស៊ី ឬចិន ...
លោកសាស្ត្រាចារ្យ រ៉ុង ឈុន នៅក្នុងរថយន្ដនគរបាល នៅក្រោយលោកត្រូវបានចាប់ខ្លួន ក្នុងយប់ថ្ងៃសុក្រ ទី៣១ ខែកក្កដា ឆ្នាំ២០២០។ (រូបថតនគរបាល)
កម្ពុជា

អង្គការ​ឃ្លាំមើល​សិទិ្ធមនុស្ស ស្នើ EU ឲ្យបន្ថែមទណ្ឌកម្ម​លើរបបក្រុង​ភ្នំពេញ

សម្រាប់ អង្គការ​ឃ្លាំមើល​សិទិ្ធមនុស្ស (Human Rights Watch) បានលើកឡើងថា ការចាប់ចងលោក រ៉ុង ឈុន ជាព្រឹត្តិការណ៍រំលោភសិទ្ធិមនុស្ស​ចុងក្រោយ និងថ្មីទៀត របស់របប​ក្រុង​ភ្នំពេញ ដែលសហភាពអ៊ឺរ៉ុប ...

Comments are closed.

ដំណឹង

សង្គ្រាមនៅអ៊ុយក្រែន ៖ អាមេរិកផ្ដល់ភ្លើងខៀវបញ្ជូនយន្តហោះ«F-16»

កម្ពុជា

ក្រុមការងារ អ.ស.ប អំពាវនាវ​ឲ្យកម្ពុជា​ដោះលែង​«ស្ត្រីសេរីភាព»​ជាបន្ទាន់

អ្នកជំនាញមួយក្រុមរបស់អង្គការសហប្រជាជាតិ បានអំពាវនាវទៅ​របបដឹកនាំរបស់លោក ហ៊ុន សែន ឲ្យដោះលែងអ្នកស្រី សេង ធារី មេធាវីខ្មែរអាមេរិកាំង ដែលគេស្គាល់ក្នុងពេលកន្លងមក ថាជា«ស្ត្រីសេរីភាព» តាមរយៈសម្លៀកបំពាក់តែងខ្លួនសម្ដែងមតិរបស់អ្នកស្រី នៅខាងមុខសាលាដំបូងរាជធានីភ្នំពេញ។ ក្រុមអ្នកជំនាញប្រឆាំងការឃុំឃាំងតាមទំនើងចិត្ត ...
កម្ពុជា

សភាអ៊ឺរ៉ុបទាមទារ​ឲ្យបន្ថែម​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា

នៅមុននេះបន្តិច សភាអ៊ឺរ៉ុបទើបនឹងអនុម័តដំណោះស្រាយមួយ ជុំវិញស្ថានភាពនយោបាយ ការគោរព​លទ្ធិ​ប្រជាធិបតេយ្យ និងសិទ្ធិមនុស្ស នៅក្នុងប្រទេសកម្ពុជា ដោយទាមទារឲ្យគណៈកម្មអ៊ឺរ៉ុប គ្រោងដាក់​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា បន្ថែមទៀត។ ដំណោះស្រាយ៧ចំណុច ដែលមានលេខ «P9_TA(2023)0085» ...