កម្ពុជាដំណឹង

មន្ត្រី CNRP ថា EBA ធ្វើឲ្យ ហ៊ុន សែន ក្លាយជា«ឃាតករ»

ក្រោយការបើកនីតិវិធីរបស់សហភាពអ៊ឺរ៉ុប ដើម្បីឈានទៅព្យួរប្រទេសកម្ពុជា ចេញពីកម្មវិធីអនុគ្រោះពន្ធ «EBA» នោះ ក្រុមមន្ត្រីរបស់គណបក្សសង្គ្រោះជាតិ (CNRP) បានចេញមកធ្វើប្រតិកម្មព្រោងព្រាត ជាពិសេសនៅបន្ទាប់ពីលោកនាយករដ្ឋមន្ត្រី ហ៊ុន សែន បានប្រកាស​ជំហររបស់រដ្ឋាភិបាលលោក ថាមិនយក«ឯករាជភាព និងអធិបតេយ្យភាព»​របស់កម្ពុជា ទៅដោះដូរ​ជាថ្នូរ​នឹងអ្វីមួយ​ឡើយ។

បញ្ហា​ "EBA"​ ធ្វើ​ឲ្យ​ ហ៊ុន​ សែន​ ​ក្លាយ​ជា​ "ឃាតក​"​ សម្លាប់ប្រជាក្រីក្ររាប់លាននាក់

Gepostet von Sor Chandeth am Dienstag, 12. Februar 2019

ដំបូងគេនេះ គឺលោក អេង ឆៃអ៊ាង អនុប្រធានគណបក្ស ដែលបានទម្លាក់ការទទួលខុសត្រូវ ទៅលើលោក ហ៊ុន សែន បុរសខ្លាំងតែម្នាក់គត់ របស់កម្ពុជា។ សំណេររបស់លោក ឆៃអ៊ាង ដែលត្រូវបានចែករំលែក ដោយអ្នកស្រី មូរ សុខហួរ អនុប្រធានមួយរូបទៀត របស់គណបក្សប្រឆាំង មានខ្លឹមសារជាអាទិ៍ថា៖

«កូនសោរ EBA ស្ថិតនៅលើដៃ ហ៊ុន សែន ។ បាត់ ឬនៅ អាស្រ័យលើ ហ៊ុន សែន !»

សម្រាប់លោក សោរ ចាន់ដេត អតីតសមាជិកព្រឹទ្ធសភា មកពីគណបក្ស សម រង្ស៊ី និងជាមនុស្សស្និតលោក សម រង្ស៊ី បានថ្លែងឡើងថា៖

«បញ្ហា​ “EBA”​ ធ្វើ​ឲ្យ​ ហ៊ុន​ សែន​ ​ក្លាយ​ជា​ “ឃាតក​”​ សម្លាប់ប្រជាក្រីក្ររាប់លាននាក់។»

រីឯលោក ហូរ វ៉ាន់ មន្ត្រីជាន់ខ្ពស់របស់គណបក្សប្រឆាំង បានសំដែងចម្ងល់ថា ហេតុអ្វីក៏លោក ហ៊ុន សែន និងរដ្ឋាភិបាលរបស់លោក «មានះ»ខ្លាំងម្លេះ ខណៈនីតិវិធីរបស់សហភាពអ៊ឺរ៉ុបបានទុកពេល រហូតដល់១ឆ្នាំ មុននឹងគណៈកម្មការអ៊ឺរ៉ុបសម្រេចថា តើត្រូវព្យួរកម្ពុជា ចេញពីកម្មវិធីអនុគ្រោះពន្ធឬយ៉ាងណា។ លោក ហូរ វ៉ាន់ បានសរសរថា៖

១១កុម្ភៈឆ្នាំ២០១៩………………,,… សហភាពអឺរ៉ុបបានសំរេចនីតិវិធីនូវការអនុគ្រោះពន្ធEBA…

Gepostet von Vann Ho am Montag, 11. Februar 2019

«មេីលទៅ អឺរ៉ុបអូសបន្លាយ[ពេល]ឲ្យល្មមតែរដ្ឋបាលបច្ចុប្បន្ន ដកថយមករកផ្លូវត្រូវ ផ្លូវប្រជាធិបតេយ្យវិញបានហេីយ។ ហេតុអ្វីក៏មានះម៉្លេះ ឬមួយក៏គិតថា អាងចិននិងយួនអាចក្រាញអំណាចបាន រហូតចប់អាណត្តិ។ បេីគិតបែបនេះ គ្រាន់តែរុញកម្ពុជាឲ្យធ្លាក់ខ្លួនក្រ កម្មករ កសិករ រងទុក្ខវេទនា ហេីយបានសុខសម្បួរណ៍សប្បាយ តែក្រុមគ្រួសារនាយករដ្ឋមន្ត្រី និងបក្សពួកប៉ុណ្ណោះ ក្រៅពីនេះមនុស្សមួយប្រទេសវេទនា។ តេីសុខចិត្តនាំស្រុកទៅរបៀបហ្នឹងឬ?»

ចំពោះលោក មុត ចន្ថា អតីតនាយកខុទ្ទកាល័យប្រធានគណបក្ស លោក កឹម សុខា បានលើកយកភាពខុសគ្នា រវាងប្រទេសកម្ពុជា និងវៀតណាម ទាក់ទងនឹងការផ្ដល់ការអនុគ្រោះ «EBA» ពីសហភាពអ៊ឺរ៉ុប។ មន្ត្រី«CNRP»រូបនេះ បានពន្យល់ថា កម្ពុជាមានកិច្ចព្រមព្រៀងសន្តិភាពក្រុងប៉ារីស មានរដ្ឋធម្មនុញ្ញជាប្រជាជាតិដែលកាន់លទ្ធិប្រជាធិបតេយ្យ មានអនុសញ្ញាជាច្រើនដែលកម្ពុជាខ្លួនឯងបានផ្ដល់សច្ចាប័ន។ ផ្ទុយទៅវិញ ប្រទេសវៀតណាមមិនមានចំណុចអស់ទាំងនេះ ដើម្បីជាការចងខ្លួនគេនោះទេ៕

ហេតុអ្វីអន្តរជាតិមិនសូវយកញ្ហាសិទ្ធិមនុស្ស…

Gepostet von Chantha Muth am Montag, 11. Februar 2019


You may also like

លោកនាយករដ្ឋមន្ត្រី ហ៊ុន សែន បង្ហាញការស្ទង់មតិរបស់អង្គការខុមហ្វ្រែល ក្នុងទូរស័ព្ទដៃរបស់លោក ក្នុងពិធីសម្ពោធសួនលេងទឹកឯកជនមួយ កាលពីថ្ងៃទី១៦ ខែសីហា ឆ្នាំ២០២០។ (រូបថតលើហ្វេសប៊ុក)
កម្ពុជា

អ្នកគាំទ្រ ហ៊ុន សែន លើហ្វេសប៊ុក ភាគច្រើនជា​«គណនេយ្យ​ខ្មោច»

ខណៈលោក ហ៊ុន សែន អួតអាងអំពីជ័យជំនះ នៃការស្ទង់មតិមួយ ដែលធ្វើឡើងតាម​ទំព័រហ្វេសប៊ុក របស់អង្គការ«ខុមហ្វ្រែល (Comfrel)» អ្នកជំនាញ​ខាង​បច្ចេកវិទ្យា បាន​លើកឡើងថា លទ្ធផលចេញ​ពីការស្ទង់មតិនោះ មិនអាចយកជាការ​បាន​ទេ ដោយ​ហេតុថា ...
របាយការណ៍

ប្រ៊ែដ អាដាម៖ ភាព​ទន់ភ្លន់​របស់​អ៊ឺរ៉ុប​ចំពោះ ហ៊ុន សែន ជា​ពេលខ្ជះខ្ជាយ

នាយកអង្គការឃ្លាំមើលសិទ្ធិមនុស្ស ទទួលបន្ទុកតំបន់អាស៊ី លោក ប្រ៊ែដ អាដាម (Brad Adams) បានអះអាង​ថា ការប្រើប្រាស់​វិធីសាស្ត្រ​ការទូត តាមបែបទន់ភ្លន់ ជាមួយលោកនាយករដ្ឋមន្ត្រី ហ៊ុន សែន ...
កម្ពុជា

យុង ខេមរា ឡើង«ផ្កាយមួយ» និងជានាយទាហាន កងពលតូច​លេខ៧០

កញ្ញា យុង ខេមរា អតីតអ្នកសារព័ត៌មានមួយរូប ដែលមាននិន្នាការស្និត នឹងលោកនាយករដ្ឋមន្ត្រី ហ៊ុន សែន ត្រូវបានតំឡើងឋានន្តរស័ក្ដិ ឲ្យឡើងជា «ឧត្ដមសេនីយ៍ត្រី (ផ្កាយមួយ)» បន្ទាប់ពីស្ត្រីវ័យ ...

Comments are closed.

កម្ពុជា

ក្រុមការងារ អ.ស.ប អំពាវនាវ​ឲ្យកម្ពុជា​ដោះលែង​«ស្ត្រីសេរីភាព»​ជាបន្ទាន់

កម្ពុជា

សភាអ៊ឺរ៉ុបទាមទារ​ឲ្យបន្ថែម​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា

នៅមុននេះបន្តិច សភាអ៊ឺរ៉ុបទើបនឹងអនុម័តដំណោះស្រាយមួយ ជុំវិញស្ថានភាពនយោបាយ ការគោរព​លទ្ធិ​ប្រជាធិបតេយ្យ និងសិទ្ធិមនុស្ស នៅក្នុងប្រទេសកម្ពុជា ដោយទាមទារឲ្យគណៈកម្មអ៊ឺរ៉ុប គ្រោងដាក់​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា បន្ថែមទៀត។ ដំណោះស្រាយ៧ចំណុច ដែលមានលេខ «P9_TA(2023)0085» ...