កម្ពុជាដំណឹង

ហ៊ុន សែន៖ លប់«កាំកុងត្រូល»​ដើម្បីវិនិយោគិន​ទទួល​ប្រយោជន៍​ច្រើន​ជាងមុន

លោកនាយករដ្ឋមន្ត្រី ហ៊ុន សែន បានអះអាងជាថ្មី នៅព្រឹកថ្ងៃសុក្រ ទី២២ ខែកុម្ភៈ ឆ្នាំ២០១៩នេះថា ការលប់ស្ថាប័ន «កាំកុងត្រូល» មួយចោល នឹងអនុញ្ញាតឲ្យមានការសម្រួលពាណិជ្ជកម្ម និងពង្រឹងភាពប្រកួតប្រជែង ដើម្បីវិនិយោគិន និងពាណិជ្ជករ ទទួលផលប្រយោជន៍ កាន់តែច្រើនឡើង។

លោក ហ៊ុន សែន បានសរសេរនៅលើទំព័រហ្វេសប៊ុកលោកថា៖

«ខ្ញុំសូមគាំទ្រ និងលើកទឹកចិត្តដល់អ្នកវិនិយោគ មកវិនិយោគនៅកម្ពុជា កាន់តែច្រើន។ កាលពីពេលថ្មីៗនេះ រាជរដ្ឋាភិបាលបានធ្វើការកែសម្រួលស្ថាប័នមានសមត្ថកិច្ចត្រួតពិនិត្យទំនិញនាំចេញ-នាំចូល ដើម្បីសម្រួលពាណិជ្ជកម្ម និងពង្រឹងភាពប្រកួតប្រជែង ដើម្បីវិនិយោគិន និងពាណិជ្ជករ ទទួលបានផលប្រយោជន៍ កាន់តែច្រើនឡើង។»

ការលើកឡើងខាងលើ ទំនងជាត្រូវបានលោក ហ៊ុន សែន សំដៅទៅវិធានការមួយចំនួន របស់រដ្ឋាភិបាលលោក ដើម្បីទប់ទល់នឹងការព្យួរប្រទេសកម្ពុជា ចេញពីកម្មវិធីអនុគ្រោះពន្ធ «EBA» របស់សហភាពអ៊ឺរ៉ុប ដែលបានប្រកាសបើកនីតិវិធី កាលពីសប្តាហ៍មុន ដើម្បីអ្វីមួយដែលសហភាពអ៊ឺរ៉ុបពន្យល់ថា ជាការឆ្លើយតបនឹងការងាកចេញ ពីវិថីប្រជាធិបតេយ្យ របស់របបដឹកនាំលោក ហ៊ុន សែន។

សម្រាប់អ្នកវិភាគ បានសម្ដែងក្តីបារម្ភថា បើស្ថាប័នមួយនេះត្រូវបានលប់ចោល តើសុវត្ថិភាពនិងគុណភាពទំនិញ នឹងត្រូវខាងណាជាអ្នកទទួលខុសត្រូវវិញ? លោកបណ្ឌិត មាស នី បានលើកឡើងដូច្នេះ នៅលើបណ្ដាញសង្គមដែរថា៖

«កាំកុងត្រូលក្នុ្ងងប្រទេសនីមួយៗ មានតួនាទីត្រួតពិនិត្យ លេីការនាំចូលទំនិញខុសច្បាប់ ខូចគុណភាព និងទំនិញទាំងឡាយណា ដែលនាំអោយប៉ះពាល់ ដល់សុខភាពពលរដ្ឋ។ ចុះបេីគេដកសមត្ថកិច្ចនេះចេញ ពីច្រកព្រំដែន តេីវានឹងមានបញ្ហាអ្វីកេីតឡេីង?»

កាំកុងត្រូលក្នុ្ងងប្រទេសនីមួយៗ មានតួនាទីត្រួតពិនិត្យលេីការនាំចូលទំនិញខុសច្បាប់ ខូចគុណភាពនិងទំនិញទាំងឡាយណាដែលនាំអោយប៉ះពាល់ដល់សុខភាពពលរដ្ឋ។ ចុះបេីគេដកសមត្ថកិច្ចនេះចេញពីច្រកព្រំដែនតេីវានឹងមានបញ្ហាអ្វីកេីតឡេីង? ?

Gepostet von Meas Nee am Montag, 14. Januar 2019

អនុក្រឹត្យចុះថ្ងៃ២៨ ខែមករា ឆ្នាំ២០១៩ របស់លោក ហ៊ុន សែន មានចែង៤មាត្រា ក្នុងនោះ២មាត្រាដំបូងមានខ្លឹមសារដូចខាងក្រោម៖

«មាត្រា១.- ត្រូវបានបញ្ចប់តួនាទី និងភារកិច្ចត្រួតពិនិត្យទំនិញនាំចេញ-នាំចូលរបស់អគ្គនាយកដ្ឋានកម្ពុជាត្រួតពិនិត្យទំនិញ នីហរ័ណ អាហរ័ណ និងបង្ក្រាបការក្លែងបន្លំ(កាំកុងត្រូល)នៃក្រសួងពាណិជ្ជកម្ម​ពីច្រកទ្វារអន្តរជាតិ ច្រកទ្វារព្រំដែនអន្តរជាតិ ច្រកទ្វារព្រំដែនទ្វេភាគី ច្រកទ្វាតំបន់ព្រំដែន ច្រកទ្វារកំពង់ផែសមុទ្រ តំបន់សេដ្ឋកិច្ចពិសេស ទីកន្លែងសន្និធិគយបណ្ដោះអាសន្ន និងទីកន្លែងត្រួតពិនិត្យទំនិញនាំចេញ-នាំចូលផ្សេងទៀតនៅទូទាំងព្រះរាជាណាចក្រកម្ពុជា។»

«មាត្រា២.- អគ្គនាយកដ្ឋានគយ និងរដ្ឋាករកម្ពុជានៃក្រសួងសេដ្ឋកិច្ច និងហិរញ្ញវត្ថុគឺជាស្ថាប័នតែមួយគត់ មានសមត្ថកិច្ចក្នុងការត្រួតពិនិត្យទំនិញនាំចេញ-នាំចូល នៅច្រកទ្វារអន្តរជាតិ ច្រកទ្វារព្រំដែនអន្តរជាតិ ច្រកទ្វារព្រំដែនទ្វេភាគី ច្រកតំបន់ព្រំដែន និងច្រកទ្វារកំពង់ផែសមុទ្រតំបន់ សេដ្ឋកិច្ចពិសេសទីកន្លែងសន្ធិធិគយបណ្ដោះអាសន្ន និងទីកន្លែងត្រួតពិនិត្យ​ទំនិញ​នាំចេញ​-​នាំចូល​ផ្សេងទៀត។»៕



You may also like

កម្ពុជា

រ៉ូណា ស្មីត និង​អ្នកជំនាញ អ.ស.ប ថា​ច្បាប់ថ្មី​របស់​កម្ពុជា រឹតត្បិតសិទ្ធិ

អ្នករាយការណ៍ពិសេស អង្គការសហប្រជាជាតិ (អ.ស.ប) ទទួលបន្ទុកសិទ្ធិមនុស្ស​ប្រចាំកម្ពុជា អ្នកស្រី រ៉ូណា ស្មីត (Rhona Smith) រួមនឹងអ្នកជំនាញបីនាក់ទៀត របស់អង្គការដ៏ធំនេះ បានហៅសេចក្ដីព្រាងច្បាប់ថ្មី ស្ដីពីការគ្រប់គ្រងប្រទេស​ក្នុងភាពអាសន្ន ...
កម្ពុជា

សម រង្ស៊ី បន្ត​ទម្លាយ​ដំណឹង​ថា ហ៊ុន សែន ត្រៀមសម្លាប់ ហ៊ីង ប៊ុនហៀង

មេដឹកនាំប្រឆាំង បានបង្ហោះសារ ទាក់ទងនឹងផ្ទៃក្នុងរបស់គណបក្សប្រជាជនកម្ពុជា ជាបន្តទៀត។ ហើយលើកនេះ លោក សម រង្ស៊ី បានងាកមកឲ្យដំណឹង ទាក់ទងនឹងលោក ហ៊ីង ប៊ុនហៀង អគ្គមេបញ្ជាការរង ...
កម្ពុជា

ហ៊ុន សែន៖ «វិស័យ​យោធា​ ជា​ជន្ទល់​ដ៏​សំខាន់​នៃ​ទំនាក់ទំនង​វៀតណាម-កម្ពុជា»

នៅក្នុងជំនួបមួយ ជាមួយរដ្ឋមន្ត្រីការពារជាតិវៀតណាម កាលពីថ្ងៃទី២៨ ខែធ្នូ ឆ្នាំ២០១៨ លោក ហ៊ុន សែន នាយករដ្ឋមន្ត្រីកម្ពុជា បានថ្លែងយ៉ាងមុតមាំថា កិច្ចសហប្រតិបត្តិការ ក្នុងវិស័យការពារជាតិ ជាជន្ទល់ដ៏សំខាន់ ...

Comments are closed.

កម្ពុជា

សម រង្ស៊ី ថាមិនខ្វល់​ពីសំដី«កូនក្នុងខោ-កូនក្រៅខោ»​របស់ កឹម សុខា

កម្ពុជា

បន្ទាប់ពី​ទទួលវ៉ាក់សាំងចិន ហ៊ុន សែន សុំជំនួយ​វ៉ាក់សាំង​ ពីប្រទេសឥណ្ឌា

មេដឹកនាំកម្ពុជា លោក ហ៊ុន សែន បាន​ស្នើ​សុំជំនួយ​វ៉ាក់សាំង​បង្ការជំងឺកូវីដ១៩ (Covid-19) ពីប្រទេសឥណ្ឌា បន្ទាប់ពីប្រទេសនេះ បានប្រកាសដាក់​ឲ្យប្រើប្រាស់យ៉ាងបន្ទាន់ នូវថ្នាំវ៉ាក់សាំងរបស់ខ្លួន ឈ្មោះ«Covaxin» និង«Covishield» សម្រាប់ពលរដ្ឋឥណ្ឌា ...
កម្ពុជា

Covid-19៖ កម្ពុជាប្រកាស​រកឃើញ​ករណីឆ្លង កើនឡើង​ដល់៤៣៩នាក់

មកទល់នឹងព្រឹកថ្ងៃអាទិត្យ​ទី១៧ ខែមករា ឆ្នាំ២០២១នេះ កម្ពុជាប្រកាសបានរកឃើញ ករណីឆ្លងជំងឺកូវីដ (Covid-19) កើនឡើង​ដល់៤៣៩នាក់ បន្ទាប់ពីបានរកឃើញករណីឆ្លង លើពលករខ្មែរ​៣នាក់បន្ថែមទៀត ដែលទើបធ្វើដំណើរ​មកពីប្រទេសថៃ។ នេះ បើតាមសេចក្ដីប្រកាសព័ត៌មាន របស់ក្រសួងសុខាភិបាលកម្ពុជា ...