កម្ពុជាដំណឹង

ហ៊ុន សែន អះអាងថា​នឹង​«មិនរត់​ចោល​ពលរដ្ឋ និង​កងទ័ព»​ដាច់ខាត

លោក ហ៊ុន សែន នាយករដ្ឋមន្ត្រីកម្ពុជា។ (រូបថត AFP)

មេដឹកនាំរដ្ឋាភិបាលកម្ពុជា លោក ហ៊ុន សែន បានថ្លែងក្នុងព្រឹកថ្ងៃនេះថា លោកនឹង«មិនរត់​ចោល​ពលរដ្ឋ និង​កងទ័ព»កម្ពុជា ទោះក្នុងកាលៈទេសៈណាក៏ដោយ។ លោកថា លោកមិនមានសញ្ជាតិបរទេស ដើម្បីអាចរត់ទៅបរទេសបានទេ បើទោះក្នុងពេលកន្លងមក លោកអាចចាកចេញ ទៅប្រទេសទីបីនោះក៏ដោយ។

លោកនាយករដ្ឋមន្ត្រី បានថ្លែងដូច្នេះ ក្នុងពិធីជួបសំណេះសំណាល ជាមួយកម្មករ-កម្មការិនី ប្រមាណ ១១,២២៧នាក់ មកពីរោងចក្រ សហគ្រាសចំនួន៣៤ ដែលធ្វើឡើងនៅមជ្ឈមណ្ឌលពាណិជ្ជកម្ម «Chengdu Bayi – Cambodia» ស្ថិតនៅភូមិព្រៃរកា ឃុំឆក់ឈើនាង ស្រុកអង្គស្នួល ខេត្តកណ្តាល។

លោក ហ៊ុន សែន បានរំលឹកថា បើលោកចាកចេញពីកម្ពុជា ទៅកាន់ប្រទេសវៀតណាម គឺដើម្បីស្វែងរកការសង្គ្រោះកម្ពុជា ពីរបបប្រល័យពូជសាសន៍ខ្មែរក្រហម។ លោកថា ពេលលោកចាប់ផ្ដើមដំបូង មានគ្នាតែប្រាំនាក់ តែសព្វថ្ងៃនេះ លោកមានមនុស្ស៥លាននាក់គាំទ្រលោក ដោយលោកសំអាង ពីតួលេខនៃចំនួនសមាជិកគណបក្សប្រជាជនកម្ពុជា ដែលមានក្នុងពេលនេះ។

កាលពីប៉ុន្មានថ្ងៃមុន លោក សម រង្ស៊ី មេដឹកនាំប្រឆាំង និងជាគូបដិបក្ខដ៏ស្រួចស្រាវ របស់លោក ហ៊ុន សែន បានថ្លែងការពារការនិរទេសខ្លួន របស់លោក (សម រង្ស៊ី) ដោយយកករណីរបស់លោក ហ៊ុន សែន ដែលចាកចេញពីកម្ពុជា ចូលទៅក្នុងប្រទេសវៀតណាម មកបញ្ជាក់។

ប្រធានស្ដីទីគណបក្សប្រឆាំង បានពន្យល់ថា ការចាកចេញរបស់លោក ហ៊ុន សែន នៅពេលនោះ មិនមែនជាការស្វែង​រកការជួយសង្គ្រោះពលរដ្ឋ ឬប្រទេសអ្វីទេ តែគឺដើម្បីគេចចេញ ពីការធ្វើទុក្ខបុកម្នេញ របស់ប៉ុលពត។

យ៉ាងណា លោក ហ៊ុន សែន បានអះអាងដោយខ្លួនលោកថា ពេលដែលរបបដឹកនាំរបស់លោក រងការវាយប្រហារ ពីសំណាក់កងទ័ពត្រីភាគី (ខ្មែរក្រហម-សឺនសាន-សីហនុ) ដែលមានការគាំទ្រពីបរទេសនោះ គឺលោកនៅតែចុះជាប់ នៅសមរភូមិជួរមុខ ជាមួយកងទ័ពជានិច្ចជាកាល៕



លំអិតបន្ថែមទៀត

កម្ពុជា

«ដំណើរក្តី​របស់តុលាការកម្ពុជា ទំនង​ជាការបំភិតបំភ័យ ​និង​បំបាក់គូប្រជែង»

ដំណើរក្តី​របស់តុលាការកម្ពុជា ទំនងជាផ្នែកមួយ នៃយុទ្ធសាស្ត្របំភិតបំភ័យ និងបំបាក់មុខ​គូប្រជែង របស់រដ្ឋាភិបាលលោក ហ៊ុន សែន។ នេះ ជាការអះអាងឡើង របស់អ្នកស្រី រ៉ូណា ស្មីត (Rhona ...
កម្ពុជា

សំណង់​«គ្មានច្បាប់»​នៅកម្ពុជា នឹង… មិនឲ្យ​ភ្ជាប់​ទឹកភ្លើង ឬ​លូ​ទឹក​រដ្ឋ​ឡើយ

ពីថ្ងៃនេះតទៅ រាល់សំណង់ដែល​«គ្មានច្បាប់»អនុញ្ញាតទាំងឡាយ ក្នុងប្រទេសកម្ពុជា នឹងរងចំណាត់ការ ពីរដ្ឋាភិបាលកម្ពុជា ដូចជា មិនអនុញ្ញាតឲ្យភ្ជាប់បណ្ដាញទឹកស្អាត – អគ្គិសនី ឬលូទឹកសាធារណៈ របស់រដ្ឋនោះឡើយ។ នេះ បើតាមសេចក្ដីជូនដំណឹង ...
កម្ពុជា

ហ៊ុន សែន ថាបាន​បើក​កិច្ចសន្ទនា​ជាមួយ​​បក្ស​​នយោបាយ ដោយ​មិន​រើសអើង

បុរសខ្លាំងកម្ពុជា បានលើកឡើងថា រដ្ឋាភិបាលរបស់លោក បាន​បើកទូលាយ ឲ្យមានកិច្ចសន្ទនា​ដ៏ស្មោះសរ និង ដោយ​មិន​រើសអើង ជាមួយគ្រប់បណ្ដា​គណបក្សនយោបាយ ក៏ដូចជាអង្គការសង្គមស៊ីវិល និងមជ្ឈដ្ឋានជឿនលឿនផ្សេងទៀត ដើម្បីអ្វីមួយដែលលោកអះអាងថា ជាកិច្ចកសាង និងអភិវឌ្ឍន៍ជាតិ។ ...

Comments are closed.

យល់ស៊ីជម្រៅផ្នែក កម្ពុជា

កម្ពុជា

សភាអ៊ឺរ៉ុបទាមទារ​ឲ្យបន្ថែម​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា

កម្ពុជា

កម្ពុជា ជាប់ឈ្មោះ​​ក្នុងបញ្ជី​​នៃក្រុមប្រទេស​«វាយបង្ក្រាប​សិទ្ធិពលរដ្ឋ»

ប្រទេសកម្ពុជា​ទើបត្រូវបានចាត់ចូល ក្នុងបញ្ជីនៃក្រុមប្រទេស«វាយបង្ក្រាប​សិទ្ធិពលរដ្ឋ» របស់អង្គការ«សម្ព័ន្ធភាពពិភពលោក នៃបណ្ដាអង្គការសង្គមស៊ីវិល និងសកម្មជន» ហៅកាត់ថា«CIVICUS» ដែលមានសមាជិកប្រមាណជាង ៩០០០អង្គការសង្គមស៊ីវិល មកពី១៧៥ប្រទេស នៅជុំវិញផែនដី។ ការចុះបញ្ជីនេះ បានធ្វើឡើងបន្ទាប់ពីការសម្រេចថ្មីបំផុត របស់រដ្ឋាភិបាលលោក ...