កម្ពុជាដំណឹង

ដំណឹង​«ហ៊ុន សែន អាចនៅមិនបានយូរទៀត»​បង្កកំហឹង

«ហ៊ុន សែន អាចនៅមិនបានយូរទៀត» ជាការបង្ហើបចេញ ដោយក្រុមមន្ត្រីជាន់ខ្ពស់គណបក្សសង្គ្រោះជាតិ ដែលធ្វើឲ្យលោកនាយករដ្ឋមន្ត្រី ហ៊ុន សែន ឆេះដុំ។ នាយករដ្ឋមន្ត្រីដែលកាន់អំណាច តាំងពីជាង៣០ឆ្នាំ បានប្រតិកម្ម​តបទៅវិញ ដោយឲ្យក្រុមមន្ត្រីទាំងនោះ ត្រូវរង់ចាំ«ជាតិក្រោយ» បើសិនជាធ្វើនយោបាយ «រង់ចាំ»ឲ្យលោកស្លាប់ដូច្នេះ។

កាលពីថ្ងៃទី៣១ ខែមករា ឆ្នាំ២០១៩ លោក សោរ ចាន់ដេត អតីតសមាជិកព្រឹទ្ធសភា មកពីគណបក្ស សម រង្ស៊ី ដែលកំពុងរស់នៅនិរទេសខ្លួន ក្នុងប្រទេសកាណាដា បានបង្ហោះសារខ្លីៗប៉ុន្មានម៉ាត់ នៅលើគណនីហ្វេសប៊ុករបស់លោក ដោយលើកឡើងថា នាយករដ្ឋមន្ត្រីកម្ពុជា «លោក ហ៊ុន សែន អាចនៅមិនបានយូរទៀត»។

មន្ត្រីជាន់ខ្ពស់គណបក្សប្រឆាំងរូបនេះ បានបង្ហាញអំណះអំណាង ជុំវិញការសង្កេតរបស់លោក ចំពោះការតម្លើងឋានន្តរស័ក្ដិ និងការតែងតាំងលោក ហ៊ុន ម៉ាណែត ជាកូនច្បងរបស់លោក ហ៊ុន សែន យ៉ាងប្រញាប់ប្រញាល ឲ្យឡើងកាន់តំណែងដ៏សំខាន់ ទាំងនៅក្នុងជួរកងទ័ព និងជួរគណបក្ស។ លោក ចាន់ដេត បានសរសេរថា៖

«តាមការ​សង្កេតឃើញ​ភាពប្រញាប់ប្រញាល់​ នៃការបញ្ចេញឥទ្ធិពល​ ហ៊ុន​ ម៉ាណែត​ យេីងអាចធ្វេីការសន្និដ្ឋានបានថា​ “សុខ​ភាព​លោក​ ហ៊ុន​ សែន​ ឆ្លងមិនផុតទេ”​ ច្បាស់​ជា​ត្រូវ​ដួលមួយរំពេចភ្នែក។»

សម្រាប់លោក ហ៊ុន សែន ការបង្ហោះសារខាងលើ​របស់លោក សោរ ចាន់ដេត អាចជាការប្រមាថដល់អាយុជីវិតរបស់លោក ដែលចង់ឲ្យតែលោកស្លាប់។ ជាមួយរូបភាពប៉ុន្មានសន្លឹក បង្ហាញពីសកម្មភាព​ធ្វើកីឡាវាយកូនហ្គោល លោក ហ៊ុន សែន បានសរសេរវាយបកទៅលោក សោរ ចាន់ដេត វិញ ដោយលើកឡើងថា អតីតសមាជិកព្រឹទ្ធសភាប្រឆាំងរូបនេះ ធ្លាប់«យកស្រីជាអនិតិជនអាយុក្រោម១៨ឆ្នាំ» និងកំពុង«ធ្វើនយោបាយរង់ចាំ»លោកស្លាប់។

បុរសខ្លាំងកម្ពុជា បានសរសេរក្នុងព្រឹកនេះ នៅលើបណ្ដាញសង្គមថា៖

«សូមផ្តាំទៅលោកម្នាក់ ដែលធ្លាប់យកស្រីជាអនិតិជនអាយុក្រោម១៨ឆ្នាំ នៅខេត្តបាត់ដំបង ដែលរត់ទៅនៅកាណាដា ដែលទើបបង្ហោះក្នុង Facebook ថា លោក ហ៊ុន សែន នៅមិនបានយូរទៀត ដែលចង់សំដៅលើសុខភាពខ្ញុំ ថាមិនអាចរស់បានយូរទៀត។»

«សូមលោកយកចិត្តទុកដាក់លើសុខភាពខ្លួនឯង ប្រសើរជាងគិតមកដល់រូបខ្ញុំ និងប្រសិនធ្វើនយោបាយរង់ចាំខ្ញុំស្លាប់ ទើបហ៊ានចូលស្រុកដើម្បីតស៊ូ សុំរង់ចាំជាតិក្រោយចុះ ព្រោះលោកនឹងស្លាប់មុនខ្ញុំ។»

ប៉ុន្តែរឿងមិនបញ្ចប់ត្រឹមប៉ុណ្ណឹងទេ។ លោក សោរ ចាន់ដេត បានតបវិញ ដោយអះអាងថា លោក ហ៊ុន សែន ស្គាល់លោកមិនច្បាស់ទេ ដែលផ្ទុយពីរូបលោក ដែលស្គាល់លោក ហ៊ុន សែន ច្បាស់ ដោយហេតុថា លោកក៏ធ្លាប់ជាសមាជិកគណបក្សប្រជាជនកម្ពុជាដែរ។ លោក ចាន់ដេត បានបន្តថា៖

«ដូច្នេះ​ខ្ញុំ​ នៅមាន​មិត្តភ័ក្ដិ​ខ្ញុំ​ ដែល​ស្និទ្ធស្នាល​នឹង​លោក​ ហ៊ុន​ សែន​ ច្រើន​ ហេីយ​ខ្ញុំ​តែងតែ​សួរ​នាំ​ពួក​គេ​ អំពី​បញ្ហា​សុខភាព​របស់​ថ្នាក់​ដឹកនាំ​គណបក្ស​ប្រជាជន​ ជារឿយៗ​ធម្មតា​ទៅ​ហើយ​ ពិសេស​សុខភាព​របស់​លោក​ “ហ៊ុន​ សែន​”​ តែម្ដង​ ព្រោះ​ធ្លាប់​មាន​អនុស្សាវរីយ៍​។»

អវត្តមានជាសាធារណៈបង្កមន្ទិល…

ប៉ុន្មានថ្ងៃចុងក្រោយនេះ គេមិនបានឃើញវត្តមានលោក ហ៊ុន សែន បង្ហាញខ្លួនជាសាធារណៈ ដូចដែលលោកធ្លាប់បានធ្វើជារឿយៗទេ ជាពិសេសនៅក្នុងស្ថានភាពនយោបាយ ដែលមេដឹកនាំប្រឆាំង លោក សម រង្ស៊ី និងមន្ត្រីគណបក្សប្រឆាំងផ្សេងទៀត កំពុងបង្កើនសកម្មភាពខ្លាំង​ពីក្រៅប្រទេសមកនោះ។

កាលពីចុងខែកន្លងទៅ លោកនាយករដ្ឋមន្ត្រីខ្លួនឯង ក៏បានប្រកាសឲ្យដឹងដែរថា គ្រូពេទ្យបានហាមលោក មិនឲ្យឈរនិងអង្គុយយូរឡើយ។ ជាពិសេស គ្រូពេទ្យរបស់លោក បានបញ្ជាមិនឲ្យលោក លេងកីឡាវាយកូនហ្គោល ក្នុងរយៈពេលមួយខែ នៃការព្យាបាលជំងឺនេះ។

បន្ថែមពីលើនេះ មន្ត្រីជាន់ខ្ពស់របស់គណបក្សសង្គ្រោះជាតិមួយរូបទៀត ក៏បានលូកមាត់ចូលក្នុងបញ្ហាសុខភាពរបស់លោក ហ៊ុន សែន ដែរ។ លោក គង់ សុភា អតីតតំណាងរាស្ត្រ​មណ្ឌលស្វាយរៀង បានបង្ហើបថា ជំងឺចាស់របស់លោក ហ៊ុន សែន កំពុងឈឺរើត្រឡប់មកវិញ ហើយថាលោក ហ៊ុន សែន កំពុងយករូបថតចាស់ៗ ស្ដីពីការលេងកីឡាវាយកូនគោល យកមកបង្ហោះឡើងវិញ ដើម្បីបិតបាំងភ្នែកមហាជន។

លោក គង់ សុភា បានអះអាងដូច្នេះ ភ្លាមៗបន្ទាប់ពីប្រតិកម្មរបស់លោក ហ៊ុន សែន កាលពីព្រឹកម៉ិញ៖

«តាមប្រភពច្បាស់ការណ៍បានឲ្យដឹងថា ជំងឺចាស់ (ជំងឺរលាកឆ្អឹងចង្កេះ​) របស់សម្តេចបាននិងកំពុងរេីឡេីងវិញ។ ទោះបីសម្តេចខិតខំយករូបចាស់វាយកូ​ន​ហ្គោល ទៅផុសពេលនេះ ក៌មិនអាចបិទបាំងភ្នែកមហាជន ថាអត់មានជំងឺបានដែរ។»

លោកបន្តថា៖

«ទោះសម្តេចតេជោ​ មានលុយនិងមានអំណាចខ្លាំងប៉ុណ្ណា ក៏មិនអាចទិញ​ ឬ​បញ្ជារមនុស្សឲ្យមកឈឺ ឬស្លាប់ជំនួសសម្តេចបានឡេីយ។»៕

តាមប្រភពច្បាស់ការណ៌បានឲ្យដឹងថាជំងឺចាស់(​ ជំងឺរលាកឆ្អឹងចង្កេះ​ )របស់សម្តេចបាននិងកំពង់រេីឡេីងវិញ។…

Gepostet von Saphea Kong am Freitag, 1. Februar 2019



លំអិតបន្ថែមទៀត

កម្ពុជា

៥ចំណុច​ដែល​មេធាវី ជូង ជូងី ដាក់​ឲ្យ​«អ្នក​ឱប​លក្ខន្តិកៈ»

«អ្នក​ឱប​លក្ខន្តិកៈ» ៖ ការខ្វែងគំនិតគ្នា រវាងក្រុមស្និតលោក កឹម សុខា និងក្រុមស្និតលោក សម រង្ស៊ី បានបង្ក​ឲ្យមាន​សង្គ្រាមប៉ាកកាមិនតិចទេ នៅក្នុងប៉ុន្មានថ្ងៃចុងក្រោយនេះ។ ម្នាក់ៗ ខិតខំស្វែងរកអំណះអំណាង ...
កម្ពុជា

ក្រសួង​ការបរទេស​ចោទគណៈកម្មការ​អ៊ឺរ៉ុប ថា​«លំអៀងយ៉ាងគឃ្លើន»

មានគណបក្សនយោបាយចំនួន១៩ទៀត ដែលប្រកួតប្រជែងជាមួយគណបក្សប្រជាជនកម្ពុជា តែគណៈកម្មការអ៊ឺរ៉ុបសម្លឹងឃើញ តែគណបក្សសង្គ្រោះជាតិមួយ! នេះ បង្ហាញយ៉ាងច្បាស់ពីភាព«លំអៀងយ៉ាងគឃ្លើន» របស់គណៈកម្មការអ៊ឺរ៉ុប ដែលបានសម្រេចបើកនីតិវិធីផ្លូវការ ដើម្បីឈានទៅដកប្រទេសកម្ពុជា ចេញពីកម្មវិធីអនុគ្រោះពន្ធរបស់ខ្លួន។ ខាងលើនេះ ជាខ្លឹមសារសំខាន់មួយ ដែលត្រូវបានដកស្រង់ចេញ ...
លោក ហ៊ុន សែន ចាប់ឱបលោក ប្រយុទ្ធ ចន្ទអស្ចារ្យ នៅក្នុងវិមានរដ្ឋាភិបាល រាជធានីភ្នំពេញ កាលពីថ្ងៃទី៧ ខែកញ្ញា ឆ្នាំ២០១៧។ (រូបថតរដ្ឋាភិបាលថៃ)
កម្ពុជា

សម រង្ស៊ី អះអាងថា ហ៊ុន សែន ចាប់ពង្រត់ វ៉ាន់ឆាឡឺម ដើម្បី​សងគុណ ប្រយុទ្ធ

មេដឹកនាំប្រឆាំង លោក សម រង្ស៊ី បានអះអាងថា ការចាប់ពង្រត់​សកម្មជន​នយោបាយ​ថៃ លោក វ៉ាន់ឆាឡឺម សាតស័ក្តិសិទ្ធ (Wanchalearm Satsaksit) កាលពីថ្ងៃទី៤ ខែមិថុនា ...

Comments are closed.

យល់ស៊ីជម្រៅផ្នែក កម្ពុជា

កម្ពុជា

សភាអ៊ឺរ៉ុបទាមទារ​ឲ្យបន្ថែម​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា

កម្ពុជា

កម្ពុជា ជាប់ឈ្មោះ​​ក្នុងបញ្ជី​​នៃក្រុមប្រទេស​«វាយបង្ក្រាប​សិទ្ធិពលរដ្ឋ»

ប្រទេសកម្ពុជា​ទើបត្រូវបានចាត់ចូល ក្នុងបញ្ជីនៃក្រុមប្រទេស«វាយបង្ក្រាប​សិទ្ធិពលរដ្ឋ» របស់អង្គការ«សម្ព័ន្ធភាពពិភពលោក នៃបណ្ដាអង្គការសង្គមស៊ីវិល និងសកម្មជន» ហៅកាត់ថា«CIVICUS» ដែលមានសមាជិកប្រមាណជាង ៩០០០អង្គការសង្គមស៊ីវិល មកពី១៧៥ប្រទេស នៅជុំវិញផែនដី។ ការចុះបញ្ជីនេះ បានធ្វើឡើងបន្ទាប់ពីការសម្រេចថ្មីបំផុត របស់រដ្ឋាភិបាលលោក ...