កម្ពុជាដំណឹង

ក្រុង​ភ្នំពេញ​ព្រមាន​ចាត់វិធានការ​ប្រឆាំង​ការផ្សាយព័ត៌មាន​ថា អ៊ឺរ៉ុប​«ទុកច្រក»​

ការប្រើពាក្យ ដូចជា «EU ទុកច្រក ឱ្យរដ្ឋាភិបាលកម្ពុជា» ឬពាក្យដទៃទៀត ដែលរបបក្រុងភ្នំពេញវាយតម្លៃថា «មិនត្រឹមត្រូវ» អាចនឹងរងវិធានការ «ដោយម៉ឺងម៉ាត់ និងគ្រប់រូបភាព» ពីរបបដឹកនាំឯកបក្សមួយនេះ។ នេះ បើតាមសេចក្ដីថ្លែងការណ៍ របស់លោក ផៃ ស៊ីផាន អ្នកនាំពាក្យរដ្ឋាភិបាលកម្ពុជា ដែលចេញផ្សាយ នៅល្ងាចថ្ងៃព្រហស្បត្តិ៍ម្សិលម៉ិញ។

សេចក្ដីថ្លែងការណ៍ ដែលមានសរសេរ ជាបីភាសា (ខេមរភាសា អង់គ្លេស និងចិន) បានពន្យល់ថា វិធានការ​«ដោយម៉ឺងម៉ាត់ និងគ្រប់រូបភាព»នោះ គឺដើម្បីថែរក្សា «សតិអារម្មណ៍​​សាធារណៈ ឱ្យស្ថិតនៅក្នុងស្ថិរភាព និងកិច្ចសហប្រតិបត្តិការគ្រប់ជ្រុងជ្រោយ»។

លោក ផៃ ស៊ីផាន បានទម្លាក់ការទទួលខុសត្រូវ ទៅលើ «អ្នកឆ្លងឆ្លើយព័ត៌មានមួយចំនួន ក៏ដូចជាអ្នក ធ្វើបទអត្ថាធិប្បាយ» ដែលប្រើប្រាស់ «ពាក្យមិនពិត» និងបង្កើតនូវ «ទស្សនៈ​អវិជ្ជមាន មិនឆ្លើយតប នឹងគោលការណ៍ជាក់ស្ដែង (…) ធ្វើឲ្យមតិ​សាធារណជន មានការភាន់ច្រឡំ និងបង្កើតនូវឥរិយាបថ មិនអាច​ទទួលយកបាន» ទាក់ទង​នឹងប្រព័ន្ធ​អនុគ្រោះពន្ធ «EBA» ដែលសហភាពអ៊ឺរ៉ុប បានបើកនីតិវិធីដកចេញ ពីប្រទេស​កម្ពុជា កាលពីខែតុលា ឆ្នាំ២០១៨។

សម្រាប់រដ្ឋាភិបាលកម្ពុជា អ្នកឆ្លងឆ្លើយព័ត៌មាន និងអ្នកធ្វើបទអត្ថាធិប្បាយទាំងនោះ កំពុងបំផុសបំផុល នូវ«ព័ត៌មានក្លែងក្លាយ (Fake News)» ដែលថា «អឺរ៉ុបដកប្រព័ន្ធអនុគ្រោះពន្ធ អ្វីៗទាំងអស់លើកលែងតែអាវុធ (EBA) ពីកម្ពុជា ​ខណៈដែលការពិត រឿង EBA នេះ ភាគីទាំងពីរ នៅមានពេលវេលា ជជែកគ្នានៅឡើយ»។

អ្នកនាំពាក្យរបបក្រុងភ្នំពេញ បានបន្តទៀតថា៖

«រាជរដ្ឋាភិបាល មិនយល់ស្របជាដាច់ខាត ក្នុងកិច្ចប្រើពាក្យ «EU ទុកច្រក ឱ្យរាជរដ្ឋាភិបាលកម្ពុជា» ឬពាក្យដទៃទៀតជាដើម ដែលជាពាក្យមិនសមស្រប ទៅនឹងចរិត ការងារ របស់រាជរដ្ឋាភិបាល ដែលជាដៃគូអភិវឌ្ឍពិតប្រាកដ ជាមួយ EU នោះឡើយ នៅក្នុងកិច្ចលើកស្ទួយ ជីវិភាពពលរដ្ឋកម្ពុជា តាមរយៈកម្មវិធីនេះ។ ពាក្យទាំងនោះ គឺស្ថិតនៅក្នុងបំណងញុះញង់ ឬប្រឆាំងនឹងភាពជាដៃគូ រវាងកម្ពុជា និងសហភាពអឺរ៉ុប។»

តាមរយៈសេចក្ដីថ្លែងការណ៍នោះ រដ្ឋាភិបាលកម្ពុជា បានអំពាវនាវដល់ «រាល់បណ្តាលអង្គភាព ឬបុគ្គលពាក់ព័ន្ធ» ឲ្យ «រក្សាភាពថ្លៃថ្នូរ និងក្រមសីលធម៌ ប្រកបដោយវិជ្ជាជីវៈខ្ពស់» និងកុំបង្ក «ការភាន់ច្រឡំ ជាយថាហេតុណាមួយ ដែលកើតចេញ ពីការបង្កើតព័ត៌មានញុះញង់ ឬក្លែងក្លាយ (Fake News)» នោះ៕

«រាជរដ្ឋាភិបាលនឹងចាត់វិធានការ ដោយម៉ឺងម៉ាត់ និងគ្រប់រូបភាព ក្នុងកិច្ចថែរក្សាសតិអារម្មណ៍សាធារណៈ ឱ្យស្ថិតនៅក្នុងស្ថិរភាព និងកិច្ចសហប្រតិបត្តិការ គ្រប់ជ្រុងជ្រោយ ប្រឆាំងនឹងព័ត៌មានមិនពិត (Fake News)»។



លំអិតបន្ថែមទៀត

កម្ពុជា

GDP ៖ គឺ​ថ្ងៃ៧មករា និង​បំណុលចិន ដែល​ប៉ះពាល់​ដល់​អធិបតេយ្យជាតិ

សម្រាប់គណបក្សប្រជាធិបតេយ្យមូលដ្ឋាន «GDP» ការទាមទាររបស់សហភាពអ៊ឺរ៉ុប តាមរយៈកិច្ចព្រមព្រៀងអ៊ឺរ៉ុប-កម្ពុជា នៃប្រព័ន្ធអនុគ្រោះពន្ធ «EBA» ក្នុងការលើកស្ទួយលទ្ធិប្រជាធិបតេយ្យ និងសិទ្ធិមនុស្សនៅកម្ពុជា មិនប៉ះពាលដល់អធិបតេយ្យភាពកម្ពុជា ជាដុំកំភួនទេ។ ផ្ទុយទៅវិញ គឺការដឹងគុណ និងសងគុណប្រទេសវៀតណាម ...
ដំណឹង

EU ៖ «បេសកកម្មមួយ ដែល​ពិបាក​ធ្វើ​បំផុត» ដើម្បីស្ដារ​សេដ្ឋកិច្ច​ឡើងវិញ

តែដំណោះស្រាយរួម ដើម្បីស្ដារ​សេដ្ឋកិច្ច​ឡើងវិញ នៅក្រោយវិបត្តិ «Covid-19»នោះ មិន​ទាន់​មានរូបរាងដូចម្ដេច​នៅឡើយ បើទោះជាមេដឹកនាំ នៃប្រទេសសមាជិកទាំង២៧ បាន​ជួប​ប្រជុំគ្នា តាំងពី៣ថ្ងៃមកហើយ ក្នុងស្នាក់ការកណ្ដាល នៃសហភាពអ៊ឺរ៉ុប «EU» ក្នុងរាជធានី​ព្រុយស៊ែល ...
កម្ពុជា

ផៃ ស៊ីផាន ភ្ជាប់សារ​របស់​ស្ថានទូត​អាមេរិក ទៅនឹង​ប្រវត្តិ​«ដកទូត»​ពីកម្ពុជា

នៅមុននេះបន្តិច អ្នកនាំពាក្យរដ្ឋាភិបាលក្រុងភ្នំពេញ លោក ផៃ ស៊ីផាន បានហៅមន្ត្រីស្ថានទូតសហរដ្ឋអាមេរិក ប្រចាំនៅរដ្ឋធានីភ្នំពេញ ថាកំពុងធ្វើកិច្ចការ ហួសពីកាតព្វកិច្ចការងារទូត នៅចំខែមេសានេះ ដែលលោកបានភ្ជាប់ ទៅនឹងកាលវេលា​«ដកទូត»​របស់ប្រទេសមហាអំណាច ចេញពីកម្ពុជា​កាលពីឆ្នាំ១៩៧៥។ ...

Comments are closed.

យល់ស៊ីជម្រៅផ្នែក កម្ពុជា

កម្ពុជា

អាមេរិក​ផ្ដល់វ៉ាក់សាំង Johnson&Johnson ជាង១លានដូស​ជូនកម្ពុជា

កម្ពុជា

សម រង្ស៊ី៖ របបក្រុងភ្នំពេញ និងចិន​ឃុបឃិតគ្នា ដើម្បីកំណត់​តម្លៃ​វ៉ាក់សាំង

បើសិនជាវ៉ាក់សាំងចិនកុម្មុយនីស ហាក់ត្រូវបានកំណត់ ឲ្យក្លាយជាជម្រើសតែមួយគត់នៅកម្ពុជា នោះគឺដោយសារ របបក្រុងភ្នំពេញ និងប្រទេសចិន បានឃុបឃិតគ្នា តាមរយៈអំពើពុករលួយដ៏ធ្ងន់ធ្ងរមួយ ដែលធ្វើឲ្យតម្លៃវ៉ាក់សាំង របស់ប្រទេសកុម្មុយនីស្ដិ៍ មានតម្លៃថ្លៃលើសលុប។ នេះបើតាមការលើកឡើងរបស់លោក សម ...
កម្ពុជា

កម្ពុជា៖ អ្នកជំងឺស្លាប់កើនដល់ ជាង១ពាន់នាក់ – ថ្ងៃនេះស្លាប់៣៩នាក់

ប្រទេសកម្ពុជា មានអ្នកជំងឺកូវីដ-១៩ (Covid-19) ស្លាប់កើនឡើងដល់ ជាង១ពាន់នាក់ បន្ទាប់ពីអ្នកជំងឺ៣៩នាក់​ទៀត បានស្លាប់ក្នុង​ថ្ងៃពុធទី១៥ ខែកក្កដា ឆ្នាំ២០២១។ នេះ បើតាមសេចក្ដីប្រកាសព័ត៌មាន របស់ក្រសួង​សុខាភិបាល​កម្ពុជា ដែលចេញផ្សាយ​នៅមុននេះបន្តិច។ ...